Batumelebi

 

ბაგრატ მანველიძე ასლან აბაშიძის მმართველობის დროს ეროვნული ბანკის ფილიალს ხელმძღვანელობდა აჭარაში. 

 

 ზურაბ ბერიძე წინა ხელისუფლების დროს საქართველოს ფინანსთა სამინისტროს შემოსავლების სამსახურის ბათუმის რეგიონული ცენტრის უფროსი იყო. 2008 წელს იგი დააკავეს და ბრალი სისხლის სამართლის კოდექსის 332-ე მუხლის პირველი ნაწილით წაუყენეს- აღნიშნული მუხლი გულისხმობს სამსახურებრივი უფლების ბოროტად გამოყენებას თავისთვის ან სხვისთვის და ითვალისწინებს სამ წლამდე პატიმრობას, ან ჯარიმას, ან კიდევ თანამდებობის დაკავებისა თუ საქმიანობითი უფლების ჩამორთმევას სამი წლის ვადით.  

 

ზურაბ ბერიძე ზურაბ ნოღაიდელის კადრი იყო. 

 

 

 

 ალექსანდრე მითაიშვილი: „მოსკოვში მაქვს დამთავრებული პლეხანოვის სახელობის სახალხო მეურნეობის ინსტიტუტი, ვმუშაობდი საქართველოს საზღვაო სანაოსნოში, მივლინებული გახდით ასევე ლონდონში სანაოსნოს წარმომადგენლად. ვმუშაობდი საქართველოს ეკონომიკის სამინისტროში 2001-2004 წლებში. ეკონომიკის სამინისტროსთან არსებული სახელმწიფო ინსპექციაში ჯერ მოადგილე, შემდეგ კი ხელმძღვანელი ვიყავი. 2004 წლიდან ვარ კერძო ბიზნესნში. უფრო კონკრეტულად კი სანავთობო და სამშენებლო ბიზნესში“.

 

რაც შეეხება ბაგრატ მანველიძეს, მას ჟურნალისტებთან კომენტარი არ გაუკეთებია. თითქმის ერთსაათიანი ლოდინის შემდეგ, მერის – გიორგი ერმაკოვის მისაღებში შეკრებილი მერის მოადგილეებისგან ჟურნალსტებმა ვერ მიიღეს ინფორმაცია, მათი ავტობიოგრაფიული მონაცემები.

 

კონკრეტულად რომელი მოადგილე რომელ სფეროს უხელძღვანელებს, ჯერჯერობით, უცნობია. დღესვე გიორგი ერმაკოვმა დაასახელა 12 სამსახურის ხელმძღვანელი, ზოგიერთი მათგანი დროებით შეასრულებს მოვალეობას.

 

ერმაკოვის განმარტებით, პარალელურ რეჟიმში გაგრძელდება ბათუმის მერიაში რეორგანიზაცია, თუმცა, მისივე თქმით, პროფესიონალი კადრები შესაძლოა დაწინაუროს კიდეც.

ბათუმის არჩეული მერი გიორგი ერმაკოვი უფლებამოსილების შესრულებას გუშინ, 4 აგვისტოს შეუდგა. პირველივე სამუშაო დღეს მან განაცხადა, რომ მერიაში საკადრო ცვლილებები გეგმება. ახალი კოდექსის მიხედვით არჩეული მერი თვითმმართველობის უმაღლესი საჯარო მოხელეა და მას გაზრდილი უფლებები ექნება.  შეცვლილია ქალაქის მთავარი საფინანსო დოკუმენტის დამტკიცების წესიც.

 

 

 

აჭარის მთავრობის თავმჯდომარემ არჩილ ხაბაძემ, ახლადარჩეულმა გამგებელმა სულხან ევგენიძემ და აჭარის საგზაო დეპარტამენტის ხელმძღვანელმა კახა შაშიკაძემ დღეს სოფელ აჭის შიდა სასოფლო გზის კეთილმოწყობის სამუშაოები მოინახულეს. 

 

მოვინახულეთ კილომეტრნახევრიანი გზის მონაკვეთი, რომელზეც 30 წლის განმავლობაში ტრაქტორსაც არ გაუვლია, ახლა კი 5 სანტიმეტრი სისქის ასფალტი დავაგეთ. მოსახლეობის მოთხოვნაა შიდა გზების კეთილმოწყობა და ამასაც აუცილებლად გავაკეთებთ. ასევე არის ქობულეთში სოფლები, სადაც ამ დრომდე გაზიფიცირება არ მომხდარა. უკვე მომავალ წელს დასრულდება რაიონის სრული გაზიფიცირება“-განაცხადა არჩილ ხაბაძემ აჭის მოსახლეობასთან შეხვედრისას. 

