Batumelebi

თემურ კახიძე: სიტყვისა და გამოხატვის თავისუფლების შესახებ კანონში ცვლილებას ვითხოვ

„ჩვენ უმაღლესი საბჭოს დეპუტატებს კანონი გარკვეულ საკითხებში გვზღუდავს. მაგალითად, საკრებულოს წევრისგან განსხვავებით ჩვენ არ გვაქვს ბიზნესის ქონის უფლება და ა.შ. ამიტომ, „სიტყვისა და გამოხატვის თავისუფლების შესახებ კანონშიც უნდა მოხდეს გარკვეული დეტალების დაზუსტება უმაღლესი საბჭოს დეპუტატებთან დაკავშირებით. მაგალითად, სარგებლობს თუ არა უმაღლესი საბჭოს დეპუტატი იმავე უფლებებით, რითაც სარგებლობენ პარლამენტის დეპუტატები და საკრებულოს წევრები, რადგან კანონში არ არის დაზუსტებული, რომ მე როგორც უმაღლესი საბჭოს დეპუტატს, დავის წარმოშობის შემთხვევაში, მაქვს თუ არა უფლება არ გავამხილო ინფორმაციის წყარო და ვარ თუ არა დაცული.

არის კიდევ სხვა დეტალებიც, ამიტომ საქართველოს პარლამენტმა უნდა შეიტანოს კანონში ცვლილება და ავტონომიებთან დაკავშირებული დეტალები დააზუსტოს“ – აცხადებს უმაღლესი საბჭოს იურიდიულ და საპროცედურო საკითხთა კომისიის თავმჯდომარე თემურ კახიძე.

საკანონმდებლო ინიციატივა, როგორც თემურ კახიძე აცხადებს, მას ეკუთვნის და მას დღეს, 7 მაისს, უმაღლესი საბჭოს კომისიებში განიხილავენ.

ავტოსაგზაო შემთხვევები ბათუმში

ავტოსაგზაო შემთხვევა ფიროსმანის ქუჩაზე/ფოტო: თედო ჯორბენაძე

დღეს, 7 მაისს, ბათუმში ორი ავტოსაგზაო შემთხვევა მოხდა. პირველი შემთხვევა გოგებაშვილის ქუჩაზე მოხდა, სადაც თვითმხილველთა თქმით, მერსედესის მარკის ავტომანქანა ქვეითს დაეჯახა, რომელიც შს სამინისტროს ინფორმაციით, მსუბუქად არის დაზიანებული.

მეორე შემთხვევა კი ფიროსმანის ქუჩაზე, გმირთა ხეივანთან მოხდა, სადაც ორი ავტომანქანა შეეჯახა ერთმანეთს. ადგილზე საპატრულო პოლიცია მუშაობს. მობილიზებული იყო სამაშველო და სასწრაფო დახმარების ავტომანქანებიც.

შს სამინისტროს ინფორმაციით, მეორე ავტოსაგზაო შემთხვევის დროს სხეულის დაზიანებები არავის მიუღია.

ავტოსაგზაო შემთხვევა გოგებაშვილის ქუჩაზე

რბოლა ტრასის გარეშე

შეჯიბრება რალი-კროსში | 2014 წლის 17 მაისი

აჭარის რეგიონალურ საავტომობილო სპორტის ფედერაციას კალენდარული გეგმის მიხედვით წელს შვიდი ღონისძიება აქვს დაგეგმილი. მათ შორის ორი შეჯიბრება – რალი-კროსის პირველი და მეორე ეტაპი უკვე ჩაატარა, ბათუმის აეროპორტის მიმდებარე ტერიტორიაზე, მდინარე ჭოროხთან ახლოს მდებარე რალი-კროსისთვის გაკეთებულ სარბოლო ტრასაზე. 25-26 აპრილს დაგეგმილი მესამე ეტაპი აღარ ჩატარდა. სავარაუდოდ, არც საქართველოს თასის გათამაშება ჩატარდება, რომელიც 25-26 ივნისისთვის იყო დაგეგმილი.

აჭარის რეგიონალური საავტომობილო ფედერაციის პრეზიდენტმა იური ლომთათიძემ, რომელიც ყოველწლიურად ატარებს ამ შეჯიბრებას, გვითხრა, რომ ეს ტერიტორია აჭარის ფინანსთა და ეკონომიკის სამინისტროს ეკუთვნის, რომელმაც ტერიტორიის ნაწილი გაყიდა.

ფედერაციის კალენდარული გეგმა აჭარის სპორტისა და ახალგაზრდობის საქმეთა დეპარტამენტმა დაამტკიცა. ფედერაციისთვის წინასწარ არ უცნობებიათ, რომ ტერიტორია იყიდებოდა. დეპარტამენტის უფროსის მოვალეობის შემსრულებლის მოადგილე ლაშა ჩავლეშვილმა განგვიმარტა: „ჩვენ წინასწარ არ ვიცოდით როდის გაიყიდებოდა ტერიტორია. ავტოსპორტის ფედერაციამ თავიდანვე იცოდა, რომ ყოველდღე შესაძლებელი იყო ამ მიწის გასხვისება“.

აჭარის საავტომობილო სპორტის ფედერაცია 2009 წელს დაფუძნდა, ერთი წლის შემდეგ კი, აჭარის სპორტისა და ახალგაზრდობის საქმეთა დეპარტამენტის მაშინდელი ხელმძღვანელების დახმარებით ბათუმის აეროპორტის მიმდებარე ტერიტორიაზე, მდინარე ჭოროხთან ახლოს, დაახლოებით 8 ჰექტარი მიწა აჭარის ფინანსთა და ეკონომიკის სამინისტრომ დროებით სარგებლობისთვის უსასყიდლოდ გადასცა. როგორც ფედერაციის პრეზიდენტმა იური ლომთათიძემ გვითხრა, ტერიტორია ნაგვისაგან გაწმინდა და რალი-კროსისთვის განკუთვნილი ორკილომეტრ-ნახევრიანი სარბოლო გზა საკუთარი ხარჯებით მოაწყო, რაც შვიდი ათასი ლარი დაუჯდა. ფედერაცია აქ 2010 წლიდან მართავდა შეჯიბრებებს და გზას ვარჯიშებისთვისაც იყენებდა.

შეჯიბრება რალი-კროსში | 2014 წლის 17 მაისი

ფედერაციას 2015 წელს ამ ტრასაზე უნდა ჩაეტარებინა რალი-კროსი, მაგრამ ტრასაზე მიწა დახვდა დაყრილი

საჯარო რეესტრის დღევანდელი მონაცემებით, ამ რვა ჰექტარიდან კერძო საკუთრებაში გადასულია ორ ჰექტარზე მეტი, დანარჩენი ხუთ ჰექტარზე მეტი კი, ხელვაჩაურის მუნიციპალიტეტის საკუთრებაშია, რალი-კროსის ტრასის გაკეთებას კი, მინიმუმ 8-10 ჰექტარი ესაჭიროება. მიწის ნაკვეთებთან დაკავშირებით აჭარის ფინანსთა და ეკონომიკის სამინისტროში გვითხრეს, რომ საჯარო რეესტრის მონაცემებს უნდა დავეყრდნოთ. საჯარო რეესტრის მიხედვით კი, აღმოჩნდა, რომ ის ადგილი, რომელზეც ფედერაციას ახლა უთხრეს რომ გაიყიდა, 2009 წლიდან არის კერძო საკუთრებაში. როგორც იური ლომთათიძე გვეუბნება, ამ ხნის მანძილზე არც მისთვის უთქვამთ, რომ კერძო საკუთრებით სარგებლობდა, ამაზე მხოლოდ გასულ კვირას მიანიშნეს, როცა ფედერაციას შეჯიბრების წინ სარბოლო ტრასის ორ მონაკვეთზე მიწა დახვდა დაყრილი. „ბათუმელებმა“ გასაუბრება სცადა ერთ-ერთ მესაკუთრესთან, მაგრამ დაკავშირება ვერ შეძლო.

სანამ შეჯიბრება დაიწყება, ავტომრბოლელები რამდენიმე დღით ადრე ემზადებიან და ავტომობილებსაც იმის მიხედვით ამზადებენ, თუ რა ტიპის ტრასაზე მოუწევთ შეჯიბრი. გარდა სპორტსმენების სამზადისისა, იური ლომთათიძე ამბობს, რომ ღონისძიების ჩაშლა იწვევს არამარტო რეგიონალური კალენდრისა და მასზე განსაზღვრულ ფინანსურ ცვლილებას, არამედ იმავე ცვლილებებს – ეროვნული ფედერაციის მიერ დაგეგმილ ღონისძიებებშიც.

ამ ტერიტორიაზე 67 მრბოლელი ვარჯიშობდა. „ვინაიდან ტრასა აღარ გამაჩნია, უნდა შევცვალო კალენდარი და რალი-კროსი უნდა გადავაკეთო ქალაქში წყვილთა რბოლად. ის თანხა კი, რომელიც მე რალი-კროსისთვის მაქვს გამოყოფილი, წყვილთა რბოლისთვის საკმარისი აღარაა“.

ლაჩა ჩავლეშვილმა გვითხრა, რომ აჭარის სპორტისა და ახალგაზრდობის საქმეთა დეპარტამენტისთვის სპორტის ყველა სახეობა მნიშვნელოვანია: „ამ სიტუაციაში კი ფედერაციას შეუძლია შეცვალოს <!** Title>fsfa<!** EndTitle>-კროსი და მის ნაცვლად სხვა სახის ღონისძიება ჩასვას. მერიას აქვს ავტოდრომი მოასფალტებული, მოწესრიგებული და დანარჩენი ღონისძიებები ჩატარდება აქ.

ფედერაციას, კალენდარული გეგმით გათვალისწინებულ შვიდ შეჯიბრებას დეპარტამენტი, მთლიანობაში, 15 000 ლარით უფინანსებს. თუმცა ავტოდრომით სარგებლობისთვის ფედერაციას დამატებით თანხის მოძიება მოუწევს. როგორც ბათუმის ავტოდრომის დირექტორმა ბაჩანა მიქელაძემ გვითხრა, ავტოდრომზე ქალაქის საკრებულოს მიერ დადგენილი ტარიფები მოქმედებს, ერთი დღით სარგებლობისთვის 400 ლარია გადასახადი.

„ამდენი წელია ვინახავ ამ ფედერაციას, რა თქმა უნდა, სახელმწიფოც მეხმარება ფინანსებით, რითაც ვატარებ შეჯიბრებას. კიდევ გავიყვან ტრასას სამეგობროს ხარჯებით თუ ეროვნული ფედერაციის დახმარებით, რადგან არ მინდა დაიშალოს ავტოსპორტი აჭარაში, მაგრამ რა აზრი ექნება, თუკი გავაკეთებ და ხვალ ისევ იყიდის ვიღაც ამ ტერიტორიას? თუკი სახელმწიფო აჭარის ფედერაციას 10-15 წლის ვადით რაიმე სახის მფლობელობაში არ გადმოგვცემს ტერიტორიას, აზრი არ ექნება ავტოსპორტის განვითარებას, პროფესიონალურ რბოლას კი, ბავშვი ქუჩაში ვერ ისწავლის“ – დასძინა იური ლომთათიძემ.

