Batumelebi

ბატონო გენო, საჯარო სამსახურის შესახებ კანონი ჩინოვნიკებს თმენის ვალდებულებას აკისრებს. რამდენად ითვალისწინებენ საჯარო მოხელეები დღეს კანონის ამ ნორმას და თუ არა, რა სანქცია შეიძლება გატარდეს ასეთი მოხელეების მიმართ?

უფლებებიც და მოვალეობებიც ყველა მოქალაქეს გვაქვს თანაბარი, მაგრამ საჯარო სამსახურის მოხელეების, პოლიტიკური თანამდებობის პირების თუ დეპუტატების ვალდებულებები არის გაცილებით მაღალი. ამ ვალდებულებას ისინი იღებენ საკუთარი ნებით. ხშირად გვესმის საჯარო მოხელეებისგან, რომ თურმე მოქალაქეებს ხვდება. ეს არ არის მათი კეთილი ნება, ეს მათი ვალდებულებაა. გავიხსენოთ წინასაარჩევნო შეხვედრები, როცა ლამის კარდაკარ აკითხავენ მოქალაქეებს და ხმის მიცემას სთხოვენ. მაშინ გრძნობენ ხალხის წინაშე ანგარიშვალდებულებას და ხელისუფლებაში მოსვლის შემდეგ არა?! ანგარიშვალდებულება და თმენის ვალდებულება არის ის, რომ მე, როგორც მოქალაქეს, მაქვს უფლება მოვითხოვო ინფორმაცია და მოვთხოვო რეაგირება ჩემს მიერვე დაქირავებულ მოხელეს. თუკი საჯარო მოხელის ქცევა სცილდება კანონით განსაზღვრულ თმენის ვალდებულებას და ის გადადის მოქალაქის პირად შეურაცხყოფაში, მაშინ დაიწყება სამართლებრივი დავა ამ მოხელის მიმართ.

რატომ მიდის საქმე სიტყვიერ თუ ფიზიკურ დაპირისპირებამდე?

ბუნებრივია, არავის აქვს უფლება, რომ ლანძღვა-გინებით მოითხოვოს პასუხი საჯარო მოხელისგან, მაგრამ იმ შემთხვევაშიც კი, თუკი ეს ხდება ეთიკური ნორმების დარღვევით, ჩინოვნიკის რეაგირება კანონით დადგენილი ნორმაში უნდა მოხდეს. არც ერთ შემთხვევაში არ უნდა მოხდეს ფიზიკური ფორმით რეაგირება, მოქალაქის კაბინეტიდან გაძევება, გაგდება, ყვირილი და ა.შ. იმისათვის არსებობს დაცვის სამსახურები სახელმწიფო დაწესებულებებში, რომ მსგავსი პრობლემა მოაგვაროს. ხშირ შემთხვევაში მოქალაქეები მაშინ იჩენენ აგრესიას, როცა მოთმინების ყველა რესურსი ეწურებათ და ვეღარ ახერხებენ ან თანამდებობის პირთან შეხვედრას ან პრობლემის მოგვარებას. როგორ შეიძლება ათი დღე დასდევდე ერთსა და იმავე ადამიანს, რაც არ უნდა თანამდებობა ჰქონდეს მას და შეხვედრას ვერ ახერხებდე. ეძებ მინისტრს და გახვედრებენ ვიღაც სპეციალისტს.

ხშირად მოქალაქეებს სურთ, რომ შეხვდნენ მაღალი თანამდებობის პირებს, იგივე უმაღლესი საბჭოს თავმჯდომარეს, მინისტრებს და ა.შ, და არა შედარებით დაბალი რანგის მოხელეებს. რამდენად აქვთ მათ უფლება, რომ არჩევანი თავად გააკეთონ ამ შემთხვევაში?

მინისტრიც და კანცელარიის მოხელეც ორივე მოქალაქის მიერ დაქირავებული პირია, მაგრამ, რადგან ადამიანი ათი დღის განმავლობაში ცდილობს მინისტრის ნახვას, ეს იმას ნიშნავს, რომ მისგან სჭირდება პასუხი და მას აქვს ამის უფლება. მოქალაქის მოთმინებასაც აქვს ლიმიტი. მით უმეტეს, წარმომადგენლობით ორგანოს აქვს ვალდებულება, რომ შეხვდეს ხალხს. თუ მოქალაქეს სჭირდება უფროსის ნახვა საკუთარი პრობლემის გადასაჭრელად, ეს ნიშნავს, რომ ვერ შეიქმნა ეფექტური სისტემა და ეს უნდა შეიცვალოს.