 

ერთფენიანი ასფალტი 1400 მეტრ სიგრძეზე დაიგო. სამუშაოები ტენდერში გამარჯვებულმა შპს „ბონდი–2009“-მ აწარმოა. პროექტის საერთო ღირებულება   220 000 ლარს შეადგენს.

დღესვე არჩილ ხაბაძე და გზების დეპარტამენტის ხელმძღვანელი კახა შაშიკაძე ქობულეთში, რკინიგზის გადასასვლელი – კვირიკე–ჰესის ხიდის ექსპლუატაციაში გაშვებას დაესწრნენ.  ხიდი  ზამთრის უამინდობის დროს სტიქიის შედეგად დაზიანდა და ჩავარდა, ამიტომ საჭირო გახდა ახალის გაკეთება.

 

ახალი ხიდი 12 მეტრი სიგრძისაა, ხოლო სიგანე 8 მეტრია, რომლის  6 მეტრი ტრანსპორტის სავალი ნაწილია. პროექტის საერთო ღირებულება 210 000 ლარია. ხიდი ემსახურება რამდენიმე სოფლის მოსახლეობას და აკავშირებს მათ ბათუმი–ქობულეთის ცენტრალურ გზასთან.

 

        „ეს ჩემი პირველი სამუშაო დღეა. მაგრამ გარწმუნებთ, რომ ყოველ კვირას იქნება შეხვედრები ადგილობრივებთან. ძალიან ბევრი პროექტია, საქმე გაკეთდება და როგორც დავპირდი მოსახლეობას ეტაპობრივად, ყველა კვირაში მოხდება ამ საქმეების ჩაბარება მოსახლეობაზე . ამ ხიდით 4 სოფელი სარგებლობს. ასევე აქ არის 2 პავიოლიონი და ქარხანა, რომელთან მისასვლელი გზა სწორედ ამ ხიდზე გადის. ძალიან დაეხმარება გადამზიდავ ტრანსპორტს ციტრუსის სეზონზე ნორმალურ გადაადგილებაში.“ – განაცხადა ქობულეთის ახლადარჩეულმა გამგებელმა სულხან ევგენიძემ.

 

 

 
ქალბატონო ლილი, აგვისტოს ომიდან 6 წელი გავიდა. წლების შემდეგ როგორ აფასებთ დღეს ამ ომს?

რაც დრო გადის, უფრო მეტად მენატრება შვილი, მეტი გულისტკენაა. ამას ომი არ ერქვა, ეს შეცდომა იყო.

 როდის გაიგეთ რაულის დაღუპვის ამბავი?

  მოულოდნელი იყო ჯერ ის, რომ საქართველოში ომი დაიწყო. რვა აგვისტოს ტელევიზიით გადიოდა, რომ თითქოს საქართველომ გაიმარჯვა. მე მიკვირდა და არ ვიცოდი რა ხდებოდა, რადგან რაულს არაფერი უთქვამს ჩვენთვის ომის შესახებ. მაზლიშვილი მოვიდა და მითხრა ლილი ბიცოლა, თუ იცი, რაული რომ წინა ხაზზეაო… არაფერი ვიცოდი, ვუყურებდი ტელევიზორს და დაბნეული ვიყავი.
8 აგვისტოს, ათ საათზე, თეონა (რაულის ცოლი) ტელეფონით რომ დაელაპარაკა, ჰკითხა, დღეს თუ მოდიხარო. რაულს პარასკევ საღამოს ბათუმში ჩამოსვლა ჰქონდა დაგეგმილი. დღეს ვერ მოვდივარ, სიტუაცია დაძაბულიაო – უთხრა თეონას. ვიფიქრე, დაძაბულ ვარჯიშს გულისხმობდა. მერე გაითიშა ტელეფონი და მას მერე ვეღარც დავუკავშირდით. ვერც მის მეგობრებს დავუკავშირდით. გულში როგორ გავივლებდი, რომ შვილი აღარ მყავდა.