ლაჩა ჩავლეშვილმა „ბათუმელებს“ უთხრა, რომ იმავე ტრასის გვერდით არსებობს თავისუფალი ტერიტორია და მალე აჭარის რეგიონალურ საავტომობილო სპორტის ფედერაციას ეცოდინება, შეეძლება თუ არა ამ ტერიტორიით სარგებლობა, და თუ შეეძლება – რა ფორმით.

იყიდება ბინა პარკთან

ბათუმში, ზურაბ გორგილაძისა და ლერმონტოვის ქუჩების კვეთასთან, ხუთსართულიანი სახლის მეორე სართულზე იყიდება 90-კვ.მ ბინა. ფასი: 58 ათასი დოლარი.

მობ.: 577 25 25 85; 597 01 99 63;

ტელ.: (0422) 24 85 85

აჭარის კულტურული მემკვიდრეობის დაცვის სააგენტოს აქცია

საინფორმაციო აქციის საჭიროებას კულტურული მემკვიდრეობის სააგენტოში იმით ხსნიან, რომ ძეგლების მესაკუთრეებს მწირი ინფორმაცია აქვთ კულტურული მემკვიდრეობის ძეგლების სამართლებრივი ნორმების შესახებ, ამიტომ სააგენტომ გადაწყვიტა ამ ფორმით მიაწოდოს მათ ინფორმაცია, რომ თავიდან იქნეს აცილებული სამართალდარღვევები.

აქცია პრევენციული ხასიათისაა და ის მომავალშიც გაგრძელდება.

„ხშირად მოქალაქეები, ძეგლის მესაკუთრეები, იქნებიან ეს იურიდიული თუ ფიზიკური პირები, არ იცავენ და არღვევენ კანონს კულტურული მემკვიდრეობის შესახებ. ამის შედეგად ჩვენ ვიღებთ კულტურული მემკვიდრეობის დაზიანებულ ძეგლებს. იმისათვის, რომ შევავსოთ საინფორმაციო დეფიციტი, საინფორმაციო კამპანიას ვატარებთ, ვურიგებთ მასალას მოქალაქეებს, რითაც კიდევ ერთხელ ვახსენებთ და ვინც არ იცის, ვაწვდით ინფორმაციას, რომ თვითნებური სამუშაოები კულტურული მემკვიდრეობის ძეგლზე ძალიან მკაცრად ისჯება კანონით. ფიზიკური პირებისათვის ჯარიმა არის 5 000 ლარი, იურიდიული პირებისათის – 10 000 ლარი. ამ კამპანიის ფარგლებში ჩვენ შევეცდებით ბათუმში არსებული ყველა ძეგლი დავფაროთ, ყველას მივაწოდოთ ინფორმაცია. ამის შემდეგ კიდევ გავაგრძელებთ სამუშაოებს, ეს პირველი ნაბიჯია, რასაც ვდგამთ იმისათვის, რომ ეს პრობლემა გადაწყდეს“ – განაცხადა მირანდა ჩარკვიანმა, აჭარის კულტურული მემკვიდრეობის დაცვის სააგენტოს ხელმძღვანელმა.

მისი განმარტებით, იმისათვის, რომ კულტურული მემკვიდრეობის ძეგლის სტატუსის მქონე შენობაზე მესაკუთრემ რაიმე ტიპის მიშენების ნებართვა მიიღოს, საპროექტო დოკუმენტები უნდა მოამზადოს და სააგენტოს წარუდგინოს: „დაინტერესებულმა პირმა უნდა წარმოგვიდგინოს რა ტიპის მშენებლობის განხორციელებას გეგმავს, ამის შემდეგ კულტურული მემკვიდრეობის ძეგლთა დაცვის საბჭო იმსჯელებს საკითხზე, ადგება თუ არა ამ სამუშაოებით ძეგლს ზიანი. თუ არ ზიანდება, მისცემს ნებართვას, თუ ზიანდება, ახსნის – რატომ და მოითხოვს შეცვლას ან საერთოდ, პროექტის გაუქმებას და ამის შემდეგ დაიწერება კულტურული მემკვიდრეობის სააგენტოს დირექტორის ბრძანება ნებართვაზე ან უარზე“ – აღნიშნა მირანდა ჩარკვიანმა.

აქციაში ბათუმის შოთა რუსთაველისა და ხელოვნების უნივერსიტეტების სტუდენტებიც მონაწილეობდნენ.

„დღეს ვმონაწილეობთ აქციაში, რომლის მიზანია მოსახლეობას მაქსიმალურად მიაწოდოს ინფორმაცია, რომ კულტურული მემკვიდრეობის ძეგლებს აუცილებლად სჭირდებათ ნებართვა მიშენების შემთხვევაში. ვარიგებთ ფლაერებს და ვაწვდით მოსახლეობას ინფორმაციას, რომ აუცილებლად გააფრთხილონ სააგენტო კულტურული მემკვიდრეობის ძეგლზე რაიმე სახის მიშენებისას, რომ მათ არ აქვთ თვითნებურად მიშენების უფლება“ – აღნიშნა „ბათუმელებთან“ ია ბაკურიძემ, აქციის ერთ-ერთმა მონაწილე სტუდენტმა.

2015 წელს სარფის საბაჟოზე საზღვრის უკანონო გადაკვეთის 10 მცდელობა დაფიქსირდა

2015 წლის პირველ კვარტალში საქართველოს სახელმწიფო საზღვარზე სულ გამოვლინდა სამართალდარღვევათა 6 908 ფაქტი, რაც აღემატება 2014 წლის პირველ კვარტალში გამოვლენილ სამართალდარღვევათა მაჩვენებელს [2014 წელი – 4 876 ფაქტი].

2015 წელს გამოვლინდა საზღვრის უკანონო გადაკვეთის მცდელობის 20 ფაქტი, მათგან 11 შემთხვევაში საქმე ეხებოდა საქართველოს მოქალაქეს, სამი პიროვნება იყო თურქეთის მოქალაქე, 2 – აზერბაიჯანის, დანარჩენი კი ეგვიპტის, რუსეთის, სომხეთისა და უზბეკეთის მოქალაქეები. საზღვრის უკანანო გადაკვეთის ყველაზე მეტი – 10 მცდელობა სარფში დაფიქსირდა.

საქართველოს სახელმწიფო საზღვარზე გამოვლენილი ძებნილი ავტომანქანების დაკავების ფაქტების სტატისტიკაში სასაზღვრო–გამტარი პუნქტების მიხედვით, პირველ ადგილზე სარფის საბაჟოა. 2015 წლის პირველ კვარტალში გამოვლენილი 19 ფაქტიდან 12 სარფის საბაჟოზე დაფიქსირდა.

2015 წლის პირველ კვარტალში საქართველოს სახელმწიფო საზღვარზე სავიზო რეჟიმის დარღვევის 2697 ფაქტი დაფიქსირდა. სასაზღვრო–გამტარი პუნქტების მიხედვით ყველაზე მეტი – 668 ფაქტი თბილისის აეროპორტში გამოვლინდა (2014 წლის პირველი კვარტალის მონაცემები: 369). მეორე ადგილზეა სარფის საბაჟო – 553 ფაქტი (გასული წლის იმავე პერიოდის მონაცემები: 81 ფაქტი).

საქართველოს სახელმწიფო საზღვარზე დეპორტირებული პირების სტატისტიკურ მაჩვენებლებში სასაზღვრო–გამტარი პუნქტების მიხედვით პირველ ადგილზეა თბილისის აეროპორტი, სადაც დეპორტირებული იქნა 608 ადამიანი, მეორე ადგილზეა სარფი – 320 და მესამეზე – ბათუმის აეროპორტი, სადაც 2015 წლის პირველ კვარტალში 13 ადამიანი იქნა დეპორტირებული.მთელი ქვეყნის მასშტაბით 2015 წლის პირველ კვარტალში სულ 948 ადამიანი იქნა დეპორტირებული, მათგან ყველაზე მეტი თურქეთის (472) და ისრაელის (210) მოქალაქეები არიან.

2015 წლის პირველ კვარტალში უარი საქართველოში შემოსვლაზე ეთქვა 3041 მოქალაქეს, 2014 წლის პირველ კვარტალში კი – 2814 მოქალაქეს. კვლევაში არ არის მითითებული უარის თქმის მიზეზები.

2015 წელს დაფიქსირდა სავიზო რეჟიმის დარღვევის 2697 ფაქტი, 2014 წლის პირველ კვარტალში კი – 746.

სასწრაფოდ იყიდება ბინა თამარის დასახლებაში

როგორ მედალს გადასცემს მთავრობა 9 მაისს მეორე მსოფლიო ომის ვეტერანებს

საიუბილეო მედლით „ფაშიზმზე გამარჯვების 70 წელი“ დაჯილდოვდებიან ვეტერანთა აღრიცხვის ელექტრონულ მონაცემთა ბაზაში რეგისტრირებული მეორე მსოფლიო ომის მონაწილეები.

„დაჯილდოებული საიუბილეო მედალს ატარებს მკერდზე მარცხენა მხარეს.

საიუბილეო მედალი „ფაშიზმზე გამარჯვების 70 წელი“ წარმოადგენს მრგვალი ფორმის, ოქროსფერ ლითონის მედალიონს; კომპოზიციაზე გამოსახულია მუხის გვირგვინი, ცენტრში ამოტვიფრულია საიუბილეო თარიღი: „1945 – 2015“; მუხის გვირგვინის ზემოთ გამოსახულია შვიდქიმიანი ვარსკვლავი.

მედალიონი უკავშირდება ბაფთას ქართული „ვაზის წნულის“ ორნამენტით, რომელზედაც გამოსახულია ქართული მუზარადი; ბაფთა ლივლივა თეთრი ფერისაა, ცენტრში ფართო წითელი არშიით და ოთხი წითელი ჯვრით საქართველოს დროშის გამოსახულებით.

ამოტვიფრულია წარწერა: „ფაშიზმზე გამარჯვების 70 წელი;

მედალიონი უკავშირდება ბაფთას ქართული „ვაზის წნულის“ ორნამენტით, ბაფთა ლივლივა თეთრი ფერისაა, ცენტრში ფართო წითელი არშიითა და ორი წითელი ჯვრით“ – აღნიშნულია საიუბილეო მედლის აღწერაში.

ქალის ცემაში ბრალდებულის განაჩენი

როგორც პროკურორმა პაატა ცეცხლაძემ მოსამართლეს უთხრა, ბრალდებული აღიარებს და ინანიებს ჩადენილ დანაშაულს და აცნობიერებს დანაშაულის სიმძიმეს, ამიტომაც მხარეები საპროცესო შეთანხმებაზე დათანხმდნენ, რაც იმას ნიშნავს, რომ სახელმწიფო ბიუჯეტის სასარგებლოდ ბრალდებული 500 ლარს გადაიხდის, სანაცვლოდ კი საქმე არსებითი განხილვის გარეშე დასრულდა.

ბრალდებულის ინტერესებს ადვოკატი დავით ბოლქვაძე იცავდა.

საქმის მასალების მიხედვით [როგორც მოსამართლემ განმარტა], 2015 წლის მარტში ბათუმში, გოგოლიშვილის ქუჩაზე, ბრალდებულმა სცემა ქალი: „რამაც გამოიწვია ფიზიკური ტკივილი, მაგრამ არ გამოუწვევია ჯანმრთელობის დაზიანება“.