რა ქმნის კონფლიქტს, არაადეკვატური დაპირებები თუ კომუნიკაციის ნაკლებობა?

უფრო არაადეკვატური დაპირებები. ბოლო ფაქტი, რაც უმაღლეს საბჭოში მოხდა, ამის ნათელი მაგალითია. მოქალაქე, რომელიც ითხოვდა სამედიცინო დახმარებას, რომელიც შეხვდა პრემიერ-მინისტრობის კანდიდატს, შემდეგ პრემიერის საქველმოქმედო ფონდის წარმომადგენლებს და რომელსაც ჰქონდა კონკრეტული და ნათელი თხოვნა ხელისუფლების მიმართ, მისგან იღებს არალოგიკურ დახმარებას. დაფინანსების მაგივრად ველოსიპედს თუ რაღაც სათამაშოს. ცხადია, ამ ადამიანის მხრიდან წამოვა აგრესია და ეს ლოგიკურია. კონფლიქტების მიზეზი არის ის, რომ საჯარო მოხელის მხრიდან არ არსებობს კონკრეტული პასუხები. “ვნახოთ”, “შევხედოთ”, “მოვილაპარაკებთ”, – ეს მოქალაქეებს ბუნებრივია აღიზიანებს. თუ არ გამოდის პრობლემის მოგვარება, უთხარი პირდაპირ – “არა”. ადამიანს სჭირდება სახლის გადახურვა, აწერინებენ ასობით წერილს და შემდეგ ეუბნებიან არას. ბუნებრივია, მოდის აგრესია.

საჯარო მოხელეების მხრიდან მოქალაქეების მისამართით ხშირად ისმის სიტყვა `უმადური~. რამდენად ნორმალურია ეს?

სამწუხაროდ ჩვენთან ხელისუფლება მიეჩვია იმას, რომ როცა ბიუჯეტის ფულით რაღაცას აკეთებს, ამის გამო ჩვენ მადლობა უნდა გადავუხადოთ. ანგარიშვალდებულება არის სწორედ ის, რომ მადლობა არ ვუხადოთ იმაში, რაც ისედაც მათი მოვალეობაა. სოციალურ საკითხებზე რომ ვთქვათ, მოქალაქეს უწყვეტ სოციალურ დახმარებას ერთ საათში, მაგრამ საკითხის შესწავლას ანდომებ სამ თვეს, ან ერთ წელიწადს, მაშინ არ გრძნობ ანგარიშვალდებულებას?! გამოდის, მოქალაქეებს უფრო მეტი თმენის ვალდებულება გვაქვს.

უმაღლესი საბჭოს დეპუტატმა, მედეა ვასაძემ მოქალაქე დიანა დიასამიძესთან ინციდენტზე საუბრისას არაერთხელ ახსენა სიტყვა `პროვოკაცია~. რასთან გვაქვს საქმე ამ შემთხვევაში?

ყველაზე ცუდი რაც ამ ინციდენტში იყო, არის ის, რომ დეპუტატმა მედეა ვასაძემ საჯაროდ მიაყენა შეურაცხყოფა მოქალაქეს და მას პროვოკატორი უწოდა. როცა შენივე ამომრჩეველს ამას დაუძახებ, მინიმუმ რაღაც მოკვლევა უნდა გქონდეს. ვის უფრო ეკისრება თმენის ვალდებულება? – მაშინ როცა ერთ მხარეს დგას ბობოლა, უმაღლესი საბჭოს სახით და მეორე მხარეს ერთი მოქალაქე, რომელმაც თურმე დაგეგმა პროვოკაცია. სხვა საკითხია, რომ მან საჯარო გახადა მოქალაქის პირადი ჯანმრთელობის პრობლემა და შელახა მისი უფლება.
მოქალაქეთა მოთმინების საუკეთესო მაგალითი იყო გონიოელების შემთხვევა, როცა მითხრეს, აქცია გვინდა მოვაწყოთ, რომ ხელისუფლებას ჩვენი პრობლემა შევახსენოთ, მაგრამ არც ის გვინდა, ხელისუფლება რომ გაღიზიანდესო. მოქალაქეები უფრო მეტს ფიქრობენ ამაზე, ვიდრე ხელისუფლება. შენ კი მათ პროვოკატორებს ეძახი.