მოგვიანებით გავიგეთ, რომ სწორედ რვა აგვისტოს დაღუპულა. სამეზობლოში ვიყავი გადასული, მინდოდა ვიღაცას რამე წამოსცდენოდა და სიმართლე ეთქვათ. მოგვიანებით იმაზე დაიწყეს საუბარი, რომ რაული დაჭრილი იყო.
ჩემი მეუღლე თხილს კრეფდა. მაზლი ჩავიდა და უთხრა, ასლან, მე მგონი რაულს ფეხი აქვს მოწყვეტილი და ბიჭები მის ჩამოსაყვანად არიან წასულიო. გააფრთხილეს, რომ ჩემთან არაფერი ეთქვათ. მე კი ვხვდებოდი უკვე, რომ რაულის დაღუპვას მიმალავდნენ.
11 აგვისტოს, გამთენიის ექვსი საათი იყო, როცა რაული სახლში მომისვენეს. ჩუმად ვიყავი, რადგან იმის დარდი მქონდა, თეონა სამი თვის ფეხმძიმედ იყო და ნერვიულობისგან მუცელი არ მოშლოდა. მახსოვს, რაულის წინასწარ როგორ უხაროდა შვილის გაჩენა. იგი ცხინვალში დაიღუპა, ასე ამბობენ, რვა დაჭრილი მეომარი გადაარჩინა, მეცხრეს უნდა მიშველებოდა, როცა ბომბს ემსხვერპლა.
წელიწადნახევრის მერე რაულის დაღუპვაზე დარდით ასლანი, ჩემი მეუღლეც გარდაიცვალა. ღამეებს სასაფლაოზე ათენებდა, დილით რომ წავიდოდა, საღამოს მიმწუხრზე დაბრუნდებოდა. მე რაც გადავიტანე, ღმერთმა ის სიზმარშიც არავის ანახოს.

 ქალბატონო ლილი, რატომ აირჩია რაულიმ ჯარისკაცობა და რამდენად მზად იყავით მისი არჩევანისთვის?

 

იარაღის მეშინია. მე არ მსურდა, რომ ჯარისკაცი ყოფილიყო. დედიკო აქ, სოფელში რა გავაკეთოო, სულ ამას იძახდა, აქ რომ მოვკვდე, ერთ კვირას გემახსოვრებით და მერე ყველა დამივიწყებთ, სახელმწიფო სამსახურში კი კაცი რომ კვდება, იმას არ ივიწყებენო. კრწანისის სამხედრო ბაზაზე იყო, სანამ თბილისში ვაზიანის სამხედრო ბაზაზე გადავიდოდა. პირველად ფორმით რომ დაბრუნდა, ასე თქვა, დედიკო ეს ფორმა თუ იცი რას ნიშნავსო?! კაცი რომ სახელმწიფო ფორმას ჩაიცვამ, ის უკვე ოჯახს და დედას არ ეკუთვნისო. ეს შენც უნდა იცოდე, მეც უნდა ვიცოდე და ყველა იმ ოჯახმა, ვის შვილსაც სამხედრო ფორმა აცვიაო.

 

მისი სამხედრო საქმიანობა სავალდებულო სამხედრო სწავლებიდან დაიწყო ბათუმში, სადაც ორი წელი იმყოფებოდა. ამის მერე შეუყვარდა სამხედრო სამსახური. ოჯახს არ გვსურდა, რომ წასულიყო, ფულიც არ მივეცით. სამხედრო სავალდებულო სწავლების შემდეგ ფოთში საზღვაო აკადემია დაამთავრა, მაგრამ მაინც სამხედრო სამსახური აირჩია. ამბობდა, საქართველოს გაერთიანებამდე ვიქნები სამხედრო სამსახურშიო.

 

ოთხი ბიჭი მყავს. რაული მესამე შვილი იყო. სულ უმცროსი, გოგიტაც, სამხედრო პირი გახდა. ორი კვირის გასვენებული იყო რაული, რომ თბილისში გამეპარა, წასვლამდე კი თქვა, ვაზიანში უნდა ჩავიდე და უნდა ვცადო, იქნებ რაულის ადგილას მიმიღონო, მაგრამ ოფიცერმა და რაულის ძველმა მეგობრებმა არ მიიღეს, ერთ ოჯახში ერთი მსხვერპლი საკმარისიაო – უთხრეს. გოგიტას რაულის გარდაცვალებამდე არც უფიქრია სამხედრო დანაყოფში წასვლა. როცა აიჩემა, რაულის ადგილას უნდა წავიდეო, ვერც კი ვუთხარი და ვერც –  არა. ჩემს ასაკს თავი რომ დავანებოთ, 64 წლისა ვარ, იარაღს დავიკავებდი და საქართველოს გვერდში დავდგებოდი. როცა საქართველოს დახმარება სჭირდება, ყველა უნდა დადგეს მის გვერდით.

 

  რა მიზნები ჰქონდა რაულს?

 8 ივლისს 35 წელი შეუსრულდა იმ წელს და ოთხი წელი სრულდებოდა, რაც ვაზიანში იმყოფებოდა. რვაწლიან კონტრაქტზე აპირებდა ხელის მოწერას მეორეჯერ, ერაყში წასასვლელად. პირველად შვიდი თვით წავიდა და 2007 წლის 12 აპრილს დაბრუნდა. 2008 წლის ოქტომბერში წავიდოდა კიდევ, ეს ომი რომ არ მომხდარიყო.

