Batumelebi

არჩილ ხაბაძემ ლიტვის ელჩს რეგიონის საინვესტიციო გარემო და ტურისტული პოტენციალი გააცნო. არჩილ ხაბაძის განცხადებით, მომავალში შესაძლებელი იქნება ლიტვის რომელიმე რეგიონისა და აჭარის რეგიონის დამეგობრება და პარტნიორობის გაგრძელება სხვადასხვა მიმართულებით.

გიედრიუს პუოჟიუნასს, ქობულეთის მუნიციპალიტეტის გამგებელი სულხან ევგენიძე და საკრებულოს თავმჯდომარემ სულხან ოქროპირიძეც შეხვდნენ. შეხვედრაზე მხარეებმა განხორციელრებულ ერთობლივ პროექტებსა  და სამომავლო გეგმებზე ისაუბრეს.

ელჩმა მუნიციპალიტეტის ხელმძღვანელობასთან ერთად ქობულეთის მუზეუმი დაათვალიერა. რამდენიმე წლის წინ ლიტვის სახელმწიფოს დახმარებით ქობულეთის მუზეუმის შენობას რეკონსტრუქცია ჩაუტარდა. 

ქობულეთის მუნიციპალიტეტი რამდენიმე წელია ლიტვის ქალაქ პალანგასთან მეგობრობს და სექტემბრის თვეში პალანგაში ვიზიტი იგეგმება.

შს სამინისტროს საპატრულო პოლიციის დეპარტამენტის აჭარის მთავარი სამმართველოს და შემოსავლების სამსახურის საბაჟო დეპარტამენტის თანამშრომლებმა, დაკავებულის ხელბარგის ჩხრეკისას, 0,9 გრ ნარკოტიკული საშუალება კოდეინის მარილის შემცველი 60 აბი სამედიცინო პრეპარატი „დოლადამონი“ და 3,6 გრ ფსიქოტროპული ნივთიერება ფსევდოეფედრინის შემცველი 60 აბი სამედიცინო პრეპარატი „სუდაფედი“ ამოიღეს.

გამოძიებამ დაადგინა, რომ ბრალდებულს აღნიშნული 120 აბი სარფის საბაჟო გამშვები პუნქტის გავლით, საქართველოში თურქეთის რესპუბლიკიდან შემოჰქონდა. დაკავებული აღიარებს ჩადენილ დანაშაულს.

გამოძიება ნარკოტიკული საშუალების უკანონო შეძენა-შენახვის და საქართველოში ნარკოტიკული საშუალების უკანონოდ შემოტანის, დიდი ოდენობით ფსიქოტროპული ნივთიერების შეძენა-შენახვის და საქართველოში ფსიქოტროპული ნივთიერების დიდი ოდენობით უკანონოდ შემოტანის ფაქტზე მიმდინარეობს (საქართველოს სსკ-ის 260-ე მუხლის 1-ლი ნაწილით, 261-ე მუხლის მე-3 ნაწილის „ა“ ქვეპუნქტით, 262-ე მუხლის 1-ლი ნაწილით და 263-ე მუხლის 1-ლი ნაწილით).

არჩილ მიქელაძე

„ჩვენი მოვალეობა არჩევნების ჩატარებაა. თუ არ არის არჩევნები, მას ვერ ვატარებთ, ანუ ამ დროს ძირითადი საქმე არ გვაქვს. რაც შეეხება არჩევნებს შორის პერიოდს. ეს გასული არჩევნების შეჯამების, ინფორმაციის თავმოყრის, ვებგვერდზე ატვირთვისა და სისტემატიზაციის პერიოდია. ხშირად არასამთავრობოები საუბრობენ, რომ უსკოს საქმე არ აქვს. ის, რომ როცა არჩევნები არ არის, ძირითადი საქმე არ გვაქვს, რეალობაა. როგორ წარმოგიდგენიათ, რა უნდა აკეთოს ამ დროს უსკომ? – ის საარჩევნო ადმინისტრაციაა და მინდორში ვერ გავა ხორბლის დასათესად, ვერც ქალაქის ინფრასტრუქტურას მიხედავს. ჩვენი მისიაა, ასევე, თუ რაიმე გაუთვალისწინებელი მოხდა, რომელიმე წევრი გავიდა უმაღლესი საბჭოდან, მზად ვიყოთ ახალი არჩევნების ჩასატარებლად“, – ამბობს უსკოს თავმჯდომარე არჩილ მიქელაძე.