მინდა შევეხო საჩუქრების საკითხსაც. სამართლებრივად, რამდენად ნორმალურია, როცა კერძო ფონდის მიერ დაპირებულ საჩუქრებს უმაღლესი საბჭოს დეპუტატები ურიგებენ მოსახლეობას?

ეს არის სამართლებრივი პრობლემა და ცალკე შესასწავლი საკითხი, რადგან ეს არის კერძო კომპანია, რომელიც საარჩევნოდ დაჰპირდა მოქალაქეებს მათი პრობლემების მოგვარებას და შემდეგ დეპუტატები არიგებენ მისი სახელით საჩუქრებს და თან აყვედრიან. სად არის აქ ლოგიკა? ჯერ ხდება დაპირება, შემდეგ – “უი, შეგვეშალა”. შემდეგ იწყება – ვერ დაგეხმარეთ, მაგრამ ველოსიპედი ხომ გაჩუქეს, არ ხარ მადლობელი?! მოქალაქის თმენის ვალდებულება იწურება იქ, სადაც გადის ჩვენი უფლებების ვერ აღდგენის ზღვარი. ხშირად მინახავს უმაღლესი საბჭოს ჭიშკართან და სხვაგანაც, საათობით მდგომი მოქალაქეები, რომლებიც ვერ აღწევენ დეპუტატებთან თუ სხვა ჩინოვნიკებთან.

ბათუმში #103 საარჩევნო უბანში დღეს არჩევნები ხელმეორედ ტარდება, რადგან პირველ ტურში ამ უბანზე შედეგები ვერ დაჯამდა. უბანზე საიას დამკვირვებლის ინფორმაციით 12 საათის მონაცემებით 1547 ამომრჩევლიდან, ხმა 155–მა ადამიანმა მისცა.

განმეორებით არჩევნები ტარდება ქობლეთშიც #34 უბანზე, სადაც მნიშვნელოვანი დარღვევების გამო არჩევნების შედეგები გააუქმეს. საიას დამკვირვებლის თქმით, სადემონსტრაციო ოქმის მიხედვით 1138 ამომრჩევლიდან, აქამდე ხმა 169 ადამიანმა მისცა.

საიას ინფორმაციით, ამ დროისთვის უბნებზე არანაერი დარღვევა არ ფიქსირდება.

საჩუქრები ექიმებს საქართველოს ჯანდაცვის სამინისტროს პროექტის „სოფლის ექიმის“ ფარგლებში გადაეცათ.

მარიამ ჯაშის თქმით – დღეიდან არც ერთ ექიმს აღარ მოუწევს პირველადი დახმარების აღჭურვილობაზე საკუთარი ფინანსების დახარჯვა, მასზე სახელმწიფო იზრუნებს.

სამედიციონო ჩანთები დღეს ხელვაჩაურისა და ქობულეთის ექიმებმა მიიღეს, ხოლო მომდევნო კვირაში ისინი აჭარაში „სოფლის ექიმის“ პროგრამაში ჩართულ ყველა ექიმს დაურიგდება, 100-ზე მეტ სამედიცინო უბანში.

მინისტრის მოადგილის ინფორმაციით პირველადი დახმარების აღჭურვილობით ექიმების მომარაგება საქართველოს მასშტაბით ეტაპობრივად მიმდინარეობს და სამედიცინო ჩანთები, აჭარის შემდეგ სამეგრელოს უბნის ექიმებს გადაეცემათ.

ტრენინგი, არასამთავრობო ორგანიზაცია “შეზღუდული შესაძლებლობების მქონე პირთა უფლებებისთვის“ ორგანიზებით და სტუდენტური თვითმმართველობის მხარდაჭერით ჩატარდა.

ტრენინგები ორგანიზაცია „აბროგაციის“ თავმჯდომარემ დავით ანანიძემ და განათლების ფაკულტეტის ლექტორებმა ნანა მამულაძემ და გულიკო შერვაშიძემ ჩაატარეს.