 სახელმწიფო თუ გეხმარებათ?

 

 აფხაზეთის ომში რომ დაიღუპნენ და იმათი ხსენება არაა, იმათთან შედარებით ჩვენ ხშირად გვიხსენებენ. ომის წლის თავზე, დედის დღეზე… თბილისში ოთახნახევრიანი ბინა გადასცეს რაულის შვილს, ნინოს. ასე გადასცეს ყველა დაღუპული მეომრის ოჯახს. გაყიდვაც შეიძლება და გაჩუქებაც, რადგან ამჟამად არ ვსარგებლობთ ბინით, მაგრამ ის ნინოს საკუთრებაა და როცა გაიზრდება, თვითონ გადაწყვეტს.

 რას ფიქრობთ დღეს, ნანობთ რომ რაული ჯარისკაცი იყო?

 

 ვნანობ, რომ დაიღუპა. იმას არ ვნანობ, ქვეყნის სახელისთვის რომ იბრძოდა. პატარა ბავშვსაც რომ ჰკითხოთ რაულის ვინაობა, ის გეტყვით ვინ იყო. მე ამით ვამაყობ. ვამაყობ იმით, რომ ქართველი გმირის სახელი დატოვა. დედის გული კი არ მორჩება. როცა ვიცინი, სისხლის წვეთები გულზე მეცემა. ცოცხალი ადამიანი ასე ყოფილა, დაულაპარაკებელი, გაუცინებელი ვერ დარჩება.

 

 

 

“ვიცი, რომ გაწუხებთ ჰესების მშენებლობის საკითხი, მაგრამ დამერწმუნეთ, ჩვენ ყველა დეტალს შევისწავლით, ყველაფერს კარგად გავაანალიზებთ, ისე, რომ არც ერთ ოჯახს არ მიადგეს ზიანი. გპირდებით, ყველა ოჯახი მიიღებს კომპენსაციას, რომლის ნაკვეთებიც ჰესების გამო იქნება ათვისებული” – თქვა მან.

 

პრემიერის თქმით მათი მთავრობის ერთ-ერთი უპირველესი საზრუნავი სწორედ საქართველოს მთიანი რეგიონია – „ჩვენ ვფიქრობთ, რომ ამ შემოდგომას მივიღებთ მთის კანონს, ვინაიდან ეს არის მართლაც გადაუდებელი საქმე მთის და მთელი ქვეყნის გაძლიერებისთვის. ჩვენ ვართ ვალდებული, რომ ცხოვრება შეგიმსუბუქოთ ყველას, განსაკუთრებით მათ, ვინც მთაში ცხოვრობთ“ – თქვა ირაკლი ღარიბაშვილმა.

 

გარდა ამისა პრემიერი მოსახლეობას დაჰპირდა, რომ მთიანი აჭარის არც ერთ სოფელს მისასვლელი გზის პრობლემა აღარ ექნება. “ჩვენ ვმუშაობთ იმაზე, რომ ყველა ოჯახს მიეწოდებოდეს ელექტრო ენერგია და უშუქოდ არ დარჩეს არც ერთი სოფელი”.

 

შუამთობაზე პრემიერმა ახალი კურორტის „გოდერძის“ შესახებაც ისაუბრა და თქვა, რომ ზამთრის სეზონზე გაიხსნება ახალი კურორტი, სადაც რეგიონში ყველაზე გრძელი სათხილამურო ტრასა იქნება.

 

 

შუამთობაზე კულტურული და სპორტული სახის ღონისძიებები გაიმართა, რომლებშიც შუახევის კულტურის ცენტრთან არსებული ქორეოგრაფიული და ვოკალური ანსამბლები მონაწილეობდა.

უჩამბის, ზამლეთის, ოლადაურის, გოგინიაურის, შუბნის, ჭვანის, ბარათაულის და წყალსაყრის შემოქმედებითი და მხატვრული კოლექტივები სადღსასწაულო-საკონცერტო პროგრამით წარსდგნენ დანარჩენი 14 მთის მოიალაღეების და მოწვეული სტუმრების წინაშე.

სპორტული სანახაობა „მარულა“ მოაწყეს ხულოელმა და შუახეველმა ცხენოსანმა მხედრებმა.

 

 შუამთობის ზეიმს უცხოელ ტურისტებთან ერთად, აჭარის მთავრობის თავმჯდომარე არჩილ ხაბაძე, აჭარის 5 მუნიციპალიტეტის არჩეული გამგებლები, უმაღლესი საბჭოს წევრები და ადგილობრივი მთავრობის სხვა წარმომადგენლები ესწრებოდნენ. 