უსკოს იურიდიული სამსახურის ხელმძღვანელის, ფრიდონ ბათნიძის ინფორმაციით კი, არასაარჩევნო პერიოდში უსკო „მიმდინარე საქმეებით“ შემოიფარგლება. `ზოგჯერ პარტიები მოდიან კითხვებით, მათ იურიდიულ კონსულტაციას ვუწევთ“.

კანონმდებლობით უსკოს საქმიანობას აჭარის უმაღლესი საბჭოს არჩევნების შესახებ კანონი და უსკოს რეგლამენტი არეგულირებს. უმაღლესი საბჭოს არჩევნები ერთადერთი არჩევნებია, რომლის ჩატარებაზეც უსკოა პასუხისმგებელი. ამ არჩევნებს ის მუნიციპალიტეტების საარჩევნო ოლქებისა და მასზე დაქვემდებარებული უბნების დახმარებით ატარებს. სხვა დროს ოლქები უსკოს არ ექვემდებარებიან და არც უსკოა მათ საქმიანობაზე პასუხისმგებელი. უსკო არც ცენტრალურ საარჩევნო კომისიას ექვემდებარება.

უსკო პასიურ რეჟომშია, როცა ქვეყანაში ადგილობრივი თვითმმართველობის, საპარლამენტო ან საპრეზიდენტო არჩევნები ტარდება, თუ მათ შორის რომელიმე დროში უმაღლესი საბჭოს არჩევნებს არ დაემთხვა. უსკომ ბოლოს არჩევნები 2012 წლის ოქტომბერში ჩაატარა. მას შემდეგ თითქმის სამი წელი გავიდა, ანუ ამდენივე დრო ჰქონდა უსკოს, თავმჯდომარის არჩილ მიქელაძის სიტყვებით რომ ვთქვათ, „ინფორმაციის სიტემატიზაციისთვის“.

მიუხედავად გრძელვადიანი პასიური პერიოდისა, უსკოს ვებგვერდზე განთავსებული ინფორმაცია არასრულია. მართალია, უსკოს მიერ გამოცემული აქტები ატვირთულია, თუმცა გრაფაში „პროაქტიული გამოქვეყნება“ მხოლოდ იმის გაგება შეიძლება, თუ ვინ არის უსკოში საჯარო ინფორმაციის გაცემაზე პასუხიმგებელი პირი.

უსკოს ვებგვერდზე არ იძებნება პროაქტიული გამოქვეყნების შესახებ მთავრობის დადგენილებით მოთხოვნილი ინფორმაცია მივლინებების, შესყიდვების, გაცემული პრემია-დანამატების შესახებ და არც უსკოს მუშაობის შესახებ ანგარიშებია ატვირთული. უსკოში ამბობენ, რომ „ინფორმაცია ასატვირთია“.

უკვე ატვირთული ინფორმაციის მიხედვით კი, 2015 წელს უსკოს ერთი სხდომა ჩაუტარებია. სხდომაზე ორი საკითხი განუხილავთ: პირველი – საარჩევნო კომისიის წევრებსა და აპარატის თანამშრომლებზე გასაცემი დანამატის ზღვრული ოდენობის განსაზღვრა იყო, მეორე კი – აპარატში საჯარო ინფორმაციის გამცემისა და პროაქტიულ გამოქვეყნებაზე პასუხისმგებელი პირის შერჩევა.

საიტზე ატვირთულ ოქმში წერია: „დანამატი განისაზღვროს თანახმად დანართისა“, ხოლო დანართი ატვირთული არ არის. რაც წესით ისეთივე საჯარო ინფრომაციაა, როგორც უსკოს თავმჯდომარის განკარგულება ან რაიმე სხვა აქტი.