ორგანიზაცია „შეზღუდული შესაძლებლობების მქონე პირთა უფლებებისათვის“ ვიცე თავმჯდომარის სოფიო ზოიძის თქმით, ტრენინგები მიზნად ისახავდა ახალგაზრდებში ლიდერის უნარჩვევების ჩამოყალიბებას და პროექტების თეორიულ და ფინანსური ნაწილის შემუშავების სწავლას.

„მსგავსი პროექტი განხორციელდა ესპანეთის შეიარაღებულ ძალებთან, ამ გამოფენას დაესწრო საქართველოს ელჩი ესპანეთში ზურაბ პოლოლიკაშვილი, რომელიც  დაინტერესდა ამ პროექტით და სურვილი გაუჩნდა, იგივე გაკეთებულიყო საქართველოს შეიარაღებულ ძალებთან მიმართებაშიც“ – ამბობს მხატვარი.

გამოფენაზე, კონფლიქტის სხვადასხვა ეტაპის და სხვადასხვა გარემოს ამსახველი, ხუთი ტილო იყო წარმოდგენილი.

„აგრეთვე დაიწერება წიგნი, რომელიც ასახავს ჩემს მიერ გატარებულ დროს ავთანეთში და შემდეგ ის ითარგმნება ინგლისურად.ნახატები და წიგნიც მსოფლიოს სხვა და სხვა ქალაქებში გამოიფინება“ – განაცხადა ავგუსტო ფერერ დალმაუმ.  

საინფორმაციო სამსახურის მთავარი პროდუსერი რიჩარდ ტოტოჩავა ამბობს, რომ სექტემბრიდან საინფორმაციო გადაცემა ყოველდღიური გახდება, იქამდე კი საინფორმაციო სამსახური სამი ახალი ჟურნალისტით ყოველკვირეულ გადაცემაზე იმუშავებს.

“15 წლის მანძილზე, ტვ ერა პირველად იწყებს საინფორმაციო გადაცემას. გარდა ამისა სექტემბრიდან გადავდივართ ახალ სტუდიაში, საიდანაც საინფორმაციო გადაცემა ყოველდღიურად მომზადდება” – ამბობს ის.

ამავე დადგენილებით შუახევის მუნიციპალიტეტში ბუნებრივი და ტექნოგენური კატასტროფების რისკის ზონაში მცხოვრებ ექვს ოჯახს შუახევის მუნიციპალიტეტის ყოფილი საავადმყოფოს რეაბილიტირებულ შენობაში გადაეცემა საცხოვრებელი ბინები. 

სარეზერვო ფონდიდან გამოყოფილი 225 133 ლარიდან ბათუმის მერიას, ზვიად გამსახურდიას ქ. N 11-ში მდებარე ხანძრის შედეგად დაზარალებული 9 ოჯახის დასახმარებლად გამოეყოფა 45 000 ლარი.  ქობულეთის მუნიციპალიტეტს სტიქიის შედეგად დაზარალებული 7 ოჯახისათვის 71 308 ლარი;  ხელვაჩაურის მუნიციპალიტეტს სტიქიისა და ხანძრის შედეგად დაზარალებული 4 ოჯახისათვის 44 350 ლარი;  ქედის მუნიციპალიტეტს სტიქიის შედეგად დაზარალებული 1 ოჯახისათვის 7 442 ლარი; ხულოს მუნიციპალიტეტს კი  სტიქიის შედეგად დაზრალებული 5 ოჯახისათვის 57 033 ლარი გამოეყოფა.

აჭარის ავტონომიური რესპუბლიკის ფინანსთა და ეკონომიკის სამინისტროს ფინანსური დასკვნისათვის გადაეგზავნა სამთავრობო კომისიის 2014 წლის 15 მაისის სხდომის ოქმი, რომლითაც სტიქიის შედეგად დაზარალებულ ოჯახებს 2014 წლის რესპუბლიკური ბიუჯეტის სარეზერვო ფონდიდან გამოეყოფა 100 658 ლარი. აღნიშნული თანხიდა  ქ. ბათუმის მერიას, ხანძრის შედეგად დაზარალებული 2 ოჯახის დასახმარებლად გამოეყოფა 18 000 ლარი; ქობულეთის მუნიციპალიტეტს ხანძრის შედეგად დაზარალებულ 1 ოჯახისათვის – 7 175 ლარი; ხელვაჩაურის მუნიციპალიტეტს ხანძრის შედეგად დაზარალებული 1 ოჯახისათვის – 10 000 ლარი;  ქედის მუნიციპალიტეტს სტიქიის შედეგად დაზარალებული 3 ოჯახისათვის – 26 483 ლარი;  ხულოს მუნიციპალიტეტს სტიქიისა და ხანძრის შდეგად დაზარალებული 6 ოჯახისათვის – 39 000 ლარი; ქობულეთის რაიონში მცხოვრები სტიქიის შედეგად დაზარალებული 1 ოჯახი კი ბინას ქ. ბათუმში თამარის დასახლებაში არსებულ მრავალსართულიან კორპუსში მიიღებს.

