ნეტგაზეთი • RU

”ბოთლი მიუტანეთ ბედუკაძეს” – აქცია ენმ-ის ბათუმის ოფისთან

 

“ნაციონალური მოძრაობის“ ბათუმის ოფისთან დაანონსებული აქცია მიმდინარეობს – პარტიის ოფისის წინ შეკრებილი 30-მდე ადამიანი აცხადებს, რომ პარტიის ოფისის სამუზეუმო სივრცეში  სურთ განათავსონ ბოთლი, რომელიც არის „ნაციონალური მოძრაობის სიმბოლო“. აქციაზე იმყოფება არასრულწლოვანიც, რომელსაც ხელში უჭირავს პლაკატი წარწერით: “აიკრძალოს მებოთლეების პარტია”.

 

ბათუმში ნაციონალური მოძრაობის ოფისთან მობილიზებულია პოლიცია. სამართალდამცავებმა აქციის მონაწილეებს არ მისცეს საშუალება შესულიყვნენ პარტიის ოფისში. აქციის მონაწილებთან შესახვედრად ოფისიდან გამოვიდა რაულ თავართქილაძე, რომელმაც აქციის მონაწილეებს შესთავაზა, „ბოთლი მიუტანონ ბედუკაძეს, რომელმაც დადგა და გადაიღო წამების კადრები“.

 

ამ წუთებში პარტიის ოფისის წინ დაპირისპირება გრძელდება. მას შემდეგ, რაც ორგანიზაცია „თავისუფალი თაობის“ აჭარის რეგიონული ორგანიზაციის ხელმძღვანელმა ჯემალ დუაძემ ძალით სცადა პარტიის ოფისში შეღწევა, ის სამართალდამცავებმა დააკავეს.

ნეტგაზეთის მასალების სხვა გამოცემებში გადაბეჭდვის წესი
ბათუმელები