ფერმერებს შეუძლიათ თავი დაცულად იგრძნონ, ვინაიდან მათი მოსავალი დაზღვეული იქნება, თუკი აირჩევენ სტაბილურ და გამოცდილ კომპანია „ალდაგს“, სადაც ფერმერები აღნიშნულ ხილს დააზღვევენ სეტყვის, ჭარბი ნალექის, ქარიშხლისა და საშემოდგომო ყინვისაგან. აქედან საშემოდგომო ყინვა ვრცელდება მხოლოდ ციტრუსის მოსავალზე. ამ სტიქიური მოვლენების შედეგად განადგურებული მოსავლით დამდგარ ნებისმიერ ზარალს სადაზღვევო კომპანია „ალდაგი„ აანაზღაურებს. ოღონდ ფერმერმა ერთი რამ უნდა გაითვალისწინოს – ზარალიდან 24 საათის განმავლობაში უნდა დარეკოს ცხელ ხაზზე: 2 444 999 და კომპანიას ზარალის შესახებ მიაწოდოს ინფორმაცია. რის შემდეგაც სადაზღვევო კომპანიის ნებისმიერ ფილიალს ხუთი დღის ვადაში მიაკითხავს ზარალის ასანაზღაურებლად.
ქედაში მცხოვრები სოსო შერვაშიძე, რომელიც შეხვედრაზე იმყოფებოდა, ამბობს, რომ მისთვის საინტერესო პირობები აქვს „ალდაგს“ და თავისი მოსავლის დაზღვევას აპირებს. „მოსავალი ხშირად ზიანდება სეტყვისგან. ვფიქრობ, აუცილებელია მოსახლეობამ მიიღოს მსგავსი სერვისები“ – აღნიშნავს ის.
სადაზღვევო კომპანია „ალდაგს“ აგროდაზღვევის მიმართულებით 25-წლიანი გამოცდილება აქვს. 10 წელია კი აგროდაზღვევის მიმართულებითაც მუშაობს და ბოლო სამი წლის განმავლობაში 3 მილიონზე მეტი ზარალი აანაზღაურა.
„აგროდაზღვევის პროგრამის განახლება ძალიან მნიშვნელოვანი იყო. ფერმერებს გამართულ სერვისებს ვსთავაზობთ როგორც პოლისების კუთხით, ასევე ზარალის ანაზღაურების კუთხით. იქიდან გამომდინარე, რომ დიდი ხანია ვაზღვევთ ფერმერების მოსავალს, ნებისმიერ მათგანს შეუძლია იგრძნოს თავი დაცულად, რადგან სადაზღვევო კომპანია ნებისმიერ რისკს აანაზღაურებს“ – განაცხადა ფერმერებთან შეხვედრისას ნონა ბარამიამ, „ალდაგის“ ბათუმის წარმომადგენლობის ხელმძღვანელმა.
აგროდაზღვევის სახელმწიფო პროგრამას სოფლის მეურნეობის პროექტების მართვის სააგენტო ახორციელებს. პროგრამის მიზანია, ხელი შეუწყოს ქვეყანაში სოფლის მეურნეობის სფეროს განვითარებას და აგროსექტორში სადაზღვევო ბაზრის დამკვიდრებას. სახელმწიფო ფერმერებს დაუფინანსებს სადაზღვევო პრემიის ნაწილს (40%-დან 60%-მდე).
მაგალითად, მანდარინის პლანტაციის დაზღვევისას თუ მოსავლის სახით 1 ჰექტარზე უნდა მიიღოს 20 ტონა ნაყოფი, რომლის ღირებულება შეადგენს 10000 ლარს, ფერმერს ამ თანხის 3.4 % ანუ 340 ლარის გადახდა მოუწევს. პრემიის დანარჩენ ნაწილს. 510 ლარს სახელმწიფო აანაზღაურებს, 1 ტონა მანდარინის მოსავლის დაზღვევისათვის კი ფერმერს მაქსიმუმ 17 ლარის გადახდა მოუწევს.
სადაზღვევო კომპანია „ალდაგი“ მიკროსაფინანსო ორგანიზაცია „კრედოსთან“ და „საქართველოს ბანკთან“ თანამშრომლობით, ფერმერებს აგროდაზღვევის პოლისების შეძენის მოქნილ და გამარტივებულ სქემას სთავაზობს. ფერმერებს საშუალება ეძლევათ, სადაზღვევო პრემიის შეღავათიან პირობებში დაფინანსებისთვის მიმართონ „კრედოსა“ და „საქართველოს ბანკის“ ნებისმიერ ფილიალს მთელი საქართველოს მასშტაბით.
დაზღვევის 25 წლის იუბილე
2015 წელს სადაზღვევო კომპანია „ალდაგი“ 25 წლის იუბილეს აღნიშნავს. 25 წლის წინ „ალდაგის“ მიერ საფუძველი ჩაეყარა ქართულ კერძო დაზღვევას. „ალდაგი“ პირველი სადაზღვევო კომპანიაა საქართველოში, რომელიც 25 წელია ბაზრის ლიდერის პოზიციას იკავებს. „ალდაგი“ ქონებასთან დაკავშირებული, ასევე სიცოცხლის დაზღვევის მრავალფეროვან პროდუქტებს სთავაზობს საცალო და კორპორატიულ მომხმარებელს. 2014 წლის მონაცემებით, „ალდაგის“ ბაზრის წილი მოზიდული პრემიის მიხედვით 35%-ია, ანაზღაურებული ზარალების მიხედვით მთელი ბაზრის – 33%, გამომუშავებული პრემიის მიხედვით კი – 36%. ავტომობილების დაზღვევაში „ალდაგს“ ბაზრის 40% უჭირავს, ქონების დაზღვევაში – 49%. 2014 წლის მონაცემებით, ანაზღაურებული ზარალი ჯამურად 15,169,000 ლარია.
