ბათუმის 79-ე საოლქო საარჩევნო კომისიის ინფორმაციით, ბათუმის საარჩევნო უბნების ხმები სრულად დათვლილია. ცესკოს წინასწარი მონაცემებით, ბათუმის ახალ საკრებულოში ოპოზიციამ მეტი მანდატი მოიპოვა, ვიდრე მმართველმა პარტიამ. ჯამში ოპოზიციას 19 წევრი ეყოლება, „ქართულ ოცნებას“ – 16. ბათუმის საკრებულო სულ 35 წევრითაა წარმოდგენილი.
წინასწარი მონაცემებით, ოპოზიციიდან ყველაზე მეტი წევრით იქნება წარმოდგენილი „ნაციონალური მოძრაობა“. მას 12 წევრი შეჰყავს საკრებულოში.
ბათუმის საკრებლოში შედიან:
- კახა ქაშიბაძე
- რევაზ ხარაზი
- თეკლა კავაზაშვილი
- ლაშა კილაბერია
- მამუკა ქობულაძე
- ნატო ნაცარაშვილი
- ალეკო ვარშალომიძე
- ილო ჯინჭარაძე
- ქეთი ლასტაკანიძე
- ბაჩი მექვაბიშვილი
- ირაკლი ზოიძე
- ეკა ზარია
შესაბამისად, განსაკუთრებული მნიშვნელობა ექნება, რა პოზიციას დაიკავებს გახარიას გუნდი ბათუმის საკრებულოში. ექსპრემიერის პარტია ბათუმის საკრებულოში 3 წევრითაა წარმოდგენილი.
რაც შეეხება მაჟორიტარებს, გაერთიანებული ოპოზიციიდან ბათუმის საკრებულოში სამი წევრი შევა.
ამ დრომდე ბათუმში მაჟორიტარულ ოლქებს „ოცნება“ იგებდა, 2021 წლის 2 ოქტომბრის თვითმმართველობის არჩევნებზე კი შვიდი სამაჟორიტარო ოლქიდან სამს ოპოზიცია იგებს.
ბათუმის #1 სამაჟორიტარო ოლქში ლიდერობს „გაერთიანებული ოპოზიციის“ კანდიდატი ნაზი ფუტკარაძე – 43,19 პროცენტი. ამ ოლქში „ოცნების“ კანდიდატმა მამული ლომაძემ 43,15 პროცენტი მიიღო.
#3 სამაჟორიტარო ოლქში 45.44 პროცენტი მიიღო ნოდარ დუმბაძემ, ამ ოლქში „ოცნების“ კანდიდატმა ოთარ დიასამიძემ #39,5 პროცენტი მიიღო.
#4 სამაჟორიტარო ოლქს იგებს ასევე ოპოზიცია. აქ „გაერთიანებული ოპოზიციის“ კანდიდატმა, ნუგზარ ფუტკარაძემ 43, 87 პროცენტი მიიღო. მისი კონკურენტი ამ ოლქში მამუკა კაკაბაძე იყო.
ბათუმში სულ შვიდი მაჟორიტარული ოლქია. 4 ოლქში „ქართული ოცნების“ კანდიდატმა მოიგო.
შეგახსენებთ, რომ ეს არის ცესკოს წინასწარი მონაცემები.
____
კანონში შესული ცვლილებების თანახმად ბათუმის საკრებულო 35-წევრიანი იქნება.