ბათუმის საკრებულოს წევრის დიმა დარჩიას განმარტებით, საკრებულოს „ქართული ოცნების“ ფრაქციის თავჯდომარე თამაზ თურმანიძე ნაკლებად აქტიური მუშაობისთვის გაათავისუფლეს.
„ ფრაქციას ცოტა სხვაგვარი მუშაობა სჭირდება, რასაც თამაზ თურმანიძე ვეღარ ართმევდა თავს, ამიტომ ჩვენ ვიფიქრეთ და მივიღეთ მძიმე გადაწყვეტილება. ამ აზრზე შევჯერდით ყველა. რაც შეეხება იმას, რომ გადაწყვეტილება მის გარეშე მივიღეთ, ორი დღით ადრე იცოდა მან სხდომის შესახებ, მაგრამ არჩია, რომ ამ დროს ქალაქში არ ყოფილიყო, თამაზ თურმანიძე ფრაქციის წევრად რჩება და გააგრძელებს მუშაობას ფრაქციაში.“ – ამბობს დიმა დარჩია.
საკრებულოს „ქართული ოცნების“ ფრაქციაში 11 წევრია , თამაზ თურმანიძე სხდომას არ დასწრებია. დიმა დარჩიას ინფორმაციით, თამაზ თურმანიძის გადაყენების წინააღმდეგი არც ერთი არ ყოფილა.