სიახლეები Archives - Page 1501 of 1529

„მძღოლო, გახსოვდეს, რომ სახლში გელოდებიან!”

ქეთი ლაბაძე

დღეს ბათუმის ნომერ მეორე საჯარო სკოლის სამოქალაქო კლუბ „ბალავარის” წევრებმა აქცია გამართეს, სახელწოდებით – „მძღოლო, გახსოვდეს!”

ბათუმის რესპუბლიკურ საავადმყოფოს ახალი დირექტორი ჰყავს

ბათუმის რესპუბლიკურ საავადმყოფოს ახალი დირექტორი ჰყავს. დღეს აჭარის ფინანსთა და ეკონომიკის მინისტრმა გიორგი თავართქილაძემ, აჭარის ჯანმრთელობისა და სოციალური დაცვის მინისტრთან ერთად, შპს ქ. ბათუმის რესპუბლიკური კლინიკური საავადმყოფოს თანამშრომლებს ხელმძღვანელის თანამდებობაზე ოთხი კანდიდატი წარუდგინა. თანამშრომელთა უმრავლესობის გადაწყვეტილებით, აბესალომ გურგენიძე ამ პოსტზე პედიატრმა მალხაზ ხალვაშმა შეცვალა.

მალხაზ ხალვაში აჭარის რეგიონის მკვიდრია. იგი 1972 წელს ხელვაჩაურის რაიონის სოფელ წინსვლაში დაიბადა. რესპუბლიკური საავადმყოფოს ახალ ხელმძღვანელს სამედიცინო საქმიანობის ოცწლიანი გამოცდილება აქვს. ბოლო სამი წლის განმავლობაში იგი ბიზნეს სექტორში იყო დასაქმებული. მალხაზ ხალვაშის განცხადებით, რესპუბლიკურ საავადმყოფოში ყველაფერი გაკეთდება პაციენტებისთვის მაღალკვალიფიციური სამედიცინო დახმარების გასაწევად.

შპს ქ. ბათუმის რესპუბლიკური კლინიკური საავდმყოფოს 100%-იანი წილის მფლობელი აჭარის ფინანსთა და ეკონომიკის სამინისტროა.

მომზადებულია პრესრელიზზე დაყდნობით

თამბაქოს მომხმარებელთა რაოდენობა ორნახევარჯერ გაიზარდა

ლელა დუმბაძე

ბოლო შვიდი წლის განმავლობაში თამბაქოს მოხმარება ორნახევარჯერ გაიზარდა. განსაკუთრებით, გოგონებს შორის. საქართველოს მასშტაბით, მწეველთა რაოდენობით ბათუმი ლიდერობს. „ბიჭებში კლების ტენდენციაა, იმიტომ რომ ფიზიკურ აქტივობაზე გადავიდნენ“-აცხადებს, თამბაქოს კონტროლის ალიანსის ხელმძღვანელი, გიორგი ბახტურიძე. მისი განცხადებით, კანონი რომელიც საჯარო ადგილებში თამბაქოს მოხმარებას კრძალავს, არ მოქმედებს, „საჯარიმო სანქციების გარეშე კი მდგომარეობა კიდევ უფრო გაუარესდება. 2011 წელს, 13 სამართალდარღვევის ოქმი იყო შედგენილი, რაც იმას ნიშნავს, რომ კანონის დაცვის პოლიტიკური ნება არ არსებობს“.

<!** Image 1 align="" width="300" height="1944" >

ექიმების პროტესტი ბათუმში

ბათუმის რესპუბლიკური საავადმყოფოს ექიმებმა დღეს საპროტესტო აქცია გამართეს და აჭარის ჯანმრთელობისა და სოციალური დაცვის სამინისტროსგან მათი მომავლის გარკვევა მოითხოვეს. ექიმები შიშობენ, რომ სადაზღვევო კომპანია „ალდაგის“ მიერ ახლადგახსნილი კლინიკები რესპუბლიკური საავადმყოფოდან კადრების გადინებას გამოიწვევს. გარდა ამისა მათთვის უცნობია დარჩება თუ არა რესპუბლიკური საავადმყოფო იმ ფორმით, რა ფორმითაც დღეს არსებობს.

დისკუსია აჭარის უფლებების გაფართოებაზე

ლელა დუმბაძე

საქართველოს ტერიტორიულ-სახელმწიფოებრივი მოწყობის პრობლემა, – ეს იყო დისკუსიის თემა, რომელიც ახალგაზრდა იურისტთა ასოციაციის, იურიდიული განათლების ხელშეწყობის ფონდის სტიპენდიანტმა, სულხან ფალავანდიშვილმა წარმოადგინა. მისი განცხადებით, დღეს დეცენტრალიზაციის პრობლემა აქტუალურია, რადგან ავტონომიურ ერთეულებში რეალური თვითმმართველობა, არ ხორციელდება. „თუ ვერ მოხდება შეთანხმებული პროცედურების გავლა ცენტრალურ ხელისუფლებასა და ავტონომიურ ერთეულების ხელმძღვანელებს შორის, ეს რეალურად შექმნის პრობლემას“ -ამბობს სულხან ფალავანდიშვილი.

„ამ შემთხვევაში ჩვენ ყურადღებას ვამახვილებთ არა მარტო აჭარის ავტონომიურ ერთეულებზე, არამედ, მთლიანად საქართველოს ტერიტორიულ მოწყობაზე. აჭარაზე უფრო მეტად იმიტომ გამახვილდა ყურადღება, რომ ეს არის ერთადერთი ავტონომიური ერთეული, სადაც საქართველოს ხელისუფლების იურისდიქცია ვრცელდება. შესაბამისად, ავტონომიის სტატუსის განსაზღვრა და უფლებების გაზრდა მნიშვნელოვანია როგორც რეგიონისთვის, ასევე ქვეყნისთვის“.

