Batumelebi | გიორგი ერმაკოვი: ქართველები ვერ შევიცვლებით გიორგი ერმაკოვი: ქართველები ვერ შევიცვლებით – Batumelebi
RU | GE  

გიორგი ერმაკოვი: ქართველები ვერ შევიცვლებით

 

ბათუმის მერობის კანდიდატი „ქართული ოცნებიდან“ გიორგი ერმაკოვი ევროკავშირთან ასოცირების ხელშეკრულების შესახებ სტუდენტებს ესაუბრა და ამ საკითხთან დაკავშირებით მმართველი გუნდის პოზიციაც დააფიქსირა.

 

გიორგი ერმაკოვის თქმით, მათი ოპონენტებისგან განსხვავებით, რომლებიც ევროკავშირთან ინტეგრაციაში დადებით და უარყოფით მხარეებსაც ხედავენ, მმართველი გუნდი ევროინტეგრაციაში მხოლოდ დადებითს ხედავს. მისივე თქმით ევროოინტეგრაცია სარგებელს მოუტანს საქართველოს სხვადასხვა მიმართულებით, იქნება ეს უსაფრთხოება, ეკონომიკა, განათლებისა თუ სამართლებრივი სისტემების განვითარება –  “ამით ხელი შეეწყობა ადამიანების უფლებებისა და თავისუფლებების დაცულობასაც” – განაცხადა მან. 

 

“ჩვენ ვამბობთ, რომ ასოცირების ხელშეკრულება არ ნიშნავს ფუნდამენტალურ ცვლილებებს, ეს არის საქართველოსთვის ერთ–ერთი შანსი ევროინტეგრაციის, რომლისკენაც ჩვენ საუკუნეების წინაც  მივილტვოდით.  ეს არ ნიშნავს, რომ იგი ჩვენს თვითმყოფადობაზე, ჩვენს ეროვნულობაზე რამე ზემოქმედებას მოახდენს. ქართველები ვერ შევიცვლებით, მიუხედავად იმისა, რომ ევროკავშირთან ინტეგრაცია ბევრ მნიშვნელოვან ცვლილებას გვპირდება” – განაცხადა გიორგი ერმაკოვმა სტუდენტებთან შეხვედრისას. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"