ამ მუხლით [ცემა] კიდევ ერთი ბრალდებულის საქმე იყო დღეს ჩანიშნული ბათუმის საქალაქო სასამართლოში, თუმცა მოსამართლე ვიოლეტა ფორჩხიძესთან ბრალდებული არ გამოცხადდა. მიზეზი არც პროკურორისთვის იყო ცნობილი და არც ადვოკატისთვის, ამიტომაც მოსამართლემ საქმის გადადების გადაწყვეტილება მიიღო. როგორც ადვოკატმა განმარტა, ბრალდებულსაც და მის ცოლსაც ტელეფონი გამორთული ჰქონდათ.

იყიდება ბინა იაფად ლერმონტოვის ქუჩაზე

“ოსკარი და ვარდისფერი ქალბატონი” ბათუმის ექსპერიმენტული თეატრისაგან

სპექტაკლის რეჟისორია გიორგი ჩხაიძე. მხატვარი: თეა ხელაძე; მუსიკალური გაფორმება: მინდია ხითარიშვილი. მონაწილეობენ: ირინა ღლონტი, თედო ტუღუში, ხატია აბუსელიძე, აჩიკო გოგუაძე, ხათუნა დონდუა და ფრიდონ მოდებაძე.

დასაწყისი: 19 საათზე.

ჩატარების ადგილი: ბათუმის ვ.ჭაბუკიანის კლასიკური ბალეტის სკოლა.

მისამართი: ტბელ აბუსერიძის №11;
ბილეთის ფასი: სამი ადამიანი – 10 ლარი;

დამატებითი ინფორმაციისათვის დარეკეთ: +995 558 53 45 44/ 592 11 01 54;

ესპანეთში სწავლის შანსი ბათუმის უნივერსიტეტის სამი სტუდენტისათვის

„ახლა მიმდინარეობს მოლაპარაკებები, უნივერსიტეტის წარმომადგენელი ამ დღეებში ჩამოვა და გაიმართება უნივერსიტეტის რექტორთან შეხვედრა. სამი სტუდენტი უნივერსიტეტის მასშტაბით ერთ ან ორსემესტრიან სწავლებას გაივლის ალკალას უნივერსიტეტში. ეს ყველა იმ ფაკულტეტს მოიცავს, რაც ჩვენ გვაქვს. სტუდენტი სწავლის გადასახადიდან მიმღებ უნივერსიტეტში თავისუფლდება, ოღონდ ყოველდღიური ხარჯები უკვე სტუდენტმა უნდა დაფაროს“ – განაცხადა „ბათუმელებთან“ შოთა რუსთაველის უნივერსიტეტის საგარეო ურთიერთობათა და სტრატეგიული განვითარების სამსახურის მთავარმა სპეციალისტმა თამარ მაჭუტაძემ.

მისივე თქმით, თუ კი ალკალას უნივერსიტეტში სწავლის მსურველი სამზე მეტი სტუდენტი იქნება, გაიმართება კონკურსი, რომელშიც გამარჯვებულებს აკადემიური მოსწრებისა და ინგლისური ენის ცოდნის დონით გამოავლენენ.

უნივერსიტეტის ვებგვერდზე ასევე მოცემულია ინფორმაცია ვარშავის ეკონომიკის უნივერსიტეტის საზაფხულო სკოლის შესახებ, რომელიც 2 ივნისიდან 28 ივლისის ჩათვლით იწვევს სტუდენტებს საზაფხულო სკოლაში სასწავლებლად. სწავლის ფასი 600 ევროა.

შრომის ბაზრის ექსპერტები დასაქმების სააგენტოში

ვიზიტის მიზანი დასაქმების სააგენტოს ფუნქცია-მოვალეობის შესწავლა და სააგენტოს ამავე პროექტში ჩართვა იყო. აღნიშნული პროექტი 2014-2017 წლებში ხორციელდება და მას ევროკავშირი აფინანსებს (ბუიჯეტი: 2.778.200) .

EUVEGE – მხარს უჭერს საქართველოს შრომის ბაზრის ჯანსაღი პოლიტიკის განვითარებას, ასევე, პროფესიული განათლებისა და გადამზადების სფეროს კომპლექსურ მოდერნიზაციას.

დასაქმების სააგენტოს ხელმძღვანელი კობა ნაკაიძე სტურებს სააგენტოს საქმიანობაზე ესაუბრა და გააცნო ის პროგრამები და პროექტები, რაც სააგენტომ დღემდე განახორციელა და ახორციელებს.

ნაციონალურმა მოძრაობამ ბათუმში დაპაუზებული ქალაქის მუზეუმი გახსნა

„ეს არის დაპაუზებული ბათუმის მუზეუმი. ეს არის შედეგი „ქართული ოცნების“ სამწლიანი მმართველობის – გაჩერებული და დაპაუზებული ქალაქის მუზეუმი. პირველ რიგში, ამ მუზეუმში ოფიციალურად ვეპატიჟებით არჩილ ხაბაძეს და გიორგი ერმაკოვს, იქნებ მოვიდნენ და ნახონ რა გააჩერეს ბათუმში“ – განაცხადა „ერთიანი ნაციონალური მოძრაობის“ წევრმა გიორგი კირთაძემ „ბათუმელებთან“.

„დაპაუზებული ბათუმის მუზეუმი“ ნაციონალური მოძრაობის ოფისში პომპეზურად, წითელი ლენტის გაჭრით, მუსიკის ფონზე გაიხსნა.

„აქ არის არასრული ჩამონათვალი იმ პროექტებისა, რომელზეც მინიმუმ დაწყებული იყო მოლაპარაკება და უმრავლესი ნაწილი კიდევ არის ის პროექტები, რომლებზეც აქტიური მუშაობა მიდიოდა. პროექტები, რომელთა განხორციელებაც იყო ძალიან რეალური და მათი არგანხორციელებით დაპაუზდა ქალაქის მშენებლობა. ამ მთავრობის „წარმატება“ ის არის, რომ ეს პროექტები დღეს ბათუმში არ არის განხორციელებული. მაგალითად: „ტრამპთაუერი“, იახკლუბი, ხიდი გონიოს პოლიგონზე, გონიოს პოლიგონის განვითარება, სტადიონი, რომლის პროექტიც ვიყიდეთ და ადგილიც იყო გამოყოფილი. არ ვლაპარაკობ უკვე პატარა პროექტებზე….

ეს პროექტები შეჩერდა იმიტომ, რომ მთავრობა არის უუნარო. გაართულეს ბიუროკრატია, ადამიანები, რომლებიც ჩამოდიან და ელაპარაკებიან აჭარის მთავრობას, ვერ იღებენ მათგან გადაწყვეტილ პასუხს. ის მშენებლობები, რაც ახლა ბათუმში მიმდინარეობს, ის პროექტებია, როცა ჩვენ დროს იყო ხელშეკრულება გაფორმებული“ – განაცხადა გიორგი კირთაძემ.

„გვინდოდა კიდევ ერთხელ მოგვეფხიზლებინა მთავრობა და გვეიძულებინა ის პროექტები გაგრძელებულიყო, რისი დაწყებაც ჩვენ მოვახერხეთ, მაგრამ რისი დასრულებაც ვერ მოხერხდა. ჩვენ დროს დაგეგმილი იყო უამრავი მუზეუმის გახსნა, რაც ვერ მოახერხეს, სამაგიეროდ მოვახერხეთ გაგვეხსნა მუზეუმი, რომელიც ყველას შეახენებს, რისი გაკეთება იყო შესაძლებელი, დაგეგმილი, მაგრამ ამ ხელისუფლებამ ეს ვერ მოახერხა ან არ სურდა გაეკეთებინა. ახლაც არ არის გვიან გაიხსნენონ, რა იგეგმებოდა და რა მოაქვს ამ პროექტების განხორციელებას“ – განაცხადა აჭარის უმაღლესი საბჭოს წევრმა „ერთიანი ნაციონალური მოძრაობიდან“, ასმათ დიასამიძემ მუზეუმის გახნისას.

„ნაციონალურ მოძრაობაში“ აცხადებენ, რომ მუზეუმი ყველა დამთვალიერებლისათვის ღიაა, მათ შორის მოქმედი ხელისუფლების წევრებისთვისაც.

ბათუმელი მოჭადრაკე მსოფლიო ჩემპიონატში გამარჯვების შემდეგ

ნინო, გქონდათ თუ არა მოლოდინი ნაკრებში, რომ მსოფლიო ჩემპიონები გახდებოდით?

ამ შედეგს ნამდვილად არ ველოდით, რადგან ჩვენმა პირველმა ნომერმა, ნანა ძაგნიძემ, რომელიც მსოფლიო მოჭადრაკეთა რეიტინგის ხუთეულში [ფიდეს ბოლო მონაცემებით ნანა ძაგნიძე მსოფლიოს ქალ მოჭადრაკეთა რეიტინგში მეოთხე ადგილზეა] შედის, ბავშვი გააჩინა და ვერ წამოვიდა ჩემპიონატზე. დანარჩენი შემადგენლობით ვიყავით და ვფიქრობდით, რომ სამეულში მოხვედრა იქნებოდა კარგი შედეგი, მაგრამ ყველაფერი გამოვიდა.

რამდენი ქვეყანა მონაწილეობდა ჩემპიონატში?

ეს დახურული ტურნირია და ათი საუკეთესო ქვეყანა მონაწილეობდა, ოლიმპიადის ხუთეული და სხვადასხვა კონტინენტის ჩემპიონები.

ამჟამად მერამდენე ადგილი გიკავიათ მსოფლიო რეიტინგში?

28-ე ადგილზე ვარ მსოფლიო რეიტინგში.

რა ადგილი ეკავათ თქვენს კონკურენტებს მსოფლიო ჩემპიონატზე ?

ძირითადად ტოპმოჭადრაკეები თამაშობდნენ, მაგალითად, კონერუ ინდოეთიდან, რომელიც მესამე ადგილზეა მსოფლიო რეიტინგში, ანა მუზუჩუკს ძალიან დიდი რეიტინგი აქვს, [მეხუთე ადგილი ფიდეს რეიტინგში] ასევე მის დას, მარიას უკრაინიდან, რომელიც წელს გახდა მსოფლიო ჩემპიონი ინდივიდუალურ შეჯიბრებებში. ყველა ტოპ-მოჭადრაკე თამაშობდა სხვადასხვა ნაკრებში.

ვის მიიჩნევდით ყველაზე რეალურ კონკურენტად?

რუსეთი იყო ჩვენი ყველაზე დიდი კონკურენტი, რომელიც კუდში მოგვყვებოდა, ასე ვთქვათ. ორი ქულით გავუსწარით ყველა მდევარს, რვა მოგება და ერთი ფრე გვქონდა. სულ 17 ქულა ავიღეთ.

პირველ რიგში ვის შეატყობინეთ საქართველოში, რომ საქართველოს ნაკრები მსოფლიო ჩემპიონი გახდა?

ყველამ გაიგო მგონი თავისით. ჩვენ ზურაბ აზმაიფარაშვილი გვახლდა, საქართველოს ჭადრაკის ფედერაციის პრეზიდენტიც, გიორგი გიორგაძეც, რომელსაც ყოველ წუთს ურეკავდნენ მატჩის მსვლელობისას, იმიტომ, რომ ბოლო ტური არ გადაიცემოდა პირდაპირ ეთერში, რაღაც მოხდა „ფიდეს“ ვებგვერდზე, ლაივი გაითიშა და ყოველ წუთას ურეკავდა მათ ხალხი, რომ გაეგოთ ინფორმაცია.

