Author Archives: ბათუმელები

„ჩემს გაუსაძლის მდგომარეობაზე გიამბობთ, რაშიც მიწევს ცხოვრება. ძნელია ყველაფერი მოგიყვეთ, მაგრამ მოთმინებას და გაურკვევლობასაც თავისი ზღვარი აქვს. სამართალი აღარ არსებობს?! 21-ე საუკუნეში არაადამიანურ მდგომარეობაში მიწევს ცხოვრება. ადგილი, სადაც ვცხოვრობ, ძროხის სადგომს ჰგავს. ორივე მუხლზე ოპერაცია მაქვს გაკეთებული. ამის გამო სოფლის საპირფარეშოს მსგავს შენობაში ვერ დავდივარ და ბუნებრივ მოთხოვნილებას ბოთლში ან ცელოფნის პარკში ვიკმაყოფილებ. ვიცი, მძიმე წასაკითხია, მაგრამ ჩემი რეალობა ასეთია, წლებია ასე მიწევს ცხოვრება. ისეთი შეგრძნება მაქვს, თითქოს ადამიანი აღარ ვარ, ფაქტიურად გავნადგურდი ადამიანი. დევნილი ვარ, ყოველ დღე მესმის რადიოთი, რამდენი ბინა გაიცა. ხომ შეიძლებოდა ერთი მცირე ზომის ბინა ჩემთვისაც მოეცათ. ყოველ ღამე ვზივარ და ვტირი. ალბათ კიდევ არსებობენ გულისხმიერი ადამიანები, წაიკითხავენ ამ წერილს და დამიკავშირდებიან. იქნებ წლის ბოლომდე მეც მეშველოს და ახალ წელს ახალ სახლში შევხვდე. სიტყვები არ მყოფნის ჩემი მდგომარეობის აღსაწერად, მრცხვენია ასე რომ ვარ, გაითვალისწინეთ ჩემი საცოდავი მდგომარეობა.“ – ეს წერილი გაზეთ „ბათუმელების“ რედაქციაში ომარ როდონაიამ მოიტანა.

 რატომ არის მიუღებელი წამების ამსახველი კადრების გავრცელება, ვის ეკისრება პასუხისმგებლობა და როგორ აისახება ჩვენს საზოგადოებაზე წამების კადრების ტირაჟირება, მაშინ როცა ქვეყანაში არ მომხდარა წამების მსხვერპლთა რეაბილიტაცია და დამნაშავეების დასჯა? ამ თემაზე „ბათუმელები“ ილიას სახელმწიფო უნივერსიტეტის სამართლის სკოლის ასოცირებულ პროფესორს, იურისტ თამარ გურჩიანს ესაუბრა.

ბათუმის საკრებულოს წევრის დიმა დარჩიას განმარტებით, საკრებულოს „ქართული ოცნების“ ფრაქციის თავჯდომარე თამაზ თურმანიძე ნაკლებად აქტიური მუშაობისთვის გაათავისუფლეს.

უპირველესად ძალიან დიდ მადლობას გიძღვნით ქართველი მუსლიმების მიმართ გამოჩენილი ნდობისთვის. თქვენ ეს გამოავლინეთ მუსლიმებისთვის ბათუმში მიწისა და შენობა-ნაგებობის გადმოცემით, რომელიც გამოიყო სამუფთო სამმართველოს რეზიდენციისა და სასწავლებლის მოსაწყობად. ამასთან, ბატონო პრემიერო, გეტყვით, რომ არ შესრულდა თქვენი მითითება უკვე გადმოცემული ფართობის მიმდებარედ არსებული კიდევ ერთი მიწის გადმოცემის საკითხზე, რაც თქვენ ბატონ არჩილ ხაბაძეს დაავალეთ. ეს ჩვენს მიზნებს ხორცს შეასხამდა. 

“იაფი სახლის” პროექტის ფარგლებში საცხოვრებელი ბინების გადაცემისთვის აუცილებელი პირობებისა და კრიტერიუმების დასადგენად სპეციალური კომისიის შექმნის ბრძანებას ბათუმის მერმა გიორგი ერმაკოვმა ხელი 6 ივლისს მოაწერა. კრიტერიუმების დამდგენი კომისია ბრძანებაზე ხელის მოწერიდან ექვსი თვის შემდეგ, – ხუთ ნოემბერს შეიკრიბა. რაზე იმსჯელა და რა ვადა განისაზღვრა “იაფი სახლის” მოსარგებლეთა საბოლოო კრიტერიუმების დასადგენად? – “ბათუმელებს” საკრებულოს ფრაქცია “ქართული ოცნების” თავმჯდომარე თამაზ თურმანიძე ესაუბრა, რომელიც კრიტერიუმების დამდგენი კომისიის თავმჯდომარეა. “იაფი სახლის” მშენებლობაზე ტენდერი უკვე დასრულდა. სატენდერო თანხა 4 279 990 ლარია.

აჭარის სოფლის მეურნეობის სამინისტროს აგროსერვის ცენტრი,  „ენპარდ აჭარა“-ს პროექტის ფარგლებში, მაღალმთიან აჭარაში ნივრის სადემონსტრაციო-საკვლევი ნაკვეთების გაშენებას იწყებს. გასული კვირის ბოლოს აჭარის სოფლის მეურნეობის მინისტრის პირველი მოადგილე იოსებ აბულაძე, აგროსერვის ცენტრის დირექტორი გოჩა ბერიძე და აჭარის უმაღლესი საბჭოს აგრარული კომისიის თავმჯდომარე მერაბ აბაშიძე ნივრის დარგვის პროცესს ხულოში, ფერმერ ბიძინა შავაძის სადემონსტრაციო ნაკვეთზე დაესწრნენ, სადაც  1 500 მ²  მიწის ფართობზე 250 კგ ნიორი დაითესა. ფერმერი მომავალ წელს აღნიშნულ ტერიტორიაზე 2 ტონამდე ნივრის მოსავალს აიღებს. ბიძინა შავაძის, გარდა ნივრის სადემონსტრაციო ნაკვეთები ქედა, შუახევსა და ხულოში 6 ფერმერს უშენდება.   

საქართველოს სპორტისა და ახალგაზრდობის  სამინისტრო ბათუმში ახალგაზრდული ცენტრის მშენებლობას გეგმავს, ამის თაობაზე მინისტრმა ტარიელ ხეჩიკაშვილმა ქონების ეროვნულ სააგენტოს ოფიციალურად აცნობა და მშენებლობის დასაწყებად ბათუმში ადგილის გამოყოფა სთხოვა.