„გამგეობა ინფორმირებული გახდა იმასთან დაკავშირებით, რომ შპს „ლუგამინო ჰოლდინგის“ მიერ ხორციელდება სახელმწიფო საკუთრებაში არსებული მიწის ნაკვეთის უკანონო დაკავება. აღნიშნულზე ზედამხედველობის სამსახურის მიერ განხორციელდა შესაბამისი რეაგირება. კერძოდ, სამართალდარღვევა გათვალისწინებულია ადმინისტრაციულ სამართალდარღვევათა კოდექსის 55-ე პრიმა მუხლით, რაც ითვალისწინებს ჯარიმას 1000-2000 ლარამდე. თვითნებურად აღნიშნული ღობის ნებაყოფლობის აუღებლობის შემთხვევაში დემონტაჟი განხორციელდება აღსრულების წესით.
ხოლო რაც შეეხება შპს „კოკა-კოლა ბოთლერს ჯორჯიას“ მიერ განხორციელდა სახელმწიფო საკუთრებაში არსებული მიწის ნაკვეთის უნებართვოდ დაკავება. აღნიშნულზე მას მიეცა გაფრთხილება ნებაყოფლობით განეხორციელებინა უკანონოდ აღმართული ღობის დემონტაჟი, რაც მის მიერ არ იქნა შესრულებული. რისი გათვალისწინებით გამგეობის მიერ მის მიმართ შედგენილი იქნა სამართალდარღვევათა ოქმი, ადმინისტრაციულ სამართალდარღვევათა კოდექსის 55-ე პრიმა მუხლის შესაბამისად, რაც ითვალისწინებს ჯარიმას 1000-2000 ლარამდე. ოქმი რეაგირებისათვის წარედგინა ქობულეთის მაგისტრატ სასამართლოს“.