აჭარის მთავრობა სტიქიური მოვლენების შედეგად დაზარალებული ოჯახების დასახმარებლად მუშაობას აგრძელებს. დღეს 17:00 საათზე (მის: მ. კომახიძის ქ. N-119) გაიმართება აჭარის ავტონომიურ რესპუბლიკაში სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის მორიგი სხდომა. სხდომაზე განიხილება მუნიციპალიტეტებიდან წარმოდგენილი სტიქიის შედეგად დაზარალებული 20 ოჯახის დახმარების საკითხი. კომისიის მიერ მიღებული რეკომენდაცია უახლოეს დღეებში განსახილველად და დასამტკიცებლად აჭარის მთავრობის თავმჯდომარეს გადაეგზავნება.

აჭარის ავტონომიურ რესპუბლიკაში სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის რეკომენდაციით 2014 წელის იანვირიდან დღემდე რესპუბლიკური ბიუჯეტის სარეზერვო ფონდიდან ფინასური დახმარების გაწევის გადაწყვეტილება მიღებულია სტიქიის შედეგად დაზარალებულ 61 ოჯახზე. აღნიშნული მიზნებისათვის სარეზერვო ფონდიდან გაცემულმა თანხამ შეადგინა 372 591 ლარი. მიმდინარე წელს საცხოვრებელი ფართით დაკმაყოფილდა 12 ოჯახი.

საერთო ჯამში დახმარება 73 ოჯახს გაეწია, მათ შორის: 22 ოჯახი დაზარალებულია ხანძარის შედეგად, 16 ოჯახი მეწყერული მოვლენების შედეგად, 27 ოჯახი მიწისძვრის შედეგად, 8 ოჯახი დიდთოვლობის შედეგად. 2013 წელს რესპუბლიკური ბიუჯეტის სარეზერვო ფონდიდან სტიქიის შედეგად დაზარალებული ოჯახების დასახმარებლად გაიცა 568 122 ლარი. გასულ წელს საცხოვრებელი ფართებით დაკმაყოფილდა ბუნებრივი და ტექნოგენური კატასტროფების შედეგად დაზარალებული 163 ოჯახი.  

ბათუმის საკრებულომ ღამის 11 საათის შემდეგ ბათუმის ტერიტორიაზე ფეიერვერკებისა და სხვა მსგავსი ტიპის ასაფეთქებელი ნივთიერებების გამოყენება აკრძალა. აკრძალვა დილის შვიდ საათამდე გრძელდება.

რეგულაციის დარღვევა შესაძლებელი იქნება მხოლოდ ახალი წლის დღეებში 31 დეკემბრიდან 14 იანვრის ჩათვლით და განსაკუთრებულ შემთხვევებში კონცერტების ან სხვა მნიშვნელოვანი ღონისძიებების დროს, ამ შემთხვევაშიც საჭირო იქნება ბათუმის მერიის წინასწარი თანხმობა.

ამ რეგულაციის კონტროლი გარემოს ზედამხედველობის სამსახურს, ხოლო ამ სამსახურზე კონტროლისას დახმარების გაწევა, მერიის ზედამხედველობის სამსახურს დაევალა.

საერთაშორისო საზღვაო ორგანიზაციის (IMO) რეზოლუციის შესაბამისად მეზღვაურთა საერთაშორისო დღე 2011 წლიდან აღინიშნება. საქართველოში, ისევე როგორც მსოფლიოში, უკვე მეოთხე წელია სხვადასხვა სახის ღონისძიებები სწორედ ამ საპასუხისმგებლო პროფესიის ადამიანებისათვის იმართება. წელს, არც პროკრედიტ ბანკი გამოაკლდა ამ დღესასწაულის აღნიშვნას და ბათუმის ფილიალში მეზღვაურებს სასიამოვნო საღამო მოუწყო.

