ბათუმელები
ნინო ტარასაშვილი საკრებულოს სხდომაზე
კონსტანტინე საბახტარიშვილი 1916-1921 წლების შუალედში ბათუმის თავი იყო. მის შესახებ მხოლოდ ის არის ცნობილი, რომ გასაბჭოების შემდეგ ის ნოე ჟორდანიას მთავრობასთან ერთად საფრანგეთში გაემგზავრა და ემიგრაციაში ცხოვრობდა სიცოცხლის ბოლომდე.
ირაკლი ჭეიშვილი
„თქვენ ისეთ განცხადებას აკეთებთ ბატონო ჯაბა, მოსამართლესავით, მე მგონი უკვე გამოძიებაც დაასრულეთ და ხელისუფლება დაადანაშაულეთ“, – უთხრა ჯაბა ბერიძეს საკრებულოს თავმჯდომარემ ირაკლი ჭეიშვილმა.
„თქვენ წამოიწყეთ ახლა ეს თემა, თუ ამას ნაციონალური მოძრაობა იყენებდა ხელისუფლების შესანარჩუნებლად, როგორც თქვენ ამბობთ, ახლა თქვენ იყენებთ პარტიის რეკლამირებისთვის, ამიტომაც ეს თემა წამოწიეთ. ჩვენ საერთოდ არ ვაპირებდით ამ თემაზე საუბარს“, – განაცხადა ნატალია ზოიძემ, საკრებულოს წევრმა „ქართული ოცნებიდან”.
დისკუსია საკრებულოს წევრმა „ნაციონალური მოძრაობიდან“ ნოდარ დუმბაძემ გააგრძელა:
„ამაზრზენია კადრები, რომელიც გავრცელდა და მე იმ ადამიანების გვერდით ვდგავარ, რომლებიც ითხოვდნენ დამნაშავეების გასამართლებას. უბრალოდ, ძალიან ცუდია, როდესაც „თავისუფალი დემოკრატები“, ჯაბა ბერიძე აკეთებს ამ განცხადებას. მინდა მას შევახსენო და თქვენ შეგახსენოთ, რომ ამ კადრებით მოხვედით ხელისუფლებაში. თქვენ მოხვედით ცოცხებით ხელისუფლებაში და აპირებთ ცოცხების კადრებით დარჩეთ ხელისუფლებაში. ძალიან ცუდია, რომ ამ კადრებით საქართველოს მოსახლეობის ფსიქიკაზე ზემოქმედებთ და მორალზე სპეკულირებთ, მეოთხე წელია უკვე ხელისუფლებაში ხართ. დაიჭირეთ ბატონო, დამნაშავეები. ზოგიერთი, ვინც კადრებში ჩანდა, დაწინაურებულია და წამყვან თანამდებობაზე მუშაობს, მორალზე ნუ მელაპარაკებით“.
ნოდარ დუმბაძის ამ განცხადებას საკრებულოს „რესპუბლიკელების“ ფრაქციის თავმჯდომარე თემურ ყურაშვილი გამოეხმაურა, რასაც მისი და საკრებულოს თავმჯდომარის ირაკლი ჭეიშვილის დაპირისპირება მოჰყვა.
თემურ ყურაშვილი: „რაც შეეხება უმრავლესობის პოზიციას, მინდა ბატონ ნოდარს მოვახსენო, რომ რესპუბლიკური პარტია იყო პირველი, რომელმაც პოზიცია გამოხატა. თუ ნახეთ თქვენ, დავით ზურაბიშვილის პოზიციაც იყო გამოქვეყნებული და შემდეგ თინა ხიდაშელის პოზიციაც. ასე რომ რესპუბლიკურმა პარტიამ გამოხატა, რომ არ შეიძლებოდა ამ კადრების ასე გამოტანა. მე ეს კადრები არ მინახავს, ვიცი რაც იქნება შიგნით,არც ნერვები მყოფნის მაგისთვის და არც ფსიქოლოგი ვარ. ეს იყო არასწორი საქციელი, ვინც გააკეთა და მე არ ვიშვერ ხელს ხელისუფლებისაკენ, არა მგონია, რომ ეს ხელისუფლების გაკეთებულია. შეიძლება ვიღაცას უფრო აწყობდა ამის გაკეთება, რომ არეულიყო რაღაც სიტუაციები, ამიტომ დღეს ჩვენ ჩვენი საქმე გავაგრძელოთ.“
ირაკლი ჭეიშვილის პასუხი: „კრიტიკული უნდა ყოფილიყავით მაშინაც, როდესაც ეს კადრები გავრცელდა და როდესაც ხელისუფლებაში მოვდიოდით. ჩემი პოზიციაა ეს მხოლოდ და მხოლოდ და არა პარტიის და არა უმრავლესობის“.
თემურ ყურაშვილი: „ვერ დაგეთანხმებით, 2012 წელს იყო სხვა ვითარება და ახლა სულ სხვა ვითარებაა, ჩვენ არ მოგვიგია ცოცხებით, ცოცხებით წააგო ნაციონალურმა მოძრაობამ. ის მომენტი დაანახეს და მას შემდეგ სამი წელია ვართ ხელისუფლებში და დღეს კიდევ როცა თანამდებობის პირები ამას აზიარებენ, ცოტა არ იყოს უხერხული მომენტია.“
ირაკლი ჭეიშვილი: „მე გავაზიარე ბატონო თემურ და ეს თქვენი მოსაზრებაა. თქვენ ყოველთვის ფიქრობთ, რომ წყნარად უნდა იყოთ, სხვისი ხელით აკეთოთ საქმე, სხვისი ხელით მოხვიდეთ ხელისუფლებაში, ეს არის ჩემი შეხედულება. მე გავაზიარე ის კადრები.“
თემურ ყურაშვილი: „ვისი სხვისი ხელით ბატონო ირაკლი?“
ირაკლი ჭეიშვილი: „მე ასე ჩავთვალე საჭიროდ და ხვალ რომ კიდევ გამოქვეყნდეს, კიდევ გავაზიარებ. კიდევ ერთხელ ვამბობ, თქვენ აპირებთ სხვისი გაკეთებული საქმით მერე საქმის გაკეთებას. ასე ხართ მე რაც ტელევიზორში გიყურებთ, პოლიტიკაში ვარ, გხედავთ და ანალიზს ვაკეთებ.“
საკრებულოს დარბაზიდან თავმჯდომარის ამ სიტყვებს აპლოდისმენტები მოჰყვა.
ბათუმის საკრებულოს სხდომა
ბათუმში ნაციონალური მოძრაობის ოფისთან მობილიზებულია პოლიცია. სამართალდამცავებმა აქციის მონაწილეებს არ მისცეს საშუალება შესულიყვნენ პარტიის ოფისში. აქციის მონაწილებთან შესახვედრად ოფისიდან გამოვიდა რაულ თავართქილაძე, რომელმაც აქციის მონაწილეებს შესთავაზა, „ბოთლი მიუტანონ ბედუკაძეს, რომელმაც დადგა და გადაიღო წამების კადრები“.
ამ წუთებში პარტიის ოფისის წინ დაპირისპირება გრძელდება. მას შემდეგ, რაც ორგანიზაცია „თავისუფალი თაობის“ აჭარის რეგიონული ორგანიზაციის ხელმძღვანელმა ჯემალ დუაძემ ძალით სცადა პარტიის ოფისში შეღწევა, ის სამართალდამცავებმა დააკავეს.
ბათუმის საჭადრაკო კლუბი “ნონა ჩემპინატზე შემდეგი შემადგენლობით იმყოფება:
მოთამაშეები: ნანა ძაგნიძე, ბელა ხოტენაშვილი, ლელა ჯავახიშვილი, ნინო ბაციაშვილი, მირანდა მიქაძე.
გუნდის კაპიტანი: მარიკა ჯაფარიძე
კლუბის მწვრთნელი: დავით ჯოჯუა
საქართველოს დელეგაციისა და კლუბ “ნონას” ხელმძღვანელი: გიორგი ჭანტურია.
პირველ დაფაზე შავი ფიგურებით, მოასპარეზე ნანა ძაგნიძემ რუსეთის წამყვანი მოჭადრაკე ვალენტინა გუნინა დაამარცხა. ნინო ბაციაშვილმა მეოთხე დაფაზე გაიმარჯვა ეკატერინა კოვალევსკაიასთან. ყაიმით დასრულდა ლელა ჯავახიშვილისა და ოლგა გირიას შეხვედრა. ამ რაუნდში დამარცხდა ბელა ხოტენაშილი, რომელიც მსოფლიოს ექსჩემპიონ ალექსანდრა კოსტენიუკს ეთამაშებოდა.
“ნონამ” პირველ ტურშიც გაიმარჯვა და იტალიის კლუბი „ეიესდი ცირქოლო შახი რ. ფიშერ ჩეტი (ASD CIRCOLO SCACCHI R. FISCHER CHIETI) დაამარცხა 3,5 – 0,5.
ჩემპიონატი 17 ოქტომბერს დაიწყო და შვეიცარიული სისტემით შვიდ ტურად იმართება. მეშვიდე ტური 24 ოქტომბერს ჩატარდება.
ჩემპიონატზე საპრიზო ფონდი14 000 ევროა დაწესებული. პირველ ადგილე გასულ კლუბს 7 000 ევროს, მეორე ადგილზე – 4 000 ევროს, მესამე ადგილზე – 2 000 ევროს, ხოლო მეოთხე ადგილზე 1000 ევროს გადასცემენ.
ჩემპიონატში ცხრა ქვეყნიდან (რუსეთი, მაკედონია, საქართველო, ნიდერლანდები, ბელორუსია, იტალია, ინგლისი, ისრაელი, ნორვეგია)12 კლუბი მონაწილეობს.
მათ შორის რუსეთიდან სამი კლუბი (Shsm Legacy Square; Ugra; SPB), ისრაელიდან კი ორი (Richon Lezion; Herzliya Chess Club). დანარჩენ ქვეყნებს თითო კლუბი ჰყავს წარდგენილი.
მესამე რაუნდი დღეს, 20 ოქტომბერს თბილისის დროით 17:00 საათზე გაიმართება. კლუბი „ნონა“ ერთ-ერთ ლიდერ კლუბს მაკედონიის „გამბიტ ასსეკო სეეს“ (Gambit Asseco See) შეხვდება.
|
“ნონა” საქართველო (სარეიტინგო ქულა 2411)
|
“გამბიტი” მაკედონია (სარეიტინგო ქულა 2416)
|
| ნანა ძაგნიძე – | – ანტოანება სტეფანოვა |
| ბელა ხოტენაშვილი – | – ალექსანდრა გორიაჩკინა |
| ლელა ჯავახიშვილი – | – იანგ შენი |
| ნინო ბაციაშვილი – | – დინარა სადუაკასოვა |
პარტიების პირდაპირი ჩვენება შეგიძლიათ აქ
გუშინ 9-წევრიანი საბჭოს მუშაობაში მონაწილეობა მიიღო საბჭოს ექვსმა წევრმა. ნატა ძველიშვილი საბჭომ ფარული კენჭისყრით აირჩია.
დირექტორის პოზიციის დასაკავებლად კონკურსში მონაწილეობის მისაღებად 30 ადამიანს ჰქონდა განაცხადი შეტანილი. ქარტიის საბჭომ გასაუბრებაზე ნატა ძველიშვილის გარდა კიდევ ორი კანდიდატი – იურისტი ნათია კაპანაძე და ინჟინერ ელექტრიკოსი, კინორეჟისორი დავით ყიფიანი დაიბარა.
ჟურნალისტური ეთიკის ქარტიის დირექტორის პოზიციაზე 2013 წლიდან ჟურნალისტი თამარ რუხაძე მუშაობდა.
ბატონო ლაშა, როგორც სახელისუფლებო გუნდის რეგიონული ორგანიზაციის ერთ-ერთი ლიდერი, რას ფიქრობთ – ნაციონალური მოძრაობის ოფისთან ჩატარებული აქციები თავისი შინაარსით ხომ არ აზარალებს ხელისუფლების რეიტინგს?
ჩემი პარტიის გადასახედიდან გამოვალ – ამ აქციებში „ქართული ოცნება დემოკრატული საქართველოსთვის“ არანაირი ჩარევა არ ყოფილა. ჩვენი პარტიის არც ერთი აქტივისტი არ იღებდა მასში მონაწილეობას. იმ პროცესებიდან გამომდინარე, რაც ქვეყანაში ხდება, წამების კადრებმა, სავარაუდოდ, მოსახლეობის შეშფოთება გამოიწვია და ადამიანებმა გამოხატეს თავიანთი პოზიცია.
გასაგებია, რომ თქვენი პარტიული აქტივისტები ამ აქციებში არ მონაწილეობენ, მაგრამ ეს ჯგუფი მაინც ხელისუფლებასთან ასოცირდება. აქედან გამომდინარე საინტერესოა თქვენი აზრი – აზარალებს ეს აქციები თქვენი პარტიის იმიჯს, თუ პირიქით – ხელს უწყობს მისი რეიტინგის ზრდას?