უსკოს თავმჯდომარის ინფორმაციით, დანამატის ოდენობა სარგოს 75% პროცენტით განსაზღვრეს ყველა თანამშრომელზე, მიუხედავად რანგისა: „თუმცა ეს იმას არ ნიშნავს, რომ დანამატი ყოველთვის სარგოს 75 %-ის ოდენობით გაიცემა. შეიძლება ეს იყოს 50-60% და მისი გაცემის ინტენსივობაც ფინანსებზე იქნება დამოკიდებული.“

კიდევ ერთი საინტერესო დეტალი: აჭარის კანონი უმაღლესი საბჭოს არჩევნების შესახებ საარჩევნო პერიოდში უსკოს წევრებსა და აპარატის თანამშრომლებზე გასაცემი ანაზღაურების გაორმაგებას ითვალისწინებს. „საარჩევნო პერიოდში, სამი თვის განმავლობაში, ხელფასი ორმაგდება“. ანუ, ამ დროს უსკოს თავმჯდომარის ხელფასი 5000 ლარს აღწევს, სამსახურის ხელმძღვანელის ხელფასი კი 3000-მდე ლარს.

სხდომა უსკოში

უსკო და ამომრჩეველი: კითხვაზე, რატომ არ შეიძლება უსკომ იზრუნოს ამომრჩეველის ცნობიერების ამაღლებაზე მაშინ, როცა ის არჩევნების სამზადისით არ არის დატვირთული, გადაამზადოს საარჩევნო მოხელეები, მოაწყოს საჯარო შეხვედრები? _ უსკოს თავმჯდომარე პასუხობს: „როცა ენჯეოები საუბრობენ: უსკოს რა ენაღვლება საქმე არა აქვსო, ამბობენ, რომ კარგი იქნება უსკომ სწავლების ცენტრი გააკეთოს. ამ დროს არავინ ამბობს, რომ ამას სჭირდება სახსრები. თანაც ჩვენ ადამიანური რესურსი არ გვეყოფა“.

უსკოს თავმჯდომარე იმასაც ადასტურებს, რომ მსგავსი იდეის დასაფინანსებლად უმაღლესი საბჭოსთვის არასოდეს მიუმართავს. მისივე ინფორმაციით, მსგავს პროექტს ცენტრალური საარჩევნო კომისია ახორციელებს, ამიტომ იდენტური ცენტრის შექმნა ორმაგი რესურსის ხარჯვა იქნებოდა.

კანონმდებლობით უსკოს თავმჯდომარისა და წევრის უფლებამოსილების ვადა 5 წლით განისაზღვრება, გარდა კანონით განსაზღვრული წესით პოლიტიკური გაერთიანებების მიერ დანიშნული კომისიის 8 წევრისა, რომელთა უფლებამოსილების ვადაც არჩევნების დანიშვნიდან ახალარჩეული უმაღლესი საბჭოს უფლებამოსილების ცნობამდე მონაკვეთით განისაზღვრება, ხოლო შუალედური ან ხელახალი არჩევნების შემთხვევაში არჩევნების შედეგების ოფიციალურ გამოქვეყნებამდე.
უსკოს თავმჯდომარეს ან წევრს (გარდა პოლიტიკური პარტიების მიერ დანიშნული წევრებისა) გათვალისწინებული უფლებამოსილების ვადა უწყდება ახალარჩეული თავმჯდომარის ან წევრის არჩევის შესახებ უმაღლესი საბჭოს მიერ მიღებული დადგენილების ძალაში შესვლის დღიდან. უსკოს თავმჯდომარე იმავდროულად არის უმაღლესი საარჩევნო კომისიის წევრი. უსკოს თავმჯდომარის უფლებამოსილების შეწყვეტა იმავდროულად იწვევს მისი წევრობის უფლებამოსილების შეწყვეტას. უსკოს თავმჯდომარესა და 5 წევრს, აჭარის ავტონომიური რესპუბლიკის მთავრობის თავმჯდომარის წარდგინებით, ირჩევს უმაღლესი საბჭო. უსკოს თავმჯდომარეობის ან წევრობის კანდიდატები ირჩევა ღია კონკურსის წესით.

