Batumelebi | გაუქმებულ საარჩევნო უბნებზე განმეორებითი არჩევნები დღეს ტარდება გაუქმებულ საარჩევნო უბნებზე განმეორებითი არჩევნები დღეს ტარდება – Batumelebi
RU | GE  

გაუქმებულ საარჩევნო უბნებზე განმეორებითი არჩევნები დღეს ტარდება

 

დღეს განმეორებითი არჩევნები ტარდება იმ უბნებზე, სადაც არჩევნების პირველი ტური დარღვევებით ჩატარდა. აჭარაში ორი ასეთი უბანია – ქობულეთის #34 საარჩევნო უბანი და #103 საარჩევნო უბანი ბათუმში.

ბათუმში #103 საარჩევნო უბანში დღეს არჩევნები ხელმეორედ ტარდება, რადგან პირველ ტურში ამ უბანზე შედეგები ვერ დაჯამდა. უბანზე საიას დამკვირვებლის ინფორმაციით 12 საათის მონაცემებით 1547 ამომრჩევლიდან, ხმა 155–მა ადამიანმა მისცა.

განმეორებით არჩევნები ტარდება ქობლეთშიც #34 უბანზე, სადაც მნიშვნელოვანი დარღვევების გამო არჩევნების შედეგები გააუქმეს. საიას დამკვირვებლის თქმით, სადემონსტრაციო ოქმის მიხედვით 1138 ამომრჩევლიდან, აქამდე ხმა 169 ადამიანმა მისცა.

საიას ინფორმაციით, ამ დროისთვის უბნებზე არანაერი დარღვევა არ ფიქსირდება.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"