მე კიდევ ერთხელ გაგცემთ ეგეთ პასუხს – როდესაც 9-წლიანი მმართველობის პერიოდში მოხდა ისეთი საზიზღრობები… ფირები… სამწუხაროდ თუ საბედნიეროდ არ შემიხედია მაგ ფირებისთვის, მაგრამ ვიცი თუ რა ხდებოდა ამ 9 წლის განმავლობაში. შესაბამისად, უფრო მოსახლეობის შეშფოთება გამოიწვია და ამიტომ… არ ვიცი, სხვა კომენტარს ვერ გავაკეთებდი.
აქციის მონაწილეები ითხოვენ ნაციონალური მოძრაობის აკრძალვას. თქვენც იზიარებთ ამ შეხედულებას?
ნაციონალური მოძრაობა ფაქტობრივად გამქარალია. თავისი მოქმედებიდან გამომდინარე მათ განაჩენი თავიანთ თავს გამოუტანეს, ამიტომ მე ვერაფერს ვეღარ ვიტყვი მათ ხვალინდელ და ზეგინდელ პოზიციაზე.
დღეს დაანონსებულია აქცია, რომელზეც არ არის გამორიცხული მოხდეს ინციდენტები. თქვენი აზრით, ამ შემთხვევაში პასუხისმგებლობა ვის უნდა დაეკისროს?
მე ვფიქრობ სამართალდამცველები არ დაუშვებენ, რომ რამე ექსცესები მოხდეს… ყველა ადამიანს აქვს დღევანდელ დღეს აზრის გამოხატვის საშუალება. ამდენი ხნის განმავლობაში ასეთი ფაქტები, ფაქტობრივად, რა მომხდარა – ადამიანის გატაცებები და საშინელებები, რაც თუ ხდებოდა იმ ხნის განმავლობაში.
NDI-ის კვლევების თანახმად ნაციონალური მოძრაობის რეიტინგი ერთი პროცენტით მეტია, ვიდრე მმართველი გუნდის. აქციები ერთდროულად ქვეყნის სხვადასხვა ქალაქში სწორედ NDI-ის კვლევის შედეგების გამოქვეყნების შემდეგ განახლდა. თქვენ ხედავთ კავშირს NDI-ის კვლევის შედეგებსა და განახლებულ აქციებს შორის?
NDI-ის კვლევებთან დაკავშირებით არის შეკითხვები თუ რა კატეგორიის ხალხი იქნა გამოკითხული. ყოველ შემთხვევაში, ნამდვილად ვერ ვიზიარებ სამწუხაროდ. შესაძლებელია ჩვენ რაღაც ბევრი ნაბიჯი გვაქვს გასაკეთებელი იმისათვის, რომ ჩვენი რეიტინგი აიწიოს, მაგრამ 13 და 11-პროცენტიანი ბარიერები, რომლებიც მათი მხრიდან იქნა დადებული, ნამდვილად ვერ დავეთანხმები.
თუ ხედავთ კავშირს NDI-ის კვლევებსა და ამ აქციებს შორის?
რა თქმა უნდა, ვერ ვხედავ, სხვადასხვა რამ არის. ეს, სავარაუდოდ, იმ ფაქტებიდან გამომდინარე არის და სხვა ძალასაც შეიძლება გაუჩნდეს იმის საშუალება, რომ მიიღოს რაღაც ახალი ტალღის აგორება. მაგრამ მე დარწმუნებული ვარ, რომ ჩვენი ხელისუფლების პერიოდში ამას ნამდვილად ვერ იხილავეს საზოგადოება და ჩვენი ხელისუფლების პირობებში ყველაფერი იქნება სიმშვიდისკენ.
ორგანიზაცია „თავისუფალი თაობის“ აჭარის რეგიონული ორგანიზაციის ხელმძღვანელი, ჯემალ დუაძე ამბობს, რომ დღეს ნაციონალური მოძრაობის ბათუმის ოფისთან შეიკრიბება რამდენიმე ასეული ადამიანი და მოითხოვენ ამ პარტიის პოლიტიკური საქმიანობის აკრძალვას.
„დღეს შევეცდებით შევიდეთ პარტიის ოფისში და ავუხსნათ პარტიის ხელმძღვანელებს ჩვენი პოზიცია. ოფისში შევა საინიციატივო ჯგუფი“, – ამბობს ჯემალ დუაძე.
თუ არ შეგიშვებენ ოფისში, მაშინ რას აპირებთ? – ამ კითხვის პასუხად ჯემალ დუაძე ამბობს, რომ „შესვლას შეეცდებიან“.
ჯემალ დუაძის თქმით, „თავისუფალი თაობა“ ბათუმიდან დღეს თუ არა ხვალ გადაინაცვლებს ქუთაისში, პარლამენტის შენობასთან და იქ დაიწყებენ შიმშილობას იმავე მოთხოვნით – აეკრძალოს „ნაციონალურ მოძრაობას“ პოლიტიკური საქმიანობა.
„ნაციონალური მოძრაობის“ აჭარის რაიონული ორგანიზაციის აღმასრულებელი მდივანი ირაკლი თავართქილაძე ამბობს, რომ მათთვის დაგეგმილი აქციის შესახებ სოციალური ქსელებიდან გახდა ცნობილი.
ირაკლი თავართქილაძე: „თუ მოვლენ, აქ დავხვდებით… ჩვენ 15:30 საათზე პრევენციულად დავურეკავთ პოლიციას და შევატყობინებთ, რომ მოვიდნენ და დაიცვან ჩვენი უსაფრთხოება. ჩვენი მოლოდინი არის ის, რომ ან კვერცხებს ისვრიან ოფისის მიმართულებით, ან საღებავებს. არ ვიცი. ჩვენ ვართ მუშა პროცესში, დღეს ოფისის საგამოფენო სივრცეში ორი ბათუმელი მხატვრის ნამუშევრების გამოფენა იგეგმება“.
„ნაციონალური მოძრაობის“ ოფისთან, როგორც ორგანიზატორები უწოდებენ, „გამაფრთხილებელი აქცია“ ბათუმში გუშინაც გაიმართა. გუშინ აქციის მონაწილეებმა „ნაციონალური მოძრაობის“ ოფისის კარების აჭედვა სცადეს, მაგრამ მათ ამაში ხელი პარტიის წარმომადგენლებმა შეუშალეს. შს სამინისტრომ ამ ფაქტთან დაკავშირებით გუშინ განაცხადა, რომ აქციის მონაწილეებს ადმინისტრაციული კოდექსი არ დაურღვევიათ.
გუშინ საპროტესტო აქციები „ნაციონალური მოძრაობის“ ოფისთან ბათუმის გარდა კიდევ სამ ქალაქში გაიმართა.
მერიის მიერ გამოცხადებულ ტენდერში შემდეგი კომპანიები მონაწილეობდნენ: „გზა“ [ბოლო შეთავაზება 19 900 000 ლარი], „ბლექ სი გრუპი“ [19 555 555 ლარი], „არნაბი 21“ [19 555 550 ლარი], „ზიმო-7“ [18 941 041 ლარი] და ,,ათინაქ მუჰენდისლიქ ინშაათ სანაი ვე თიჯარეთ“ /Atinak Engineering and Construction Industry and Commerce Inc/ [16 000 070 ლარი].
ტენდერში წინადადებების მიღება 2015 წლის 15 ოქტომბერს დაიწყო და 20 ოქტომბერს დასრულდა.
მერიის ინფორმაციით, დაგეგმილია 9 მარტის, ბერიძის, დემეტრე თავდადებულის, გრიბოედოვის, ჰ. აბაშიძის, იმედაშვილის [შესახვევით], ჯავახიშვილის, კალიევის, კანდელაკის, ლერმონტოვის, ლორიას, ლუკა ასათიანის, მერკვილაძის, ფალავანდიშვილის, პუშკინის, [ასევე პუშკინისა და ტბელ აბუსერიძის დამაკავშირებელი ახალი ქუჩის], სამხრეთის, შავშეთის, შევჩენკოს, სულაბერიძის, თაყაიშვილის, ვაჟა-ფშაველას, წერეთლისა და ს. ხიმშიაშვილის ქუჩების გზის სავალი ნაწილისა და ტროტუარების რეაბილიტაცია;
ასევე დაგეგმილია, 9 მარტის, 26 მაისის, ბერიძის, დემეტრე თავდადებულის, იმედაშვილის, კალიევის, ლუკა ასათიანის, მერკვილაძის, ფალავანდიშვილის, პუშკინის [მელიქიშვილის ქუჩიდან შავშეთის ქუჩამდე], სამხრეთის, შევჩენკოს, სულაბერიძის, ვაჟა-ფშაველას, წერეთელის, ლერმონტოვის, თაყაიშვილის, ს. ხიმშიაშვილის, პუშკინის [მელიქიშვილის ქუჩიდან ჯავახიშვილის ქუჩამდე] ქუჩების სანიაღვრე სისტემების მოწყობა.
ტენდერის პირობის თანახმად, საქონელზე უნდა გავრცელდეს მინიმუმ 2-წლიანი საგარანტიო ვადა.
ქობულეთის მუნიციპალიტეტის გამგეობამ ტენდერი გუშინ, 19 ოქტომბერს გამოაცხადა. წინადადების მიღების ბოლო ვადა გამგეობას 23 ოქტომბრამდე აქვს განსაზღვრული, ანუ დაინტერესებულ პირებს მხოლოდ 5 დღე აქვთ ტენდერში მონაწილეობის მისაღებად.
პირობის თანახმად, სცენარი წინასწარ უნდა შეთანხმდეს შემსყიდველთან. მიმწოდებელმა უნდა წარუდგინოს შემსყიდველს პროექციის შესაბამისი ტექნიკური აპარატურა, კერძოდ: ერთი ცალი პროექტორი, რომელიც დამონტაჟდება ღია ცის ქვეშ, შესაბამისად, მას უნდა გააჩნდეს თერმული შეფუთვა, ანუ კლიმატური კორპუსი. ობიექტივი – 1 ცალი, 6 ცალი ხმამაღლა მოლაპარაკე, 1 ცალი ხმის გამაძლიერებელი.
ფასში შედის აპარატურის მონტაჟი და ტექნიკური უზრულველყოფა.
მიწოდების ბოლო ვადა 2015 წლის 25 დეკემბერია.
მოვალეობები
• სახლის შიდა ტერიტორიის კონტროლი
• სახლში და სახლის მიმდებარე ტერიტორიაზე არსებული
მატერიალური ფასეულობების დაცვა
• სახლში მცხოვრებთა უსაფრთხოების უზრუნველყოფა
• ვიდეოდაკვირვების კონტროლი
• ტერიტორიის შემოვლა წინასწარ შეთანხმებული გრაფიკით
• წვრილმან საყოფაცხოვრებო საკითხებში დახმარება
• საკონტროლო-გამშვები რეჟიმის განხორციელება
• დამსაქმებლის ქონების მოფრთხილება
მოთხოვნები
• უმაღლესი განათლება
• რუსული ენის ცოდნა (სავალდებულო)
• სპორტული აღნაგობა (მისასალმებელია)
• მინიმუმ ერთწლიანი სამუშაო გამოცდილება
• კომპიუტერთან მუშაობის გამოცდილება (სავალდებულო)
• პასუხისმგებლიანი, მოწესრიგებული, კეთილსინდისიერი
• სავარაუდო საცხოვრებელი ადგილი – ქობულეთი, ბათუმი, ფოთი (სავალდებულოა)
პირობები
სამუშაო გრაფიკი: ყოველი მეორე დღე
კვება: დამსაქმებლის ხარჯზე
ანაზღაურება დამოკიდებულია გასაუბრების შედეგებსა და სამუშაო გამოცდილებაზე
გთხოვთ, რეზიუმე გამოაგზავნოთ შემდეგ მისამართზე:
teako61@gmail.com
ტელ.: 577 17 27 86
ბათუმის ნავსადგურში ხომალდს აჭარის მთავრობის თავმჯდომარე არჩილ ხაბაძე, ქალაქის მერი გიორგი ერმაკოვი და ამერიკის შეერთებული შტატების საზღვაო ქვეითი ძალების ატაშე – ვიცე-პოლკოვნიკი უილიამ (ბილ) კონერი დახვდებიან.
ამერიკული გემები რეგულარულად სტუმრობენ საქართველოს. “პორტერის” ვიზიტისას ამერიკელი მეზღვაურები საქართველოს სანაპირო დაცვის თანამშრომლებთან ერთობლივ წვრთნებს გამართავენ. ვიზიტის მიზანია, ხელი შეუწყოს შეერთებული შტატების მე-6 ფლოტისა და შავი ზღვის აუზის ქვეყნების თანამშრომლობის გაღრმავებას და განამტკიცოს საზღვაო უსაფრთხოება. ბათუმში ყოფნისას გემს აშშ-ის ელჩი იან კელი და აშშ-ის საზღვაო ძალების ატაშე, ლეიტენანტ-პოლკოვნიკი ბილ კონერი ეწვევიან.
“პორტერი” “არლეი ბერკის” ნაღმოსანია. ის შეერთებული შტატების საზღვაო ძალების სამხედრო სამსახურშია. გემს სახელი ეწოდა აშშ-ის საზღვაო ძალების უფროსი კაპიტნის, დევიდ პორტერისა და მისი ვაჟის, ადმირალ დევიდ დიქსონ პორტერის პატივსაცემად.
გემს ბათუმის პორტში საქართველოს ხელისუფლების ოფიციალური პირები და ადგილობრივი მოქალაქეები დახვდებიან.