უსკოს სამი ახალი წევრი უმაღლესმა საბჭომ 6 აგვისტოს დაამტკიცა. უმაღლესი საბჭოს გადაწყვეტილებით უსკოს ახალი წევრები არიან: ზურაბ გოლიაძე, რამაზ გოლომანიძე და თორნიკე მჟავანაძე.

კითხვა: უსკო რომ არ იყოს ? – უსკოს თავმჯდომარემ „ლეგიტიმურ კითხვად“ შეაფასა, მისი თქმით ან არ უნდა იყოს უსკო ან მას ფუნქციები უნდა დაემატოს: „სხვა ფუნქციებთან ერთად კარგი იქნება თუ  თვითმმართველობის არჩევნების ორგანიზებაშიც მიიღებს უსკო მონაწილეობას.“

უნდა იყოს თუ არა უსკო და რა დააკლდება აჭარას, თუ ის არ იქნება – ეს უმაღლესი საბჭოს გადასაწყვეტია, თუმცა საკითხი ჯერჯერობით დღის წესრიგში არ დგას.

რა საფრთხეებს შეიცავს რელიგიური შეუწყნარებლობა, როგორია სახელმწიფოს, მედიის და საზოგადოების როლი – ამ თემაზე დისკუსიის მთავარი მომხსენებლები არიან ეთერ თურაძე, გაზეთ „ბათუმელების” მთავარი რედაქტორი და სულხან ღლონტი, აჭარის უმაღლესი საბჭოს წევრი. დისკუსიის მოდერატორია ჟურნალისტი ნანა კვაჭაძე. 

ღონისძიება ტარდება პროგრამის – „კავკასიის სიმბოლური სასამართლო ადამიანის უფლებებთან დაკავშირებით და სამოქალაქო მოსმენები კავკასიის ქვეყნების დემოკრატიის სამსახურში“ – ფარგლებში. პროგრამის მხარდამჭერია ამერიკული ფონდი “ეროვნული წვლილი დემოკრატიისათვის” (National Endowment for Democracy – NED).

სამოქალაქო მოსმენა გაიმართება მისამართზე: ბათუმი, ფარნავაზ მეფის ქ. 62–64, დემოკრატიული ჩათულობის ცენტრი. 

დასაწყისი: 14 საათზე. 

დასწრება თავისუფალია. 

 KTW „აგრო ქედას” საწარმოს მშენებლობას გასულ წელს ჩაეყარა საფუძველი. საწარმო უკვე მზადაა ხილის მისაღებად. ქარხანაში დამონტაჟებულია თანამედროვე დანადგარები. ამ ეტაპზე ქარხანაში 36 ადგილობრივია დასაქმებული. სრული დატვირთვის შემთხვევაში დასაქმებულთა რაოდენობა 50-მდე გაიზრდება.

“ამ საწარმოს ამოქმედება არის ყველაზე მნიშვნელოვანი რეგიონისთვის. ჩვენს გლეხებს, ჩვენს ფერმერებს, ადგილობრივ მოსახლეობას საშუალება ეძლევა, ჩააბარონ ამ საწარმოში მათ მიერ მოწეული ყველა სახეობის ხილი. წლების განმავლობაში ეს მოსავალი იყრებოდა, ფუჭდებოდა, მოსახლეობას არ ჰქონდა შესაძლებლობა სადმე ჩაებარებინა ხილი. წელს ზურაბ ჩხაიძის წამოწყებით ამ საწარმოში ჩააბარებენ ხილს. ჩვენი მთავრობისთვის ძალიან მნიშვნელოვანია ყოველი ასეთი პროექტის ხელშეწყობა. აქტიური მონაწილეობა მიიღო სახელმწიფომ ამ საწარმოს მშენებლობაშიც – შარშან ჩვენ გავეცით 400 ათასი დოლარის სახელმწიფო თანადაფინანსება და ნახევარმილიონიანი შეღავათიანი აგროკრედიტი. სასიხარულოა, რომ დღეს ჩვენ ვხედავთ შედეგს – კომპანია „კახური ტრადიციული მეღვინეობა“ უკვე მეორე საწარმოს ხსნის ამ რეგიონში,”- განაცხადა პრემიერმა სიტყვით გამოსვლისას.