რამდენ დღეს გრძელდებოდა ჩემპიონატი?

ათი დღე. ეს იყო 24-საათიანი შრომა, მთელი გუნდი ერთად ვმუშაობდით, ერთმანეთს ვეხმარებოდით, რომ არ გაგვპარვოდა არაფერი. დიდი მადლობა ჩვენს მწვრთნელს, ელიზბარ უბილავას, რომელმაც მართლა შეუძლებელი შეძლო და ძალიან კარგად მოგვამზადა. მადლობა ასევე დამხმარე მწვრთნელს დათო ჯოჯუას, რომელიც ჩვენი კაპიტანი იყო. მათ ყველაფერი გააკეთეს იმისთვის, რომ ჩვენ ეს გაგვეკეთებინა.

რა პრიზი გადმოგეცათ ჩემპიონატზე?

პრიზი ამ ჩემპიონატზე არ იყო გათვალისწინებული, როგორც ვიცი, საქართველოში არის პრიზი გათვალისწინებული, მაგრამ რადგან გუნდში ხუთი წევრი ვართ, ეს ძალიან მიზერული თანხაა.

თქვენთვის ეს წელი განსაკუთრებით წარმატებულია, ხართ 2015 წლის საქართველოს ჩემპიონი, ეროვნული ნაკრების წევრი, რომელიც მსოფლიო ჩემპიონი გახდა. ახლა რა გეგმები გაქვთ, რა ტურნირისთვის ემზადებით?

18 მაისიდან ჩაქვში ტარდება ევროპის ჩემპიონატი, იმ დღეებში, რაც დამრჩა, შეძლებისდაგვარად მოვემზადები ჩემპიონატისთვის და შევეცდები საუკეთესო შედეგი ვაჩვენო.

საქართველოს სპორტისა და ახალგაზრდობის სამინისტრომ ნაკრების ყველა წევრს და მის ხელმძღვანელობას მიანიჭა სპორტის რაინდის წოდება. რამდენად მნიშვნელოვანი იყო ეს თქვენთვის?

ჩვენთვის ეს საპატიოა, მადლობა ლევან ყიფიანს [სპორტის ყოფილი მინისტრი], რომელიც პირადად დაგვხვდა აეროპორტში და მოგვანიჭა სპორტის რაინდის წოდება, უმაღლესი წოდება სპორტში.

ნაკრებს გამარჯვება მიულოცეს: ნონა გაფრინდაშვილმა, მაია ჩიბურდანიძემ, ნანა ალექსანდრიამ. პირადად თუ შეხვდით ნაკრების წევრები მათ?

ჩვენთვის დიდი პატივია, რომ ეს ლეგენდები გვგულშემატკივრობდნენ. ქალბატონი ნონა თავად ტურნირზეა და არ არის საქართველოში. ქალბატონი ნანა ალექსანდრია კი, პირადად დაგვხვდა აეროპორტში ყვავილებით, დიდი მადლობა მას, ჩვენთვის ეს დიდი სიხარული იყო, მაია ჩიბურდანიძემაც მოგვილოცა.

შერიფ ხიმშიაშვილის ქუჩა ზაფხულში გადაიკეტება

ბათუმის მერიაში აცხადებენ, რომ ქუჩა [რომელიც „მაგდონალდსთან“, იუსტიციის სახლთან და აკვაპარკთან გადის] ამორტიზებულია, ხშირად ზიანდება, ჩნდება ორმოები და ამ ყველაფრის თავიდან ასაცილებლად გადაწყდა მისი შეკეთება. „ბათუმში ამ პრინციპით არაერთი ქუჩა გაკეთდა“ – აცხადებენ მერიაში.

სატენდერო დოკუმენტების მიხედვით, გზის სავალ ნაწილზე მოიხსნება არსებული ასფალტის ფენა და მოეწყობა ასფალტ-ბეტონის საფარი. ხარჯთაღრიცხვაში ასევე გათვალისწინებულია ყოველ 50 მეტრში პლასტმასის მილების ჩადება ჭებით მიწისქვეშა კომუნიკაციების გასატარებლად (საავტომობილო გზის მართობულად). საკომუნიკაციო მილების განთავსების ადგილები შეთანხმებული უნდა იყოს ქ. ბათუმის მერიასთან. გზაზე სხვა სამუშაოების ჩატარება არ არის დაგეგმილი. ქუჩა, როგორც დოკუმენტებიდან ჩანს, შპს „ხობი 2005“-მა დააპროექტა.

ბათუმის მერიის მიერ 2015 წლის პირველ მაისს გამოცხადებულ ტენდერში წინადადებების მიღება 20 მაისიდან დაიწყება და 25 მაისს დასრულდება. სამუშაოები კი ხელშეკრულების გაფორმებიდან 70 კალენდარული დღის განმავლობაში უნდა განხორციელდეს.

აჭარის მაღალმთიანეთში “ევექსი“ მომსახურებას გააგრძელებს

„შევთანხმდით, რომ ისინი ხულოს სამედიცინო ცენტრის მომსახურებას გააძლიერებენ, ეს იქნება ქირურგია, მეანგინეკოლოგია, რეანიმაცია და სხვა სამსახურები. რაც შეეხება შუახევს, შეინარჩუნებენ იმ სერვისებს, რაც ჰქონდათ განსაზღვრული ხელშეკრულებით. ეს არის ქირურგია, მეანგინეკოლოგია და თერაპია. სამომავლოდ თუ რაიმე ახალს და უკეთესს შემოგვთავაზებენ, ამაზე უნდა იყოს წინასწარი კონსულტაციები. ეს უკვე მომავლის საკითხია. ამის შემდეგ ჩვენ ეს თემა უნდა გავიაროთ ადგილობრივ მოსახლეობასთან ერთად და შემდეგ დავიწყოთ მისი ეტაპობრივი განხორციელება. კონსულტაციები გაგრძელდება“ – განმარტა მინისტრმა.

8 მაისს თანამედროვე მუსიკის ფესტივალი „SoundSpring“ იწყება

8 მაისს, ფესტივალის პირველ დღეს, კომპოზიტორი არჩილ გიორგობიანი წაიკითხავს ლექციას მეოცე საუკუნის დასაწყისში მუსიკალურ ხელოვნებაში განვითარებულ მოვლენების შესახებ. საუბარი იქნება იმ ახალი ხედვების შესახებ, რაც იქნა დანახული ახალი თაობის მუსიკოსებისა თუ არტისტები მიერ, როგორც გასაბჭოებამდე ასევე გასაბჭოების შემდეგ. თუ როგორი იყო ხელისუფლების დამოკიდებულება ამ ყველაფრისადმი და ასევე არტისტების პოლიტიკური ხედვა.

9 მაისს მუსიკოს ნიკა მაჩაიძის ლექციის მოსმენა იქნება შესაძლებელი, ხოლო 10 მაისს პიანისტი ნინო ჟვანია წაიკითხავს ლექციას თემაზე „სიჩუმე არასოდეს დადგება… ჯონ კეიჯის 4’33“.

ლექციაზე მისულ მსმენელებს ნინო ჟვანია ჯონ კეიჯის სიჩუმეს მოკლებულ სამყაროში ამოგზაურებს, უფრო კონკრეტულად კი — ამ სამყაროს ცენტრში, რომელიც სულ რაღაც 4 წუთსა და 33 წამს მოიცავს.

Line- up:

8 მაისი , 19:00 სთ

Vincent Volt – (Georgia)

Irakli abramishvili – (Georgia)

samsø – (Georgia)

Piotr Kurek – (Poland)

9 მაისი, 19:00 სთ

Vardan Harutyunyan – (Armenia)

Raf Gyoletsyan – (Armenia)

Lukasz Szalankiewicz – (Poland)

Nika Machaidze – (Georgia)

10 მაისი, 19:00 სთ

Sandro Kozmanashvili – (Georgia)

Koka Nikoladze – (Norway-Georgia)

TeTe Noise – (Georgia)

SoundSpring-ი გალერეა 41/41- ში ჩატარდება, მასზე დასწრება თავისუფალია და ადგილები არ არის შეზღუდული.

სოფელ ზვარეში თემის ადმინისტრაციული შენობა და კულტურის სახლი შენდება

სამშენებლო სამუშაოებს აქ ელექტრონულ ტენდერში გამარჯვებული კომპანია „ვიგორა“ აწარმოებს.

წარმოდგენილი პროექტით კულტურის სახლისა და ადმინისტრაციული შენობისთვის ორსართულიანი ნაგებობა მოეწყობა, შენობის პირველ სართულზე საკონცერტო დარბაზი განთავსდება, მეორე სართულზე კი კულტურის სახლისა და ადმინისტრაციული თემის წარმომადგენლებისთვის სამუშაო ოთახები მოეწყობა.

ზვარეს თემის ადმინისტრაციული შენობისა და კულტურის სახლის მშენებლობაზე ელექტრონული ტენდერი ქედის გამგეობამ 96 677 ლარზე გამოაცხადა, სამუშაოების წარმოებისთვის ხელშეკრულება შპს „ვიგორასთან“ 79 999 ლარზე გაფორმდა.

სარფში არადეკლარირებული სამკაულები აღმოაჩინეს

საერთო წონით 417,2გრამი. კ.კ-ს აღნიშნული საქონელი ავტომანქანაში, სხვადასხვა ნივთში ჰქონდა დამალული. საქონლის საბაჟო ღირებულებამ 1296,78 აშშ დოლარი(ექვივალენტი ლარში 3022ლარი) შეადგინა. მოქალაქე კ.კ. საქართველოს საგადასახადო კოდექსის 289-ე მუხლის მე-10 ნაწილის თანახმად დაჯარიმდა და სანქციის სახით შეეფარდა ფულადი ჯარიმა 3022 ლარის ოდენობით.

დემოკრატიის ინსტიტუტის 11 წელი

„დემოკრატიის ინსტიტუტი“ ოფიციალურად ბათუმის საქალაქო სასამართლოში 2004 წლის 5 მაისს დარეგისტრირდა. „დემოკრატიის ინსტიტუტის“ ერთ-ერთი დამფუძნებელი და დაარსების დღიდან გამგეობის თავმჯდომარეა იურისტი გენო გელაძე.

ორგანიზაცია ძირითადად მუშაობს აჭარის ავტონომიურ რესპუბლიკაში და ასევე აფართოებს რიგ პროგრამებს დასავლეთ საქართველოს სხვა რეგიონების ტერიტორიაზე.

ორგანიზაციის საქმიანობა ეფუძნება შემდეგ ფასეულობებს:

თავისუფლება, როგორც უმთავრესი ღირებულება;

ადამიანის უფლებების პატივისცემა;

თანასწორობა კანონის წინაშე;

გამჭვირვალობა და ანგარიშვალდებულება;

აქტიური საზოგადოება და სამოქალაქო ჩართულობა.

„დემოკრატიის ინსტიტუტი“ მუშაობს სამი ძირითადი სტრატეგიული მიმართულებით: 1. სხვადასხვა მარგინალური თუ უფლებადარღვეული სამიზნე ჯგუფების იურიდიული დახმარების უზრუნველყოფა; 2. კარგი მმართველობის განვითარების მხარდაჭერა; 3. სხვადასხვა ინტერესთა ჯგუფების სამოქალაქო ინტერესების დაცვა.