აშშ-ის საზღვაო ძალების ევროპის კონტინგენტი (მე-6 ფლოტი) აშშ-ის შეიარაღებული ძალების ევროპული სარდლობის სამხედრო ოპერაციების სრული სპექტრის შემადგენელი ნაწილია. ის შეუფერხებელ საზღვაო მიმოსვლასა და საერთაშორისო პარტნიორებთან თანამშრომლობის შენარჩუნებას უზრუნველყოფს.
დახვედრის ცერემონიალის შემდეგ, 11 საათზე, გემის კაპიტანი ბლერ გა და მისი მოადგილე ანდრეა სლოუ აჭარის მთავრობის თავმჯდომარეს არჩილ ხაბაძეს მთავრობის აპარატში შეხვდებიან.
ველოდებოდით სამართლიან სასამართლოს, მაგრამ სასამართლომ რამაზ დევაძეს მიუსაჯა 12 წელი და ცნო განზრახ მკვლელად. ამიტომ ვიტოვებთ მორალურ უფლებას, საზოგადოებისთვის უცნობ დეტალებზე საჯაროდ ვილაპარაკოთ. მოსამართლე თამარ ბეჟანიშვილმა პოლიტიკური ზეწოლის ქვეშ მიიღო ეს გადაწყვეტილება. იმედია, სააპელაციო სასამართლო წარდგენილ მუხლს შეცვლის.
გვაქვს ორი ფირი – ბრალდების მთავარი მოწმე, ფირუზე აბდუალევა მოვიდა ოჯახში და მოგვიყვა, რომ 20 დღე ჰყავდათ გამომწყვდეული და ისე ჩამოართვეს ჩვენება. მას აიძულეს ეთქვა, რომ რამაზ დევაძემ ახლოდან ესროლა და ისე მოკლა. ასევე უნდა ეთქვა, რომ დევაძე მისი საყვარელი იყო, ამიტომ შურისძიების გამო მოკლა მუკბანიანი. ფურუზეს ეს საუბარი რამაზის დამ ჩაიწერა ჩუმად.
გვაქვს სხვა ჩანაწერიც – თურქი მოვიდა ჩვენთან, პარიკმახერი ბიჭია. იმ საღამოს “ლეგასში” იყო და ისიც დაჭრეს. მოსასმენი ჰქონდა სარჩულის ქვეშ ჩამონტაჟებული: პოლიცია მოყვა ჩუმად – თანხას თუ შევთავაზებდით, ან ზეწოლას მოვახდენდით, ყველას დაგვაკავებდნენ. მან ეს მოსასმენი აბანოში დაკიდა და მერე გვითხრა – რამაზი იქ რომ არ ყოფილიყო, ყველას დაგვხოცავდნენო. ლეგასში სამი კაცი დაჭრეს, ერთ-ერთი იყო ეს თურქი. პროკურატურამ დაჭრილები არ დაკითხა – გადამალა.
ჩვენთვის უცნობია. ორივე ხელზე ვენები აქვს გადაჭრილი და ეს მოსამართლესაც ვუთხარით. ფირუზე ძიების მთავარი მოწმე იყო. ის თავის ჩვენებაში ამბობდა, როგორ ესროლა რამაზ დევაძემ მუკბანიანს. სასამართლო პროცესზე ფირუზემ იგივე გაიმეორა, მაგრამ დევაძის კითხვებზე ფირუზე ჩაიჭრა და ბოლოს თქვა, რომ არ დაუნახავს, ვინ ესროლა. მოსამართლემ ეს არად ჩააგდო.
ეს იყო ერთ-ერთი ადვოკატის გადაწყვეტილება, მან გვითხრა, რომ ეს ფირი უმნიშვნელოა, ყველაფერი კარგად დასრულდება და რამაზს მუხლს აუცილებლად შეუცვლიანო. აღმოჩნდა, რომ ტყუილი იყო ყველაფერი და 12 წელი მიუსაჯეს.
რამაზ დევაძეს გადაეკიდა აჭარის შს მთავარი სამმართველოს ყოფილი ხელმძღვანელი დავით თამაზაშვილი. რამაზს ჰყავს გავლენიანი მეგობრები, რომელთაც შეუძლიათ პროცესზე ზეგავლენა. მან მთელ რიგი პიროვნებები ჩააყენა საქმის კურსში დავით თამაზაშვილის დანაშაულებრივი, თავხედური, ამორალური ქცევების შესახებ. თამაზაშვილმა გაიგო, რომ ზევით მის ქმედებებზე რამაზ დევაძისგან გახდა ცნობილი. აქედან გამომდინარე თამაზაშვილმა რამაზ დევაძეს დაადგა თვალი. თამაზაშვილს ამაში ეხმარებოდა მისი მეგობარი, ქალაქის სამმართველოს მაშინდელი უფროსი რამაზ თათარაშვილი. თათარაშვილმა და თამაზაშვილის მოადგილე გიგლა მოსიძემ, რომელიც მაშინ მე-2 განყოფილების უფროსი იყო, ერთობლივად დაგეგმეს რამაზის გაუბედურება.
პირველი ნასამართლეობის ისტორია ასე შეიქმნა – რამაზი პუშკინის ქუჩაზე მეგობარს ტოვებდა დისკოთეკაზე. სადგომთან ვიღაც პიროვნება მივიდა და ეუბნება – ეი, შენ აქ რას აჩერებ მანქანას? უმიზეზოდ უცხო ადამიანს დედა შეაგინა, შეაფურთხა და ხელი დაარტყა. რამაზი გადმოვიდა მანქანიდან და ის პირი ლავაშივით გააბრტყელა. აღმოჩნდა, რომ რამაზიმ სცემა პოლიციელს. პირადად თათარაშვილმა დააპატიმრა და შექმნა ნასამართლეობის ისტორია. ეს არ არის თითიდან გამოწოვილი – პოლიციელები გვეუბნებიან, რომ ყველაფერი თამაზაშვილმა დაგეგმა.
ასევე სანდო წყაროდან ვიცი, რომ რამაზ დევაძის ლიკვიდაციის ბრძანებაც იყო გაცემული დავით თამაზაშვილისგან. რამაზ დევაძეს გიგლა მოსიძემ უთხრა, შენ მკვლელო, სიურპრიზი გვაქვს მომზადებული, ვერასოდეს დაბრუნდებიო. სიურპრიზი აღმოჩნდა ის, რომ როცა გადაჰყავდაც ციხეზე, ქუთაისში სადისტურად სცემეს, იარაღი დაადეს თავზე, უნდა ესროლათ, მაგრამ ბოლო წამში ვიღაცამ დარეკა და ბრძანება შეიცვალა, არ ესროლოთო. ასე გადარჩა, მაგრამ იმდენად იყო ნაცემი, 15-20 დღე ციხეში გონზე არ მოსულა.
აზრი არ აქვსო, ჩემმა შვილმა, ამიტომ ვერ ჩავატარეთ ექსპერტიზა, მაგრამ ადვოკატებმა ნახეს საკუთარი თვალით.
რაზე დავიფიცო, რომ ეს ზღაპარია. ლავას-ოღლი და რამაზ დევაძე ბავშვობაში ერთად ჭიდაობდნენ და მეგობრობდნენ. ლავასოღლი თუ ქურდი გახდა, რა შუაშია რამაზ დევაძე. ლავასოღლი როცა დააპატიმრეს, დევაძე ამ დროს გერმანიაში მოღვაწეობდა – ქალაქის პოლიციის უფროსის სახლში ცხოვრობდა. სად ლავასოღლის არჩევანი და სად რამაზ დევაძე. ეს არის ის, რითაც რამაზს სახელი გაუტეხეს. რამაზის ქურდული კლიშეთი აქოთება გიგლა მოსიძემ დაგეგმა და “ნაციონალურმა მოძრაობამ” შეასრულა… თუ რამაზ დევაძეს მჭიდრო კავშირი ჰქონდა, რატომ არ წარმოადგინეს სასამართლოზე ერთი მტკიცებულება მაინც მის კავშირებზე დანაშაულებრივ სამყაროსთან. რაც არ იყო ბუნებაში, იმას ვერ გააჩენდნენ. “ნაციონალებმა” მისი სტიგმატიზება მოახდინეს, საზოგადოებისგან იზოლირებული რომ ყოფილიყო. როცა კაცს შავ პიარს აუგორებ, ხალხი მას გვერდით არ დაუდგება. პროკურატურამ, პოლიციამ და ნაციონალური მოძრაობის პიარაპარატმა ერთად იმუშავეს, რომ დევაძისგან შეექმნათ მკვლელი. მაგრამ ეს ტრაგედია იყო და “ნაცმოძრაობისგან” შეკვეთილ განაჩენს არ შევეგუებით.
ჩვენ არა, ჩვენს მეზობელს. აღმაშენებლის ქუჩის #10-ში, ჩემი მეზობლის ბინის კარებთან, დილის 6 საათზე ბენზინი დაასხეს და ცეცხლი გაუკიდეს. ლამის ამობუგეს ოჯახი. ეს ამბავი “ლეგასში” დატრიალებული ტრაგედიიდან 20 დღეში მოხდა. მაშინ პოლიციამ თქვა, რომ თითქოს შეეშალათ რამაზის დედის სახლი და ამიტომ შეასხეს ბენზინი მეზობლის სახლშიო. ითქვა ისიც, რომ ეს თითქოს გარდაცვლილი მუკბანიანის ჭირისუფალმა გააკეთა. ჩვენ ეს არ დავიჯერეთ, რადგან მუკბანიანებს შურისძიება რომ უნდოდეთ, ამაში ხელს ვერავინ შეუშლიდა.
ტაბიძის პირველი განყოფილება იძიებს ამ საქმეს, მაგრამ უცნობია რა ეტაპზეა გამოძიება.
დღეს, „ნაციონალური მოძრაობის“ ბათუმის ოფისთან დიდი ზომის ლურსმნებით შეიარაღებული რამდენიმე ადამიანი მივიდა მოთხოვნით -„გაუქმდეს ნაციონალური მოძრაობა“ და ოფისის კარების აჭედება სცადა. კარები, როლის დაზიანებასაც ქართული ოცნების მხარდამჭერები გეგმავდნენ (ერთი ლურსმანი ჩააჭედეს კიდეც კარში), კულტურული მემკვიდრეობის ძეგლია.
საქართველოს პარლამენტის წევრი ომარ მეგრელიძე, რომელიც ამ იციდენტის დროს პარტიის ოფისში იმყოფებოდა, ამბობს, რომ თავდამსხმელები იქცეოდნენ აგრესიულად. ომარ მეგრელიძე: „დღესაც იძახდნენ, რომ 9 წლის განმავლობაში თქვენ რას აკეთებდითო. მე 9 წლის განმავლობაში ვმუშაობდი აჭარის აღმასრულებელ ხელისუფლებაში. ლევან ვარშალომიძისა და ჩემს გუნდზე შემიძლია ერთი რამის თქმა, ჩვენ ახალი ბათუმი ავაშენეთ. თუ ვინმემ ჩაიდინა სისხლის სამართლის დანაშაული, გავიდა საკმაოდ ბევრი დრო და ამ ხალხს მიხედონ. ბევრი კაბინეტებში ზის და სეირს უყურებს. ვინც მართლაც დანაშაული ჩაიდინა, ის ხალხი აკეთებს უფრო მეტად ასეთი ღონისძიების ინსპირირებას“.
„მეორე მოადგილის შტატი განსაზღვრულია კანონმდებლობით და ორივე მოადგილე თანაბარი უფლებებით სარგებლობს. კონკრეტულად თუ რა მიმართულებებზე იმუშავებენ მოადგილეები, ეს საკრებულოს თავმჯდომარემ უნდა განსაზღვროს,“- ამბობს ირაკლი ჩავლეიშვილი.
„ბათუმელების“ კითხვაზე, თუ რატომ დადგა დღის წესრიგში მეორე მოადგილის დანიშვნის საკითხი, – ირაკლი ჩავლეიშვილი ამბობს:
„არ ვიცი, ეს იმ საკრებულოს წევრებს უნდა ჰკითხოთ, რომლებიც ამ გადაწყვეტილებას მიიღებენ. რაც შეეხება ფრაქცია „რესპუბლიკელებს“, ჩვენ წინა სხდომაზეც თავი შევიკავეთ ამ საკითხის განხილვისაგან, თემურ ყურაშვილი იყო ინიციატორი, რომ ამოღებული ყოფილიყო ეს საკითხი დღის წესრიგიდან, რადგან ფრაქცია „რესპუბლიკელებს“ მიაჩნიათ, რომ ეს თანამდებობა ამ დროისთვის არ სჭირდება საკრებულოს. ერთი მოადგილე სავსებით საკმარისია“.
ირაკლი ჩავლეიშვილი ამბობს, რომ საკრებულოს თავმჯდომარის არგუმენტი, თუ რატომ დადგა მეორე მოადგილის დანიშვნის აუცილებლობა, ამ საკითხზე არ მოუსმენია.
„ფაქტობრივად, ეს საკითხი ახლა უნდა გახდეს მსჯელობის საგანი. ჩვენ ჩვენი არგუმენტები გვაქვს,“-ამბობს საკრებულოს თავმჯდომარის მოადგილე.