ფილიალის მმართველის ოფიციალური სიტყვის შემდეგ სტუმრებმა პანტომიმის თეატრის არაჩვეულებრივი სანახაობა იხილეს, რომელიც თემატურად, სწორედ მეზღვაურებისათვის იყო შერჩეული. ჩატარდა სახალისო ვიქტორინა, სადაც სხვადასხვა სახის პრიზი გათამაშდა, ყველას სიმბოლური საჩუქრები დაურიგდა და საღამო ფურშეტით დასრულდა.

რევაზ მახარაძე, პროკრედიტ ბანკის ბათუმის სერვის პუნქტის კოორდინატორი: “მეზღვაურის როლი ქვეყნის ეკონომიკის განვითარებაში ძალიან დიდია, ამიტომ თითოეული მათგანის შრომა და ღვაწლი დაფასებული უნდა იყოს. პროკრედიტ ბანკი კიდევ ერთხელ ულოცავს ყველა მეზღვაურს მეზღვაურთა საერთაშორისო დღეს და მხნეობასა და ჯანმრთელობას უსურვებს მათ”.

 „საჭიროდ ვთვლი  ჩემს კონკურენტს გია დიასამიძეს შევთავაზო 7 ივლისის შემდეგ, ნებისმიერ დროს ნებისმიერი სატელევიზიო არხის მეშვეობით,  ჩვენ გვქონდეს სატელევიზიო დებატები.   ჩვენმა ამომრჩეველმა, ჩვენმა ბათუმელებმა გააკეთონ სწორი არჩევანი იმისათვის რომ ქალაქი განვითარდეს,“ – განაცხადა დღეს სპეციალურ ბრიფინგზე გიორგი ერმაკოვმა.

გიორგი დიასამიძის განცხადებით ის ნებისმიერ დროს მზადაა დებატებში ჩაერთოს.

„ამის შესახებ ჟურნალისტებისგან შევიტყვე.  მე არ ვაპირებ ნეიტრალური მოედნის, შვეიცარიის ან ლიხტენშტენის მოთხოვნას. მზად ვარ  ნებისმიერი არხის ეთერში მივიღო დებატებში მონაწილეობა,“ – განაცხადა გიორგი დიასამიძემ.

15 ივნისს ჩატარებული ადგილობრივი თვითმმართველობის არჩევნების შემდეგ, ბათუმში მერობის კანდიდატებს შორის ხმების ხმები ასე გადანაწილდა: ხმების 45,17% გიორგი ერმაკოვმა მიიღო („ქართული ოცნება”) ,  17,62 ხმა კი გიორგი დიასამიძემ („ნაციონალური მოძრაობა”). ხმების დარჩენილი 38% სხვადასხვა პოლიტიკური სუბიექტის მიერ წარდგენილ კანდიდატებზე გადანაწილდა.

გიორგი ერმაკოვსა და გიორგი დიასამიძეს შორის გამარჯვებულის გამოსავლენად ცენტრალური საარჩევნო კომისია (ცესკო) მეორე ტურს ჩაატარებს.

„საგამოცდო პროცესი მშვიდ გარემოში მიმდინარეობს. პირველ სესიაზე 57 სექტორი გვაქვს, ასევე 57 სექტორია მეორე  სესიაზეც. დილის სესიაზე 948 აბიტურიენტმა გაიარა რეგსიტრაცია. 16 აბიტურიენტი გამოცდაზე არ გამოცხადდა,“ – უთხრა „ბათუმელებს“ ბათუმის საგამოცდო ცენტრის ხელმძღვანელმა მანუჩარ ლორიამ.

მეორე სესიაზე, რომელიც დღის 14:00 საათზე დაიწყება  ბათუმის საგამოცდო ცენტრში 845 აბიტურიენტია რეგისტრირებული.

ერთიანი ეროვნული გამოცდებზე  წელს 36 000 – მდე აბიტურიენტია დარეგისტრირებული.

„ფრანგული პოეზიის ათასწლეული“ IX საუკუნის საგმირო ეპოსის – „სიმღერა რონალზე“ – ფრაგმენტის თარგმანით იწყება და 20-საუკუნის ავტორის, ლეოპოლდ სედარ სანგჰორის ლექსით სრულდება. კრებულში 80-ზე მეტი ფრანგი პოეტის 250-მდე ლექსია თავმოყრილი.

