გარდაცვალების მიზეზებს შორის პირველ ადგილზე სისხლის მიმოქცევის სისტემის დაავადებებია, 2010-2013 წლებში ამ მიზეზებით გარდაცვალების 56.568 შემთხვევა დაფიქსირდა. იმავე პერიოდში გარდაცვალების 54 157 შემთხვევაა დაფიქსირებული. შემთხვევის მიზეზი ის სიმპტომები, ნიშნები და ნორმიდან გადახრებია, რომლებიც კლინიკური და ლაბორატორიული გამოკვლევებისას გამოვლინდა და რომლებიც სხვა რუბრიკებში არ არიან კლასიფიცირებული.
სიკვდილიანობის მიზეზებს შორის მესამე ადგილზე ავთვისებიანი ახალწარმონაქმნებია, რომლის მიზეზითაც საქართველოში, ბოლო სამი წლის განმავლობაში, გარდაცვალების 14979 შემთხვევა დაფიქსირდა. სიკვდილიანობის მაჩვენებლით საქართველოს რეგიონებში პირველ ადგილზე თბილისია, სადაც 2004-2013 წლების ყოველწლიური მაჩვენებელი 12135 შემთხვევაა.
სიკვდილიანობის მაჩვენებლით მეორე ადგილზეა იმერეთი, სადაც იმავე პერიოდის საშუალო მაჩვენებელი – 4 894 შემთხვევაა, სამეგრელო- ზემო სხვანეთში – 4 593, კახეთი – 3767. აჭარა სიკვდილიანობის მაჩვენებლით მე-6 ადგილზეა, სიკვდილიანობის საშუალო მაჩვენებელი აჭარაში 3 003-ს უტოლდება.
ლეონიძის ქუჩის #6-ში მცხოვრები ნათია ელბაქიძე ამბობს, რომ საბავშვო ატრაქციონი, რომელიც მათ ეზოში რამდენიმე წელია დაამონტაჟეს, ახლა დაზიანებულია და ერთი წელია ატრაქციონით ბავშვები ვერ სარგებლობენ. „დაზიანების გამო ბავშვებიც ხშირად შავდებიან“, – ამბობს ის. იმავე ქუჩაზე მცხოვრები მანანა ახმედოვა ამბობს, რომ საქანელების მწყობრიდან გამოსვლის მიზეზი ძირითადად ახალგაზრდები არიან. „სრულწლოვანი ბიჭები სხდებიან საქანელებზე, რის გამოც მწყობრიდან გამოდის ატრაქციონი. ჩემმა შვილმა მცირედი დაზიანება მიიღო, გატეხილი სასრიალოდან ჩამოვარდა და ფეხი გაიკაწრა“, – ამბობს მანანა.
დღეისთვის ამ ქონების მოვლა და შენახვა ბათუმის მერიის მუნიციპალური ორგანიზაციის ა(ა)იპ „ბათუმის კორპუსის“ მოვალეობაა. ორგანიზაციის დირექტორი, არმაზ ვარშალომიძე ამბობს, რომ ბოლო ორი წლის განმავლობაში მათთან ასამდე განცხადებაა შესული დაზიანებული ატრაქციონების შესახებ. საბავშვო ატრაქციონების, სპორტული მოედნებისა და ფანჩატურების შესანახად ბათუმის ბიუჯეტიდან 70 ათასი ლარია გამოყოფილი. დღეის მონაცემებით, „ბათუმის კორპუსმა“ უკვე შეაკეთა ოთხი ატრაქციონი, გამოცვალა 62 საქანელა და გაამაგრა ათამდე სავარჯიშო ტრენაჟორი. არმაზ ვარშალომიძის თქმით, საბავშვო ატრაქციონების სრულად აღდგენა ვერ ხერხდება: `რადგან ატრაქციონები ისეთი მასალებისგან არის გაკეთებული, რომლის აღდგენაც არ ხერხდება, სათადარიგო ნაწილები კი საქართველოში არ იყიდება, ამას სპეცდაკვეთა სჭირდება, რაც საკმაოდ რთულია. ჩვენი დაანგარიშებით, სათადარიგო ნაწილის შეძენა ახალი ატრაქციონის ფასი ჯდება.“ 
ასევე ხშირად ზიანდება ის 48 სავარჯიშო ტრენაჟორი, რომლებიც მერიამ სამი წლის წინ დაამონტაჟა ქალაქში. ტრენაჟორები მოზრდილი ადამიანებისთვისაა განკუთვნილი და მიუხედავად იმისა, რომ ინსტრუქციის ნახატი ვერსიები თითოეულ მათგანზე დაკრულია, ბავშვები და მოზარდები ტრენაჟორებს მაინც არასწორად იყენებენ და მწყობრიდან გამოჰყავთ მექანიზმი: „ჩვენ გვაქვს ფოტოები, სადაც მოზრდილები სპეციალურად აზიანებენ ტრენაჟორებს, კერძოდ, უკიდებენ ცეცხლს. გვაქვს ისეთი ფოტოც, როცა ტრენაჟორის დასაჯდომ პლასმასზე დაჭედებულია ლურსმანი. საბავშვო ატრაქციონების პლასმასებს კი უმეტესად ფეხითა და ქვებით აზიანებენ“, – ამბობს არმაზ ვარშალომიძე.