ბათუმის საკრებულოს მოადგილის ხელფასი თვეში 2 350 ლარია.
განკარგულების თანახმად, რომლის დამტკიცებაზეც ხვალ ბათუმის საკრებულოში რიგგარეშე სხდომაზე უნდა იმსჯელონ, მანქანათმშენებელი ქარხნის ტერიტორიაზე მდებარე 49319 კვ/მ არასასოფლო სამეურნეო მიწის ნაკვეთი და ასევე მიმდებარედ არსებული 27 522 კვ/მ აჭარის მთავრობამ საფეხბურთო სტადიონისთვის შეარჩია. სწორედ ამ მიზნით, მთავრობის თავმჯდომარე არჩილ ხაბაძე ბათუმის საკრებულოს სთხოვს ქონების განკარგვასთან დაკავშირებით 2015 წლის მარტში მიღებულ გადაწყვეტილებაში ცვლილება შეიტანოს.
საქმე იმაშია, რომ 2015 წლის მარტში ბათუმის საკრებულოში არსებული ქონება მთავრობას საკრებულომ უსასყიდლოდ, თუმცა მისი პრივატიზების შემდეგ, თანხის ტრანსფერის სახით საკრებულოს ბიუჯეტში დაბრუნების პირობით გადასცა. ანუ ამ ქონების გაყიდვიდან მიღებული თანხა ბათუმის ბიუჯეტში უნდა შესულიყო.
რას შესთავაზებს „ბათუმი მოლ დეველოპმენტს“ მთავრობა, ამის შესახებ აჭარის ფინანსთა და ეკონომიკის სამინისტროს კომენტარს „ბათუმელები“ მოგვიანებით გამოაქვეყნებს.
საქართველოს მთავრობის და საერთაშორისო და ადგილობრივი ორგანიზაციების თანამშრომლობის შედეგად, საქართველოში 50-მდე დიდი ზომის ბავშვთა სახლი დაიხურა. მთავრობის ინფორმაციით, რეფორმის ფარგლებში, ზრუნვის ალტერნატიული მომსახურება 5 000-მდე ბავშვს მიეწოდა, რომელთა ნაწილი დაბრუნდა საკუთარ ოჯახში, ნაწილი განთავსდა მინდობით აღზრდაში (რეგულარული, ნათესური ან სპეციალიზებული მინდობითი აღზრდა) ან მცირე საოჯახო ტიპის სახლებში.
„საქართველოში კვლავ მნიშვნელოვან გამოწვევად რჩება შშმ ბავშვებისთვის განკუთვნილი კოჯრის ბავშვთა სახლი და თბილისის ჩვილ ბავშვთა სახლი, სადაც ცხოვრობს მძიმე და ღრმა შეზღუდული შესაძლებლობის და განვითარების შეფერხების მქონე 78 ბავშვი. ჩვილ ბავშვთა სახლში იმყოფება 0-7 წლის ასაკის 54 ბავშვი, ხოლო კოჯრის ბავშვთა სახლში 6-18 წლის ასაკის – 24 ბავშვი.
შშმ ბავშვების კეთილდღეობის, მათი ინტერესების დაცვისა და ბავშვზე ზრუნვის სისტემის სრული რეფორმის უზრუნველყოფის მიზნით, მნიშვნელოვანია ალტერნატიული მომსახურების განვითარება და ოჯახის მხარდამჭერი სერვისების გაფართოება შეზღუდული შესაძლებლობის მქონე ბავშვებისთვის. აშშ-ს საერთაშორისო განვითარების სააგენტოსა და გაეროს ბავშვთა ფონდთან თანამშრომლობით იწყება შშმ ჩვილების და ბავშვებისთვის მცირე ზომის ალტერნატიული მომსახურების განვითარება და მათი სოციალური ინკლუზიის ხელშეწყობა. ამ მიზნით, გაეროს ბავშვთა ფონდი მართავს შეხვედრებს ადგილობრივ მთვარობებთან,“ – ნათქვამია აჭარის მთავრობის განცხადებაში.
არჩილ ხაბაძესთან შეხვედრას გაეროს ბავშვთა ფონდის ბავშვთა დაცვის პროგრამების ხელმძღვანელი, პიერ ფერრი და გაეროს ბავშვთა ფონდის ბავშვთა დაცვისა და სოციალური კეთილდღეობის სპეციალისტი ჯაბა ნაჭყებია ესწრებოდნენ.
იუსტიციის სამინისტროში “ბათუმელებმა” რამდენიმე საათიანი ლოდინის მიუხედავად, ვერ გაარკვია თეა წულუკიანი რა თემაზე სასაუბროდ ხვდება მოსამართლეებს.
ნაციონალური მოძრაობის ოფისთან მიჭრილმა ქართული ოცნების მხარდამჭერებმა ოფისის აჭედის მიზნით კულტურული მემკვიდრეობის ძეგლზე ლურსმანი ჩააჭედეს
დღევანდელი აქციის ერთ-ერთმა მონაწილემ, მერაბ ღოღობერიძემ დაახლოებით ერთი თვის წინ საკონსტიტუციო სასამართლოს თავმჯდომარის სახლს დაუშინა პომიდვრები. აქციები იმართებოდა საკონსტიტუციო სასამართლოს მოსამართლეების სახლებთანაც. საქართველოს ხელისუფლებას მსგავსი აქციების დაშვების გამო უცხოელმა პარტნიორებმა მიუთითეს. მაშინ ხელისუფლება იძულებული გახდა მერაბ ღოღობერიძე ადმინისტრაციული წესით დაესაჯა.
საპატრულო პოლიციის ორი ეკიპაჟი ნაციონალური მოძრაობის ოფისთან იყო მობილიზებული
გასულ კვირას თბილისში პლაკატების გაკვრის მოტივით, საპატრულო პოლიციამ დააკავა ტელეკომპანია “ტაბულას” დირექტორი და ჟურნალისტი თამარ ჩერგოლეიშვილი. მოტივი: თბილისის ოპერისა და ბალეტის თეატრის წინ დროებით დამონტაჟებულ ღობეზე “გაზპრომის” საწინააღმდეგო პლაკატების გაკვრა.
ნაციონალური მოძრაობის ოფისის წარმომადგენლების თქმით, დღეს მერაბ ღოღობერიძე უზარმაზარი ლიურსმნებით შეიარაღებული შეიჭრა ნაციონალური მოძრაობის ოფისის ჰოლში და ლურსმნებით ცდილობდა ადამიანების დაზიანებას. დაზიანება არავის არ მიუღია.
საქართველოს პარლამენტის წევრის, ომარ მეგრელიძის თქმით, რომელიც ინციდენტის თვითმხილველია, საპატრულო პოლიციას მერაბ ღოღობერიძე და მისი თანამზრახველები არ დაუკავებია.
„ბოლო დღეებში გავრცელებულმა პატიმრების წამების ამსახველმა კადრებმა, კიდევ ერთხელ აჩვენა რომ „ნაციონალური მოძრაობა“ არის დამნაშავე პოლიტიკური ორგანიზაცია და ვითხოვთ რომ აიკრძალოს, რადგან ისინი, ისევ ხელისუფლებაში დაბრუნებას გეგმავენ“-აცხადებს აქციის ერთ-ერთი მონაწილე, ჯემალ დუაძე.
საქართველოს პარლამენტის წევრს ომარ მეგრელიძესა და აქციის მონაწილე მერაბ ღორობერიძეს შორის, სიტყვიერი შელაპარაკება გაიმართა. ისინი ერთმანეთს უცენზურო სიტყვებითაც მიმართავდნენ.
„შენ რომ აქ ხარ, ესეც დანაშაულია, რადგან რუსეთის აგენტი ხარ და ეს არ არის ახალი ამბავი. ყველას მოწყინდი, წადი რა“- უთხრა ომარ მეგრელიძემ მერაბ ღოღობერიძეს.
„ახლა ისეთი უნდა წამოგარტყვას კაცმა,… პროვოკატორი ხარ“- უპასუხა მერაბ ღოღობერიძემ ომარ მეგრელიძეს.
„პრობლემა აქვს ამ ხელისუფლებას და წადი იმას მიხედეთ“- განაცხადა ომარ მეგრელიძემ აქციის მონაწილეების მისამართით.
„ნაციონალური მოძრაობის“ ოფისის წინ მობილიზებული იყო საპატრულო პოლიცია.
„თავისუფალი თაობის“ წევრები განმეორებითი აქციის ჩატარებას ხვალ, 4 საათზე აპირებენ.
კონკურსი ჩატარდება სამ ეტაპად და მასში ჩართვა 4-6 წევრისაგან შემდგარ სტუდენტურ გუნდებს შეუძლიათ.
კონკურსის პირველი, შესარჩევი ეტაპი, რეგისტრაციის გავლასთან ერთად, სიმულაციური დავალების შესრულებას გულისხმობს. გუნდების შექმნის, რეგისტრაციის გავლისა და დავალების შესრულებისათვის სტუდენტებს დრო 10 ნოემბრის ჩათვლით ექნებათ.
გამოცდებისა და შეფასების ცენტრის ინფორმაციით, პროექტის მიზანია ახალგაზრდების ჩართვა სამოქალაქო საზოგადოების განვითარების პროცესში, ადგილობრივი დემოკრატიის გაძლიერება, თვითმმართველობის იდეის პოპულარიზაცია ახალგაზრდებში; საზოგადოებრივ პროცესებში სტუდენტების თანამონაწილეობის მნიშვნელობის გაზრდა და მოქალაქეობრივი მოვალეობებისა თუ როლის გაცნობიერების ხელშეწყობა; თვითმმართველობის საკითხებში ახალგაზრდა პროფესიონალების მომზადებისა და ჩართულობის ხელშეწყობით ადგილობრივი თვითმმართველობის განვითარების მხარდაჭერა.
ამ მიზნის მისაღწევად პროექტით გათვალისწინებულია:
სტუდენტების მიერ მუნიციპალიტეტების საჭიროებების შესწავლა/ანალიზი, მუნიციპალიტეტების განვითარების გეგმისა და ადგილობრივი ბიუჯეტის ალტერნატიული პროექტების შემუშავება. სტუდენტთა პროფესიული განვითარების ხელშეწყობა, თვითმმართველობის არსის და ადგილობრივი საბიუჯეტო პროცესის გაცნობა.
კონკურსი ჩატარდება სამ ეტაპად:
პირველი – შესარჩევი ეტაპი, რომლის მიზანია საკონკურსო გუნდების ფორმირება და შერჩევა;
ყველა გუნდი, რომელიც წარმატებით გადალახავს შესარჩევ ეტაპს, მონაწილეობას მიიღებს მეორე და მესამე ტურში და იმუშავებს კონკრეტული მუნიციპალიტეტის საჭიროებების შესწავლა/ანალიზსა და ამავე მუნიციპალიტეტის განვითარების ხედვის (გეგმის) შემუშავებაზე, საბიუჯეტო დაგეგმვაზე.
მეორე და მესამე ტურის მონაწილეებისათვის უშუალოდ მათ რეგიონებში ჩატარდება სპეციალური ტრენინგები თვითმმართველობის არსის, ასევე, კვლევის მეთოდების შესახებ, რომლებიც დაეხმარება გუნდებს ამ ეტაპებზე გათვალისწინებული დოკუმენტების მომზადებაში.
მეორე ტურისათვის რეალური მუნიციპალიტეტების შერჩევისას შეძლებისდაგვარად იქნება გათვალისწინებული გუნდის სურვილი.
მეორე ეტაპი კონკრეტულ მუნიციპალიტეტში არსებული პრობლემების კვლევასა და ანალიტიკური დოკუმენტის მომზადებაზეა ფოკუსირებული. გუნდებმა კონკრეტულ მუნიციპალიტეტში არსებული ვითარების შესწავლისა და ანალიზის საფუძველზე უნდა მოამზადონ ანალიტიკური დოკუმენტი “მუნიციპალიტეტის პრობლემები და საჭიროებები”;
მეორე ეტაპი შედგება ორი ნაწილისგან: პირველი ნაწილი ითვალისწინებს სტუდენტთა გუნდების მიერ საპროექტო წინადადების მომზადებასა და წარდგენას (საპროექტო წინადადებაში აღწერილი იქნება ანალიტიკური დოკუმენტის მომზადებისათვის საჭირო აქტივობები, კვლევის/შეფასების მეთოდოლოგია, ბიუჯეტი და სხვ.); პირველი ნაწილის შემდეგ გუნდები იღებენ უკუკავშირს (კომისიის მოსაზრებას, შენიშვნას, რეკომენდაციას). მეორე ნაწილი კი კონკრეტულ მუნიციპალიტეტში არსებული პრობლემების კვლევასა და ანალიტიკური დოკუმენტის მომზადებაზე, არსებული ბიუჯეტის ანალიზზეა ფოკუსირებული.
მესამე ეტაპი გულისხმობს კონცეპტუალური დოკუმენტის მომზადებას – “მუნიციპალიტეტის განვითარების ხედვა”. დოკუმენტში ასახული უნდა იყოს გამოვლენილი პრობლემების დაძლევის გზები, მუნიციპალიტეტის განვითარების გეგმა და მომდევნო წლის ბიუჯეტი.