გემთსამოდელო წრე ბათუმში, მოსწავლე ახალგაზრდობის სასახლეში 70 წელზე მეტია არსებობს. წრის ხელმძღვანელი, ზურაბ ქარცივაძე ამბობს, რომ საბჭოთა პერიოდში ბევრი საბავშვო დაწესებულება არსებობდა, სადაც სხვადასხვა ტექნიკური წრე ფუნქციონირებდა, შემდეგ ეს წრეები გაერთიანდა და უკვე 12 წელია ყველა მათგანი მოსწავლე ახალგაზრდობის სასახლეშია განთავსებული.

გემთსამოდელო წრეში სკოლის ასაკის დაახლოებით 30 ბიჭი დადის და იმის გამო, რომ ამ წრეს საქართველოში ანალოგი არ აქვს, მათ არც მეტოქე გუნდი ჰყავთ და მხოლოდ ერთმანეთს ეჯიბრებიან. ამბობენ, რომ ჰქონდათ მცდელობა ფოთში გაეხსნათ ანალოგიური წრე, იახტების ნახაზებიც კი გააგზავნეს საამისოდ, თუმცა იქედან პასუხი აღარ მიუღიათ: “თბილისსა და ქუთაისში მხოლოდ ავიატორების წრეები ფუნქციონირებს, გემების დამზადება კი ცოტა სხვა რამაა, ალბათ ზღვასთან სიახოლოვეს მოითხოვს”, – ამბობს ზურაბი.

გემთსამოდელო წრეში ორ წლის მანძილზე ბიჭები ხის დამუშავებას, დეტალების გამოჩარხვას, შეწებებას, ელექტრობის მარტივ წესებს, ნახაზების შექმნასა და მათ წაკითხვას სწავლობენ. მათ მიერ გაკეთებული ყველა გემი, რომელიც სასტენდო ანუ დასათვალიერებელი არ არის, მოქმედია და ერთ ჯერზე, წყალში რამდენიმე ათეული მეტრის გავლა შეუძლია. 13 წლის სურენ ჩილიჯიანი ამბობს, რომ ინტერესი ტექნიკური წრეებისადმი ბაბუასგან გაუჩნდა, რომელიც საბჭოთა კავშირის ჩემპიონი იყო ავტოსამოდელო განხრით: `ექვსი წელია თვითმფრინავებს ვაკეთებ, ახლა რამდენიმე თვეა გემთსამოდელო წრეშიც დავიწყე სიარული”.

12 წლის ალექსანდრე ცეცხლაძე ერთი წელია, რაც გემთსამოდელო წრის წევრია. წრის შესახებ ზურა მასწავლებლისგან გაიგო, რომელიც მათ სკოლაში ასევე გეოგრაფიას ასწავლიდა. “ძალიან მიხარია ამ საქმის კეთება, როცა გარეთ გემით გავდივარ, ყველა ყურადღებას მაქცევს, ყველას ძალიან მოსწონს და ეს ძალიან სასიამოვნოა. რაც შეიძლება მეტ ხანს მინდა გემების კეთება, მერე კი მეზღვაური გავხდები”, – ამბობს ის.

11 წლის გიორგი გედევანიძეს უკვე ხუთი გემი აქვს გაკეთებული: “ჩემი გემებიდან ყველაზე მეტად ჯავშნიანი კატარღა მომწონს, ამერიკული, სამხედრო გემია. გემები სულ მაინტერესებდა, მამაჩემსაც ჰყავს გემი, ბუქსირი, რომელსაც ძალიან დიდი ძალა აქვს. დიდ ლაინერებს პატარა ადგილის გამო უჭირთ ჩვენთან შემობრუნება და ამაში მათ ბუქსირი ეხმარება”, – ამბობს გიორგი.

ბიჭები ამბობენ, რომ ყველაზე სასიამოვნო მათ საქმიანობაში ბოლო ეტაპია – მომენტი, როცა გემი ზღვაში ჩადის. “ყველაზე რთული დასაწყისია, როცა ხიდან ტეხ ფორმას, მაგრამ ბოლოს, როცა გემს წყალში ჩაუშვებ და მიდის, ყველაზე დიდი სიხარულია”, – ამბობს სურენი.

გემების ნახაზებს ინტერნეტში ან ჟურნალ “არსენალში” პოულობენ, მაგრამ ბიჭების თქმით, არის გემები, რომელთა ნახაზებიც გასაიდუმლოებულია, ასეთ გემებს ზოგიერთი მათგანი ორიგინალიდან თავისი ხელით იხაზავს.