ქედაში ასევე იმყოფებოდნენ საკანონმდებლო და აღმასრულებელი ხელისუფლების წარმომადგენლებიც.

I – გარდენს [ხმა მისცა 234-მა ადამიანმა, გამოკითხულთა 17,31 %]

II  – პრივეტ იზ ბათუმა [ხმა მისცა 218-მა ადამიანმა, გამოკითხულთა 16,12 %]

III  – BK [ხმა მისცა 172-მა ადამიანმა, გამოკითხულთა 12,72 %]

IV – ვინილი [ხმა მისცა 111-მა ადამიანმა, გამოკითხულთა 8,21 %]

V  – ტერასა [ხმა მისცა 101-მა ადამიანმა, გამოკითხულთა 7,47 %]

გამოკითხვაში სულ 19 კაფე და კაფე-რესტორანი მონაწილეობდა. 

„აჭარის ავტონომიური რესპუბლიკის უმაღლესი საბჭოს არჩევნების შესახებ აჭარის ავტონომიური რესპუბლიკის კანონის თანახმად, უსკოს თავმჯდომარეობის და წევრობის კანდიდატი უპარტიო პირი უნდა იყოს. მიგვაჩნია, რომ აღნიშნული მოთხოვნა არ არის მხოლოდ ფორმალური ხასიათის და კანდიდატის პოლიტიკურ ნეიტრალურობას გულისხმობს. მიუხედავადა ამისა, ჩვენს მიერ მოძიებული ინფორმაციის თანახმად, დარეგისტრირებული 24 კანდიდატიდან 19 კანდიდატის საარჩევნო გამოცდილება სწორედ პოლიტიკურ პარტიებთან გაწეულ საქმიანობას უკავშირდება და ისინი ცალსახად ასოცირდებიან საზოგადოების თვალში ამა თუ იმ პოლიტიკურ პარტიასთან.

„სამართლიანი არჩევნები“ მუშაობის დაწყებისთანავე მოუწოდებდა კომისიას, რომ მომხდარიყო მხოლოდ პოლიტიკურად ნეიტრალური კანდიდატების პროფესიული ნიშნით შერჩევა და შესაბამისად აჭარის მთავრობასა და უმაღლეს საბჭოს პოლიტიკური სიმპათიების მიხედვით გადაწყვეტილების მიღების საშუალება არ მისცემოდა. აღნიშნული მოთხოვნა კომისიის მუშაობის პროცესში არ იქნა გათვალისწინებული. შესაბამისად, კომისიის მიერ მთავრობის თავმჯდომარისთვის წარდგენილი 9 კანდიდატიდან მხოლოდ 3, ხოლო მთავრობის თავმჯდომარის მიერ უმაღლესი საბჭოსთვის წარდგენილი 6 კანდიდატიდან მხოლოდ ერთი არ იყო ასოცირებული არც ერთ პოლიტიკურ პარტიასთან.

მიგვაჩნია, რომ უსკოს წევრებად არჩეული სამივე პირის პოლიტიკური ასოციაცია ამა თუ იმ პარტიასთან სრულიად აშკარაა და შესაბამისად, ვფიქრობთ, რომ სწორედ პოლიტიკური ნიშნით მოხდა მათი არჩევა უმაღლესი საბჭოს მიერ. უსკოს წევრად არჩეული ზურაბ გოლიაძე ბოლო წლებში კოალიცია „ქართული ოცნების“ ქობულეთის საარჩევნო შტაბში იურისტად მუშაობდა, 2012 წლის არჩევნებზე კი კოალიცია „ქართული ოცნების“ წარმომადგენელი იყო ქობულეთის საარჩევნო ოლქში. კიდევ ერთი ახლადარჩეული წევრი, რამაზ გოლომანიძე, ქედის საკრებულოს წევრია და ამავე საკრებულოს მიერ მოწოდებული 6 ივლისის წერილის თანახმად ფრაქცია „ქართული ოცნება – ეროვნული ფორუმის“ თავმჯდომარე; მესამე წევრი კი, თორნიკე მჟავანაძე, 2013 წელს პარტია „თავისუფალი დემოკრატების“ მიერ წარდგენილი ბათუმის საარჩევნო ოლქის წევრი იყო.