სულხან ფალავანდიშვილის აზრით, უნდა განისაზღვროს თვითმმართველობებისა და აღმასრულებელი ხელისუფლების დაკომპლექტების წესი, შესაძლებელია გარკვეული საკანონმდებლო პაკეტების მომზადება უფლებამოსილების გაფართოების მიზნითაც. „ვეთანხმები იმ აზრს რომ ავტონომიურ ერთეულებს არ უნდა ჰქონდეს ცალკე, დამოუკიდებელი ძალოვანი სტრუქტურები და გასამხედროებული პოლიციური ძალები, რადგან უსაფრთხოების უზრუნველყოფა ცენტრალური ხელისუფლების კომპეტენციაში შედის, მაგრამ სხვა სფეროებში, უფლებამოსილების გაფართოებაზე უნდა ვიფიქროთ“.

დისკუსია დღეს, დემოკრატიული ჩართულობის ცენტრში გაიმართა.

აქცია „დავეხმაროთ მიუსაფარ ადამიანებს“

ბათუმელები

25 იანვარს ტარდება საქველმოქმედო აქცია, სადაც უსახლკარო და მიუსაფარი ადამიანებისთვის თბილი ტანსაცმელი და ფახსაცმელი შეგროვდება. ასევე, ზამთარში გამოსადეგი სხვა ნივთები, შესაძლებელია ფულადი დახმარების გაცემაც.

აქციაში მონაწილეობის მსურველებს შეუძლიათ 25 იანვარს, აჭარის მთავრობის სახლის წინ შეუერთდნენ აქციას 12 საათიდან დღის სამ საათამდე. საქველმოქმედო აქციას ორგანიზებას უწევს სტუდენტი ედიშერ მჟავანაძე.

აქცია – „დავეხმაროთ მიუსაფარ ადამიანებ“, პირველად ათ იანვარს გაიმართა, სადაც ჟურნალისტებმა, აჭარის მთავრობისა და სხვადასხვა სამინისტროების თანამშრომლებმა მიუსაფარი ადამიანებისთვის შემწეობა გაიღეს.

<!** Image 1 align="middle" width="500" height="614" >

აქცია ანსამბლის ხელმძღვანელის გადადგომის მოთხოვნით

მანანა ქველიაშვილი

ამ წუთებში აჭარის განათლების კულტურისა და სპორტის სამინისტროს წინ აჭარის სიმღერისა და ცეკვის სახელმწიფო ანსამბლის მსახიობთა ნაწილია შეკრებილი. მსახიობები ანსამბლის ხელმძღვანელის, ამირან პაიჭაძის თანამდებობიდან გადადგომას ითხოვენ.

კირთაძის პასუხი უმაღლეს საბჭოს და პასუხის პასუხი ავთანდილ ბერიძისგან

ცაგო კახაბერიძე

სასწრაფოდ განსახორციელებელ ღონისძიებათა ჩამონათვალში, რომელთა ნუსხაც აჭარის უმაღლესი საბჭოს თავმჯდომარემ ბათუმის მერს ჯემალ ანანიძეს გადაუგზავნა, პირველ ნომრად მემედ აბაშიძის ძეგლის ადგილმდებარეობის განსაზღვრა- გადატანაა მითითებული. ავთანდილ ბერიძის წერილს დღეს ბათუმის საკრებულოს თავმჯდომარე გიორგი კირთაძე ბრიფინგით გამოეხმაურა და უმაღლესი საბჭოს თავმჯდომარე კომპეტენციის აღრევაში დაადანაშაულა.

დავით ბაციკაძე: “აჭარის ტელევიზიამ უნდა იმაუწყებლოს, როგორც რეგიონულმა მაუწყებელმა”

მანანა ქველიაშვილი

საქართველოს პარლამენტში აჭარის საზოგადოებრივი მუწყებლის შექმნის შესახებ შეტანილ კანონპროექტთან დაკავშირებით აჭარის ავტონომიური რესპუბლიკის უმაღლეს საბჭოში სამუშაო ჯგუფი შეიქმნა. ამის შესახებს დღეს გამართულ ბრიფინგზე აჭარის უმაღლესი საბჭოს თავმჯდომარის მოადგილემ, დავით ბაციკაძემ განაცხადა. მისივე თქმით სამუშაო ჯგუფი, არასამთავრობო ორგანიზაციებთან ერთად იწყებს მუშაობას იმ „პატარ-პატარა ხარვეზების აღმოსაფხვრელად“ რომელიც კანონპროექტს ჰქონდა.

<!** Image 1 align="left" alt="დავით ბაციკაძე" sub="დავით ბაციკაძე" width=" 300" height="546" >

აღსრულების ეროვნული ბიუროს სემინარი ჟურნალისტებისათვის

აღსრულების ეროვნული ბიურო დასავლეთ საქართელოში მოქმედი მედია-საშუალებების ჟურნალისტებისათვის მედია სემინარს მართავს.

17 იანვარს, ხუთშაბათს, 16.00სთ.-ზე სსიპ აღსრულების ეროვნული ბიურო ევროკავშირის პროექტის- “დაძმობილების პროექტი სააღსრულებო სისტემის გაუმჯობესებისთვის”, მხარდაჭერით სააღსრულებო თემაზე მედია-სემინარს მართავს.

მედია სემინარის მიზანი ქართული მედიისთვის სააღსრულებო სისტემის, აღსრულების ეროვნული ბიუროს მიერ საზოგადოებისთვის შეთავაზებული სერვისებისა და ყველა იმ სიახლის გაცნობაა, რომელიც ბიუროში უკანასკნელი პერიოდის განმავლობაში განხორციელდა.

მედია-სემინარზე წარმოდგენილი იქნება პრეზენტაციები შემდეგ საკითხებზე:

• აღსრულების ეროვნული ბიურო;
• სააღსრულებო წარმოება ყოველდღიურ პრაქტიკაში;
• აღსრულების ეროვნული ბიუროს თანამშრომელთა ქცევის კოდექსი;
• გამარტივებული წარმოება;
• ფაქტების კონსტატაცია;
• კერძო აღმასრულებელთა საქმიანობის თავისებურებანი;
• ელექტრონული აუქციონი.