მას შემდეგ, რაც გემების აწყობა სრულდება, საჭირო ხდება მათი შემოწმება, რისთვისაც გასაშვები ანუ საწვრთნელი აუზია საჭირო. იმის გამო, რომ აუზის გაკეთება დამატებით ფართობთან და ხარჯებთან არის დაკავშირებული, ბიჭები გემებს “მორვაგზალში”, ჭაჭის თაუერის ერთ-ერთ, შედარებით სუფთა აუზში ტესტავენ ან პირდაპირ ზღვაში უშვებენ.

შეჯიბრებებს ნურიგელის ტბაზე აწყობენ, რომელიც ბოლო დროს ხავსით იფარება, რაც გემების სვლას უშლის ხელს. “ხავსი ფრანს შემოეხვევა ხოლმე და გემი შუა ტბაში ჩერდება, ჩვენ კიდევ შუა ტბიდან გემის ამოსაღებად ნავით ჩასვლა გვიწევს და ეს ძალიან გვაფერხებს”, – ამბობს წრის ხელმძღვანელი.

სულ მალე ბიჭები რადიომართვადი გემების დამზადებას აპირებენ, რისთვისაც წელს ჩინეთიდან ელოდებიან საჭირო დეტალებს. ზურაბ ქარცივაძე ამბობს, რომ რადიომართვად გემს მეტი ფუნქცია აქვს, მიმართულებების შეცვლის გარდა მას შეუძლია სხვა მოძრავი ელემენტები გაააქტიუროს, მაგალითად, იარაღის შემობრუნება, გემზე მოთავსებული ვერტმფრენის წამოწევა და ასე შემდეგ. ამიტომაც სულ მალე ბიჭების შრომა ბევრად უფრო საინტერესო და სანახაობრივი იქნება.

გემთსამოდელო წრე უფასოა. ამ წრეში გაერთიანება სკოლის ასაკის ნებისმიერ ბავშვს, მათ შორის გოგონებსაც, შეუძლია.

 

 

 

იმავე დღეს, 19.00 საათზე სასტუმროში „შერატონში“ გაიმართება პრესკონფერენცია, მოგვიანებით კი სასტუმროში “ინტურისტში” საქველმოქმედო ვახშამი მოეწყობა, საიდანაც შესული თანხა „დიმიტრი ცინცაძის სახელობის ფონდის” ანგარიშზე ჩაირიცხება.

 

ფონდის ხელმძღვანელის კახა ჯანაშვილის თქმით, მურატ ილდიმირი მონაწილეობას მიიღებს რეჟისორი გიორგი ოვაშვილის კლიპში, რომელშიც ფონდის მიერ მოგროვებული ფულით განკურნებული ბავშვებიც მიიღებენ მონაწილეობას.

 

თანხის დონაციასთან დაკავშირებით შეგიძიათ დაუკავშირდეთ ფონდის წამრმომადგენლებს შემდეგ ნომრებზე: 577 055 183; 577 171 791

 

 

მიმდინარე წელს, სამინისტრო 17 პროგრამას ახორციელებს, ამათგან ჯანმრთელობის დაცვის 7 და სოციალური დაცვის 3 ახალი პროგრამაა.

 

პროგრამების საერთო ბიუჯეტი 5 960 200 ლარს შეადგენს. 

გასული 6 თვის განმავლობაში, პროგრამების ფარგლებში ვაუჩერი 5 799 პაციენტზე გაიცა. ჯანმრთელობის დაცვის მიმართულებით სამედიცინო მომსახურეობა 5 127 პაციენტს დაუფინანსდა, სოციალური დაცვის პროგრამებით კი 672 პაციენტმა ისარგებლა. 

საანგარიშო პერიოდში ყველაზე მაღალი მიმართვიანობა სქოლიოზით დაავადებულ ბავშვთა რეაბილიტაციის პროგრამაზე დაფიქსირდა, რეაბილიტაციის კურსი 2 105 ბენეფიციარს დაუფინანსდა. ამბულატორიული მაღალტექნოლოგიური დიაგნოსტიკური კველევის ფარგლებში მომსახურება გაეწია 1 210 პაციენტს. მოსახლეობის ინდივიდუალური სამედიცინო დახმარების პროგრამით ისარგებლა 1 024 მოქალაქემ.

სხვადასხვა პროგრამების ფარგლებში, სავარძელ–ეტლი მიიღო 143 შშმ პირმა, 302 მოქალაქეს გადაეცა სმენის აპარატი, 6 მარტოხელა დედას 8 ბავშვთან ერთად მიეცა სადღეღამისო თავშესაფარი, 100 წელს გადაცილებულ 49 მოქალაქეს გადაეცა 1 000 – 1 000 ლარი, ახალშობილი ტყუპის 33-მა ოჯახმა მიიღო 36 ათასი ლარი, 217 პაციენტს დაუფინანსდა კარდიო ქირურგიული ოპერაცია, ცერებრული დამბლით დაავდებულ 349 ბავშვს დაუფინასდა რეაბილიტაციის 524 კურსი, 47 პაციენტს დაუფინანსდა სახსრების ენდოპროთეზირება. 