ბათუმის მერიის საფინანსო საბიუჯეტო სამსახურის ხელმძღვანელის მოადგილის, არჩილ ვანაძის თქმით, როცა სამომავლოდ ბიუჯეტიდან ახალი ატრაქციონებისა თუ ტრენაჟორების შესაძენად თანხას გამოყოფენ, პასუხისმგებლობას მათ მოვლაზე უშუალოდ ამხანაგობებს დააკისრებენ: „სამომავლოდ აუცილებლად იქნება გათვალისწინებული პასუხისმგებლობის საკითხი, თუ ვინ უნდა დაიცვას ეს ქონება. სავარაუდოდ, მათზე პასუხისმგებელი ამხანაგობა იქნება, მიუხედავად იმისა, რომ მათ ამის სურვილი არ აქვთ. როცა მატერიალურად იქნებიან პასუხისმგებლები, უფრო მოუფრთხილდებიან“.
„ყველა ეტაპს აქვს კარგი მოსაგონარი, ამიტომაც არაფერზე მწყდება გული გარდა იმისა, რომ მგონია დრო გამირბის და ვერაფერს ვასწრებ. ახლა 23 წლის ვარ და ჯერ კიდევ დოქტორანტი, ჩემთვის ეს არის ძალიან დიდი უბედურება, იმიტომ, რომ ორი წლის წინ შემეძლო ვყოფილიყავი. მეცხრე კლასში მინდოდა სკოლა ექსტერნად დამემთავრებინა, მაგრამ ვერ მოვახერხე. სკოლა 16 წლისამ დავასრულე და იმავე წელს ფილოსოფიის ფაკულტეტზე ჩავირიცხე, მერე დაიხურა ეს მიმართულება და გადავედი ფილოლოგიურზე. 15 წლიდან მყავდა მოსწავლეები ინგლისურში. ხუთი წლიდან ვსწავლობ ენას, არასოდეს მიფიქრია, რომ ამ ენას ვასწავლიდი, ენის ცოდნა არაფრად მიმაჩნდა. 17-18 წლის ვიყავი, როცა ხიჭაურის სკოლა-გიმნაზიაში შემომთავაზეს ინგლისურის მასწავლებლობა“ – გვიყვება თამარი, რომელიც ინგლისურსა და ანტიკურ ლიტერატურას ახლა სტუდენტებს ასწავლის ბათუმის სახელმწიფო უნივერსიტეტში. ჯერ მოწვეული პედაგოგია, თუმცა იმედოვნებს რომ მომავალ წელს შეძლებს აკადემიურ კონკურსში მონაწილეობის მიღებას: „ლექტორი უნდა იყოს ძალიან მომთხოვნი და ამავე დროს მოტივატორი სტუდენტის, უნდა შეაყვარო ის, რასაც ასწავლი. თითქმის ჩემი თანატოლები არიან ვისაც ახლა ვასწავლი, არასოდეს მქონია დისტანციის დაცვის პრობლემა, როცა შევდივარ აუდიტორიაში, იქ ყველაფერი ლაგდება. უბრალოდ ვუხსნი სტუდენტებს, რომ თუ არ ისწავლიან, ვერაფერს მიაღწევენ“ – ამბობს თამარი.