ორგანიზაციის დონორები სხვადასხვა დროს იყვნენ: ევროკავშირის წარმომადგენლობა საქართველოში; ევრაზიის თანამშრომლობის ფონდი; ამერიკის შეერთებული შტატების საერთაშორისო განვითარების სააგენტო; საქართველოში ნორვეგიის კანონის უზენაესობის მრჩეველთა მისია; ციხის საერთაშორისო რეფორმა PRI; ნიდერლანდების სამეფოს საელჩო; გაეროს ბავშვთა ფონდი; კათოლიკური დახმარების სამსახური; გლობალური ინიციატივა ფსიქიატრიაში GIP; ფონდი ,,ღია საზოგადოება – საქართველო’’; საარჩევნო სისტემების საერთაშორისო ფონდი.

აჭარის ჯანდაცვის სამინისტრო 2016 წლიდან ღვიძლის გადანერგვას 10 000 ლარით დააფინანსებს

2016 წელს დაგეგმილია აჭარის ჯანმრთელობისა და სოციალური დაცვის სამინისტროს ბიუჯეტის გაზრდა 641202 ლარით, შესაბამისად, 2016 წელს სამინისტროს ბიუჯეტი 9 630 000 ლარი იქნება.

მომავალ წელს აჭარის ჯანდაცვის სამინისტრო 18 პროგრამას განახორციელებს. აქედან ერთი პროგრამა ახალია. როგორც „ბათუმელებთან“ სამინისტროს სოციალური დაცვის დეპარტამენტის უფროსმა ლელა სურმანიძემ აღნიშნა, პროგრამა – გონებრივი განვითარების შეფერხების მქონე ბავშვების რეაბილიტაცია – 100 ბენეფიციარზეა გათვლილი და მისი ბიუჯეტი დაახლოებით 172 000 ლარი იქნება.

მნიშვნელოვანი სიახლე იქნება ინდივიდუალური სამედიცინო დახმარების პროგრამაშიც. კერძოდ, 2016 წელს აჭარის ჯანდაცვის სამინისტრო 10 000 ლარით დააფინანსებს აჭარაში რეგისტრირებულ იმ პაციენტებს, რომლებსაც ღვიძლის ტრანსპლანტაცია სჭირდებათ. „სამინისტრო 10 000 ლარით დააფინანსებს არა მხოლოდ სოციალურად დაუცველებს, არამედ აჭარაში რეგისტრირებულ ყველა იმ პირს, რომლებსაც ღვიძლის ტრანსპლანტაცია ესაჭიროებათ, რადგან ეს გახლავთ ძალიან ძვირადღირებული ოპერაცია“ – აღნიშნა მანანა ფაღავამ, სამინისტროს ჯანმრთელობის დაცვის დეპარტამენტის უფროსმა „ბათუმელებთან“.

ამავე პროგრამის ფარგლებში დაფინანსდება ტრეფიკინგისა და ძალადობის მსხვერპლი ქალების სამედიცინო მომსახურება საჭიროების მიხედვით. 2016 წელს ასევე იგეგმება კარდიოქირურგიული ოპერაციებისა და ენდოპროთეზირების დაფინანსების გაზრდა.

აჭარის ჯანდაცვის სამინისტროს პრესსამსახურის უფროსის, ლიზა თედორაძის თქმით, ეს არის პირველი შეხვედრა სამინისტროს, არასამთავრობო და სამედიცინო სფეროს წარმომადგენლებს შორის მომავალი წლის პროგრამებთან დაკავშირებით. ლიზა თედორაძის თქმით, მსგავსი შეხვედრები 2015 წლის მანძილზე რამდენჯერმე შედგება და შეხვედრების მიზანია მოხდეს არასამთავრობო სექტორისა და სამედიცინო სერვისების განმახორციელებელი დაწესებულებების მოსაზრებების გათვალისწინება.

უმაღლესი საბჭოს დეპუტატები „ევექსის“ წარმომადგენლებს ხვდებიან

„დაველოდოთ მოკვლევას“, – უთხრა ზემოთ ჩამოთვლილი კითხვების პასუხად დეპუტატებს კორპორაცია „ევექსის“ დირექტორის მოადგილემ, ვანო ბოკერიამ.

არის თუ არა ქირურგი შუახევის საავადმყოფოში? – დეპუტატ ჯემალ ფუტკარაძის ამ კითხვაზე კომპანიის წარმომადგენელმა უპასუხა: „არაა იმ კვალიფიკაციის, რომელიც მსგავსი ტიპის ოპერაციებს გააკეთებს.“ (საუბარია იმ ტიპის ოპერაციაზე, რომელიც 3 მაისს დაჭრილ მოქალაქეს ესაჭიროებოდა).

„ევექსის“ წარმომაგენელმა ვანო ბოკერიამ თქვა, რომ ის ტრაგედია, რაც შუახევში მოხდა, კომპანია „ევექსის“ ბრალი არ არის: „ამ ბიჭის სიკვდილი იმასთან კავშირში არაა, რომ ევექსმა საყოველთაო დაზღვევის პროგრამებიდან გამოსვლა გადაწყვიტა“.

მისივე თქმით, სახელმწიფოსთან გაფორმებული ხელშეკრულებით, კომპანიას მხოლოდ სტაციონარის ამუშავების ვალდებულება აქვს და არა იმ კომპონენტების, რაზე მომსახურებაზეც უარი თქვეს.

„თქვენ შეაჩერეთ საყოველთაო დაზღვევის მომსახურება და ამის შესახებ არ ვიცოდით ჩვენ დეპუტატებმა, აჭარის ჯანდაცვის მინისტრმა და როგორც ჩემთვისაა ცნობილი, არც მთავრობის თავმჯდომარემ. კარგი იქნებოდა ამ გადაწყვეტილების შესახებ გვცოდნოდა“, – ესეც დეპუტატ ჯემალ ფუტკარაძის კომენტარია.

კომპანია „ევექსის“ წარმომადგენელმა თქვა, რომ „ძლიერი რეფერალი გახდება ხულო“, შუახევიდან ხულოში, ქედიდან კი ბათუმში მოუწევთ პაციენტებს რეანამობილით გადმოყვანა: „30 წუთი, რაც დასჭირდება პაციენტის გადაყვანას, ითვლება ურისკოდ დროდ, მიმდინარე ან სამომავლო გეგმებთან არაფერ შუაში არაა ამ ბიჭის სიკვდილი”.

ვანო ბოკერიას თქმით, ისინი გაზრდიან საჭირო ავტომანქანების რაოდენობას.

„ევექსის“ ხელმძღვანელი: ბიჭის სიკვდილი იმასთან კავშირში არ არის, რომ ევექსი საყოველთაო დაზვევის პროგრამებიდან გამოვიდა

ლევან გორგილაძის თქმით, ევექსს ბევრი ვლდებულება აქვს, მაგრამ ჯანდაცვის სამინისტრო ამ ეტაპზე მკაცრად მოითხოვს შემდეგი მიმართულების ექიმების ყოლას: „გინეკოლოგიური სამსახურის აღდგენას და სამეანოს, ანესთეზიოლოგსა და ქირურგს ახლავე და სასწრაფოდ. დანარჩენებზე ნელ-ნელა ვიზრუნებთ“.

ლევან გორგილაძის განცხადებიდან ირკვევა, რომ მინისტრის მოადგილე ნაკლებად ენდობა „ევექსის“ სიტყვიერ დაპირებებს. შესაბამისად, სამინისტრო მუდმივ მონიტორინგს გეგმავს: „გამოცდილებამ გვაჩვენა, რომ ამჟამად ადგილზე ქირურგისა და ანესთეზიოლოგის ყოფნა არაფერს ნიშნავს, შეიძლება ხვალ აღარ იყვნენ. მაშინაც ასე იყო – შევთანხმდით, ორი-სამი დღე იყო ყველაფერი და როცა საჭირო დარჩა, ექიმი აღარ იყო. ჩვენ დღეს მოვისმენთ მათ ხედვებს, როგორ აპირებენ მუშაობას, რომელი კადრებითა და რა სიხშირით. აი, ეს ყველაფერი უნდა გავიაროთ კონკრეტულად“.

„ევექსის“ წარმომადგენლები ამ დროისთვის აჭარის უმაღლეს საბჭოში იმყოფებიან. 14:00 საათისთვის კი აჭარის ჯანდაცვის სამინისტროში გაიმართება შეხვედრა.

როგორც „ბათუმელების“ ჟურნალისტი უმაღლესი საბჭოდან იტყობინება, „ევექსის“ გენერალური დირექტორის მოადგილემ, ვანო ბოკერიამ დეპუტატებს უთხრა, რომ შუახევში 3 მაისს 25 წლის ახალგაზრდის „გარდაცვალება იმასთან კავშირში არ არის, რომ „ევექსმა“ საყოველთაო დაზვევის პროგრამებიდან გამოსვლა გადაწყვიტა“.

3 მაისს ცივი იარაღით დაჭრილი ახლაგაზრდა მამაკაცი შუახევში, კორპორაცია „ევექსის“ კლინიკაში მიიყვანეს. გარდაცვლილის ახლობლების თქმით, სამედიცინო დაწესებულებაში არ იყო ქირურგი, ამიტომ დაჭრილს ვერავინ დაეხმარა და ის სისხლისგან დაიცალა.

ამ ფაქტამდე რამდენიმე დრით ადრე „ევექსმა“ განაცხადა, რომ მომსახურების ხარისხის გაუმჯობესების მიზნით მაღალმთიან აჭარაში გააუქმა სტაციონარული მომსახურება.

ჯანდაცვის მინისტრის მოადგილის, ლევან გორგილაძის ინფორმაციით, „ევექსს“ ამის უფლება არ ჰქონდა, რადგან სახელმწიფოსთან 2011 წელს გაფორმებული ხელშეკრულებით, „ევექსი“ ვალდებულია მაღალმთიან აჭარაში სტაციონარული მომსახურება შეინარჩუნოს.

სასწრაფო დახმარების მანქანა გვირაბში გაფუჭდა

„ბათუმელების“ ჟურნალისტი, რომელმაც რამდენიმე წუთის წინ გაიარა გვირაბი, იტყობინება, რომ ტრანსპორტის გაჩერების მიზეზი გახდა სასწრაფო სამედიცინო მანქანაზე მომძვრალი ბორბალი, რომელიც დიდი სისწრაფით მიგორავდა მანქანების ნაკადში.

გარდა ამისა, მოძრაობას ჩაქვის გვირაბში ის გარემოებაც აფერხებს, რომ უკვე რამდენიმე კვირაა გვირაბის ერთი მხარე ჩაკეტილია.

