Batumelebi | ხელბურთელები თელ-ავივში გაემგზავრებიან ხელბურთელები თელ-ავივში გაემგზავრებიან – Batumelebi
RU | GE  

ხელბურთელები თელ-ავივში გაემგზავრებიან

 

 

  საქართველოს ხელბურთის ნაკრები მსოფლიო ჩემპიონატისთვის რომ ემზადება, „ბათუმელები“ ადრეც წერდა. ამჟამად უკვე ცნობილია საკვალიფიკაციო ეტაპში მონაწილე ეროვნული ნაკრების გაფართოებული შემადგენლობა, რომელიც საქართველოს ხელბურთის ფედერაციის ცნობით, გუნდის მთავარმა მწვრთნელმა ლევან გელაშვილმა დააკომპლექტა. ნაკრების ხელბურთელები შვიდი სხვადასხვა კლუბის მოთამაშეები არიან, მათ შორის ექვსი ხელბურთელი ბათუმიდანაა. 

საკვალიფიკაციო ეტაპზე საქართველოს ეროვნული ნაკრების შემადგენლობა ასეთია: მეკარეები: შოთა თევზაძე (რეშიცა, რუმინეთი), გიორგი სამყურაშვილი (ქუთაისი), კორნელი ანდრიაძე (ბათუმი), ზურაბ ცინცაძე (პეგასი); მარცხენა გარემარბები: ზურაბ აბრამიშვილი (ბათუმი), უჩა გამზარდია (ფოთი), ილია გოგალაძე (ბათუმი); მარცხენა ინსაიდები: სერგო დათუკაშვილი (ვოივოდინა, სრბ), ლექსო წითელიშვილი (სამტრედია), თემურ ორჯონიკიძე (სტუ), ირაკლი კბილაშვილი (ქუთაისი); გამთამაშებლები: ირაკლი ჩიქოვანი (ტიმიშოარა, რუმ), აკაკი ტალახაძე (თავრიზი, ირა), ირაკლი თევზაძე (სამტრედია); პივოტები: უჩა მაისურაძე (ბათუმი), გიგა კოხრეიძე (პეგასი), გიორგი წივწივაძე (ბათუმი); მარჯვენა ინსაიდები: რატი მსხვილიძე (ტრაბზონ აქჩაბათი, თურქეთი), გიორგი ტიელიძე (გორი), შალვა სტურუა (სტუ), ლევან ბერძენიშვილი (ბათუმი); მარჯვენა გარემარბები: რევაზ ჭანტურია (სტრუმიცა, მაკედონია), გიორგი დიხამინჯია (პეგასი), ირაკლი გოგოლაძე (სამტრედია).

მთავარი მწვრთნელი ლევან გელაშვილი, მწვრთნელი გიორგი გვაზავა, ექიმი ლევან ლინნიკი.

მსოფლიო ჩემპიონატი ხელბურთში 2017 საფრანგეთში ჩატარდება. მანამდე გუნდებმა საკვალიფიკაციო ეტაპები უნდა გადალახონ. კვალიფიკაციის პირველი ეტაპი 4-5 ნოემბერს დაიწყება. საქართველო მეოთხე ჯგუფშია მოხვედრილი პორტუგალიასთან, ისრაელთან და ესტონეთთან ერთად. 5 ნოემბერი: პორტუგალია-ესტონეთი, ისრაელი-საქართველო; 6 ნოემბერი: ესტონეთი-ისრაელი, საქართველო-პორტუგალია; 7 ნოემბერი: ესტონეთი-საქართველო, პორტუგალია-ისრაელი. პლეიოფში გავა თითო გამარჯვებული.

 

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი