„აქ ისე არ არის, რომ გადაწყვეტილების პოზიტიური და ნეგატიური მხარეები ჩამოყალიბდეს ერთ გვერდზე. მე როგორც იურისტი ამ გადაწყვეტილების კანონიერებას ეჭვქვეშ ვაყენებ. თუკი გაქვს გადაწყვეტილება გადაწყვეტილების უზრუნველყოფის თაობაზე ის აუცილებლად უნდა იყოს სარჩელთან დაკავშირებით მიღებულ გადაწყვეტილებაში ასახული. მოგეხსენებათ ერთ თვიანი ვადა აქვს მოსამართლეს, ჩვენ ვიცით მხოლოდ სარეზოლუციო ნაწილი, მაგრამ არ გვაქვს ინფორმაცია თუ რით იხელმძღვანელა მოსამართლემ გადაწყვეტილების მიღებისას. ჩვენ არ გვაქვს დასაბუთების ნაწილი. სარეზოლიციო ნაწილში გადაწყვეტილების უზრუნვეყოფის თაობაზე არაფერია ნათქვამი როგორც ამას ამბობენ იურისტები, რომელებიც ჩახედული არინ საქმეში.
სრულიად გაუგებარია განჩინების მიღება, რომელიც საკონსტიტუცო სასამართლოს გადაწყვეტილების სრული გაუთვალისწინებლობას დულისხმობს. დაუყონებლივ აღსრულება და შინაარსობრივი უზრუნველყოფა სხვადასხვა ნორმაა, მაგრამ შინაარსობრივად ეს გახლავთ ერთიდაიგივე. როდესაც საკონსტიტუციო სასამართლომ შეაჩერა დაუყონებლივ აღსრულებაზე სამოქალაქო კოდექსში არსებული მოქმედი ნორმა , ამით პრაქტიკულად თქვა, მოდით ნუ ვიჩქარებთ შემაჯამებელი ანუ საბოლოო გადაწყვეტილების მიღებასო. მოსამართლე ურთმელიძემ გამოძებნა სხვა სამართლებრივი საშუალება და მიიღო გადაწყვეტილება, რომლითაც მან სრული იგნორი გაუკეთა საკონსტიტუციო სასამართლოს გადაწყვეტილებას.
დღეს ჩემთვის, როგორც ერთი რიგითი მოქალაქითვის, იურისტისთვის, ყოფილი მოქმედი ადვოკატისთვის, თუ გენებავთ პოლიტიკური თანამდებობის პირისთვის ეს არის საკონსტიტუციო სასამართლოს მიღებული გადაწყვეტილების უპატივცემულობა და მე მაქვს შინაგანი პროტესტი ამ უპატივცემულობისადმი, რომელსაც ახლა თქვენთან ვაფიასირებ. მე ვფიქრობ ამ ქვეყანაში ნამდვილად დგას საფრთხის ქვეშ სიტყვისა და გამოხატვის თავისუფლება.
ვფიქრობ პროცესები აუცილებლად დაიწყება, რომლის მომხრეც არ გახლავართ იმდენად რამდენადაც წინასააარჩევნო პერიოდია და ქვეყანას სჭირდება სიმშვიდე. მე ამ მიმართებით ვერ ვინარჩუნებ სიმშვიდეს. მგონია რომ ოპოზიციურად განწყობილი ადამიანებისთვის სულ ცოტა ხანში ჩაიკეტება ის სივრცე , რომლითაც ჩვენ უნდა მოვახდინოთ ჩვენი აზრის კონკრეტული საკითხებისადმი ჩვენი დამოკიდებულების დაფიქსირება .
ხუთი დღეა გასაჩივრებისთვის, მე ვფიქრობ იქ მოპასუხე არ იყო მხოლოდ რუსთავი 2 , რამდენიმე მოპასუხე ჰყავდა ამ საქმეს და რომელიმე მათგანს უნდა ჰქონდეს შენარჩუნებული გასაჩივრების უფლება. იმდენად რამდენადაც მმართველის დანიშვნამ პრაქტიკულად უფლებამოსილება შეუწყვიტა ამ საქმეში მონაწილე მხარეებს მე ვფიქრობ რამდენიმე მათგანს დარჩა გასაჩივრების უფლება, მე ამას არ მოველი ქიბარ ხალვაშისგან და არც დანარჩენი მეწილეებისგან რამდენადაც გადაწყვეტიკლება არი მათ სასარგებლოდ გამოტანილი. ალბათ გამოიძებნება გასაჩივრების საშუალება თუმცა ნაკლებად ვიმედოვნებ რომ შინაარსობრივად რაიმე შეიცვალოს. მაინც მგონია რომ ეს საკითხი მაინც შეთანხმებული და გადაწყვეტილია.
მე მგონია რომ ეს ხელისუფლება თანდათან ემსგავსება ძველ ხელისუფლებას , რა პროცესებიც ახლა მიმდინარეობს ეს უფრო დამანგრეველია ამ ხელისუფლებისთვის, ვიდრე იმ დროს სპეცნაზის იმედში შევარდნა რადგან ეს კეთდება კანონის სახელით და კეთდება საქართველოს სახელით. ის აშკარად გამოხატული თავხედობა იყო, ახლა კი სამართლის და სახელით აკეთებენ ამას. ამიტომ ჩემთვის ეს პროცესი უფრო მძიმე და მტკივნეულია.“ – განაცხადა მედეა ვასაძემ „ბათუმელებთან“ სატელეფონო საუბარში.
