Batumelebi | ”ალი და ნინო” ახალ ადგილას [ვიდეო] ”ალი და ნინო” ახალ ადგილას [ვიდეო] – Batumelebi
RU | GE  

”ალი და ნინო” ახალ ადგილას [ვიდეო]

 

დღეს „ალი და ნინოს“ ქანდაკება ბათუმის ბულვარში ე.წ. „პანორამული ბორბლის“ მიმდებარე ტერიტორიაზე ოფიციალურად გაიხსნა. გახსნის ცერემონიალს ძეგლის ავტორი, უცხოეთში მოღვაწე ქართველი მოქანდაკე თამარ კვესიტაძე დაესწრო.

რკინის კონსტრუქციის ახალ ტერიტორიაზე გადატანის სარეაბილიტაციო სამუშაოები რამდენიმე ხნის განმავლობაში მიმდინარეობდა. ქანდაკების საყრდენი ფილის პერიმეტრზე მინის გამჭვირვალე მოაჯირი მოეწყო,  კვარცხლბეკი გრანიტის ფილებით მოპირკეთდა და ირგვლივ ხის ძელსკამები დაუმონტაჟდა.

ბულვარის ადმინისტრაციის ცნობით, რკინის მოძრავმა ქანდაკებამ სატესტო ეტაპი წარმატებით გაიარა და დღეიდან ჩვეულ რეჟიმში გააგრძელებს ფუნქციონირებას.

Jpeg

Jpeg

„ალი და ნინოს“  ადგილმონაცვლეობისთვის ბიუჯეტიდან 185 550 ლარი გამოიყო.

სამუშაოებს ტენდერში გამარჯვებული კომპანია „არნაბი 21“ ასრულებდა.

ძეგლის ადგილმონაცვლეობა ვადაზე ადრე დასრულდა, სატენდერო პირობების მიხედვით, სამუშაოები 15 სექტემბერს უნდა დასრულებულიყო.

შეგახსენებთ, რომ 26 აგვისტოს ძეგლი დემონტაჟისას დაზიანდა.

ძეგლი გადაღებულია ძველი ადგილიდან

ნეტგაზეთის მასალების სხვა გამოცემებში გადაბეჭდვის წესი
"ბათუმელები"