Batumelebi | სოფლის მეურნეობის სამინისტრო პროგრამების ანგარიშს წარმოადგენს სოფლის მეურნეობის სამინისტრო პროგრამების ანგარიშს წარმოადგენს – Batumelebi
RU | GE  

სოფლის მეურნეობის სამინისტრო პროგრამების ანგარიშს წარმოადგენს

 

დღეს, აჭარის სოფლის მეურნეობის სამინისტროში  2014 წელს პროგრამის ,,ფერმერული მეურნეობის განვითარების ხელშეწყობა’’ ფარგლებში განხორციელებული და მიმდინარე ქვეპროგრამების მონიტორინგის შედეგებზე პრეზენტაცია გაიმართება.

 

შეხვედრის მიზანს წარმოადგენს,  მუნიციპალიტეტების მიხედვით „ფერმერული მეურნეობის განვითარების ხელშეწყობის“ ქვეპროგრამების ფარგლებში,  მიმდინარე საანგარიშო პერიოდისათვის განხორციელებული აქტივობების და ღონისძიებების შუალედური შეფასება.

 

პრეზენტაციას დაესწრება მინისტრი ზაურ ფუტკარაძე, სამინისტროს თანამშრომლები, საინფორმაციო–სკონსულტაციო სამსახურის ხელმძღვანელები, არასამთავრბო ორგანიზაციისა და მედიის წარმომადგენლები.

 

 

 

 

 

აჭარის სოფლის მეურნეობის სამინისტროს პრესსამსახურის ინფორმაციით, სამინისტროს მიერ დაგეგმილი ყველა პროგრამა წარმატებით განხორციელდა.

 

პროგრამების ფარგლებში შესყიდული იქნა 360 ერთეული მრავალფუნქციური მოტობლოკი, რომელიც რეგიონის ხუთივე მუნიციპალიტეტის ფერმერებს დაურიგდა თანადაფიანასების პრინციპით.

 

სამინისტრომ პროგრამის ,,მრავალწლიანი ხეხილოვანი კულტურების ნერგებით ფერმერთა უზრუნველყოფის ხელშეწყობის’’ ფარგლებში, ხუთივე მუნიციპალიტეტის ფერმერებს გადასცა ხეხილის (ხურმის 3500, მოცვის,7000, კაკლის, 4000 და კივის 2000) ნერგი.

 

ადგილობრივი საადრეო ბოსტნეული კულტურების წარმოებისა და ხარისხობრივი მაჩვენებლების გაუმჯობესების მიზნით, რეგიონის ხუთივე მუნიციპალიტეტის ფერმერებს დაურიგდათ 250 ერთეული მარტივი ტიპის სასათბურე კონსტრუქცია.

 

მეფუტკრეობის დარგის განვითარების მიზნით, შემოტანილი იქნა 964 ცალი თანამედროვე ტიპის პოლისტიროლის მასალისაგან დამზადებული ორსართულიანი დადანბლანტის სკა და 30 ცალი თაფლის საწური მოწყობილობა (ციბრუტი).

 

ნიადაგის კვლევების შედეგად გაცემული რეკომენდაციების საფუძველზე საჭირო გახდა ნიადაგების ქიმიური მელიორაციის ღონისძიების ჩატარება. სამინისტრომ ამ ღონისძიების განსახორციელებლად რეგიონში შემოიტანა 8000 ტონა დეფეკაციური ტალახი. რაც მნიშვნელოვნად გააუმჯობესებს ნიადაგის სტრუქტურას და აამაღლებს შეტანილი მინერალური სასუქების ეფექტს.

 

მიმდინარე წელს იგეგმება რეგისტრირებულ სასოფლო-სამეურნეო კოოპერატივებს გაეწიოს მეთოდური და პრაქტიკული დახმარება შემდგომი განვითარებისათვის. კერძოდ, შერჩეულ კოოპერატივებში მოხდება სამრეწველო ბაღების გაშენება, მანდარინის ნაყოფის მობილური დამკალიბრებელი დანადგარების და თხილის მობილური გამრჩევი დანადგარის შესყიდვა რომლებიც გადაეცემათ სასოფლო–სამეურნეო კოოპერატივებს.

 

ასევე, პრეზენტაციაზე წარმოდგენილი იქნა სამინისტროს საქვეუწყებო დაწესებულებების ა(ა)იპ აგროსერვის ცენტრისა და სსიპ ლაბორატორიული კვლევითი ცენტრის მიერ განხორციელებული სამუშაოები.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"