კონკურსი “სტუდენტები თვითმმართველობისათვის” უკვე მეორედ ჩატარდება. პირველად მსურველთა რეგისტრაცია 2014 წლის ოქტომბერში გამოცხადდა და მასში საქართველოს ყველა საუნივერსიტეტო ქალაქი ჩაერთო. საბოლოოდ 10 გამარჯვებული გუნდი გამოვლინდა. გამარჯვებული გუნდები იღებენ მონაწილეობას სასწავლო ტურში, რომელიც გერმანიასა და პოლონეთში იმართება და თვითმმართველობის საკითხებს ეძღვნება.
ყველაზე წარმატებული გუნდებისათვის ორგანიზაცია “მოქალაქე” სასწავლო ტურს მოაწყობს განვითარებული თვითმმართველობის მქონე რომელიმე ევროპულ ქვეყანაში.
რეზო ხარაზი
„თუ ბატონ ბიძინა ივანიშვილს ჰყავს საყვარელი დეიდაშვილი უჩა, ბატონ არჩილ ხაბაძეს ჰყავს საყვარელი დეიდაშვილი რაული. END-ის კვლევების მიხედვით, მოსახლეობის 64 პროცენტი ფიქრობს, რომ დაუსაქმებელია, არჩილ ხაბაძე კი მხოლოდ საკუთარი ნათესავების დასაქმებით არის დაკავებული. ეს ადამიანი, რაულ ჩელებაძე, ქობულეთის მუნიციპალიტეტში ყველაფერს აკონტროლებს“, – აცხადებს რეზო ხარაზი.
„ბათუმელების“ კითხვაზე, რაში გამოიხატება რაულ ჩელებაძის მხრიდან „ყველაფრის კონტროლი“, რეზო ხარაზი ამბობს:
„დასანიშნია ვინმე თუ გასათავისუფლებელია, ყველაფერს ის აგვარებს. როცა კონკურსები იყო გამოცხადებული საკრებულოში და გამგეობაში, რაულ ჩელებაძემ, არჩილ ხაბაძის მეგობართან ირაკლი ცეცხლაძესთან ერთად, ჩაიტანა დოკუმენტაცია არჩილ ხაბაძესთან და დეტალურად გაიარეს თუ ვინ უნდა დარჩენილიყო საკრებულოს და გამგეობის სამსახურებში და ვინ არა. ირაკლი ცეცხლაძე გამგებლის პირველ მოადგილედ დანიშნეს ქობულეთში, მისი მეუღლე კი აჭარის მთავრობაში საგარეო ურთიერთობათა დეპარტამენტის უფროსად მუშაობს. რამდენიმე კვირის წინ კი რაულ ჩელებაძე დანიშნეს თანამდებობაზე, სადაც მასზე კომპეტენტური ადამიანი, ვაჟა ჯინჭარაძე მუშაობდა. როგორც ვიცი, ჯინჭარაძე ნაგავსაყარზე მთავარ სპეციალისტად გადაიყვანეს”.
რეზო ხარაზი აქვე იმასაც დასძენს, რომ “რაულ ჩელებაძეს აქამდე არსად უმუშავია და არც ამ სფეროში მუშაობის გამოცდილება აქვს”, თუმცა იქვე აზუსტებს, რომ “რაულ ჩელებაძის განათლების შესახებ ზუსტ ინფორმაციას არ ფლობს“.
ბრიფინგზე მან არჩილ ხაბაძის კიდევ ორ ნათესავზე ისაუბრა:
„ხაბაძის დეიდა ეთერ ჩელებაძე 2014 წელს დაინიშნა საბავშვო ბაღის დირექტორად სოფელ კვირიკეში და ჩემი ინფორმაციით, არც მას ჰქონდა მსგავს დაწესებულებაში მუშაობის გამოცდილება. ხაბაძის დეიდაშვილი ნატო ჩელებაძე კი ქობულეთის სასწრაფო სამედიცინო ცენტრის თანამშრომელი იყო, შემდეგ კი დირექტორად დანიშნეს“.
ტარეკ ისკანდერი დასთან მუშაობის დროს/ფოტო:ლელა დუმბაძე
ერთობლივი პროდუქცია გათვლილია თეატრში ახალგაზრდების მოზიდვასა და მათი თეატრისადმი ინტერესის გაზრდაზე.
ერთობლივი სპექტაკლის ,,ზამთრის ზღაპარი“ პრემიერა ,,ახალ სცენაზე“ 20 ნოემბრისთვის იგეგმება.
ტარეკ ისკანდერი იყო ჰეკნიში თეატრ „იარდის’“ (Yard) ერთ-ერთი დამფუძნებელი და ასოცირებული რეჟისორი. იქამდე ლონდონის ნაციონალური თეატრის სტუდიაში როგორც რეჟისორმა გაიარა რეზიდენტურა. ნაციონალურ თეატრში ასევე ასრულებდა რეჟისორის მოვალეობას.ის არის ავტორი და რეჟისორი პიესებისა Shiver; Qudz; Accidental Death of an Anarchist; Midnight When Trumpets Cry; Human Remains.
მისი სპექტაკლები The Recognition of Sakuntalaდა Macbethავტორიტეტულმა ბრიტანულმა თეატრალურმა გაზეთმა „ტაიმ აუტმა“ კრიტიკოსთა რჩეულებად დაასახელა. ბოლო პერიოდში მისმა ბირმინგემის საოპერო კომპანიაში დადგმულმა სპექტაკლმა Ice Break, უდიდესი აღიარება მოიპოვა.
„ტარეკ ისკანდერი მუშაობს როგორც ახალ დრამატურგიაში, ასევე კლასიკურ ტექსტებზე. ბოლო ხანებში დაინტერესებულია,„ექსპერიმენტული’“ მულტი-მედიური ტიპის სპექტაკლებით“- ნათქვამია განათლებისა და კულტურის სამინისტროს განცხადებაში.
„ახალი სცენა“: ფოტო/ლელა დუმბაძე
„გამოძიებამ დაადგინა, რომ დაკავებულები სასაზღვრო-საკონტროლო გამტარი პუნქტის გვერდის ავლით, საქართველოს სახელმწიფო საზღვრის გადაკვეთას თურქეთის რესპუბლიკის მიმართულებით ცდილობდნენ“- ნათქვამია შს სამინისტროს განცხადებაში.
გამოძიება საქართველოს სახელმწიფო საზღვრის უკანონოდ, ჯგუფურად გადაკვეთის მცდელობის ფაქტზე მიმდინარეობს (საქართველოს სსკ-ის 19-344-ე მუხლის მე-2 ნაწილის „ა“ ქვეპუნქტით). გამოძიებას სასაზღვრო პოლიციის საგამოძიებო-ოპერატიული მთავარი სამმართველო აწარმოებს.
შეხვედრა ქალაქ გოლდენის დელეგაციასთან ნარჩენების მართვის საკითხებზე
„როგორც ვიცით, ცეცხლაურში იხსნება ახალი ნაგავსაყრელი სადაც მოხდება დამხარისხებელი ან მეორადი გადამამუშავებელი ქარხნის მშენებლობა. უცხოელები გვეხმარებიან იმაში თუ როგორ წარვმართოთ პირველ ეტაპზე საზოჰადოებასთან მუშაობა, რომ მოსახლეობამ ადგილზე მოახდინოს ნარჩენების დახარისხება. ამისთვის მოსახლეობასთან მუშაობაა აუცილებელი, საინფორმაციო, წამახალისებელი კამპანია უნდა ვაწარმოოთ, შესაძლებელია სანაგვე ურნებთან დამოტაჟდეს ვიდეოთვალებიც, პრობლემის მოსაგვარებლად შემოღებული იქნება საკანონმდებლო რეგულაციებიც და ამოქმედდება ჯარიმები იმ მოქალაქეების მიმართ, რომლებიც ნარჩენებს არ დაახარისხებენ“- აცხადებს მერიის საფინანსო-ეკონომიკური სამსახურის უფროსის მოადგილე, ტიტე აროშიძე.
შეხვედრაზე განიხილეს გადამამუშავებელ კომპანიებთან თანამშრომლობის მოდელებიც.
„კომისია იმიტომ ჩამოყალიბდა რომ იმსჯელოს დეტალებზე, თუ რა გზით უნდა წავიდეთ. ამაში გვეხმარება გოლდენის დელეგაცია. ამერიკაში არსებულ ნაგავსაყრელებზე მოხდა სტადიონების აშენება, მწვანე მინდრების გაკეთება და ა.შ გონიოს ნაგავსაყრელზე რთულია მსგავსი რამის გაკეთება, რადგან იქედან ამოსული მეთანი საზიანოა გარემოსთვის. ამიტომ ჯერ საუბარია იმაზე, რა გავაკეთოთ. საუბარია იმაზე რომ ჯერ მეთანის ამოქაჩვა მოხდეს და შემდეგ გამწვანება გაკეტდეს, არის მეორე ვერსიაც რომ მოხდეს სპირალების ჩადგმა, რომელიც ენერგიად გარდაიქმნება და ამ ენერგიების გამოყენება მოხდეს. ასე რომ ჯერ საბოლოოდ ვერსიაზე ჩამოყალიბებული არ ვართ“.
ტიტე აროშიძის თქმით, 2016 წლის გაზაფხულისთვის მერიას ექნება დასრულებული სამოქმედო გეგმა და ცეცხლაურში ამოქმედდება ნარჩენების მიმღები პოლიგონი.
ნარჩენების მართვის საკითხევზე შეხვედრა ოთხდღეს გაგრძელდება.
შეხვედრას ამერიკული მხარიდან ესწრებოდნენ გოლდენის მუნიციპალიტეტრის საჯარო სამსახურის დეპარტამენტის წარმომადგენლები დან ჰარტმენი, ანა ბეიერლი და ტერეზა ვორშენი. შეხვედრაზე ასევე მოწვეულნი იყვნენ USAID –ის წარმომადგენელი ნინო ქუმსიშვილი და ნარჩენების მართვის ტექნოლოგიების რეგიონული პროგრამის ხელმძღვანელი ვილიამ ალტაუსი.
ხვალ რიგგარეშე სხდომაზე მის ნაცვლად ამავე პარტიის წარმომადგენლის ფრიდონ ბრეგვაძის უფლებამოსილების ცნობის შესახებ საკითხს უყრიან კენჭს.
ხომალდი ჰოლანდიურ-ამერიკულ საკრუიზო ხაზს ეკუთვნის. ტრაპიზონიდან შემოსულ ლაინერზე ეკიპაჟის წევრებიანად 1200-მდე მგზავრია, მათ შორის 850-მდე ტურისტი.
წვიმა ბათუმში კარგ ამინდად მიიჩნევა და, ყველაზე მოულოდნელად მოსულიც კი, ჩვეულებრივი ამბავია. იმას რა სჯობს, ამ დროს ბათუმურ კაფეებს რომ შეაფარებ თავს, მყუდრო და დაცული გარემოდან უყურებ, როგორ სველდება გარეთ ქუჩა, მანქანები, შენობები, ხალხი.
ჩემთვის კაფეების კატეგორიაც კი არსებობს ასეთი მომენტებისთვის. თუ წვიმამ აბაშიძის ქუჩაზე მოგისწროთ, „პრივეტ იზ ბატუმაში“ შეირბინეთ. აქ დაგხვდებათ ბათუმური გარემო, კედლებზე ჩამოკიდებული ისტორიული ფოტოებით, კარგი მუსიკით, გემრიელი ყავა-ნამცხვრებით და მთელ სიგრძეზე ჩაყოლებული გამჭვირვალე ფარდაჩამოფარებული ფანჯრებით.
ასეთ დროს კაფე „რენიც“ გამოგადგებათ თავისი პარიზულ-ბათუმური რომანტიკით, გემრიელი სამზარეულოთი, ცოცხალი მუსიკით, წვიმის გადაღების შემდეგაც რომ დაგიტოვებთ დარჩენის სურვილს.
წვიმაშიც და მზეშიც იარეთ „გარდენსში“. ეს არის, როგორც ღია, ასევე დახურული სტილის არტკაფე, რომლის „წიგნიერი“ გარემო ნამდვილად არ დაგტოვებთ გულგრილს. შემოიკრიბეთ მეგობრები ლამაზსუფრიანი მრგვალი მაგიდის ირგვლივ. ბარის თავზე რეტროსპექტივას უჩვენებენ და ამ დროს თითქოს კაფეშიც დააბიჯებს 20-იანების სტილში გამოწყობილი ხალხი.
ჰო, არტკაფეზე კიდევ „ფანფანი“ გამახსენდა, ბულვართან, უნივერსიტეტის მიჯნაზე, გარე სამყაროსგან ჯადოსნური ლურჯი კარით გამოყოფილი ადგილი. აქ ყავის დალევა ერთი სიამოვნებაა. კაფე გიმასპინძლებთ თბილ სეზონზე ქუჩაში გაშლილი მაგიდებით, რომლებსაც, გვერდით რომ ჩაუვლით, უყურადღებოდ ვერ დატოვებთ.