„პოლ ვერლენი და სხვა ფრანგი სიმბოლისტები“ გამომცემლობა „აჭარამ“ გამოსცა. წიგნში  ქართულ თარგმანებთან ერთად ლექსები ფრანგულ ენაზეა მოცემული.

ბადრი თევზაძეს მკითხველი იცნობს როგორც პოეტს, მთარგმნელსა და წიგნის – „პარიზში წასვლას რა უნდა?!“ – ავტორს. ამ მხატვრულ-დოკუმენტური კრებულისთვის ავტორს 2000 წელს „ლომისის“ პრემია მიენიჭა, 2006 წელს კი საფრანგეთში, კინოსტუდია „ლა ფემისში“ რეჟისორმა თ. გრენადმა  წიგნის მიხედვით გადაიღო 20 წუთიანი დოკუმენტური ფილმი „ქართველი ტარტარენის ნაკვალევზე“.

2008 წელს ბადრი თევზაძე საფრანგეთის კულტურის სამინისტროსა და წიგნის საერთაშორისო სახლის სტიპენდიით ორი თვით იმყოფებოდა საფრანგეთში, ფრანგული პოეზიის ანთოლოგიაზე სამუშაოდ.

ღონისძიებაში მონაწილეობდნენ  „ზუგდიდის ახალგაზრდული ცენტრის“  წევრებიც.

ადვოკატირების კამპანია ტარდება ბათუმის საპატრულო პოლიციასთან ერთად. მისი მიზანია საზოგადოების ცნობიერების ამაღლება ქვეითად მოსიარულეთა უფლებებისა და საგზაო უსაფრთხოების დასაცავად. აქტივობა ხორციელდება პროექტის ფარგლებში „ეროვნული ინტეგრაციის გაძლიერება საქართველოში“ (ANI), რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.

მემორიალური დაფა, რომელიც იუწყება, რომ 1913 წელს ამ ადგილას აშშ-ს საკონსულო მდებარეობდა, ბათუმში საგანგებოდ ამ დღისთვის ჩამოსულმა აშშ-ს ელჩმა საქართველოში, რიჩარდ ნორლანდმა გახსნა არჩილ ხაბაძესთან, ბათუმის საკრებულოს თავმჯდომარესთან, ირაკლი ჩავლეიშვილთან და ავთანდილ ბერიძესთან ერთად.

„რამდენიმე მიზეზით არის ჩემთვის მნიშვნელოვანი ეს დღე. პირველ რიგში მახსენდებიან ის კოლეგები ძველი დროიდან, რომელთაც თავიანთი ცხოვრება დაუთმეს დიპლომატიურ და საკონსულო სამსახურს. ისინი ბათუმში, ამერიკის შეერთებული შტატებიდან ათასობით მილის დაშორებით, ისინი წარმოადგენდნენ აშშ-ს ინტერესებს. მათ შორის იყვნენ უილიამ სტიუარდი, უილიამ მასტერსონი, ჯეიმს ჩემბერსი. ვფიქრობ ჩემს კოლეგებზე, რომლებიც იგივე სამუშაოს ასრულებდნენ ამ ქალაქში, ამ ადგილას, ზუსტად ასი წლის წინ. გარდა ამისა, ეს აჩვენებს ბათუმის მნიშვნელობას, რომელიც მდებარეობს გზაჯვარედინზე, არის საერთაშორისო და კოსმოპოლიტური ქალაქი და დღეს იგი კვლავ ასრულებს ამ ფუნქციას ახალი აბრეშუმის გზაზე.

საბჭოთა კავშირის დროს ბათუმში ჩამოსვლა უცხოელისათვის ძალიან რთული, ხოლო ამერიკელისათვის ფაქტიურად შეუძლებელი იყო. მახსენდება სტუდენტობის წლები, როცა მქონდა სურვილი ვსტუმრებოდი ბათუმს, მაგრამ მითხრეს – დაივიწყე. დღევანდელი დღე ჩანს იმ გადმოსახედიდან, როგორც საოცრება.