თამარი ოთხ ცოცხალ ენას: ინგლისურს, რუსულს, ფრანგულსა და ივრითს (მხოლოდ ამ უკანასკნელს სწავლობდა პედაგოგის დახმარებით) ფლობს, ახლა სწავლობს ესპანურს და ცდილობს გერმანულის გახსენებას. იცის მკვდარი ენებიც: ძველი ბერძნული, ლათინური, შუმერული და სანსკრიტი. ამბობს, რომ ეს ყველაფერი ინტერესებიდან გამომდინარეობს: „ძალიან მინდოდა ქუმრანის ხელნაწერების წაკითხვა ორიგინალში, ის რაც კანონიკურ სახარებებში გვხვდება სახეშეცვლილია, ისევე როგორც არაკანონიკურის თარგმნისას. ივრითის სწავლა იმიტომ დავიწყე, რომ არამეული მესწავლა, მერე გადავედი პალეო ივრითში. ამ ყველაფრის შედეგი ის არის, რომ ვეღარავინ მოგატყუებს და ვერ გეტყვის, რომ იქ ისე წერია, ხშირად მაქვს აქტიური დებატები ამაზე, არ მომწონს როცა ვიღაცას ატყუებენ და აპელირებენ ამ ყველაფრით“ – ამბობს თამარი, რომელიც ამბობს, რომ მისთვის ყველანაირი იდეოლოგია მიუღებელია: „არასოდეს მოუტანია კარგი იდეოლოგიებს, კაცობრიობისთვის კარგი მოაქვს თავისუფლებას და სიყვარულს. თუ ვიქნებით იდეოლოგიებისგან თავისუფალი, უფრო ბედნიერები ვიქნებით“.
ამბობს, რომ ხანდახან რთულად ასატანია, ამის მიზეზი ის არის, რომ ბავშვობაში ათამამებდნენ. საერთოდ ყველაზე მეტად უყვარს ბავშვობის გახსენება, ამ პერიოდს ჯადოსნურს უწოდებს, სიყვარულით საუბრობს სახლზე, სადაც გაიზარდა და მეგობარ ძაღლზე, რომელიც სკოლაში აცილებდა: „ძალიან ლამაზი სახლი გვქონდა, უზარმაზარი ბაღით, სულ ამ ბაღში ვთამაშობდი. ორი წლისას მაჩუქეს ძაღლი, ულამაზესი იყო, ნაგაზისა და მგლის ნაჯვარი, გრაფი ერქვა. ჩემი ერთ-ერთი საუკეთესო მეგობარი იყო, მასთან ურთიერთობის შედეგად ვისწავლე სიყვარული ცხოველების მიმართ, ამ სიყვარულის წყალობითაა, რომ ხორცს არ ვჭამ“ – ამბობს თამარი.
„ჩვენ შევიკრიბეთ იმისთვის, რომ ჩაგვეტარებინა მშვიდობიანი აქცია ქობულეთში არსებულ პანსიონატთან დაკავშირებით. პანსიონატის გახსნის საკითხი 20 ოქტომბერს უნდა გადაწყვეტილიყო, მაგრამ ჩვენთვის პასუხი დღემდე უცნობია”, – განაცხადა აქციის ორგანიზატორმა კახა კახაძემ. 
ქალაქის თვითმმართველობა დამატებით რამდენიმე ქუჩის რეაბილიტაციისთვის კერძოდ: გორგილაძის ქუჩის გაგრძელებისა და ჯავახიშვილის ქუჩიდან შარტავას ქუჩამდე მდებარე ტერიტორიის კეთილმოწყობისთვის 413.5 ლარს, ხოლო ესენინის ქუჩისთვის 163.9 ათას ლარს გამოჰყოფს. ასევე, ჯავახიშვილის ქუჩაზე სანიაღვრე სისტემის მოწყობისთვის ქალაქის ბიუჯეტიდან დამატებით 96 ათასი ლარი დაიხარჯება.
ტურნირი პირველად ჩატარდა და გარდამავალი თასი აჭარის ჰოკეის ვეტერანთა ნაკრებს გადასცეს.
