ნეტგაზეთი • RU

ანტიკორუფციული სააგენტო: შუახევის გამგებლის მოადგილემ $10 000 ქრთამი აიღო

 

სახელმწიფო უსაფრთხოების სამსახურის ანტიკორუფციულმა სააგენტომ  დიდი ოდენობით ქრთამის მოთხოვნისა და აღების ბრალდებით შუახევის მუნიციპალიტეტის გამგებლის მოადგილე რომან ფუტკარაძე დააკავა.  

 

სააგენტოს მიერ გავრცელებული ინფორმაციით, რომან ფუტკარაძემ  შუახევის რაიონში, სახელმწიფოს საკუთრებაში არსებული 2 ჰა მიწის ნაკვეთის კანონიერი პროცედურების გავლის გარეშე სარგებლობაში გადაცემისა და მფარველობის გაწევის სანაცვლოდ საქართველოს მოქალაქეს ქრთამის სახით მოსთხოვა 10 000 აშშ დოლარი.  

 

სააგანტოს ცნობით, რომან ფუტკარაძემ მოქალაქისაგან სრულად აიღო ქრთამის სახით მოთხოვნილი თანხა, რა დროსაც იგი დააკავეს.

 

გამოძიება საქართველოს სსკ-ის 338-ე მუხლის მე-2 ნაწილით მიმდინარეობს, რაც ქრთამის მოთხოვნასა და აღებას გულისხმობს. გამოძიებას სახელმწიფო უსაფრთხოების სამსახურის ანტიკორუფციული სააგენტო აწარმოებს.

 

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"