და კიდევ ერთ მიზეზი, რის გამოც მნიშვნელოვანია ეს დღე, ეს გახლავთ საქართველოსა და აშშ-ს ურთერთობები.  როცა 1886 წელს ბათუმში გაიხსნა საკონსულო და დაექვემდებარა ოდესაში მდებარე საკონსულოს, ეს იყო კიდევ ერთი ასახვა იმისა, რომ აშშ-ში იცოდნენ, რომ საქართველო იყო განსხვავებული დანარჩენი ცარისტული რუსეთისგან.“  – აღნიშნა რიჩარდ ნორლანდმა მემორიალური დაფის გახსნისას.

მემორიალური დაფის დამზადებისა და განთავსების ხარჯები ამერიკის საელჩომ გაიღო.

ბანკები, საჯარო ბიბლიოთეკა, აჭარის მთავრობა, ბათუმის მერია, მუზეუმები, კინოთეატრი – ეს იმ ორგანიზაციების მოკლე ჩამონათვალია, რომელთაც პანდუსი არ გააჩნიათ, შესაბამისად შშმ პირებს აქ შესვლა დამოუკიდებლად არ შეუძლიათ.

„ცვლლებები თანაბარი უფლებებისთვის“ შშმ პირთა ახალგაზრდული ორგანიზაციაა, რომლის მიზანია შეზღული შესაძლებლობის მქონე (შშმ) პირების ღირსების, უფლებებისა და თავისუფლების დაცვა;  შშმ პირთა საკითხებზე მომუშავე ინსტიტუტების გააქტიურება;  საზოგადოებაში შეზღუდულ შესაძლებლობებზე ცნობიერების ამაღლება;  ახალგაზრდა შშმ პირების უფლებებისა და თავისუფლების დაცვისათვის, მათი ნიჭისა და უნარის განვითარებისათვის და საზოგადოებაში ინტეგრაციისათვის ხელის შეწყობა; შშმ პირების ჩართვა კულტურულ პროცესებში და შშმ პირთა განათლების დონის ამაღლების ხელშეწყობა.

25 ივნისი მეზღვაურთა საერთაშორისო დღეა. ამ დღესთან დაკავშირებით ბათუმში საზღვაო აკადემიის კურსანტები აღლუმს გამართავენ. საზღვაო სატრანსპორტოს სააგენტოს ინფორმაციით საქართველოში 18 ათასი მეზღვაურია. 

მეზღვაურთა  დღე საერთაშორისო საზღვაო ორგანიზაციის (IMO) რეზოლუციის შესაბამისად 2011 წლიდან აღინიშნება. 

ოფიციალურ წერილს ხელს აჭარის პროკურატურის საგამოძიებო ნაწილის უფროსი გამომძიებელი გიორგი კვარაკვახიძე აწერს.

ჯაბა ანანიძემ პროკურატურას გამოძიების დაწყების მოთხოვნით მიმართა. ჟურნალისტს მიაჩნია, რომ უმაღლესი საბჭოს დეპუტატმა, მედეა ვასაძემ მისი უფლებები დაარღვია, რადგან ცდილობდა მის დაშინებასა და დაშანტაჟებას.

სწორედ ამიტომ პროკურატურას ჟურნალისტმა გამოძიების დაწყების მოთხოვნით მიმართა, სსკ-ის 154-ე მუხლით გათვალისიწნებული დანაშაულის ჩადენისთვის, რაც ნიშნავს ჟურნალისტისათვის პროფესიულ საქმიანობაში უკანონოდ ხელის შეშლას, ასევე სსკ-ის 157-ე მუხლის გამოძიების მოთხოვნით, რაც პირადი  ან ოჯახური საიდუმლოს ხელყოფას ნიშნავს. ჟურნალისტი ჯაბა ანანიძე ითხოვდა ასევე გამოძიების დაწყებას სსკ-ის 158-ე მუხლით, რაც კერძო კომუნიკაციის საიდუმლოების დარღვევას გულისხმობს და სსკ-ის 159-ე პირადი მიმოწერის, ტელეფონით საუბრის ან სხვაგვარი ხერხით შეტყობინების საიდუმლოების დარღვევას.

იმის გამო, რომ აჭარის პროკურატურამ გამოძიება არ დაიწყო, ამ გადაწყვეტილებას ახალგაზრდა იურისტთა ასოციაციის იურისტები მთავარ პროკურატურაში გაასაჩივრებენ.

საია ჯაბა ანანიძის ინტერესებს იცავს.