 

 

 

გამოძიების ვერსიით, გოგონამ სოციალურ ქსელში შექმნა ონლაინშოპინგის გვერდი, რომლის მეშვეობითაც მომხმარებელს სთავაზობდა სხვადასხვა ფირმის ტანსაცმლისა და აქსესუარების გამოწერას. საერთო ჯამში დაკავებულს მითვისებული აქვს 80 ათასი ლარი. საქმეში 50-ზე მეტი დაზარალებულია.
თაღლითობა ანუ სხვისი ნივთის დაუფლება ან ქონებრივი უფლების მიღება მოტყუებით ისჯება ჯარიმით ან საზოგადოებისთვის სასარგებლო შრომით ვადით ას სამოცდაათიდან ორას საათამდე, ან გამასწორებელი სამუშაოთი, ვადით ორ წლამდე, ან თავისუფლების აღკვეთით ვადით ორიდან ოთხ წლამდე.

 

მოსახლეობის საყოველთაო აღწერისთვის, რომელიც 2014 წლის 5 ნოემბრიდან 19 ნოემბრის ჩათვლით ჩატარდება, საქართველოს მასშტაბით დაახლოებით 12 000 ადამიანი შეირჩევა, მათგან 10 000 უშუალოდ ინტერვიუერის პოზიციაზე დასაქმდება და მოსახლეობას სპეციალური კითხვარების მეშვეობით ინდივიდუალურად გამოკითხავს.

საყოველთაო აღწერაში მონაწილეობას მიიღებენ სტუდენტებიც. სტუდენტების შერჩევაში ყველა სახელმწიფო უნივერსიტეტი იყო ჩართული.

ბათუმის სახელმწიფო უნივერსიტეტის, სტუდენტთა მომსახურებისა და მხარდაჭერის სამსახურის უფროსის რევაზ ოკუჯავას თქმით, პროგრამისთვის აქტიური და მაღალი შეფასების მქონე სტუდენტები შეირჩა, შერჩევისას გაითვალისწინეს დეკანატებისა და თვითმმართველობის მიერ შემოთავაზებული კანდიდატურებიც.

„ადგილები დავყავით ფაკულტეტებზე, დავანაწილეთ I, II,III და IV კურსელებზე. მაქსიმალურად შევეცადეთ ყველა კატეგორიის სტუდენტი მოხვედრილიყო სიაში“ – ამბობს რევაზ ოკუჯავა.

კითხვაზე თუ რამდენად ინფორმირებული იყო სტუდენტები, ამ პროცესების შესახებ რევაზ ოკუჯავა ამბობს, რომ რადგან სასწავლო პროცესი დასრულებული იყო, სტუდენტებს შეძლებისდაგვარად მიაწვდინეს ხმა.

 

ბსუ-ს მიერ შერჩეული სტუდენტების სია განათლების სამინისტროს 30 ივლისს გადაეცა, სტუდენტები შერჩევის პროცესი კი ერთ კვირას გრძელდებოდა.

რევაზ ოკუჯავას ამბობს, რომ შერჩეული ბავშვებიდან შესაძლოა ყველა არ დაასაქმონ – „სიის გადაცემა მხოლოდ პირველი ეტაპია, სტუდენტები კიდევ გასაუბრებაზე და სპეციალური გადამზადების კურსებზე უნდა გავიდნენ“ – ამბობს ის.

 რევაზ ოკუჯავას თქმით სტუდენტებს, რომლებიც უნივერსიტეტის მიერ შერჩეულ სიაში ვერ მოხვდნენ, საშუალება ექნებათ www.hr.gov.ge -ზე გაიარონ რეგისტრაცია, სადაც აღმწერის ვაკანტურ პოზიციაზე განცხადების მიღება 15 აგვისტოს ჩათვლით იწარმოებს.

ინტერვიუერის ანაზღაურება 400–500 ლარი იქნება, თითოეულ მათგანს აღწერის ფარგლებში დღის განმავლობაში საშუალოდ 8 ოჯახის გამოკითხვა მოუწევს.

 

 

 ბათუმში გამართული შეხვედრის მიზანი იყო ბიოლოგიურ სფეროში სახელმწიფოს ქბრბ შესაძლებლობების გაძლიერების ხელშეწყობა და ქბრბ საფრთხეების შემცირების ეროვნული სტრატეგიის სამოქმედო გეგმის შემუშავება, სადაც აღნიშნულ სფეროში აუცილებელი ყველა ღონისძიება გაიწერება.