მედია-სემინარის მსვლელობის დროს დამსწრე ჟურნალისტებს საშუალება ექნებათ მათთვის საინტერესო თემებზე დასვან შეკითხვები და მიიღონ ამომწურავი ინფორმაცია აღსრულების ეროვნული ბიუროს, სააღსრულებო პროცესისა და ბიუროს მიერ მოსახლეობისთვის შეთავაზებული ახალი სერვისების შესახებ. მედია სემინარი ბიზნეს ვახშამით დასრულდება.

მისამართი: ქ. ბათუმი, ხიმშიაშვილის ქ. N7, იუსტიციის სახლის სადემონსტრაციო დარბაზი.

მომზადებულია პრესრელიზზე დაყრდნობით.

რეჟისორი ზაზა ხალვაში თეატრიდან წავიდა

ლელა დუმბაძე

ბათუმის დრამატული თეატრის დირექტორი ზაზა ხალვაში თანამდებობიდან გადადგა. როგორც ზაზა ხალვაში „ბათუმელებთან“ სატელეფონო საუბარში აცხადებს, მან განცხადება ოფიციალურად სამ იანვარს დაწერა. თეატრიდან წასვლის მიზეზად იგი შემოქმედებით გეგმებს ასახელებს.

მაისიდან ბათუმში საცხენოსნო კლუბი ამოქმედდება

ცაგო კახაბერიძე

ბათუმელმა ცხენოსნობის მოყვარულებმა საკრებულოს დახმარებით აიპი დააფუძნეს. თავლისა და საჯინიბოს რეკონსტრუქციისათვის კი, რომლის შენარჩუნებასაც უკვე მეათე წელი მოყვარულები საკუთარი ხარჯებით ცდილობდნენ, ბათუმის ბიუჯეტიდან 150 ათას ლარს მიიღებენ.

ბათუმში ღამით მოხალისეების ჯგუფი მიუსაფარ ადამიანებს დაეხმარება

ბათუმში დღეს აქცია – „დავეხმაროთ მიუსაფარ ადამიანებს” გაიმართა, რომლის ფარგლებშიც მოხალისეებმა უსახლკარო ადამიანებისათვის თბილი ტანსაცმელი და თანხა შეაგროვეს. აქცია გუშინ დაიგეგმა და დღეს მასში მონაწილეობა ძირითადად ჟურნალისტებმა, აჭარის მთავრობის თანამშრომლებმა, აჭარის ჯანმრთელობისა და სოციალური დაცვის სამინისტრომ, განათლების სამინისტროს და რამდენიმე სხვა სამთავრობო სტრუქტურის თანამშრომლებმა მიიღეს.

ხვალ – დავეხმაროთ მიუსაფარ ადამიანებს

ბათუმში 100-მდე ადამიანს არ აქვს თავშესაფარი, ეს ადამიანები დღევანდელ სუსხშიც ქუჩაში ათევენ ღამეს.

გასულ წლებში სწორედ ამ მიზეზით ორი ადამიანი გაიყინა ქუჩაში და გარდაიცვალა.

ჟურნალისტების ერთმა ჯგუფმა გადაწყვიტა, მიუსაფარი ადამიანებისთვის ხვალ, 10 იანვარს, შეაგროვოს თბილი ტანსაცმელი, ფეხსაცმელი, პლედები, ფული. შეგროვილი ნივთები გადაეცემა ბათუმში არსებულ თავშესაფარს, სადაც მიუსაფარი ადამიანები შეძლებენ სველი ტანსაცმლის გამოცვლას.

თბილი ტანსაცმელი შეგიძლიათ მოიტანოთ ბათუმში, აჭარის მთავრობის ოფისის წინ.

ჟურნალისტებს ვთხოვთ ამ აქციის გაშუქებას, რათა მაქსიმალურად ბევრმა ადამიანმა შეიტყოს აქციის შესახებ.

შეკრება დაიწყება 14:00 საათიდან.

არ მინდა ადამიანები ჩემი ქალაქის ქუჩებში იყინებოდნენ

ნათია როყვა, მე-9 არხის ჟურნალისტი აჭარაში

<!** Image 1 align="" alt="ნათია როყვა" sub="ნათია როყვა" width="300" height="768" >

რამდენიმე კვირის წინ, დილის გადაცემის პროდიუსერმა დამირეკა – სიახლე ხომ არ გაქვთ – ნიუსი გვინდა ბათუმიდანო. საინფორმაციოსთვის გადანახული, საღამოს გადაღებული ვიდეო მქონდა: ჯემალ ანანიძე – ბათუმის მერი, სტუმრებს მასპინძლობდა. სტუმრობის მიზეზი გამოცდილების გაზიარება იყო. თემა: უსახლკარო ადამიანებისთვის სახლის მშენებლობა ბათუმში.

დავეხმაროთ სიცივეში დარჩენილ ადამიანებს

„ჩვენთვის არ არსებობს განსხვავება ეროვნებაში, კანის ფერში, რელიგიაში. ყველა ადამიანი ჩვენთვის ღვთის შვილია. ყველა იმსახურებს ჩვენს დახმარებას, ყველა შექმნილია, რათა უყვარდეს და უყვარდეთ. ქველმოქმედება – ეს არის დიდი ძალა, რომელიც აკავშირებს და აერთიანებს ადამიანებს. ქველმოქმედება აახლოებს და ამეგობრებს. მხოლოდ ქველმოქმედებას ძალუძს აღაფრთოვანოს ყოველი სულიერი, რადგან ეს საქმე უფლის ხელიდან მომდინარეობს”, – ეს სიტყვები დედა ტერეზას ეკუთვნის, რომელიც ალბანელი კათოლიკე მონაზონი იყო.