მიგვაჩნია, რომ უსკო საზოგადოების განსაკუთრებული ნდობით უნდა სარგებლობდეს და მისი დაკომპლექტება პროფესიული ნიშნით უნდა მოხდეს, რადგან საზოგადოებაში არ გაჩნდეს ამ ორგანოს პოლიტიკური მიკერძოებულობის განცდა.

გარდა ამისა, საკონკურსო კომისია, რომელიც აჭარის მთავრობის აპარატისა 5 წევრისა და არასამთავრობო სექტორის 2 წარმომადგენლისგან შედგება, ვერ უზრუნველყოფს რეალურ პარიტეტს. მიგვაჩნია, რომ კომისიის მუშაობის მეტი ნეიტრალურობისა და ობიექტურობისთვის, ის თანაბრად უნდა იყოს დაკომპლექტებული სამთავრობო და არასამთავრობო სექტორით. შესაბამისად, მოვუწოდებთ აჭარის მთავრობას სამომავლოდ გადაიხედოს აღნიშნული კომისიის დაკომპლექტების წესი“ – ნათქვამია განცხადებაში, რომელიც ორგანიზაციამ დღეს გაავრცელა. 

10 სართულიანი სასტუმრო 101 ნომერს მოიცავს. „Colosseum Marina Hotel”- ში ყველა ნომერი ზღვის ხედითაა. სასტუმროს 80 ადგილიანი ავტოსადგომი, ჩოგბურთის ღია და დახურული ორი მოედანი, სატრენაჟორო დარბაზი, 1200 კვადრატულ მეტრზე განთავსებული ორი ვერანდა, ღია და დახურული აუზები, ორი საკონფერენციო დარბაზი, სპა ცენტრი და ბავშვებისთვის განკუთვნილი იზოლირებული გასართობი კუთხე გააჩნია. ადგილობრივ მთავრობასა და ინვესტორს შორის გაფორმებული ხელშეკრულების თანახმად, სასტუმროს მშენებლობა 2013 წლის 1 მარტს დაიწყო. მშენებლობაში “მარი ჯგუფმა” 14 მლნ დოლარამდე ინვესტიცია განახორციელა.

სასტუმროში ამჟამად 100 ადგილობრივი კადრია დასაქმებული, სრულად ამოქმედების შემდეგ კი სულ 170 ადამიანი დასაქმდება.

“წელს ბათუმში 20 სასტუმროს პროექტი ხორციელდება, რომელთა საერთო ღირებულებაც შეადგენს 700 მილიონ დოლარს. ეს მიუთითებს იმაზე, რომ რა თქმა უნდა მოთხოვნა არის მზარდი და ტურისტების რაოდენობა მატულობს ბათუმში და ზოგადად აჭარაში. ჩვენ უპრეცედენტოდ დიდი რაოდენობა გვქონდა ტურისტების გასულ წლებში და წელსაც მათი რიცხვი მნიშვნელოვნად დიდია. ტურიზმი არის მზარდი და ამ მიმართულებით საჭიროა სახელმწიფოს მხრიდან ბიზნესის მხარდაჭერა და წახალისება,”-განაცხადა პრემიერმა სასტუმროს დათვალიერების შემდეგ. 

დევნილების განცხადებით, მათ ჯერ  ბიძინა ივანიშვილი დაჰპირდა დახმარებას, მიმდინარე წელს კი დევნილთა და განსახლების მინისტრთან, სოზარ სუბართანაც იმყოფებოდნენ მათი წარმომადგენლები, მაგრამ მათი ბინებით დაკმაყოფილების საკითხი არ წყდება. დევნილების თქმით, მათ 2006 წელს ძალით გამოსახლების შემდეგ მიიღეს კონპენსაცია, 7 000 დოლარი, თუმცა ამ თანხად საცხოვრებელი ფართის შეძენა ვერ შეძლეს და დღემდე ნაქირავებ ბინაში ცხოვრობენ.