თუ თავს მარტო იგრძნობთ და კათხა ლუდზე ახალი მეგობრების გაჩენის და მათთან საუბრის სურვილი გაგიჩნდებათ, ევროპის მოედნის ერთ კუთხეში მოწყობილ „ვინილ ბარს“ ეწვიეთ. ეს ადგილი სახელს ამართლებს. შიგნით, სულ პატარა სივრცეში, ლამაზად მოხატული ვინილებია აკრული კედლებზე, იქვეა ჯიმი ჰენდრიქსის უმაგრესი პოსტერიც, XXს-ის 60-იანების სტილის ამ ბარში ნამდვილად არ მოიწყენთ, საინტერესოდ მოსაუბრე ხალხსაც გაიცნობთ და გემოვნებიან მუსიკასაც მოისმენთ.
თუ საღამოს უფრო აქტიურად და სახალისოდ გატარებას ისურვებთ, მაშინ ახალგახსნილი ბარი „თემა“ თქვენთვისაა. როგორც დამაარსებლები ამბობენ, ეს ის ადგილია, სადაც მიხვალ, დალევ, გაერთობი, შეკრებილ საზოგადოებას გაიცნობ და თვითონაც მოგეცემა წარდგომის საშუალება. აქ 100%-იანი თავისუფლებაა, ეწყობა კარაოკე საღამოები, უქმე დღეებში კი განსაკუთრებული ამბები ხდება, თავისი სკეჩებითა და მონოლოგებით. ფასებიც სრულიად მისაღებია და წვეულებაც გვიან ღამემდე გრძელდება.
კიდევ ერთი უსაყვარლესი პატარა კაფეა აბაშიძის დასაწყისში, „Chocolate and Coffee Room“ ჰქვია, რომელიც ახალგაზრდა, სასიამოვნო წყვილს ეკუთვნის. აქ შევლა მხოლოდ უგემრიელესი და გარეგნულადაც მშვენიერი ქაფქეიქების დასაგემოვნებლადაც ღირს. ასევე, აქ შეგიძლია, ერთ კუთხეში მსხდომ მეპატრონეებს დაეხმარო ლამაზი ნივთების გაკეთებაში, რომლებიც შემდეგ კაფეს ინტერიერს დაამშვენებს.
„წიგნები ბათუმში“ არის ის არაჩვეულებრივი ადგილი, სადაც შეგიძლიათ, წიგნები იკითხოთ, ყავა დალიოთ, მერე „იჭორაოთ“ წაკითხულზე მაღაზიის პერსონალთან და დამაარსებლებთან ერთად. წელს სასიამოვნო სიახლეებსაც გვპირდებიან, ასე რომ, თუ აბაშიძის 60 ნომერთან მოხვდით, აუცილებლად შეიარეთ ბათუმურ წიგნებში, ეგებ სელფის გადაღებაც მოგინდეთ გარემოხატულობის ფონზე, სადაც შეიძლება, თქვენი საყვარელი წიგნის პოსტერები და პერსონაჟები აღმოაჩინოთ.
ბათუმის სულის უკეთ შესაგრძნობად აუცილებლად გაიარეთ ქუთაისის ქუჩაზე, მეჩეთის მიმდებარედ. აქ უმეტესად მუსლიმი თანაქალაქელები იკრიბებიან, სალოცავად ემზადებიან, ან, მეჩეთიდან უკვე გამოსულები, საუბრობენ ქუჩის კუთხეებში. აქვეა ბევრი თურქული ღია და დახურული კაფე, სადაც შეგიძლიათ თურქული კერძები დააგემოვნოთ. მათ შორისაა კაფე „ლივა“. თუ ტკბილეული გიყვართ, გირჩევთ, აქ მიირთვათ თურქული ბაქლავა და ჩაი. ამ უკანასკნელს პატარა შუშის ჭიქით მოგართმევენ. მსუყე და ტკბილ ბაქლავას შესანიშნავად ანეიტრალებს მაგარი, მომწკლარტო ჩაი.
არ დაგეზაროთ და მეჩეთში შესასვლელს ჩაუარეთ, მშვენიერი სანახავია ლურჯ-ყავისფერ-ყვითელი ფერებით მოხატული წინკარი. საერთო ჯამში, ეს ქუჩა ბათუმის ისტორიის ნაწილია, სადაც კარგად ჩანს წარსულში განვითარებული მოვლენები, რომლებმაც აშკარა კვალი დაატყო, როგორც ქალაქს, ისე მოქალაქეებსაც.
მერე პიაცისკენ გაუყევით. თუ კარგი ამინდია, ზედ მოედანზე გაშლილ მაგიდებს მიუსხედით. აქ არის კაფე-რესტორნები: „La Brioche“, „Quite Woman Pub“, „Piazza Batumi“ და სხვები. საღამოობით მოედანზე ჯაზბენდები უკრავენ, ზაფხულობით კი უფრო ფართომასშტაბიანი კონცერტები იმართება. აქ მოწყობილ სცენაზე გამოსულან ისეთი მუსიკოსები, როგორებიც არიან: სტინგი და კრის ბოტი.
ახლა კი თავს ნებას მივცემ და ჩემი ერთი ტრადიციის შესახებ მოგიყვებით. დავიწყებ იმით, რომ ბათუმის შემოსასვლელში, პორტთან ახლოს არის კაფე „სანაპირო“. ეს არის ნაპირზე დაშენებული პლატო, რომელზეც კაფეა გამართული. მე ვეძახი „ერთ ნაბიჯს ზღვამდე“. ამ კაფეში ერთი მარშრუტით დავდივარ ხოლმე – პიაციდან ხულოს ქუჩაზე ვუხვევ, სადაც სომეხ წყვილს არაჩვეულებრივი მაღაზია აქვს. აქ შეიძენთ გემრიელ ჩირებს, ცუკატებს, ტკბილეულს და, რაც მთავარია, ირისს. ძირითადად ორ ხაზად შეხვეულ რამდენიმე კუბიკს ვყიდულობ, მერე პირჩამტკბარი მივდივარ სანაპიროსკენ. აქ საფირმო, ქვიშაზე მოდუღებული ყავა სულ რაღაც 55 თეთრი ღირს. შეგიძლია დაჯდე ჯებირებთან, სადაც ზღვა სულაც არ მთავრდება და დააკვირდე, როგორ მანევრირებენ გემები პორტში, როგორ დასჭყივიან თოლიები ანძებს და როგორი მდუმარებით ელოდებიან მეთევზეები ანკესზე თევზის წამოგებას. შეგიძლიათ, თვალები დახუჭოთ და იფიქროთ, რომ ახლა სწორედ იქ ხართ, სადაც დაბერებას ისურვებდით.
ჰო, ასეთი ქალაქია ბათუმი, „თუ შეგიყვარა, სულსაც გაატან“. აქ ყველანაირი გასართობის გარეშეც შეგიძლია იპოვო ბედნიერება, აი, ისეთი, იმ მომენტშიც რომ გრძნობ კარგად ყოფნას.
იმედი მაქვს, ზემოთ ჩამოთვლილთა შორის აღმოაჩენთ თქვენს ფავორიტ ადგილებს (თუ ეს უკვე არ მომხდარა) და კიდევ უფრო შეიყვარებთ ბათუმს. ეს ქალაქი ნამდვილად იმსახურებს, რომ ბევრი მასზე შეყვარებული ადამიანი დააბიჯებდეს მის ქუჩებში.
ვის ეკუთვნის ამ, ე.წ. ელექტროსკამის დამონტაჟების იდეა, ვინ არის მისი ავტორი, სად დამზადდა და სხვა დეტალების შესახებ მერიაში ინფორმაცია ვერ მოგვაწოდეს. ინფორმაცია არც ქალაქის კეთილმოწყობის სამსახურში ჰქონდათ.
„აქ შეკრების მიზეზი გახდა წამების ამსახველი ის კადრები, რაც ახლახან გავრცელდა, შევიკრიბეთ რათა არ გაგრძელდეს და არ განმეორდეს ის წამება, რაც ციხეებში ხდებოდა. ჩვენ ყველა ერთად გავერთიანდებით და ნაციონალურ მოძრაობას მოვთხოვთ პასუხს იმაზე – რაც უნდა გაეკეთებინა და ვერ გააკეთა. ასევე დღევანდელ ხელისუფლებას მოვთხოვთ პასუხს იმაზე თუ, რატომ არ სთხოვენ მათ პასუხს? სწორედ ამის გამო არ ხდება სამართლიანობის აღდგენა. ჩვენ დავიწყებთ საერთო სახალხო მოძრაობას აჭარაში, სამართლიანობის აღდგენის მიზნით. ეს შეეხება ყოფილ პატიმრებს, მოქმედ პატიმრებს, ეს შეეხება იპოთეკით დაზარალებულებს და ყველა იმ ადამიანს, ვინც დღეს სამართლიანობის აღდგენის მოლოდინშია.
მე არ ვეხები ამ კადრების გავრცელებას, მე მაინტერესებს ვინ ჩაიდინა და თუ არის ის დასჯილი დღეს. მე მაინტერესებს ის ხალხი, ვინც ამას წლების განმავლობაში ჩადიოდა და ალბათ დღესაც ჩადიან, არიან თუ არა დასჯილი. სავარაუდოდ, არ არიან, იმიტომ, რომ ის პროკურორები და მოსამართლეები, ის ძალოვნები, რომლებიც ამას სჩადიოდნენ – დააწინაურეს.
ვაპროტესტებთ და გავაპროტესტებთ მანამ, სანამ თითოეული ადამიანის მიმართ სამართლიანობა არ აღდგება” – ამბობს თამაზ ბაკურიძე.
„შევიკრიბეთ ნაციონალური მოძრაობის ოფისთან, რათა მოვუწოდოთ ხელისუფლებას, დამნაშავე რეჟიმი, ერთხელ და სამუდამოდ უნდა გასამართლდეს. კიდევ ერთხელ შევახსენებთ ხელისუფლებას, რომ მოდის – 8 ნოემბერი, როცა 2007 წელს მოხდა ბათუმის სახელმწიფო უნივერსიტეტის დარბევა. დღემდე უნდა ყოფილიყო გამოძიებული ერთიანი ნაციონალური მოძრაობის მაღალჩინოსნების მიერ მიღებული ის გადაწყვეტილებები, რომლებსაც მოჰყვა ქვეყანაში, მათ შორის აჭარაშიც დარბევები. თუ ხელისუფლება ვერ აღადგენს სამართლიანობას, რასაც საზოგადოებას დაგვპირდა, ამისთვის ვართ მოქალაქეები და ჩვენ მივიღებთ შესაბამის გადაწყვეტილებას წინა და ახლანდელ ხელისუფლებასთან მიიმართებაში” – ამბობს მერაბ ღოღობერიძე.
ფოტოები გადაღებულია ბოლო რამდენიმე დღის განმავლობაში.
„სამკითხველო დარბაზის გახსნა მინდოდა, შევეხმიანე გიორგი კეკელიძეს და ბიბლიოთეკის გახსნის იდეა გავაცანი, იდეა მოიწონა და საჩუქრად წიგნები გადმოგვცა, პირველ ეტაპზე ბიბლიოთეკა 200-მდე წიგნადი ფონდით შეივსო, ვფიქრობთ სამომავლოდ ბიბლიოთეკა გაფართოვდება, ნებისმიერს შეუძლია მოვიდეს ჩვენთან და არსებული ლიტერატურით ისარგებლოს, არის, როგორც პატარებისთვის განკუთვნილი სპეციალური ლიტერატურა, ასევე მოზრდილებისთვის და დიდებისთვის: პოეზია, პროზა, სათავგადასავლო, გვაქვს რუსულენოვანი საკითხავი ლიტერატურა, არსებული წიგნადი ფონდის შემადგენლობა არის როგრც ძველი გამოცემების, ასევე თანამედროვე და ახალიც, ჩვენ ასევე ვთანამშრომლობთ როგორც ადგილობრივ გამგეობასთან, ასევე რესურსცენტრთან, რესურსცენტრის ხელმძღვანელის იდეაა სამკითხველო დარბაზში ამერიკული კუთხე მოეწყოს“- აცხადებს დავით ანანიძე.
სამკითხველო დარბაზი წიგნებთან ერთად კომპიუტერებითა და ინტერნეტით აღიჭურვა.
„ზრდასრულთა განათლების ცენტრი“ ქედაში არასამთავრობო ორგანიზაცია DVV International -ის პროექტის ფარგლებში, არასამთავრობო ორგანიზაცია დემოკრატიის ინსტიტუტმა 2015 წლის გაზაფხულზე გახსნა, მსურველებს ცენტრში კომპიუტერის გამართვის, საოფისე პროგრამებს, ხელსაქმისა და სუვენირების დამზადებას ასწავლიან.
ფოტოს ავტორი: მადონა ფალავანდიშვილი
წყალსაცავის მშენებლობა დიდაჭარის ხიდთან
თაგოს მთის ხედი ხულოდან
რიყეთის ხედი ჯვარიკეთიდან
ჯვარიქეთის ტყე
უმაღლეს საბჭოში განვითარებული მოვლენები განსჯის საგანი ბევრჯერ გახდა, თუნდაც ჯემალ ფუტკარაძის არჩევის საკითხი, არასამთავრობო ორგანიზაციებმა კონსტიტუციის არცოდნაში დაგადანაშაულათ – თუ ასე არ იყო, დროზე რატომ არ მიუთითა ოპოზიციამ ხარვეზის გასწორებაზე?