„ჩემი მუზა? – შეგიძლიათ მტრებით დაიწყოთ”

ნინო ბერიძე, 14 წლის. გაზეთ „ბათუმელების” მედიასკოლის მოსწავლე

ინტერვიუ პოეტ ანდრია ფენთან

<!** Image 2 align="middle" alt="ანდრია ფენი, პოეტი " sub="ანდრია ფენი, პოეტი " width="400" height="600" >

ამნისტია და საზოგადოება

თათია ბოლქვაძე, 14 წლის. გაზეთ „ბათუმელების” მედიასკოლის მოსწავლე

საქართველოში მალე დაიწყება მასშტაბური ამინისტია. ხალხის აზრი ამ თემასთან დაკავშირებით გაყოფილი იყო. ნაწილი ფიქრობდა, რომ ამინისტია აუცილებელი იყო, ნაწილი კი ამნისტიას ეწინააღმდეგებოდა. ამ თემასთან დაკავშირებით ადვოკატ რამინ პაპიძეს მივმართე.

<!** Image 2 align="middle" alt="რამინ პაპიძე, ადვოკატი " sub="რამინ პაპიძე, ადვოკატი " width="350" height="540" >

ინტერვიუ ხალიჩასთან

ხატია ზუხუბაია, 15 წლის. გაზეთ „ბათუმელების” მედიასკოლის მოსწავლე

დაითხოვენ თუ არა ხელვაჩაურის გამგეობაში თანამშრომლებს?

<!** Image 1 align="left" alt="ხელვაჩაურის საკრებულოს სხდომა" sub="ხელვაჩაურის საკრებულოს სხდომა" width="600" height="750" >

ეთერ თურაძე

ხელვაჩაურის მუნიციპალიტეტის თანამშრომლებისგან შემოსული შეტყობინების თანახმად, ამ მუნიციპალიტეტში ლევან ლორთქიფანიძის დანიშვნისთანავე, მუნიციპალიტეტის თანამშრომლები დაიბარეს და სამსახურიდან წასვლასთან დაკავშირებით განცხადების დაწერა მოსთხოვეს.

მიწისძვრის შედეგად დაზარალებულებს ბინებს უქირავებენ

<!** Image 1 align="left" alt="ხელვაჩაურის მუნიციპალიტეტის სოფელ განთიადში მცხოვრები წუწუნავების სახლი, რომელიც მიწისძვრის შედეგად დაზიანდა" sub="ხელვაჩაურის მუნიციპალიტეტის სოფელ განთიადში მცხოვრები წუწუნავების სახლი, რომელიც მიწისძვრის შედეგად დაზიანდა" width="600" height="550" >

აჭარის ჯანდაცვის სამინისტროს ცნობით, სახელმწიფო მიწისძვრი შედეგად დაზარალებულ ოჯახებს დაეხმარება.

„აჭარის ავტონომიურ რესპუბლიკაში სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის“ გადაწყვეტილებით მიწისძვრის შედეგად დაზრალებულ 28 ოჯახს ბინის ქირისათვის თანხა 300 ლარის ოდენობით ყოველთვიურად გამოეყოფა“, – წერია სამინისტროს პრეს-სამსახურის მიერ გავრცელებულ პრეს რელიზში.

ხელვაჩაურის გამგებლად „ქართული ოცნების“ წევრს ნიშნავენ

რამდენიმე წუთში საგანგებო სხდომა დაიწყება ხელვაჩაურის საკრებულოში. სხდომაზე დაამტკიცებენ ხელვაჩაურის მუნიციპალიტეტის ახალ გამგებელს, რომელიც ლევან ლორთქიფანიძე იქნება.

ლევან ლორთქიფანიძე „ქართული ოცნების“ შტაბის ხელმძღვანელად მას შემდეგ დაინიშნა, რაც თემურ კახიძე ხელვაჩაურის მაჟორიტარ კანდიდატად დაასახელეს აჭარის უმაღლეს საბჭოს არჩევნების დროს.

თემურ კახიძე პირველი ოქტომბრის არჩევნების შემდეგ აჭარის უმაღლესი საბჭოს დეპუტატი გახდა.

არჩევნების შემდეგ ხელვაჩაურის გამგებლის თანამდებობაზე საკრებულომ გურამ საფარიძე დანიშნა, რომელმაც თანამდებობა პირადი განცხადების საფუძველზე 27 დეკემბერს დატოვა. 12 დეკემბერს ის „ბათუმელებთან“ აცხადებდა, რომ არსად წასვლას არ აპირებდა.

როგორც ხელვაჩაურის საკრებულოს ნაციონალი დეპუტატები „ბათუმელებთან“ ამბობენ, ისინი სხდომის ჩატარების შესახებ ოფიციალურად არავის გაუფრთხილებია და ეს ინფორმაცია მხოლოდ კერძო საუბრებიდან შეიტყვეს.

ხევლაჩაურის მუნიციპალიტეტში პირველი ოქტომბრის არჩევნების შემდეგ ნაციონალური მოძრაობა აღარ არის უმრავლესობაში.

რა ბედი ელის ჭოროხის ხეობას

ჭოროხზე დაგეგმილი ჰიდროელექტროსადგურის კასკადების პროექტი ჭოროხის პირას მცხოვრები მოსახლეობისათვის ნომერ პირველ პრობლემად იქცა.

„აგვასახლებენ?“ , „სად უნდა წავიდეთ?“, „კომპენსაციას მოგვცემენ?“, „მართალია, რომ ამბობენ ჰესის აშენების შემდეგ მოსავალი აღარ მოვაო?“ _ ეს ის კითხვებია, რაც მოსახლეობას აწუხებს, თუმცა მასზე პასუხის გამცემი არავინაა.