„სულ გვპირდებიან, ეს აშენდება, ის აშენდება… სააკაშვილის მთავრობის დროს ასე იყო და იგივე გრძელდება ამ მთავრობასთან. ჩვენ გვინდოდა კონვერტის გადაცემა, არ მჯერა, რომ კონვერტი მიდის ადრესატამდე. მინდოდა ხელიდან ხელში გადამეცა, რომ დავრწმუნებულიყავი, რომ პრემიერ-მინისტრმა ნამდვილად მიიღო ჩემი წერილი. მივცემდი წერილს და ეს იქნებოდა“,  – თქვა ეკატერინე დოლიძემ.

„დაახლოებით ოთხასი ოჯახია ასეთი, ქირით ვცხოვრობთ და იმ ქირის ფულსაც ვერ ვიხდით“,  – ამბობს ნანა პერტია.

სასტუმრო „კოლიზეუმის“ გახსნის შემდეგ პრემიერ-მინისტრი ღარიბაშვილი დევნილებთან შესახვედრად გამოვიდა და დაახლოებით 10-15 წუთის მანძილზე ესაუბრა მათ რამდენიმე წარმომადგენელს. „პრემიერმა  ბოდიში მოგვიხადა, რომ ძალით გაგვიყვანა დაცვამ“, – განაცხადა შეხვედრის შემდეგ ერთ-ერთმა მოქალაქემ. დევნილების თქმით, ღარიბაშვილი მათ სიტუაციაში გარკვევას დაჰპირდა:

„ორი ბინა შეისყიდა მთვრობამ, სადაც გავიგეთ, რომ ჩვენ არ ვხვდებით. ჩვენ შევხვდით სოზარ სუბარს, მან თქვა, თუ სახელწიფო კანონს არ მიიღებს, მე ამის შეცვლა არ შემიძლიაო. თქვა, რომ მე თვითონ ვიცავდი თქვენს უფლებებს და სახელმწიფომ უნდა მომცეს საშუალება, რომ მე მოგცეთ ბინებიო. პრემიერმა თქვა, რომ ამ წუთში დარეკავს სოზარ სუბართან და გიორგი ვოლსკისთან, რომელსაც ჩვენ ასევე შევხვდით და ყველაფერში გაერკვევა. ჩაიწერა ჩვენი საკონტაქტო ნომერი. ვიმედოვნებთ, რომ ზუსტად ასე იქნება“, – განაცხადა ნანა ჭანტურიამ პრემიერთან შეხვედრის შემდეგ. 

გაზეთ „ბათუმელებს“ აინტერესებდა, როგორ ემზადება მერია „ბათუმობისათვის“, მაგრამ სამზადისის შესახებ ინფორმაციის მიღება „ბათუმელებისთვის“ წელს იმაზე რთული აღმოჩნდა, ვიდრე წინა ორ წელში. ინფორმაციის მიღებასთან დაკავშირებით მოლაპარაკება უშედეგო აღმოჩნდა მერიის პრესსამსახურთან. ამის მიღწევა ასევე შეუძლებელი აღმოჩნდა უფრო მაღალი პასუხისმგებლობის მქონე თანამდებობის პირთან. მერის მოადგილემ, ალექსანდრეე მითაიშვილმა სატელეფონო საუბარში აღნიშნა: „თუ პრესსამსახურთან უკვე ისაუბრეთ, რაღა გინდათ? – ჯერ ჩამოყალიბებული არ ვართ. მიდის მუშაობა და როცა ჩამოვყალიბდებით, მაშინ ვილაპარაკებთ“.

კითხვაზე: ანუ დავწეროთ, რომ სექტემბრამდე ორი კვირით ადრე „ბათუმობის“ შესახებ მერია ჩამოყალიბებული არ არის? – მერის მოადგილემ ასე გვიპასუხა: „თქვენ მოტივირებული ხართ, რომ ეს დაწეროთ. დიახ, ვართ ჩამოყალიბებული, ვმუშაობთ და რომ დასრულდება, შევჯერდებით და ყველაფერზე შემდეგ ვილაპარაკებთ“.

2015 წლის ბიუჯეტში „ბათუმობისთვის“ 200 000 ლარია გათვალისწინებული.

