Batumelebi | ვინ რამდენი ხმა მიიღო – მერობის კანდიდატები ბათუმში ვინ რამდენი ხმა მიიღო – მერობის კანდიდატები ბათუმში – Batumelebi
RU | GE  

ვინ რამდენი ხმა მიიღო – მერობის კანდიდატები ბათუმში

ცესკოს მონაცემების თანახმად, ბათუმში ყველა საარჩევნო უბანი დათვლილია, შესაბამისად, ცნობილია წინასწარი შედეგები, რამდენი ხმა მიიღეს მერობის კანდიდატებმა.

დაზუსტებით ცნობილია, რომ ბათუმში მერის არჩევნების მეორე ტური გაიმართება, რადგან არჩევნებზე ამომრჩეველთა ხმების 50 პროცენტზე მეტი ვერც ერთმა კანდიდატმა ვერ მიიღო. მეორე ტურში მხოლოდ ორი კანდიდატი იქნება – არჩილ ჩიქოვანი, „ოცნების“ მერობის კანდიდატი და გიორგი კირთაძე, ერთიანი ოპოზიციის მერობის კანდიდატი. მათ შორის გამარჯვებული გახდება ის, რომელიც ამომრჩევლის მეტ ხმას მიიღებს მეორე ტურში.

ბათუმში მერობის 10 კანდიდატი იყო. ამომრჩეველთა ხმები ასე გადანაწილდა:

  • გიორგი კირთაძე, ოპოზიციური ერთობა – 41.97% [31 443 ხმა]
  • არჩილ ჩიქოვანი, „ქართული ოცნება“ – 41.08% [30 776 ხმა]
  • ირაკლი მიქელაძე, „გახარია – საქართველოსთვის“ – 10.57% [7 918 ხმა]
  • გიორგი ფუტკარაძე, „ზურაბ გირჩი ჯაფარიძე“ – 2.31% [1731 ხმა]
  • ბონდო გუგულაძე, „პატრიოტთა ალიანსი“ – 1.3% [975 ხმა]
  • კახაბერ ცისკარიძე, დამოუკიდებელი კანდიდატი – 0.92% [687 ხმა]
  • ედნარ ბაგრატიონი, „სახე +” – 0.61% [456 ხმა]
  • გია ხალვაში, დამოუკიდებელი კანდიდატი – 0.56 [422 ხმა]
  • რამაზ ადაძე, „გაჩეჩილაძე – მწვანეთა პარტია“ – 0.44% [330 ხმა]
  • ანჟელიკა ზახაროვა, „სოციალისტური პარტია“ – 0.25% [187 ხმა]

კანონის თანახმად, მერის არჩევნების მეორე ტური ტარდება მერის არჩევნებიდან მეოთხე შაბათს, შესაბამისად, მეორე ტური 30 ოქტომბერს უნდა გაიმართოს.

საარჩევნო კოდექსის თანახმად, არჩევნების მეორე ტურში არჩეულად ჩაითვლება ის კანდიდატი, რომელმაც მეტი ხმა მიიღო. თუ კანდიდატებმა თანაბარი რაოდენობის ხმები მიიღეს, არჩეულად ჩაითვლება ის კანდიდატი, რომელმაც პირველ ტურში მეტი ხმა მიიღო და თუ ხმათა ეს რაოდენობებიც ტოლი აღმოჩნდა, გამარჯვებულად ჩაითვლება ის კანდიდატი, რომელმაც უფრო ადრე გაიარა რეგისტრაცია.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com