მანანა ქველიაშვილი

ხელვაჩაურის გამგებელი გადადგა

გურამ საფარიძემ გადადგომის შესახებ განცხადება დღეს დაწერა. ამის შესახებ ინფორმაციას „ბათუმელებთან“ ხელვაჩაურის საკრებულოს აპარატის უფროსი ნაირა მჟავანაძე ადასტურებს: „მისი განცხადება გადადგომის შესახებ დავარეგისტრირე და თავმჯდომარეს შევუტანე. განცხადებაში მიზეზებზე არაფერი უწერია, მაგრამ მე როგორც ვიცი სხვა სამსახურში გადადის. არ გამიგია, რომ მის მიმართ რაიმე ზეწოლა იყო ახლანდელი ხელისუფლებისგან“.

აჭარის ოთხი მუნიციპალიტეტის გამგებლებმა არჩილ ხაბაძის, აჭარის მთავრობის თავმჯდომარის მხრიდან ზეწოლაზე პირველად 5 ნოემბერს განაცხადეს. ცოტა ხნის წინ კი „ქართული ოცნების“ აქტივისტები ქობულეთის გამგეობის შენობაში შეიჭრნენ.

გურამ საფარიძემ ნოემბრის ბოლო რიცხვებში „ბათუმელებს“ განუცხადა, რომ გადადგომას არ აპირებდა. მას იმედი ჰქონდა, რომ „ნაცმოძრაობა“ თვითმმართველობის მორიგ არჩევნებამდე, ანუ 2014 წლამდე, „მმართველ ძალად დარჩება ხელვაჩაურში“.

ზეწოლას გამორიცხავს ხელვაჩაურის საკრებულოს თავმჯდომარე მალხაზ ფარტენაძეც. მისი თქმით, ამ დილით ესაუბრა გამგებელს, რომელმაც უთხრა, რომ „თუ საჭირო დარჩა დაწერდა განცხადებას გადადგომაზე“.

„ბათუმელების“ ინფორმაციით, ხელვაჩაურში ხვალისთვის დაგეგმილი საკრებულოს სხდომაზე ოპოზიცია გურამ საფარიძის გადაყენების საკითხის დასმას გეგმავდა. ხელვაჩაურის საკრებულოში ნაციონალური მოძრაობის ფრაქცია უკვე უმცირესობაშია.

გურამ საფარიძე სატელეფონო ზარებს არ პასუხობს.

<!** Image 1 align="middle" alt="ხელვაჩაურის საკრებულოს თავმჯდომარე მალხაზ ფარტენაძე და ყოფილი გამგებელი გურამ საფარიძე " sub="ხელვაჩაურის საკრებულოს თავმჯდომარე მალხაზ ფარტენაძე და ყოფილი გამგებელი გურამ საფარიძე " width="400" height="370" >

ხელვაჩაურის გამგებელმა გადადგომაზე განცხადება დაწერა

გურამ საფარიძემ გადადგომის შესახებ განცხადება დღეს დაწერა. ამის შესახებ ინფორმაციას „ბათუმეელბთან“ ხელვაჩაურის საკრებულოს აპარატის უფროსი ნაირა მჟავანაძე ადასტურებს: „მისი განცხადება გადადგომის შესახებ დავარეგისტრირე და თავმჯდომარეს შევუტანე. განცხადებაში მიზეზებზე არაფერი უწერია, მაგრამ მე როგორც ვიცი სხვა სამსახურში გადადის. არ გამიგია, რომ მის მიმართ რაიმე ზეწოლა იყო ახლანდელი ხელისუფლებისგან“.

გურამ საფარიძე სატელეფონო ზარებს არ პასუხობს.

„მე-13 ხელფასი მანკიერი პრაქტიკაა“

აჭარის ტელევიზიის დროებითი ბიუჯეტი დამტკიცდა გასულ კვირას, მთავრობის სხდომაზე. ტელევიზიის წარმომადგენლის ვახტანგ ქავთარაძის განცხადებით, აჭარის ტელევიზიის ბიუჯეტში 923 ათასი ლარის ეკონომია გაჩნდა.

„დაგეგმილი იყო სტუდიის რემონტი, რომელიც არ განხორციელდა, შემცირდა ოფისის და მივლინებების, გადამცემი სადგურების და ელექტროენერგიის ხარჯები, რის შედეგადაც ტელევიზიის ბიუჯეტი 5 მილიონი ლარიდან ოთხ მილიონ ლარზე ჩამოვიდა. გარდა ამისა, მზადდება ორი საახალწლო გადაცემა, რომელზეც გამოცხადებული იყო ტენდერი და გაიმარჯვა „თი ბი სი სტუდიამ“.

სატენდერო თანხა შეადგენდა 860 ათას ლარს, ტენდერის შედეგად კი ეს თანხა 84 ათას ლარზე დავიდა“ – განაცხადა ვახტანგ ქავთარაძემ.

აჭარის ტელევიზიის წარმომადგენელმა მთავრობას ტელევიზიის უშტატო თანამშრომლებზე გასაცემი ე.წ „მე-13 ხელფასის“, სულ 145 ათასი ლარის დამტკიცება სთხოვა, რაზეც მთავრობა დათანხმდა. წინააღმდეგი მხოლოდ აჭარის ფინანსთა და ეკონომიკის მინისტრი, გიორგი თავართქილაძე იყო. მისი განცხადებით, „მე-13 ხელფასი“ მანკიერი პრაქტიკაა, რომელზეც უარი უნდა ვთქვათ:

„ეს ასე ვეღარ გაგრძელდება. შეუძლებელია ტელევიზიაში 46 შტატი იყოს და 150 კაცი უშტატოდ მუშაობდეს. ეს არ არის მიზანშეწონილი, უნდა ჩამოყალიბდნენ და განსაზღვრონ, რამდენი თანამშრომელია საჭირო ტელევიზიისთვის“.