ორი მაღალი თანამდებობის პირი გადავაყენეთ. საფინანსო კომისიის თავდმჯდომარე და უმაღლესი საბჭოს თავმჯდომარის მოადგილე. შემდგომ მოვლენები ისე განვითარდა, რომ ვიცე-სპიკერის თანამდებობაზე ჯემალ ფუტკარძე ავირჩიეთ, თუმცა ამან დიდი ვნებათაღელვა გამოიწვია და განსჯის საგნადაც კი იქცა, იქედან გამომდინარე, რომ ექსპერტები, კონსტიტუციონალისტები აფიქსირებდნენ ერთმანეთისგან განსხვავებულ პოზიციას. რეალურად აღმოჩნდა, რომ გარკვეული საკანონმდებლო კაზუსების წინაშეც ვიდექით. ერთი რამ არის აქ საგულისხმო, არჩევის შემდეგ უმაღლესი საბჭოს იმ მწევრებს, რომლებიც არჩევით ფორმატს ედავებოდნენ, ეს არ გაუსაჩივრებიათ. სიღრმეებში არ წავალ, მაგრამ ფაქტი სახეზეა, დღეის მდგომრეობით უმაღლესი საბჭოს თავმჯდომარის მოადგილის პოსტი ვაკანტურია, ბატონმა ჯემალმა უარი თქვა ამ თანამდებობაზე და დღის წესრიგში დგას ახალი კანდიდატურის არჩევის საკითხი.
კითხვას დავუბრუნდები, როგორც ვიცით შეიცვალა ის ჩანაწერო რამაც ჯემალ ფუტკარაძის არჩევასთან დაკავშირებით კითხვები გააჩინა. ასეა ხომ?
საუბარი იყო რეგისტრირებული დეპუტატების რაოდენობაზე და კენჭისყრაზე მონაწილე დეპუტატების რაოდენობაზე. ჩანაწერი გასწორდა და დღეს უკვე შეიძლება უმაღლესი საბჭოს 11 წევრის რეგისტრაციის შედეგად მოხდეს უმაღლესი საბჭოს მოადგილის არჩევა.
უკვე დააფიქსირეთ რომ მხარს დაუჭერთ სულხან ღლონტის კანდიდატურას მოადგილის თანამდებობაზე?
გადაწყვეტილების საბოლოო ვერსია არ გაგვჟღერებია, თუმცა ერთდერთი, რასც ჩემი კოლეგები აღნიშნავენ და მეც ვეთანხმები, ჩვენთვის, როგორც ოპოზიციური პარტიისთვის, რომელიც უარს აცხადებს თანამდებობაზე თავისი კანდიდატურის წარდგენაზე და ჩვენ განვაცხადეთ კიდეც, რომ თანამდებობებისთვის არ ვიბრძვით, მნიშვნელოვანი იქნება, რომ ამ თანამდებობაზე ვიხილოთ ოპოზიციონერი.
ხომ არ მოხდება ისე, რომ თვისუფალი დემოკრატები და ნაციონალური მოძრაობა მომავალში რაღაც საკითხებში უფრო მჭიდროდ ითანამშრომლებენ?
თუ გადავხედავთ უმაღლესი საბჭოს გადაწყევტილებებს, არის მთელი რიგი საკითხები, სადაც თემატური თანხმობა არა მარტო ოპოზიციურ პარტიებს შორის, არამედ სახელისუფლებო გუნდსა და ოპოზიციურ პარტიებს შორისაც არის. მე ცალსახად ამ თანამშრომლობის პერსპექტვების შესახებ არ ვისაუბრებდი ამ ეტაპზე, ვფიქრობ, რომ თემატური თანამშრომლობა და თანხმობა შეიძლება ყველა პოლიტიკურ ჯგუფთან.
სხდომაზე ცხადდებით და არ რეგისტრირდებით, რა მიზეზითაც მერამდენე სხდომა ჩაიშალა უკვე. ხომ არ შეიყვანს ეს ჩიხში უმაღლესი საბჭოს მუშაობას?
ორი სხდომა ჩაიშალა. ამის მთავარი მიზეზი გახლავთ მთავრობის თავმჯდომარის გამოუცხადებლობა სხდომაზე. მთავრობის თავმჯდომარე მოწვეული იქნა უმაღლესი საბჭოს სხდომაზე ანგარიშით, თუმცა იგი არ მოვიდა, მისი მხრიდან იყო საუბარი, რომ იგი არ მოვიდოდა ნაციონალური მოძრაობის მოწვევაზე, თუმცა მოწვევის შესახებ გადაწყვეტლება უმაღლესი საბჭოს სხდომაზე იქნა მიღებული და ამ გადაწყვეტლების მიღებაში მონაწილეობა მიიღო არამარტო ნაციონალურმა მოძრაობამ, არამედ სხვა ოპოციურმა პარტიებმა თუ დამოუკიდებელმა დეპუტატებმა. ასევე ქართული ოცნების წარმომადგენლებმაც, ჩემმა კოლეგამ, პეტრე ზამბახიძემ გასაჯაროვა კიდეც სხდომის კენჭისყრის ამსახველი ოქმი, სადაც ეს ყველაფერი შავით თეთრზე წერია, ამიტომ კონსტიტუციური უფლებაა მისი [არჩილ ხაბაძის] მაკონტროლებელ ორგანოში გამოცხადდეს. ალბათ ყველა პოლიტიკოსმა უნდა გაითვალისწინოს, რომ ის ერთი ვიწრო პოლიტიკური დაჯგუფების, პოლიტიკური პარტიის თანამდებობის პირი და ხელმძღვანელი არ არის, ის არის რეგიონში ხელმძღვანელი პირი და ანგარიშვალდებულია ყველა პოლიტიკური სიმპათიის მქონე ამომრჩევლის წინაშე.
ვთქვათ, ისევ არ მოვიდა, შეიძლება კიდევ ჩაიშალოს სხდომა?
ის ამბობს, რომ ოქტომბერში გააკეთებს რამდენიმე საჯარო ანგარიშს, თუმცა ჩვენ მას კიდევ ერთხელ შევახსენებთ, რომ მისი მოვალეობაა ანგარიში წარუდგინოს საკანონმდებლო ორგანოს, რომლის მთავარი ფუნქციაა მთავრობის კონტროლი.
ჩვენ მისი მოწვევის წერილი წარდგენილი გაქვს, რამდენდაც ვიცი, მიმდინარეობს მსჯელობა ამ საკითხზე და არ ვიცი გამოცხადდება თუ არა. ჩემი აზრით უნდა გამოცხადდეს, იმდენად, რამდენადაც არ შეიქმნას დამატებითი უხერხულობები. ჩვენი მიზანი არ არის, რომ ჩიხში შევიდეს უმაღლესი საბჭოს მუშაობა. თუმცა ჩვენ მაქსმალურად ვეცდებით, რომ უმაღლესი საბჭოს თავმჯდომარე ანგარიშით წარსდგეს სხდომაზე.
როგორც ერთ დეპუტატს, თუ გეძლევათ საშუალება, რომ მოითხოვოთ და მიიღოთ პროგრამების შესრულების ანგარიშები, კონკრეტული უწყების მუშაობის შესახებ ინფორმაცია, ფინანსური დოკუმენტაცია და ასე შემდეგ და თუ კი, რა ხარვეზები ჩანს?
ინფორმაციას რა თქმა უნდა პერიოდულად ვითხოვთ, ხშირად არის ხოლმე ვადებთან დაკავშირებული პრობლემები. როცა აგზავნი წერილს არის შესაძლებლობა გიპასუხონ ზოგადად და არ გიპასუხონ კონკრეტულად, თუცმა ჩვენ გავაქს რაღაც ხერხები. უფრო ვაკონკრეტებთ და პუნქტობრივ ჩამონათვალს წარვდგენთ ხოლმე თუ რა გვაინტერესებს.
გქონიათ შემთხვევა, რომ რაღაც ტიპის ინფორმაცია ვერ მიიღეთ და რა ჩანს, რა სურათი იკვეთება გამოთხოვოლი ინფორმაციიდან?
პირადად მსგავსი შემთხვევა არ მქონია. შესაბამისი რეაქცია მექნებოდა ასეთი შემთხვევის დროს. როცა ექვსი თვის შესრულების ანგარიში წარმოადგინა უმაღლეს საბჭოში მთავრობამ, მაშინ ჩემი კოლეგები სახელისუფლებო რგოლდან აპელირებდნენ კვარტალური გეგმის შესრულების მაღალ ხარისხზე, თუმცა ჩემი დაკვირვებით საკმაოდ დაბალი იყო წლიური შესრულების პროცენტები და სიმართლე გითხრათ მე დიდი ინტერესეით ველოდები სამი კვარტლის შესრულების ანგარიშს, იქედან გამომდინარე, რომ ეს სწორედ ეს პერიოდია, როცა ძირითადი თანხები ათვისებული უნდა იქნას. იყო ძალიან ბევრი კითხვა, ამ კითხვებს ჩვენ პერიოდულად ვსვამთ, იყო შეკითხვები იგივე მცირე ბიზნესის განვითარების პროგრამასთან დაკავშირებით, რომელც იპოთეკარებისთის იყო განკუთვნილი თავის დროზე, მაგრამ რეალურად ძალიან ცოტა ბენეფიციარი დაკმაყოფილდა. იყო შეკითხვები, რომელიც უკავშირებოდა ახალი შპს-ების შექმნას და ორი პროგრამის გაუქმებას ბიუჯეტში, რომელიც შეეხებოდა საავადმყოფოს და სტადიონის მშენებლობას. რა თქმა უნდა ჩვენ კრიტიკულები ვართ და ამ კითხვებს ვაჟღერებთ სათანადო დროს.
ანზორ თხილაიშვილმა, რომელიც საფინანსო კომისიის ახალარჩეული თავმჯდომარე იყო, “ბათუმელებთან” აღნიშნა, რომ ფრაქციების ხარჯების შემცირების ინიციატივით თუ შევა, პირველ რიგში, ოპოზიცია არ დაუჭერს მხარს – ისინი მხოლოდ საუბრობენ ხარჯების შემცირებაზე და ზუსტად ვიცი, ხელს არ აწევენო. რას იტყვით ამის შესახებ?
წავიკითხე ინტერვიუ და მქონდა ამ თემაზე მასთან საუბარი. მისი მხრიდან ეს მოთხოვნა ნამდვილად არ ყოფილა ოფიციალურად დაფიქსირებული. მე მიკვირს, არ ვიცი ვისთან ჰქონდა კონსულტაციები, ვისგან მიიღო ასეთ კატეგორიული უარი. პირადად ჩემთან და კოლეგებთან მას მსგავსი საუბარი არ ჰქონია. როცა გავნიხილავდით უმაღლესი საბჭოს ბიუჯეტს, 2016 წლის პროექტს, პროექტის მიხედვით თანხა 100 ათას ლარამდე იზრდება და ამის მთავარი მიზეზი გახლავთ ის, რომ 2015 წელს უმაღლეს საბჭოში ორი ახალი ფრაქცია შეიქმნა, ეს იყო ხელოვნურად შექმნილი ფრაქციები, იმის გამო, რომ ჩემს კოლეგებს შეენარჩუნებინათ ის პრივილეგიები, რომლებიც მათ გააჩნდათ სანამ თანამდებობებზე იყვნენ. ფრაქციას გაჩნია საკუთარი ბიუჯეტი, რომელიც საკმაოდ სოლიდურ თანხზე გადის წლის განმავლობაში, მათ აქვთ საშულება ისარგებლონ სამსახურეობრივი მანქანით, საწვავით, შესაბამისი ხელფასები აქვთ, უფრო მაღალი ვიდრე რიგით წევრებს, ამავე დროს მათ ეძლევათ საშუალება დაასაქმონ თავიანთი მხაარდამჭერები ფრაქციებში, შესაბამსიად ეს არის საშუალება, რომ გარმეოცვა ჰყავდეთ კმაყოფილი. 2015 წელს, როცა გადავირჩიეთ ორი კომისიის თავმჯდომარე, შემდგომ პერიოდში მოჰყვა ამ ყველაფერს ეს ნაბიჯები, ქართული ოცნება გაიყო ორ ფრაქციად და ჩემი კოლეგა, რომელიც ადრე ხელმძვანელობდა საფინანსო-ეკონომკურ კომისიას გახდა ფრაქციის თავმჯდომარე. შეიქმნა კიდევ ერთი ფრაქცია თავისუფალი დემოკრატების და გამოუკიდებელი დეპუტატების ერთობით, შესაბამისად, ნაცვლად იმისა, რომ ქამრების შემჭერაზე ეფიქრათ, იზრდება უმაღლესი საბჭოს ბიუჯეტი, რომელიც ჯერ არ დამტკიცებულა.
დღის წესრიგში რომ დადგეს ფრაქციებისთვის გათვალისწინებული ბიუჯეტის შემცირების საკითხი, თქვენ მხარს დაუჭერთ?
მე შემიძლია გითხრათ, რომ მას ჩვენთან არ ჰქონია კონსულტაცია ამ თემაზე და შესაბამსიად, კონსულტაციების გზით თუ კი არის საუბარი ვთქვათ, ბიუჯეტის შემცირებაზე, ალბათ ერთობლივად კონსენსუსს მივაღწევდით, მაგრამ ეს საკითხი ოფიცალურად არ დასმულა.