ევროპის ჩემპიონატი ძალოსნობაში – საქართველოში პირველად

რამინ შამილიშვილი, გია მაჭავარიანი და ირაკლი თურმანიძე აჭარის ნაკრების ძალოსნები არიან. მათი მწვრთნელი, აბესალომ ბასილაია მეტ შედეგს ელოდა, რომ არა სპორტსმენების ტრავმები. „შეჯიბრებამდე ორი დღით ადრე ტრავმა მიიღო გია მაჭავარიანმა, რომელიც 105 კილოგრამ წონით კატეგორიაში გამოვიდა. მარჯვენა ფეხზე ჩაქცევები ჰქონდა და მთლიანად გაუშავდა. ასეთი სპორტია, როდის რა იქნება, არავინ იცის. რამინ შამილიშვილს ჰქონდა მედლის თეორიული შანსი, მაგრამ მეტი წონის დაკლება მოუწია. რამინს არასოდეს დაუკლია წონა, ამ ჩემპიონატისთვის კი 10 დღეში 6 კილო დაიკლო და როგორც ჩანს, მისმა ორგანიზმმა ვერ მოასწრო ძალების აღდგენა. ორჭიდის ჯამში შეეძლო მეორე ან მესამე ადგილის მოპოვება, მაგრამ პირველი გასვლაზე „შტანგა“ გაუცურდა, ამის გამო მერე ხასიათიც გაუფუჭდა. თუმცა მეორე გამოსვლაზე შედარებით კარგი შედეგი ჰქონდა. მესამე გამოსვლაზე დაჭერილი ძელი უკან გადაუვარდა და საბოლოოდ მეხუთე ადგილს დავჯერდით ამ წონით კატეგორიაში“.

ვროვნულმა ნაკრებმა ევროპის ჩემპიონატამდე წინამოსამზადებელი საწვრთნო შეკრება ჯერ დუშეთში გაიარა, შემდეგ 24 დღე წყალტუბოში ვარჯიშობდა, ჩემპიონატამდე 15 დღით ადრე კი, თბილისში გააგრძელა ორკვირიანი შეკრება. ევროპის ჩემპიონატის შემდეგ ნაკრების წევრები აჭარიდან – რამინ შამილიშვილი, გია მაჭავარიანი და ირაკლი თურმანიძე მსოფლიო სალიცენზიო ჩემპიონატისთვის ემზადებიან, რომელიც ნოემბერში ამერიკში, ტეხასის შტატ ქალაქ ჰიუსტონში ჩატარდება. როგორც აბესალომ ბასილაია ამბობს, ამ ჩემპიონატზე საქართველოს ნაკრები რვა სპორტსმენით გაემგზავრება, ესენი იქნებიან: დავით გოგია, ლაშა ტალახაძე, გიორგი ლომთაძე, რაულ ცირეკიძე. მათ შორის იქნებიან აჭარის ნაკრებიდან: ირაკლი თურმანიძე, ალბერტ კუზილოვი, გია მაჭავარიანი, რამინ შამილიშვილი. მსოფლიო პირველობაზე გარდა ჩემპიონობისა, ოლიმპიური სალიცენზიო ქულებისთვისაც იბრძოლებენ.

„ჩვენ ორ-სამ სპორტსმენზე მეტი არასოდეს გვყოლია ევროპისა და მსოფლიო შეჯიბრებაზე. ეს იქნება პირველი უძლიერესი გუნდი მსოფლიო ჩემპიონატზე საქართველოს ისტორიაში. წელსაც პირველად გამოვედით საქართველოს გუნდი ევროპის ჩემპიონატზე“, – გვეუბნება აჭარის ძალოსნების მწვრთნელი აბესალომ ბასილაია.

ამჟამად აჭარაში ძალოსნობას ექვსი მწვრთნელი ასწავლის ჩაქვსა და ხელვაჩაურის ორ სოფელში – ერგესა და ჭარნალის სკოლებში. აბესალომ ბასილაიას თქმით, სულ ოთხი ასაკობრივი ნაკრებია აჭარაში: დიდების და 15, 17 და 23 წლამდელთა ნაკრები. მათი საერთო რაოდენობა ხელვაჩაურსა და ჩაქვში 90-ზე მეტი სპორტსმენია. აჭარაში ძალოსნობაში მხოლოდ ბიჭები არიან. რამდენიმე წელია ანუ მას შემდეგ, რაც ნატო ასათიანი აქტიურ სპორტს ჩამოშორდა, აჭარაში ძალოსნობაში გოგო აღარ ჰყავთ.

ირაკლი თურმანიძე -ევროპის ჩემპიონატზე სამი ვერცხლის მედალი მოიპოვა | ჯილდოს გადასცემს საქართველოს სპორტისა და ახალგაზრდობის საქმეთა მინისტრი ლევან ყიფიანი

ანგისაში სპორტული ბაზა აშენდება

სატენდერო დოკუმენტაციის მიხედვით ანგისაში არსებულ სპორტულ კომპლექსს უკავია 7,5 ჰა. კომპლექსში შედიოდა 2 მოედანი მორაგბეთათვის (თითოეული 120×70მ) 1200 ადგილიანი ტრიბუნით, ფეხბურთის მოედანი (110×75მ), ასევე მშვილდოსნობის არენა. ორსართულიანი ადმინისტრაციული შენობის პირველ სართულზე მოწყობილია ჭიდაობის დარბაზი (30×10მ). დღეის მდგომარეობით ფუნქციონირებს რაგბის ერთი მოედანი, მშვილდოსნობის არენა და ადმინისტრაციული შენობა საჭიდაო დარბაზით.

პროექტის მიხედვით, ტერიტორიის შესასვლელთან, მისგან სამხრეთით განთავსებულია პარკინგი პერსონალისა და მედიისათვის, რომელიც შეადგენს 20 ადგილს. ხოლო პარკინგები მაყურებლებისათვის განთავსებულია ბაზის მთავარი შესასვლელისკენ მიმავალი გზის ორივე მხარეს, ადმინისტრაციული შენობის ჩრდილოეთით (62 ადგილი) და ამავე შენობის სამხრეთით (77 ადგილი). ბაზის ტერიტორიას ბათუმი-სარფის ტრასასთან აკავშირებს 6მ სიგანის 4 კიბე და ამ საფეხურების სამხრეთით და ჩრდილოეთით ორი პანდუსი.

ბათუმი-სარფის ტრასის მხარეს, ტერიტორიის დასავლეთ ნაწილში განთავსებულია ადმინისტრაციული შენობა, რომლის ღერძზეც, მისგან აღმოსავლეთით განთავსებულია ძირითადი და სათადარიგო საფეხბურთო მოედნები. მოედნების განათებისათვის ტეროტორიაზე განთავსებულია 6 განათების ბოძი. მოედნების განათება გაანგარიშებულია სპეციალურ პროგრამაში, რომლის მიხედვითაც დაცულია ფიფა/უეფას შესაბამისი სტანდარტები სავარჯიშო და სათამაშო განათებებთან მიმართებაში.

ბაზის მთლიანი ტერიტორია შემოღობილია ქუჩის გასწვრივ ლითონის ღობით, ხოლო დანარჩენი მხრიდან ქვის კაპიტალური ღობით. ბუნებრივ და ხელოვნურსაფარიან მოედნებს ინსტალაციის შემდეგ აუცილებლად ესაჭიროება ადგილობრივი სპეციალისტების მომზადება და შემდგომი პერიოდული მოვლა სპეცტექნიკის გამოყენებით.

სატენდერო პირობების თანახმად, განსაკუთრებული ყურადღება უნდა მიექცეს სარეკონსტუქციო მოედნის გარშემო არსებული ქარსაცავი ზოლის და სხვა მრავალწლიანი მწვანე ნარგავების დაცვას. გარემოს დაცვის სამსახურიდან ნებართვის გარეშე დაუშვებელია მშენებლობის ზონაში მრავალწლიანი ხეების და ნარგავების მოჭრა-განადგურება. სამშენებლო მოედნიდან ავტოსატრანსპორტო საშუალებები გამოსვლის წინ საჭიროებს საბურავების გარეცხვას, რათა ადგილი არ ჰქონდეს ქალაქის ქუჩების დაბინძურებას.

სპორტული ბაზის ბუნებრივი (კომპაქტურ რულონებში) და ხელოვნური ბალახის საფარი (MonoFilament-60mm/310micron) უნდა შეესაბამებოდეს FIFA-ს ორ-ვარსკვლავიან სტანდარტებს, ხოლო მწარმოებელი კომპანია უნდა ფლობდეს FIFA-ს შესაბამის სერტიფიკატს;

ანტივანდალური, ულტრაიისფერი სხივისგან დაცული, ლაქით შეღებილი პლასტმასის ცეცხლგამძლე ზურგიანი სკამი უნდა აკმაყოფილებდეს ISO-9001/2008 შესაბამის სტანდარტს.

სამუშაოების წარმოება უნდა განხორციელდეს მიმწოდებლის მიერ სატენდერო წინადადებით წარმოდგენილი გეგმა-გრაფიკის მიხედვით განსაზღვრულ ვადაში, რომელიც არ უნდა აღემატებოდეს 420 კალენდარულ დღეს ხელშეკრულების გაფორმებიდან; ხელშეკრულების საბოლოო ვარიანტი დაზუსტდება ელექტრონულ ტენდერში გამარჯვებულ პრეტენდენტთან ხელშეკრულების გაფორმების პროცესში.

ანგისის დასახლებაში სპორტული ბაზის მშენებლობაზე ტენდერი ბათუმის მერიამ 4 მაისს გამოაცხადა. წინადადებების მიღება 22 მაისს დაიწყება და 27 მაისს დასრულდება.

ბათუმის უნივერსიტეტი 205 კონდიციონერს შეისყიდის

სატენდერო დოკუმენტაციის მიხედვით, შესასყიდი კონდიციონერების ტემპერატურის რეჟიმი უნდა იყოს არაუმეტეს/არანაკლებ -2/+45. საქონლის მიწოდება-მონტაჟი პრეტენდენტმა უნდა განახორციელოს ხელშეკრულების დადებიდან არაუგვიანეს 120 დღის განმავლობაში მისამართზე: ქ. ბათუმი, ნინოშვილის ქუჩა, №35.

შესყიდვის ობიექტის საგარანტიო ვადა მიღება-ჩაბარების აქტის გაფორმებიდან შეადგენს არანაკლებ ერთი წელს, რომლის განმავლობაში პრეტენდენტი ვალდებულია გონივრულ ვადაში განახორციელოს მწყობრიდან გამოსული საქონლის შეკეთება, ხოლო შეკეთების შეუძლებლობების შემთხვევაში _ შეცვლა.

საკადრო ცვლილებები აჭარის პოლიციაში

შს სამინისტროს აჭარის მთავარი სამმართველოს შენობა

ჯუმბერ აბულაძე ვალერი თელიას დროს ხელვაჩაურის პოლიციის განყოფილებას ხელმძღვანელობდა.
„ბათუმელების“ ინფორმაციით, აჭარის შს სამმართველოში სხვა ცვლილებებიც იგეგმება, მაგალითად, მეჯინისწყლის განყოფილების უფროსი გადაჰყავთ ბენზეში, განყოფილების უფროსის თანაშემწედ. მეჯინისწყლის განყოფილების უფროსად კი როლანდ იაკობაძე ინიშნება, რომელიც ახლა აჭარის მთავარ სამმართველოში დეტექტივების დეპარტამენტში თანაშემწედ მუშაობს.
ბათუმის მე-6 განყოფილების უფროსად ჰამლეტ ჯორბენაძეს ნიშნავენ, რომელიც ასევე დეტექტივების დეპარტამენტში მუშაობს. ჯერჯერობით უცნობია, სად მიჰყავთ მე-6 განყოფილების უფროსი.