მთავრობის თავმჯდომარის, არჩილ ხაბაძის განცხადებით, რადგან ტელევიზიის სტატუსი ჯერ განსაზღვრული არ არის, ხელისუფლება არ მიიღებს კონკრეტულ ზომებს, „ვთანხმდებით იმაზე, რომ უშტატო თანამშრომლებზე პრემიების გაცემის საკითხი არასწორია, მაგრამ იმედია დეკემბერში თუ არა, თებერვალში მაინც გადაწყდება ტელევიზიის სტატუსის საკითხი და სამომავლოდ შტატების საკითხიც დარეგულირდება“.

ბათუმის საბაგირო გზა და მილიონი დოლარი ეკლესიისთვის

სამკილომეტრიანი საბაგირო გზა, რომელიც ბათუმს ფერიის მთაზე მდებარე გასართობ კომპლექს `არგოსთან~ დააკავშირებს, გაზაფხულზე უნდა გაიხსნას. კომპანია `ჰესტოკ ბათუმის“ ტექნიკური ზედამხედველი პაატა მჟავანაძე ამბობს, რომ საბაგიროს ტესტირებამ წარმატებით ჩაიარა და ტექნიკურ წუნს ადგილი არ ჰქონია. მისი განცხადებით, ტექნიკური ტესტირება ავსტრიულმა კომპანია „დობერმაიერმა“ ჩაატარა: `პროექტი დობერმაიერმა დაამუშავა და შესაბამისად ტექნიკურ შემოწმებასაც ის აწარმოებდა. რადგან საბაგირო მაღალი რისკის ობიექტია, ტესტირების გარეშე ვერ გავუშვებდით. ტესტირებას ეკონომიკის სამინისტროს წარმომადგენლები და ჟურნალისტებიც ესწრებოდნენ. ასევე ექსპერტი, ტექნიკური უნივერსიტეტის პროფესორი, დავით პატარაია“.

პაატა მჟავანაძის განცხადებით, ტესტირების დასკვნები ეკონომიკის სამინისტროს ჩაჰბარდა. „დასასრულებელია მხოლოდ სადგურის მოპირკეთება, რომელიც აპრილისთვის დასრულდება“.

კომპანია „ჰესტოკ ბათუმმა“ აჭარის მთავრობის 14 დეკემბრის სხდომაზე ფერიის მთაზე ეკლესიის მშენებლობის საკითხი დააყენა. კომპანიას, აჭარის ეკონომიკის სამინისტროსთან გაფორმებული ხელშეკრულების პირობების თანახმად, ფერიის მთაზე დანგრეული ეკლესიის სანაცვლოდ ახალი ეკლესია უნდა აეშენებინა. ეკლესიის მშენებლობაზე ერთი მილიონი დოლარი უნდა დახარჯულიყო. როგორც კომპანიის ხელმძღვანელი გიორგი ქავჟარაძე „ბათუმელებთან“ საუბარში აცხადებს, საპატრიარქოსთან ეკლესიის მშენებლობისთვის საჭირო თანხების გადარიცხვაზე შეთანხმება მიღწეულია:

„საპატრიარქოს განცხადება 7 ნოემბერს გავუგზავნეთ, თანხმობაც მივიღეთ და მემორანდუმიც გაფორმებულია. საპატრიარქო ჩვენგან მიიღებს ერთ მილიონ დოლარს, თანხა 31 დეკემბრამდე ჩაირიცხება მათ ანგარიშზე. ამის შემდეგ თვითონ გადაწყვეტენ, ვის ააშენებინონ ეკლესია. ალბათ მათ უფრო ეყოლებათ სპეციალისტები, ჩვენ მშენებლები არ ვართ, მხოლოდ ინვესტიციაზე ვმუშაობთ“.

რაც შეეხება ტერიტორიას, თუ სად აშენდება ეკლესია, ისევ ფერიას მთაზე თუ სხვაგან, გიორგი ქავჟარაძის განცხადებით, ამაზე სახელმწიფო და ეკლესია უნდა შეთანხმდნენ.

არჩილ ხაბაძის დაცვის უფროსი

სამსახურს, რომელმაც აჭარის მთავრობის თავმჯდომარის, არჩილ ხაბაძის უსაფრთხოება უნდა დაიცვას, ამჟამად აჭარის დაცვის მთავარი სამმართველო ჰქვია. ეს სამსახური, რომელსაც არჩილ აბაშიძე ხელმძღვანელობს, 2 ოქტომბრის არჩევნების შემდეგ შეიქმნა.

სამსახური, რომელიც ლევან ვარშალომიძის უსაფრთხოებას უზრუნველყოფდა, სახელმწიფო დაცვის სპეციალური სამსახურის ქვემდებარე იყო, რომელიც თავის მხრივ პრეზიდენტ მიხეილ სააკაშვილს ემორჩილებოდა. არჩევნებამდე აჭარაში ამ უწყებას ვახტანგ კაზაზიშვილი ხელმძღვანელობდა.

არჩევნების ჩატარების შემდეგ სამსახური სტრუქტურულად შეიცვალა: გაჩნდა ორი ახალი სამმართველო – „დასავლეთის რეგიონული დაცვის მთავარი სამმართველო~ და `აჭარის დაცვის მთავარი სამმართველო“.

„დასავლეთის“ სამსახურში მოადგილედ ვახტანგ კაზაზიშვილი დაინიშნა, ხოლო ხელმძღვანელად წინა სტრუქტურაში ერთ-ერთი განყოფილების ხელმძღვანელი მამუკა დარჩია. გარდა ამისა, ბრძანების შესაბამისად, დაცვის სამსახურში დასაქმებულთა ძირითადი შემადგენლობაც სწორედ „დასავლეთში“ გადავიდა.

დაუდასტურებელი ინფორმაციით, არჩევნების შემდეგ დასავლეთის რეგიონულ სამმართველოში გადავიდნენ აჭარის კუდის უფროს თემურ პატარიძე და სხვა მაღალი თანამდებობის პირები. არჩილ აბაშიძე ამბობს, რომ ამ მხრივ სიტუაცია უკვე შეიცვალა. „თავიდან იყო ეს ტენდენცია, მაგრამ როცა ინტენსიურად დაიწყეთ ამაზე წერა ჟურნალისტებმა, მერე შეწყდა. შემიძლია გითხრათ, რომ ახლა ეს ადამიანები დაცვის სამსახურში აღარ ირიცხებიან“.