 

შეხვედრაზე მხარეებმა განიხილეს ქბრბ საფრთხეების შემცირების ეროვნული სტრატეგიის სამოქმედო გეგმის ბიოლოგიური ნაწილი, DTRA-ს მიერ საქართველოში ბიოუსაფრთხოების სფეროში შემუშავებული დოკუმენტები და ქართულ მხარესთან აღნიშნული ორგანიზაციის სამომავლო თანამშრომლობის პერსპექტივები.

 

შეხვედრა საქართველოს შინაგან საქმეთა მინისტრის მოადგილემ, ქიმიური, ბიოლოგიური, რადიაციული და ბირთვული (ქბრბ) საფრთხეების წინააღმდეგ ბრძოლის უწყებათშორისი საკოორდინაციო საბჭოს თავმჯდომარე ლევან იზორიამ გახსნა. მონაწილეებს მისასალმებელი სიტყვით მიმართეს აშშ-ის თავდაცვის საფრთხის შემცირების სააგენტოს (DTRA) წარმომადგენლებმაც.

 

 

სემინარი კერძო და საჯარო ორგანიზაციების უმაღლესი რანგის მენეჯერებისთვის არის განკუთვნილია, იგი ქართული ორგანიზაციების სტრუქტურებში გავრცელებულ ხარვეზებს და მათ შედეგებს ეხება.

სემინარზე განიხილება რეალური ორგანიზაციების სტრუქტურები  და განსაკუთრებული ყურადღება გამახვილდება იმ შეცდომებზე, რომლებიც ორგანიზაციებს შესაძლებლობას აკარგვინებს უკეთ გამოიყენონ თანამშრომლების ლიდერული პოტენციალი, გააუმჯობესონ საქმიანობის შედეგები და შეამცირონ დანახარჯები. გარდა ამისა, სემინარზე მოხდება იმ მთავარი წესების გაცნობა, რომელთა დარღვევა ორგანიზაციაში სისტემურ პრობლემებს იწვევს და რომელთა ცოდნაც აუცილებელია სტრუქტურის ფორმირებისას ან ცვლილებისას.

სემინარზე დამსწრე მენეჯერებს საშუალება ექნებათ დასვან შეკითხვები და უფრო დეტალური ინფორმაცია მიიღონ ორგანიზაციების სტრუქტურებში არსებულ პრობლემებზე და მათი გადაჭრის გზებზე.

სემინარს საკონსულტაციო კომპანია სინერჯის ჯგუფის ხელმძღვანელი პაპუნა ტოლიაშვილი გაუძღვება.

სინერჯი ჯგუფს მართვის სისტემებზე მუშაობის 15 წლიანი გამოცდილება აქვს.  ბოლო ორი წლის განმავლობაში მას 50-ზე მეტ ორგანიზაციაში აქვს სტრუქტურული ცვლილებების პროექტი განხორციელებული.

 

 

 

ალექს ფერგიუსონი – “ჩემი ავტობიოგრაფია”;

 

ზლატან იბრაჰიმოვიჩი – “მე – ზლატანი”;

 

რაფაელ ნადალი – “ჩემი ამბავი”;

 

ანა პოლიტკოვსკაია – “პუტინის რუსეთი”;

 

ბობ დილანი – “ქრონიკები”;

დასწრება თავისუფალია. 

მისამართი მემედ აბაშიძის ქ. 60

მეტი ინფორმაციისთვის გადადით ბმულზე.

 

საცხოვრებელი ფართები სოფელ ბუთურაულში მცხოვრებ თ. მამულაძის, ო. მამულაძის, ნ. მამულაძის, ზ. მამულაძის და გ. დიასამიძის ოჯახებს გადაეცემათ.

ეკომიგრანტ ოჯახებს ბინები კენჭისყრის შედეგად გადაუნაწილდებათ. პროცედურა შუახევის მუნიციპალიტეტის გამგეობის შენობაში ჩატარდება და მას აჭარის ჯანდაცვის სამინისტროს, აჭარის ფინანსთა და ეკონომიკის სამინისტროს და შუახევის მუნიციპალიტეტის გამგეობის წარმომადგენლები დაესწრებიან.

სტიქიით დაზარალებული ოჯახებისთვის ბინის გადაცემის საკითხზე გადაწყვეტილება აჭარის ა.რ – ის მთავრობის თავმჯდომარემ, აჭარის ა.რ. – ში სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის რეკომენდაციით მიიღო.

2012 წლიდან დღემდე საცხოვრებელი ფართით აჭარაში სტიქიის შედეგად დაზარალებული 179 ოჯახი დაკმაყოფილდა.