Batumelebi | ქობულეთის მერის არჩევნებში „ოცნების“ კანდიდატი ლიდერობს ქობულეთის მერის არჩევნებში „ოცნების“ კანდიდატი ლიდერობს – Batumelebi
RU | GE  

ქობულეთის მერის არჩევნებში „ოცნების“ კანდიდატი ლიდერობს

ქობულეთის მერის არჩევნებში „ქართული ოცნების“ კანდიდატი – ლევან ზოიძე ლიდერობს. ცესკოს წინასწარი მონაცემებით, ლევან ზოიძემ ხმების 52.5 პროცენტი მიიღო.

მეორე ადგილზეა ოპოზიციური ერთობის კანდიდატი ბონდო თედორაძე „ერთიანი ნაციონალური მოძრაობიდან“. მან 39.34 პროცენტი მიიღო.

ამომრჩეველთა ხმების 8.46 პროცენტი მიიღო ირაკლი ბერიძემ პარტიიდან „გახარია – საქართველოსთვის“.

ქობულეთში სულ 67 საარჩევნო უბანია. ამ დროისთვის ცესკოს ყველა საარჩევნო უბნის შედეგი დათვლილი აქვს.

წინასწარი მონაცემებით, ქობულეთში მეორე ტური არ გაიმართება.

___

მერის არჩევნებში გამარჯვებულად მიიჩნევა ის კანდიდატი, რომელმაც არჩევნებში მონაწილე ამომრჩეველთა ხმების 50%-ზე მეტი მიიღო, წინააღმდეგ შემთხვევაში ინიშნება არჩევნების მეორე ტური, სადაც მონაწილეობს ის 2 კანდიდატი, რომლებმაც პირველ ტურში სხვებზე მეტი ხმა მიიღეს.

ნეტგაზეთის მასალების სხვა გამოცემებში გადაბეჭდვის წესი
ავტორი