კონტროლის ნაწილში მაინტერესებს, თუ მიგიწვდებათ ხელი სახელმწიფოს მართვაში არსებული საწარმოების ფინანსურ საქმიანობაზე?
უმაღლესი საბჭოს ნებისმეირ წევრს შეუძლია ინფორმაცია სატიტულე ფურცლით გამოითხოვოს საბიუჯეტო დაწსებულებებიდან. რაც შეეხება ე.წ. საქვეუწყებო დაწსებულებებს, ვერ გეტყვით რომ სრულად, მაგრამ გარკვეულწილად ვინტერესდებით ამ დაწესებულებებით. არის შემთხვევები, როცა ეს ორგანიზაციები წარსდეგიან უმღლეს საბჭოში.
უფრო ვგულისხმობ სახელმწიფო მართვაში არსებელ შპს-ებს…
ცაკლეული დეპუტატები მუშაობენ ამ თემაზე, მე პირადად მსგავსი ინფორმაცია არ გამოითხოვია.
ავთანდილ ბერიძეს გადავაყენებთო ამბობდით…
როდესაც ეს საკითხი დღის წესრიგში დადგა და საზოგადოების განწყობაც მომწიფებული იყო საამისოდ, ჩემი კოლეგების მხრიდან სათანადო მხარდაჭერა არ მოჰყოლია, მაშინ მოგეხსენებათ, ქართული ოცნება ერთიანი იყო, დღს ქართულმა ოცნებამ უმაღლეს საბჭოში უმრავლესობა დაკარგა, შესაბამისად შეიცვალა სურათიც, ამის თვალსაჩინო მაგალითი იყო თუნდაც ის, რომ ორი ძალიან მნიშვნელოვანი თანამდებობის პირი, რომელიც იყო ერთ-ერთი ყველაზე წამყვანი კომისიის თავმჯდომარე და ვიცე-სპკერი თანამდებობიდან გადაყენებული იქნენ ხმათა უმრავლესობით, ასე რომ…
ისევ აპირებთ ამ საკითხის დღის წესრიგში დაყენებას?
მე ამის არც დადასტურება შემიძლია, არც უარყოფა. თუ ეს საკითხი დღის წესრიგში დადგება, ამის შესხებ პირველები თქვენ გაიგებთ.
ნაციონალური მოძრაობის ლიდერები ბათუმში ხშირად საუბრობენ კორუფციაზე. რატომ არ აქვეყნებთ ფაქტებს?
ყოველთვის მანტერესებს როგორ აფასებს ამა თუ იმ პოლიტკური გუნდის საქმიანობას საზოგადოება და განსაკუთრებით მედია. თქვენი შეკითხვების დროსაც მიჩნდება განცდა, რომ არსებობს რაღაც ნაკლოვანებების შეგრძნება საზოგადოებაში… ჩემი აზრით არის კანონზომეირება ამ შეკითხვაში, თუ ფიქრობთ, რომ რაღაც დოკუმენტალური მხარდაჭერა აკლია ამ განცხადებებს, ამ საკითხსაც განვიხილავთ და ვაკუუმს შევავსებთ. თუ საზოგადოება თვლის რომ აქტივობას სხვა შტრიხებით სჭირდება გამდიდრება, ეს ჩვენთვის სერიოზული შენიშნვაა და ვიმსჯელებთ ამ საკითხზე აუცილებლად.
უკრაინულ ვიზიტებს რაც შეეხება, ეს გასვლითი სხდომებია პარტიულ ლიდერთან, თუ როგორი ამბავია?
მე პირადად ერთხელ ვარ ნამყოფი. ეს ძირითადად არის შიდა პარტიული სამუშაოების შემადგენელი ნაწილი. მოგეხსენებათ, რომ პარტიის ლიდერთა ნაწილი ქვეყანაში არ იმყოფება სხვადასხვა მიზეზთა გამო, ამიტომ გვიხდება ასეთ რეჟიმში მუშაობა. ეს არის ხანმოკლე ვიზიტები, სამუშაო შეხვედრებს უფრო დავაქმევდი, იქ განიხილება ქავეყანაში არსებული მდგომარეობა და მიდის მსჯელობა მომავალ გეგმებზეც.
ამ გასვლებს პარტია აფნანსებს თუ ვინც მიდის ის, საკუთარი ჯიბიდან?
საკუთარი ფინანსებით რა თქმა უნდა.
მინდა დავუბრუნდეთ უმაღლეს საბჭოს, როგორც უმაღლესი საბჭოს წევრმა თქვენ, რისი გაკეთება შეძელით მათთვის ვინც თქვენს პარტიას დაუჭირა მხარი?
მე არ მივეკუთვნები იმ კატეგორიას, რომელიც თვითკმაყოფილების გრძნობით არის შეპყრობილი. ვცდილობ ვიყო კრიტიკული საკუთარი თავის მიმართ და უფრო მეტი გავაკეთო, ვიდრე აქამდე გამიკეთებია. რაც შეეხება ჩემს ურთიერთობას ამომრჩეველთან. პარტიას ამომრჩევნთან საკმაოდ სტაბილური კატეგორია ჰყავს, ჩვენ მუდმვი კონტაქტი გვაქვს ამომრჩვენთან, მაგრამ მე არ შემოვიფარგლები იმ იდეით, რომ მე ვარ მხოლოდ ამ ჯგუფის წარმომადგენელი უმაღლეს საბჭოში, მე ნებისმიერი ადამიანის პრობლემაზე რეაგირებს სურვილიც მაქვს და ძალიან ხშირად გამიკეთებია ეს. მოაქალაქეები მომმართვან სხვადასხვა თხოვნით, განსაკუთრებით რთულია სოცალური ფონი და სოციალურად დაუცველი მოქალაქეების მოსმენა და დახმარება. მოგეხსენებთ, არის კატეგორია, რომელთაც დახმარება შეუჩერდათ და უამრავი პრობლემა აწუხებთ. როდესაც ჩემს საკუთარ უბანში გადავადგილდები, საკმაოდ მოკლე მანძილზე გადაადგილებას ვუნდები დიდ ხანს, რადგან ადამიანებთან ურთიერთობა მიწევს, მათი პრობლემების და პოზიციების მოსმენა, რაც შემთვის ძალიან საინტერესოა. როდესაც ხარ ოპოციზიაში, ბუნებრივია ის ბერკეტები არ გაგაჩნია, რაც ხელისუფლებაში ყოფნის დროს, თუმცა როდესაც დეპუტატი ვინტერესდები კონკრეტული საკითხით, ამ საკითხს არ აღვიქვამ სხვის პრობლემად, ყოვეთვის ვითავისებ ხოლმე და ვცდილობ ბოლომდე ჩავეძიო, ბოლომდე გავერკვე და კარგ შემთხვევაში გადავუწყვიტო ადამიანს ის პრობლემა, რომლითაც მომმართა. ბევრი საქმე გამიკეთებია ისე, რომ ამისტვის არ მიმიცია პიარ ხასიათი.
ერთი წელი რჩება არჩევნებამდე. პარტიამ დაიწყო უკვე ფიქრი იმაზე, რას ეტყვის ამომრჩეველს ახალს – წინასაარჩევნოდ?
ნაციონალური მოძრაობა რჩება მთავარ ოპოზიციურ პოლიტიკურ ძალად ჩემი აზრით და რა თქმა უნდა უფრო დიდია პასუხისმგებლობა, როცა იყავი ხელისუფლებაში და გადაგირჩიეს ქვეყნის მოქალაქეებმა. ჩვენ ვაცნობიერებთ შეცდომებსაც, რომელიც დავუშვით და იმ პრიორიტეტებსაც, რომელიც გაგვაჩნია დღეის მდგომარეობითან მმართველ გუნდთან მიმართებაში. განვითარების ის ტემპები, რაც არსებობდა ქვეყანაში და რაც ხილულია განსაკუთრებით ჩვენს ქალაქში, არ უნდა შემცირდეს, საქართველო არ უნდა იქცეს დაპაუზებულ, უიმედო ქვეყნად და არ უნდა იყოს მომავალი ბუნდოვანი, როგორც შიდა ისე საგარეო მიმარლებით, ამირომ ძალიან ბევრი მიმართულებაა სადაც პარტია თავის სათქმელს იტყვის, ცნობილია პარტიის კურსიც, შეხედულებებიც, რაც შეეხება ერთიან პროგარამას, ამ პროგრამის გაჟღერება ჯერჯერობიტ ადრეა. მუშაობა დაწყებულია იმ დღიდან, როცა ჩვენ გავათვვიცნობიერეთ, რომ არჩვნები წავაგეთ. წლების განმავლობაში შედარების საშუალებაც არის სხვადასხვა მმართულებით, არამხოლოდ პარტიულ აქტივს, საზოგადოებასაც აქვს შედარების საშუალება.
სარკინიგზო ხიდის სარემონტო სამუშაოების გამო, დღეს 07:00 საათიდან 19:00 საათამდე, ასევე შეზღუდულია საავტომობილო მოძრაობა ჩაქვი-ქობულეთის ავტომაგისტრალზე (მოძრაობა პეტრას ციხის მიმდებარე ტერიტორიაზე გადაიკეტება). ავტოსატრანსპორტო მიმოსვლა შემოვლითი გზით იქნება შესაძლებელი.
პროექტის ფარგლებში არსებული ერთლიანდაგიანი ლითონის გზაგამტარი ხიდი ახალი კონსტრუქციით შეიცვლება.
ქობულეთის მუნიციპალიტეტის პრესსამსახურის ინფორმაციით, სარემონტო სამუშაოები სს „საქართველოს რკინიგზისა“ და შპს „ელიტ ბურჯის” ორგანიზებით ხორციელდება.
უნივერსიტეტის 80 წლის იუბილისადმი მიძღვნილი საზეიმო მიღება დღეს სასტუმრო შერატონში, ბსუ-ს რექტორის მოვალეობის შემსრულებლის მერაბ ხალვაშმა გახსნა.
უნივერსიტეტის ადმინისტრაციისა და პროფესორ-მასწავლებლების გარდა, ღონისძიებას ესწრებოდა საქართველოს განათლებისა და მეცნიერების მინისტრი თამარ სანიკიძე, აჭარის მთავრობის თავმჯდომარე არჩილ ხაბაძე, აჭარის უმაღლესი საბჭოს თავმჯდომარე ავთანდილ ბერიძე, აჭარის განათლების, კულტურისა და სპორტის მინისტრი გიორგი თავამაიშვილი, ბათუმის მერი გიორგი ერმაკოვი, აჭარის მთავრობისა და უმაღლესი საბჭოს წარმომადგენლები, სხვადასხვა უნივერსიტეტების რექტორები. ასევე ფონდების, საერთაშორისო ორგანიზაციებისა და დიპლომატიური კორპუსის წარმომადგენლები.
თამარ სანიკიძემ ღირსების ორდენით დააჯილოვა ბსუ-ს ნიკო ბერძენიშვილის ინსტიტუტის ისტორიის და სოციოლოგიური კვლევის განყოფილების უფროსი, უფროსი მეცნიერ-თანამშრომელი ნოდარ კახიძე და ბსუ-ს პროფესორი, ქირურგი – კახაბერ ქაშიბაძე.
გარდა ამისა, აჭარის მთავრობის თავმჯდომარემ ღირსების მედლებით დააჯილოდვა ბსუ-ს პროფესორები: მამია ფაღავა, ქეთევან დოლიძე, ირინა გოშხეთელიანი, ნათელა წიკლაშვილი, ვაჟა ვერულიძე, რუსუდან ხუხუნაიშვილი, გურამ მემარნე, რაულ გოცირიძე და მარინა აროშიძე.
დღეს უნივერსიტეტში, ბსუ-ს საპატიო დოქტორების არჩევის ცერემონიაც გაიმართა. უნივერსიტეტის აკადემიური საბჭოს გადაწყვეტილებით, საპატიო დოქტორის წოდება მიენიჭება შვიდ აღიარებულ ქართველ და უცხოელ პროფესორს: 1. საქართველოს მეცნიერებათა აკადემიის აკადემიკოსს, სამხედრო და ტექნიკურ მეცნიერებათა დოქტორს, საქარტველოს ტექნიკური უნივერსიტეტის პროფესორ ელგუჯა მეძმარიაშვილს; 2. შვერინის ბალტიკის პროფესორ გერალდ ვეტცელს; 3. საქართველოს საინჟინრო აკადემიის წევრს, საქართველოს სამთო საზოგადოების პრეზიდენტს, ტექნიკის მეცნიერებათა დოქტორს, პროფესორ რევაზ სტურუას; 4. დიდი ბრიტანეთის და ჩრდილოეთ ირლანდიის გაერტიანებული სამეფოს სურსატისა და გარემოს კვლევის სააგენტოს ემერეტუსს, ინოვაციების ცენტრის აღმასრულებელ დირექტორს, ფილოსოფიის დოქტორ რობერტ ედვარდ ბოლტონს; 5. ფრანგ ქართველოლოგს ემერეტუს პროფესორ შარლ რენუს; 6. ბერლინის შარიტეს ფიზიოლოგიის შემსწავლელი ლაბორატორიის ხელმძღვანელს, პროფესორ თენგიზ გლოველს; 7. ყაზანის ფედერალური უნივერსიტეტის პროფესორ თომას კრუსმანს.