წინა წლებში ჩატარებული „ბათუმობა“ საზოგადოების განხილვის საგანი არა ერთხელ გახდა. „ბათუმობისათვის“ გათვალისწინებული თანხა წინა წლებშიც სოლიდური იყო, მაგრამ ყველა ხარვეზი, რაც „ბათუმობას“ ახლდა, საზოგადოების შეფასებით, არასწორი და დაგვიანებული დაგეგმვის შედეგი იყო.

უწყების ცნობით, პროექტის მიზანია არასრულწლოვნებში ჯანსაღი ცხოვრების წესის პოპულარიზაცია, ლოგიკური აზროვნებისა და შემოქმედებითი პოტენციალის განვითარება, არასრულწლოვნების თავისუფალი დროის სწორად წარმართვა. შეჯიბრში იუსტიციის სამინისტროს დანაშაულის პრევენციის ცენტრის ახალგაზრდული პროგრამის „ლიდერთა სახლის“ მოსწავლეები მონაწილეობდნენ.

ღონისძიებას დანაშაულის პრევენციის ცენტრის დირექტორი ჯონი კვინიკაძე დაესწრო. მისი განცხადებით, შეჯიბრი „ლიდერთა სახლის“ აქტიური მონაწილეებისთვის ერთგვარი წამახალისებელი ღონისძიება იყო: „თამაშში ჩაერთვნენ ის ახალგაზრდები, რომლებიც მთელი წლის განმავლობაში აქტიურად იყვნენ ჩართულები იუსტიციის სამინისტროს დანაშაულის პრევენციის ცენტრის მიერ ჩატარებულ სამართლებრივი და სამოქალაქო ცნობიერების ამაღლებაზე მიმართულ ტრენინგებში. შეჯიბრი ძალიან დაძაბულად წარიმართა. მონაწილეებს რთული მინიშნებების მოძიება და ისტორიულ-გეოგრაფიულ კითხვებზე პასუხების მომზადება ბათუმის ბულვარში დაევალათ. გამარჯვებული გუნდი გარდამავალი თასით და სხვადასხვა შინაარსის ლიტერატურით დასაჩუქრდა“, განაცხადა დანაშაულის პრევენციის ცენტრის დირექტორმა ჯონი კვინიკაძემ.

თამაშში 35 მოსწავლე ( 7 გუნდი, გუნდში – 5 მოსწავლე) მონაწილეობდა. თამაშის საორგანიზაციო და ტექნიკურ დეტალებზე „ლიდერთა სახლის“ შვიდმა მოხალისე სტუდენტმა იზრუნა. წიგნების სასაჩუქრე კომპლექტი გამომცემლობამ „წიგნები ბათუმში“ დააწესა, ხოლო ყველა მონაწილეს საჩუქრად გადაეცა გერმანიის საერთაშორისო თანამშრომლობის საზოგადოების (GIZ) მიერ გამოცემული, ახალგაზრდებისთვის ადაპტირებული იურიდიული შინაარსის წიგნი – „სამართლის ქალაქი“.

 იუსტიციის სამინისტროს დანაშაულის პრევენციის ცენტრის პროგრამა „ლიდერთა სახლი“ საქართველოს მასშტაბით 13 ქალაქში, იუსტიციის სახლებში მიდმინარეობს. 

ამასთან ბიბლიოთეკაში არსებული ყველა რესურსი – წიგნები და კომპიუტერები პირველ სართულზე იქნება ხელმისაწვდომი შშმ პირთათვის.

სხვადასხვა საჯარო შენობებზე სპეციალური საჭიროების მქონე პირებისთვის პანდუსების დამონტაჟება, ბათუმში ჯეოსელის ინიციატივით და ორგანიზაცია “სთეფ ფორვარდის” მხარდაჭერით, რამდენიმე თვის წინ დაიწყო.

ჯეოსელის დაფინანსებით უკვე გაკეთდა ბათუმის მეორე საჯარო სკოლის (სადაც ეტლით მოსარგებლე ბავშვები სწავლობენ) და ვეტერანთა კლუბის პანდუსებით აღჭურვა.