ბათუმის ნავთობტერმინალის ახალი ხელმძღვანელი

<!** Image 2 align="left" alt="ტალგატ ბაიტაზიევი, ბათუმის ნავთობტერმინალის დირექტორი" sub="ტალგატ ბაიტაზიევი, ბათუმის ნავთობტერმინალის დირექტორი" width="300" height="574" >

ბათუმის ნავთობტერმინალს ახალი დირექტორი ჰყავს. ტალგატ ბაიტაზიევი ამ თანამდებობაზე 12 დეკემბერს დაინიშნა.

პრესსამსახურის ხელმძღვანელი გალინა გოთუა ახალი დირექტორის დანიშვნის თაობაზე განცხადებას ავრცელებს. ტექსტს „ბათუმელები“ უცვლელად ბეჭდავს: „ყაზტრანსოილის“ გადაწყვეტილებით, ბათუმი ინდასტრიალ ჰოლდინგის და მისი შესაბამისი კომპანიების ახალ ხემძღვანელად დაინიშნა ტალგატ ბაიტაზიევი. ტალგატ ბაიტაზიევს ხემძღვანელობის დიდი გამოცდილება აქვს, ასევე აქვს ნავთობის და გაზის სფეროში მუშაობის გამოცდილება.

„მე მადლობას ვუხდი „ყაზტრანსოილის“ ხელმძღვანელობას ნდობისათვის. ბათუმის ნავთობტერმინალი და ბათუმის საზღვაო ნავსადგური მნიშვნელოვანია არა მარტო საქართველოსათვის, არამედ ყაზახეთისთვისაც, ვინაიდან ის ყაზახური ნავთობის ექსპორტის, სტრატეგიულ ალტერნატიულ საექსპორტო მიმართულებას წარმოადგენს. მე კარგად ვიცნობ ქართულ კულტურასა და ტრადიციებს. ჩვენ ყველაფერს გავაკეთებთ რათა განვავითაროთ ჩვენი აქტივები და შესაბამისად რეგიონი, რაც დადებითად აისახება როგორც კომპანიის თანამშრომლებზე, ასევე მფლობელი კომპანიის ინტერესებზე“, – განაცხადა ბათუმი ინდასტრიალ ჰოლდინგის გენერალურმა დირექტორმა ტალგატ ბაიტაზიევმა.

ჯგუფის წინა ხელმძღვანელი, აბაი ტურიკპენბაევი პროფესიულ საქმიანობას აგრძელებს „ყაზმუნაიგაზის“ს სისტემაში, ასტანაში.

უფასო სამედიცინო კონსულტაციები

<!** Image 1 align="left" alt="საზღვაო ჰოსპიტალი ბათუმში" sub="საზღვაო ჰოსპიტალი ბათუმში" width="300" height="1192" >

აჭარის ჯანდაცვის სამინისტროს ინფორმაციით, 28-29 დეკემბერს კლინიკა სს „საზღვაო ჰოსპიტალში“ 9 ექიმი უფასო კონსულტაციებს ჩაატარებს.

მოწვეულნი არიან:

მამოლოგი – გია ნემსაძე;
ონკოგინეკოლოგი – ირაკლი ცინცაძე;
სექსოპათოლოგი – გიორგი გოგბაიძე;
უროლოგი – დავით ქოჩიაშვილი;
პროქტოლოგი – თემურ აბულაძე;
ქირურგი – მერაბ კილაძე;
თავ-კისრის ონკოლოგი – ზურაბ დაბრუნდაშვილი;
ოფთალმოლოგი – მერაბ დვალი.

კლინიკის მისამართი: ბათუმი, მეილიქიშვილის ქ. 102 ბ
ჩაწერა წარმოებს წინასწარ, ტელ: 27-25-88

ინტერვიუ მიწერ-მოწერით საკადრო პოლიტიკის შესახებ პოლიციაში

<!** Image 1 align="" alt="ვალერი თელია" sub="ვალერი თელია" width="300" height="300" >

შს სამინისტროს პრესცენტრის ხელმძღვანელი, ნინო გიორგობიანი ირწმუნება, რომ აჭარაში პოლიციის სამმართველოს უფროსს მედიასთან ურთიერთობა აკრძალული არ აქვს და ამას ის მოუცლელობის გამო ვერ ახერხებს. სწორედ ამით ახსნა გიორგობიანმა ვალერი თელიასთვის დასასმელი კითხების გადაგზავნა თავის ელფოსტაზე. რედაქცია ბოდიშს უხდის მკითხველს იმის გამო, რომ ზოგიერთ კითხვაზე გაცემული პასუხი არ არის სრულყოფილი. სამწუხაროდ, პრესცენტრის მიერ შემოთავაზებული ფორმა – წერილობითი ინტერვიუ რესპონდენტთან ჩაკითხვის შესაძლებლობას გამორიცხავს.

როგორ დაიცავს ვახო წულაძე გარემოს აჭარაში

ცაგო კახაბერიძე

<!** Image 1 align="left" width="400" height="300" >

მუშაობის დაწყებიდან ოცდაამეერთე დღეს აჭარის გარემოს დაცვის სამმართველოს ახალმა ხელმძღვანელმა თანამშრომლების კარგად გაცნობა, ბიუჯეტის მზა პროექტის კორექტირება, რამდენიმე საქმიანი შეხვედრა, ორი მოადგილის შეცვლა, კიდევ ერთი ახალი თანამშრომლის აყვანა და საკუთარი კაბინეტიდან პრეზიდენტის ფოტოს გატანა მოასწრო.

