Batumelebi | შუამთობა ჩირუხში შუამთობა ჩირუხში – Batumelebi
RU | GE  

შუამთობა ჩირუხში

 

დღეს ჩირუხის მთაზე, შუახევის მუნიციპალიტეტში ტრადიციული სახალხო დღესასწაული „შუამთობა-2014“ გაიხსნა.

შუამთობაზე კულტურული და სპორტული სახის ღონისძიებები გაიმართა, რომლებშიც შუახევის კულტურის ცენტრთან არსებული ქორეოგრაფიული და ვოკალური ანსამბლები მონაწილეობდა.

უჩამბის, ზამლეთის, ოლადაურის, გოგინიაურის, შუბნის, ჭვანის, ბარათაულის და წყალსაყრის შემოქმედებითი და მხატვრული კოლექტივები სადღსასწაულო-საკონცერტო პროგრამით წარსდგნენ დანარჩენი 14 მთის მოიალაღეების და მოწვეული სტუმრების წინაშე.

სპორტული სანახაობა „მარულა“ მოაწყეს ხულოელმა და შუახეველმა ცხენოსანმა მხედრებმა.


 

 შუამთობის ზეიმს უცხოელ ტურისტებთან ერთად, აჭარის მთავრობის თავმჯდომარე არჩილ ხაბაძე, აჭარის 5 მუნიციპალიტეტის არჩეული გამგებლები, უმაღლესი საბჭოს წევრები და ადგილობრივი მთავრობის სხვა წარმომადგენლები ესწრებოდნენ. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"