„ბათუმელების“ ინფორმაციით, ასევე აქვეითებენ მე-3 განყოფილების უფროსს ბათუმში, რომელიც ამავე განყოფილების უფროსის მოადგილედ გადაჰყავთ. დაქვეითებას უპირებენ თამარის დასახლების (ბენზე) პოლიციის განყოფილების უფროსს.

შეცვლილია აჭარის მთავარი სამმართველოს ადმინისტრაციის უფროსი, ეს თანამდებობა დავით მჭედლიძეს ჩააბარეს. მისმა წინამორბედმა დავით თხილაიშვილმა კი სამსახური საკუთარი განცხადების საფუძველზე დატოვა. ვაკანტურია ასევე ბათუმში უბნის ინსპექტორების უფროსის თანამდებობა.
„ბათუმელების“ ინფორმაციას ამ საკადრო გადაადგილების შესახებ შინაგან საქმეთა სამინისტროში არც უარყოფენ და არც ადასტურებენ. უფრო ზუსტად, შინაგან საქმეთა სამინისტროში ამ ცვლილებებზე კომენტარს არ აკეთებენ, პრესცენტრმა საჯარო ინფორმაციის გაცემის ბიუროში გადაგვამისამართა.
საკადრო ცვლილებებთან დაკავშირებული საჯარო ინფორმაცია „ბათუმელებმა“ პარასკევს, ანუ პირველ მაისს გამოითხოვა.

შუახევში მომხდარ მკვლელობაში ბრალდებული ყოფილი პოლიტპატიმარია

ზ. ს. იმ 190 ადამიანს შორის მოხვდა, რომლებსაც ოფიციალურად უწოდეს „პოლიტპატიმარი და პოლიტიკური ნიშნით დევნილი“. „ქართულმა ოცნებამ“ სწორედ ეს 190 პატიმარი გაათავისუფლა ხელისუფლებაში მოსვლიდან მალევე, პირველ ჯერზე.

ზ. ს. 25 წლის დათო დავითაძის მკვლელობაშია ბრალდებული. მკვლელობა, გუშინ, 3 მაისს მოხდა შუახევში. ოჯახის ახლობლების განცხადებით, დაჭრილი იმის გამო გარდაიცვალა, რომ საავადმყოფოში არ იყო ქირურგი, რომელიც პაციენტს სათანადო დახმარებას აღმოუჩენდა.

შს სამინისტროს ინფორმაციით, გამოძიება სისხლის სამართლის 108-ე მუხლით მიმდინარეობს.

“ევექსის” განცხადება შუახევში მომხდარ მკვლელობასთან დაკავშირებით

„კორპორაცია ღრმა მწუხარებას გამოთქვამს მომხდარის გამო და გარდაცვლილ დავით დავითაძის ოჯახს უსამძიმრებს. მიუხედავად იმისა, რომ ჯერჯერობით მიმდინარეობს მოკვლევა და ჩატარებული ექსპერტიზის საბოლოო პასუხები ცნობილი არ არის, შუახევში მომხდარ კრიმინალურ შემთხვევასთან დაკავშირებით, განსხვავებული და დაუსაბუთებელი განცხადებები კეთდება, მაღალი საზოგადოებრივი ინტერესიდან გამომდინარე საჭიროდ მივიჩნევთ გავაკეთოთ მცირე განმარტება – გუშინ, 3 მაისს, 18:50 საათზე, შუახევის სამედიცინო დაწესებულებაში თვითდინებით არასპეციალიზირებული ავტომანქანით, ერთდროულად მოყვანილი იქნა სამი დაჭრილი პირი, რომელთაგანაც ერთ-ერთი გარდაცვლილი დავით დავითაძე გამოხატული სისხლდენის ფონზე, განვითარებული შოკით იმყოფებოდა განსაკუთრებით მძიმე, უგონო მდგომარეობაში, სასიცოცხლო პარამეტრების დაბალი მაჩვენებლებით.

დაშავებულების კლინიკაში შემოსვლისთანავე ადგილზე მყოფი ექიმ-სპეციალისტების მიერ დაიწყო წინასაოპერაციო მომზადება, პაციენტს აღენიშნებოდა 2,3 სანტიმეტრიანი გამჭოლი ჭრილობა მუცლის წინა კედელზე, მუცლის ღრუში ჩაღვრილი იყო 3 ლიტრამდე სისხლი. პირველადი დიაგნოზით დაზიანებული იყო ღვიძლის მაგისტრალური სისხლძარღვი. პაციენტმა საოპერაციო ბლოკში გაუჩერდა გული, მიუხედავად განხორციელებული ყველა რეანიმაციული ღონისძიებისა, სიცოცხლესთან შეუთავსებელი დაზიანებების გამო, მისი გადარჩენა ვერ მოხერხდა. დანარჩენი ორი დაშავებულის მდგომარება ამ დროისათვის სტაბილურია და მათგან ერთ-ერთი ამ დრომდე შუახევის რაიონულ ჰოსპიტალში მკურნალობას აგრძელებს.

მომხდარ შემთხვევასთან დაკავშირებით დაწყებულია მოკვლევა, სამედიცინო დოკუმენტაცია გადაგზავნილია შესაბამის უწყებებში და უახლოეს დღეებში გარდაცვლილის შესახებ გამოიცემა ლ. სამხარაულის სახელობის სასამართლო ექსპერტიზის ეროვნული ბიუროს დასკვნა, რომელიც ნათელს მოჰფენს მომხდარ კრიმინალურ შემთხვევას და გასცემს მთავარ შეკითხვას პასუხს: ჰქონდა თუ არა პაციენტს, სიცოხლესთან შეუთავსებელი დაზიანება მიღებული”.

ხიჭაურში შენობების ფასადებს მოაპირკეთებენ

შესყიდვების სახელმწიფო ვებგვერდის მიხედვით დაბა ხიჭაურში არსებული საცხოვრებელი სახლის ფასადები შპს „arq – პროექტის“ მიერ შემუშავებული პროექტით უნდა მოეწყოს.

სატენდერო პირობების მიხედვით გამარჯვებულმა კომპანიამ შენობების დაზიანებულ კედლებს ბათქაში უნდა გაუკეთოს, საცხოვრებელი სახლების სადარბაზოებში არსებული ხის ფანჯრებს დემონტაჟი ჩაუტაროს და მათ ნაცვლად მეტალო-პლასმასის ფანჯრები ჩასვას, აივნის მოაჯირებზე კი 0, 7 მ კარბოლუქსის სექციური დაფები დააყენოს, ხის კარ -ფანჯრები სპეციალური ზეთოვანი საღებავით შეღებოს და შენობების სახურავზე დამცავი ლითონის მოაჯირი მოაწყოს.

ხიჭაურში გარე ფასადების მოსაწყობად გამოცხადებულ ელეტრონულ ტენდერზე წინადადებების მიღება 5 მაის დაიწყება და 7 მაისს 15:00 საათზე დასრულდება.

ტენდერში გამარჯვებულმა კომპანიამ კეთილმოწყობითი სამუშაოები ხელშეკრულების გაფორმებიდან სამი თვის განმავლობაში უნდა დაასრულოს.

გარე ფასადების მოსაწყობად გამოცხადებული ელექტრონული ტენდერის სავარაუდო ღირებულება 120 000 ლარია.

ქობულეთის გამგეობა 70 ურნას შეისყიდის

სახელმწიფო შესყიდვების ვებგვერდზე განთავსებული ინფორმაციის მიხედვით ურნა, რომელსაც გამგეობა შეისყიდის „ბეჟი“ ფერის, ჩამოსხმული გაპრიალებული და გალაქული ქვის უნდა იყოს, რომელსაც ზედაპირი მაღალი სიმკვრივის ყავისფერი ძელაკებით ექნება დაფარული.

ქობულეთის გამგეობის მიერ სპეციალური ურნების შესყიდვაზე გამოცხადებული ელექტრონული ტენდერი 7 მაისს დასრულდება. ტენდერში გამარჯვებულმა კომპანიამ 70 ცალი ურნა ქობულეთის გამგეობას ხელშეკრულების გაფორმებიდან 60 დღის განმავლობაში უნდა მიაწოდოს.
ურნების შესაძენად საჭირო თანხა, 30 000 ლარი ქობულეთის გამგეობამ ადგილობრივი ბიუჯეტიდან გამოყო.

გიორგი მშვენიერაძე: პორნოგრაფიის გავრცელება აკრძალული არ არის

გიორგი, შინაგან საქმეთა სამინისტრომ პასუხისმგებაში მისცა ადამიანები, რომლებმაც გაავრცლეს სხვადასხვა ვებგვედზე პორნოგრაფიული მასალა, მაგალითად, თუ სოციალურ ქსელში გააზარია მოქალაქემ პონოგრაფიული ვიდეო ეს დასჯადია?

მოქმედი კანონმდებლობის ფარგლებში პორნოგრაფიის გავრცელება აკრძალული არ არის. უკანონო იქნება გავრცელება იმ შეემთხვევაში, თუკი რომელიმე კანონი მას კრძალავს. მაგალითად, იარაღის უკანონო ტარება იმიტომაა უკანონო, რომ იარაღის უკანონო ტარების შესახებ კანონი ადგენს, რა ტიპის იარაღის ტარება და ვის მიერ არის ნებადართული. მაგალითად, ხე-ტყის უკანონო ჭრა, თუკი არ გაქვს ნებართვა აღებული ჭრაზე, ესე იგი არის უკანონო, რადგან ნებართვას ექვემდებარება. პორნოგრაფიული მასალის გავრცელების შემთხვევაში, ასეთი რეგულაცია არ გვაქვს. აქედან გამომდინარე, ის, რაც კანონით არაა აკრძალული, არის დაშვებული, შესაბამისად, ნებისმიერ პირს აქვს სრული უფლება, გაავრცელოს პონოგრაფია, თუკი ის არ ეხება არასრულწოვანს. აი, ამ შემთხევვაში გვაქვს შეზღუდვები, რადგან საერთაშორისო კონვენციის ხელმომწერები ვართ, და ეს რეგულაცია კრძალავს ამ ტიპის პორნოგრაფიის გავრცელებას ან დამზადებას.

შინაგან საქმეთა სამინისტროს განცხადებაში წერია, რომ ბრალდებულები არიან არასწრულწლოვანების პონოგრაფიის გავრცელებაშიც. ამ შემთხვევაში ბრალდება არასწორადაა დაკვალიფიცირებული?

არასწორად არის ბრალდება წარდგენილი. ეს იმიტომ, რომ სისხლის სამართლის კოდექსის 255-ე მუხლის პირველი ნაწილის ქმედება საქართველოში დასჯადი ქმედება არ არის.

თუ რომელიმე საიტიდან ჩამოვტვირთე პონოგრაფიული ვიდეო და ავტვირთე პირად ბლოგზე, ეს დასჯადია?

არა, თუმცა როგორც საიტის მეპატრონეს გეკისრება ვალდებულება, მარეგულირებელი კომისიის მიერ დადგენილი წესების თანახმად. ეს წესი ისევე ვრცელდება, როგორც, მაგალითად, უდანაშაულობის პრეზუმციისა და ადამიანის პატივისა და ღირსების დაცვის ვალდებულება.

ანუ იმ 40 ადამიანს, რომლებიც პასუხისგებაში მისცეს და ახლა ბრალდებულის სტატუსს ატარებენ შეიძლება ითქვას, რომ დაერღვათ კონსტიტუციით გარანტირებული უფლებები?