ხულოს „ნაციონალები“ ფრაქციას ტოვებენ

დღეს ხულოს მუნიციპალიტეტის საკრებულოს უმრავლესობის ფრაქცია ორმა დეპუტატმა – თემურ ბოლქვაძემ და სულიკო გორგაძემ დატოვეს. ნოდარ თავართქილაძე – ხულოს საკრებულოს თავმჯდომარე ამბობს, რომ დეპუტატებმა ამ მოთხოვნით განცხადება დღეს შეიტანეს. „საკრებულო იმსჯელებს ამ საკითხზე და მიიღებს გადაწყვეტილებას. მე რამდენადაც ვიცი, ცალკე ფრაქციის შექმნა უნდათ“, – ამბობს ნოდარ თავართქილაძე.

ადგილობრივი თვითმმართველობის არჩევნების შემდეგ ნაციონალური მოძრაობა ხულოს საკრებულოში 19 წევრით იყო წარმოდგენილი. პირველი ოქტომბრის არჩევნების შემდეგ ფრაქცია მალევე დატოვა ორმა დეპუტატმა.

ინფორმაცია იმის შესახებ, რომ უმრავლესობის ფრაქცია დატოვეს ქედის საკრებულოშიც ბადრი დიასამიძე – ამ მუნიციპალიტეტის საკრებულოს თავმჯდომარე არ ადასტურებს.

შსს ზურაბ ადეიშვილს დაკითხვაზე იბარებს

<!** Image 1 align="left" alt="ზურაბ ადეიშვილი" sub="ზურაბ ადეიშვილი" width="300" height="305" >ყოფილ იუსტიციის მინისტრს, ზურაბ ადეიშვილს შს სამინისტრო დაკითხვაზე იბარებს. ამის შესახებ განცხადება შს სამინისტროს ვებ გვერდზეა განთავსებული. განცხადების შინაარს უცვლელად გთავაზობთ:

„შინაგან საქმეთა სამინისტროს ანტიკორუფციული სააგენტო, ხვალ 10 საათზე, იუსტიციის ყოფილ მინისტრს, ზურაბ ადეიშვილს მოწმის სახით დაკითხვაზე იბარებს. შესაბამისი უწყება ყვარლის რაიონის სოფელ მთისძირში უკვე ჩაბარდა ზურაბ ადეიშვილის ოჯახის წევრს შალვა ადეიშვილს. დაკითხვაზე არგამოცხადების შემთხვევაში ამოქმედდება კანონით გათვალისწინებული შესაბამისი ღონისძიებები“.

ცნობილია, რომ ზურაბ ადეიშვილმა საქართველო პირველი ოქტომბრის არჩევნებიდან მალევე დატოვა. უცხოეთში წასვლასთან დაკავშირებით ყოფილ მინისტრს არც ერთი საჯარო განცხადება არ გაუკეთებია.

სამუშაო შეხვედრა საზოგადოებრივი ჯანდაცვის საკითხზე

საზოგადოების ჩართულობის ცენტრში აჭარის ა.რ. საზოგადოებრივი ჯანდაცვის ცენტრი მართავს შეხვედრას დაინტერესებულ მხარეებთან.

შეხვედრის მიზანია საზოგადოების ინფორმირება მიმდინარე წლის მიზნობრივი პროგრამების შესრულების შესახებ; სამოქალაქო სექტორთან და სხვა დაინტერესებულ დაწესებულებებთან ურთიერთკოორდინაციისა და უფრო ეფექტური თანამშრომლობის უზრუნველყოფა.

შეხვედრას დაესწრებიან: აჭარის ავტონომიური რესპუბლიკის ჯანმრთელობისა და სოციალური დაცვის მინისტრი, განათლების სამინისტროს, სოფლის მეურნეობის სამინისტროს, ფინანსთა სამინისტროს, მუნიციპალიტეტების, არასამთავრობო ორგანიზაციების, გარემოს დაცვის სამმართველოს წარმომადგენლები.

შეხვედრა დღეს, 14:00 საათზე გაიმართება ქალაქ ბათუმში.

ახალგაზრდების ჩართულობა თვითმმართველობაში – დისკუსია პრესკაფეში

ანონსი

ასოციაცია ,,თავისუფალ ჟურნალისტთა სახლი’’ 2012 წლის 20 დეკემბერს 16.00 საათზე, პრესკაფეში გამართავს დისკუსიას – თვითმმართველობის საქმიანობაში ახალაგაზრდობის ჩართვის მექანიზმის ზრდის შესაძლებლობები

დისკუსიაზე მომხსენებლის სტატუსით მოწვეული იქნება: იურისტი სულხან სალაძე.

დისკუსიის დროს წარმოდგენილი იქნება ინიციატივა, პეტიციის სახით ქალაქ ბათუმის საკრებულოში წარსადგენად

დისკუსიის მოდერატორი იქნება გაზეთ „ბათუმელების“ ჟურნალისტი ნანა კვაჭაძე.

დისკუსია იმართება მშვიდობის, დემოკრატიის და განვითარების კავკასიური ინსტიტუტის (თბილისი) და სოციალურ კვლევათა ინსტიტუტის(ჰააგე) მიერ, ნიდერლანდების საგარეო საქმეთა სამინისტროს სოციალური გარდაქმნის პროგრამის (მატრა) ფარგლებში.

შეხვედრა გადაიცემა ონლაინ რეჟიმში მისამართე www.presscafe.ge
ასევე მაყურებელს შესაძლებლობა ექნება გამოხატოს საკუთარი მოსაზრება და დასვას კითხვები facebook-ის გვერდის მისამართზე: თავისუფალ ჟურნალისტთა სახლი, ან skype-ს საშუალებით: presskafe.batumi

მისამართი: ბათუმის პრესკაფე (საბაჟოსა და მელაშვილის ქუჩების შესახვევი 2/1)
დამატებითი ინფორმაციისათვის დაუკავშირდით:

ასლან ჭანიძე – 593 39 71 55