ადამიანებს, რომლებსაც სისხლის სამართლის კოდექსი 255-ე მუხლის პირველი ნაწილით წარედგინათ ბრალდება, ერღვევათ კონსტიტუციით გარანტირებული უფლება „არავითარი დანაშაული სასჯელის გარეშე“. ეს პრინციპი არის სისხლის სამართალში და მოქმედებს კონსტიტუციაში: პირს, რომელსაც დანაშაული იმიტომ არ ჩაუდენია, რომ ეს ქმედება არ არის დანაშაული, არ შეიძლება ბრალი დაედოს.

ჯანდაცვის მინისტრის მოადგილე: „ევექსს“ ვადა დღეს, დღის ბოლომდე მივეცით

ბატონო ლევან, როგორც ვიცით, „ევექსს“ ამ დროისთვის აჭარის სამივე მაღალმთიან მუნიციპალიტეტში გაჩერებული აქვს სტაციონარული მომსახურება. თქვენ ამბობთ, რომ „ევექსის“ სურვილის მიუხედავად ქირურგი, ანესთეზიოლოგი, გინეკოლოგი და რეანომობილი იმუშავებს შუახევის მუნიციპალურ საავადმყოფოში. რა შეიცვალა?

სამწუხაროდ, არ მუშაობდა და ამის პასუხისმგებლობა დაეკისრება იმას, ვისი ვალდებულებაც იყო, რომ ემუშავებინა.

რა სახის პასუხისმგებლობა დაეკისრება?

ჩამოდის საქართველოს ჯანდაცვის სამინისტროს შესაბამისი კომისია, რომელიც გაარკვევს, რატომ არ მუშაობდა სერვისები. იმ ხელშეკრულებით, რომელიც 2011 წლის ნოემბერში გაფორმდა სახელმწიფოსა და კომპანიას შორის, კომპანია ვალდებული იყო ქედაში, შუახევსა და ხულოში ქირურგი, ანესთეზიოლოგი, გინეკოლოგი ჰყოლოდ და სხვადასხვა სტაციონარული მომსახურება ჰქონოდა. აქედან გამომდინარე, კომპანია ვალდებული იყო ადგილზე ექიმების ბრიგადა ჰყოლოდა.

ბოლო პერიოდში თქვა კომპანიამ, რომ აპირებდა სერვისების გადაწყობას, მაგრამ ეს ეხებოდა დაფინანსების ფორმას და არა საავადმყოფოში ექიმის არარსებობას. ანუ ისინი ამბობდნენ, რომ ჩვენ სერვისი გვექნება, მაგრამ არ ვიმუშავებთ სახელმწიფო დაფინანსებითო. სტაციონარის გაუქმებაზე საუბარი არ ყოფილა.

ჩვენ მას შევთავაზეთ ასეთი რამ – კი ბატონო, არ გინდა, მაშინ სერვისებმა იმუშავოს და ჩვენ პაციენტს სხვა ფორმით დავაფინანსებთ. მათ ვუთხარით, ანაზრაურება რა ფორმით მოხდება – პაციენტი გადაიხდის, აჭარის ჯანდაცვის სამინისტრო, სარეზერვო ფონდი თუ შევქმნით სხვა პროგრამას, ეს სხვა საკითხია-თქო. შუახევში რეანომობილი დავაყენებინეთ და გადაწყდა, რომ ურგენტული, ანუ სასწრაფო გადაუდებელი მომსახურება ყველა რაიონში ჩატარდებოდა. რაც შეეხება გეგმიურ ოპერაციებს, ის შეიძლება დაეგეგმათ, სადაც მათ სურდათ.

აღმოჩნდა, რომ რეანომობილი იდგა ერთი-ორი დღე და შემდეგ შეწყვიტეს მომსახურება – არ შექმნეს განრიგი, რომელი ქირურგი, ანესთეზიოლოგი იმორიგევებდა. აქედან გამომდინარე მოხდა გუშინ სამწუხარო შემთხვეა. ახლა საკითხი ასე დგას – მათ არ შეასრულეს ხელშეკრულებით ნაკისრი ვალდებულება, შესაბამისად, დაეკისრებით ხელშეკრულებით განსაზღვრული პასუხისმგებლობა.

ამ საკითხზე კომპანიის ხელმძღვანელობასთან კომუნიკაცია უკვე გქონდათ?

ჩვენ მივეცით დრო დღის ბოლომდე. თუკი დღის ბოლომდე იქ არ იქნება მოწესრიგებული ეგ საკითხი, შესაბამისად, საქართველოს ჯანდაცვის სამინისტროს საგანგებო სიტუაციების მართვის სამსახურს აქვს საშუალება ნებისმიერი პროფესიის ექიმებით უზრუნველყოს რეანომობილი. საკითხს საღამომდე თუ არ გადაწყვეტენ, ჯანდაცვის სამინისტრო არის მზად თვითონ უზრუნველყოს ეს მომსახურება.

მათი პოზიცია როგორია?

ადგილობრივ ხელმძღვანელობასაც ვესაუბრეთ, თბილისშიც ვესაუბრეთ და დაგვიპრდნენ, რომ საღამომდე საკითხი დადებითად გადაწყდება. შესაბამისად, საღამოს გადავამოწმებთ.

„ევექსის“ წარმომადგენელი ბოლო დღეების განამვლობაში განმარტავდა, რომ კომპანია რისკების შემცირების მიზნით აპირებდა სტაციონარული მომსახურების გაუქმებას. როცა ამას ამბობდნენ, მაშინ რატომ არ მოსთხოვეთ ასე კატეგორიულად ხელშეკრულების პირობების შესრულება, სანამ გუშინდელი ტრაგიკული შედეგი არ დადგა?

ჩვენ დავუმტკიცეთ, რომ ეს არ იყო სწორი გადაწყვეტილება. მისი უფლებაა გამოვიდეს სახელმწიფო პროგრამებიდან, მაგრამ მისი ვალდებულებაა ჰქონდეს მომსახურება. ჩვენ მათ ვესაუბრეთ იმაზე, რომ სურვილის შემთხვევაში ჰქონდა უფლება გამოსულიყო ანაზრაურების ფორმიდან თუ ორი თვით ადრე დაწერდა განცხადებას, მაგრამ ვალდებული იყო განეხორციელებინა სხვადასხვა მომსახურება, მათ შორის სტაციონარული მომსახურება – გინეკოლოგია, მეანობა, ქირურგია, რეანიმაცია, ონკოლოგია, ოტოლარინგოლოგია. ეს წერია ხელშეკრულებაში, რომელზეც ზემოთ ვილაპარაკე, რის საფუძველზეც თავის დროზე მათ ქონება გადეცათ.

როგორც ცნობილია, სავადმყოფოები მთიან მუნიციპალიტეტებში კომპანიისთვის წამგებიანია. სახელმწიფო ხომ არ აპირებს პროგრამაც დაფინანსოს და ექიმიც?

ექიმს არ დააფინანსებს, სახელმწიფო დააფინანსებს პაციენტს, კომპანიის ვალდებულება კი ის არის, რომ უზრუნველყოს სამსახური. თუ პაციენტი ამ სამსახურში მოხვდება, მას მიყვება შესაბამის ანაზღაურება.

თუმცა კლინიკამ შეიძლება თქვს, რომ ეს საავადმყოფოები მისთვის მძიმე ტვრითია.

როცა ხელშეკრულებას ხელს აწერ, მძიმე ტვირთიც უნდა განსაზღვრო, უნდა იცოდე, რომ არის საკითხები, რომელიც ძალიან მომგებიანია და არის საკითხი, რომელიც შეიძლება იყოს წამგებიანი. თუ ასე დგას საკითხი, მაშინ ხელშეკრულების ხელმომწერ მეორე მხარეს უნდა შეუთანხმდე და უნდა მონახო სხვა ფორმა. ეს ჩემთვის მძიმეა და აღარ გავაკეთებ – ასე არ შეიძლება. როცა ამ ხელშეკრულებას ხელს აწერდნენ, მაშინაც ძალიან მძიმედ ითვლებოდა, მაგრამ სამაგიეროდ ძალიან მსუბუქია რეფერალური საავადმყოფო აგერ ბათუმში, რამდენიმე საავადმყოფო თბილისში, ქუთასში, ზუგდიდში. ისინი საკმაოდ წარმატებლად მუშაობენ.

რაც შეეხება ხულოსა და ქედის საავადმყოფოებს. იქაც დააბრუნებს კომპანია ექიმებს?

იგივე მდგომარეობა იყო აქამდე და ისევე გამოსწორდება, როგორც შუახევში. ჩვენ ახლა ვმუშაობთ იურიდიული საკითხების გამყარებაზე – კომპანიამ მიიღო სამართლებრივადაც, მორალურადაც არასწორი გადაწყვეტილება და არავისი აზრი არ გაითვალისწინა. ახლაც თუ ვერ შევთანხმდებით, მაშინ საკითხი გადაწყდება სასამართლოს გზით.

თუ დადასტურდება კომპანიის ბრალეულობა, რა სახის პასუხისმგელობა შეიძლება დაეკისროს?

ამის შესახე კონკრეტულად ვერაფეს გეტყვით, კომისიამ უნდა დადოს დასკვნა. ხელშეკრულების მუხლების მოთხოვნები თუ არ სრულდება, ყოველთვის არის ხელშეკრულებაში ისეთი მუხლი, როდესაც შეიძლება გაწყდეს ხელშეკრულება და ის ქონება, რაც წაიღო კომპანიამ, დაუბრუნდეს სახელმწიფოს. მაგრამ მე არ ვამბობ, რომ ეს ასე მოხდება.

თურქული დროშით მცურავი გემი უკვე გათავისუფლებულია

შს სამინისტროს მიერ დღეს გავრცელებული ცნობით, „სანაპირო დაცვის დეპარტამენტის საგამოძიებო-ოპერატიული მთავარი სამმართველოს დასავლეთის ოპერატიული სამსახურის თანამშრომლებმა თურქეთის დროშით მცურავი მშრალტვირთმზიდი გემი „MECIT KAPTAN“-ი ნაოსნობის წესების დარღვევის ფაქტზე (ნაოსნობის განსაკუთრებული სიფრთხილის რაიონის გადაკვეთა) დააკავეს.

აღნიშნული გემის კაპიტნის მიმართ ნაოსნობის წესების დარღვევის ფაქტზე დაიწყო საქმისწარმოება საქართველოს ადმინისტრაციულ სამართალდარღვევათა კოდექსის 114-ე პრიმა-1 მუხლის 1-ლი ნაწილით. გემის კაპიტანს ბიუჯეტის სასარგებლოდ დაეკისრა ჯარიმა – 50 000 ლარის ოდენობით. ჯარიმის გადახდის შემდეგ გემს თავისუფალი ნაოსნობის უფლება მიეცა“.

სასაზღვრო პოლიციის პრესსამსახურის წარმომადგენლის, ლაშა ბაბილოძის განმარტებით, გემი ხუთშაბათს, გამთენიისას დააკავეს და ფოთის ნავმისადგომზე გადაიყვანეს. საჯარიმო თანხა- 50 ათასი ლარი გემმა პარასკევს გადაიხადა და იმავე დღეს დატოვა საქართველოს ტერიტორიული წყლები.