Batumelebi

ჯემალ ფუტკარაძის თქმით, ის არ იყო ინფორმირებული ფრაქციის სხდომის  შესახებ და კომენტარი, რომელიც ფრაქციის თავმჯდომარემ, ჟურნალისტებთან გააკეთა იმის შესახებ, რომ ისინი ცდილობდნენ ჯემალ ფუტკარაძესთან ტელეფონით დაკავშირებას, სიმართლეს არ შეესაბამება.  

”2015 წლის 20 თებერვლის, ანუ მას შემდეგ, რაც უმაღლესი საბჭოს ორმა წევრმა ფრაქციისგან განსხვავებული პოზიცია დავაფიქსირეთ, მქონდა სურვილი, რომ შევხვედროდი ფრაქციას, მაგრამ ფრაქციის წევრებმა არ ისურვეს ჩემთან შეხვედრა. მათ არ სურდათ ჩემთან და ქალბატონ სვეტლანა კუდბასთან საუბარი იმის შესახებ, თუ რატომ მივიღეთ ჩვენ ის გადაწყვეტილება და დღეს მე ჟურნალისტებისგან გავიგე, რომ ფრაქციიდან გამრიცხეს, თან ისე, რომ არც მიმიწვიეს ფრაქციის სხდომაზე”, – ამბობს ჯემალ ფუტკარაძე. 

გუშინ, საქართველოს პრემიერ-მინისტრი ირაკლი ღარიბაშვილი ბათუმში ვიზიტისას ფრაქციის წევრებს შეხვდა. ჯემალ ფუტკარაძის თქმით, პრემიერი მას და სვეტლანა კუდბას ცალკე ესაუბრა: ”ის, რომ მე და ქალბატონი სვეტლანა ფრაქციიდან იზოლირებული ვიყავით, იქედანაც გამოჩნდა, რომ პრემიერი, აჭარის მთავრობასთან ერთად გუშინ ”ქართული ოცნების” ფრაქციის წევრებს ორი წევრის (ჩემი და ქალბატონი სვეტლანას) გამოკლებით შეხვდა. ამის შემდეგ, პრემიერმა გამოთქვა სურვილი ჩვენთან შეხვედრისა. შევხვდით, გვქონდა კიდევ ერთი გულახდილი საუბარი, კიდევ ერთხელ დავაფიქსირე პოზიცია, თუ რატომ მივიღე ის გადაწყვეტილებები 20 თებერვლის უმაღლესი საბჭოს სხდომაზე. მინდა გითხრათ, ნამდვილად არ მოველოდი, პრემიერ-მინისტრთან ჩვენი გუშინდელი შეხვედრის შემდეგ, დღეს, ”ქართული ოცნების” ფრაქციის ასეთ უგნურ გადაწყვეტილებას, მაგრამ მე ამაში ტრაგედიას ვერ ვხედავ. ეს დიდი დანაკლისი იქნება ამ ფრაქციისთვის და მე უმაღლესი საბჭოს დეპუტატის რანგში გავაგრძელებ იმ ღირებულებებისა და ოცნებების ასრულებას, რომელიც 2012 წლის ოქტომბერში შევპირდი რეგიონის მოსახლეობას”.

კითხვაზე, რატომ რჩება სვეტლანა კუდბა ფრაქციაში? – კუდბა პასუხობს, რომ ასე თვითონ ფრაქციამ გადაწყვიტა და რომ ერთადერთი, რისი თქმაც ამ თემასთან დაკავშირებით შეუძლია არის ის, რომ ის, ჯემალ ფუტკარაძის ფრაქციიდან გარიცხვის წინააღმდეგი იყო. ”დღეს ფრაქცია ბატონი ჯემალ ფუტკარაძის გარიცხვის თაობაზე შეიკრიბა. მე პირადად ვიყავი მისი გარიცხვის წინააღმდეგი, მერაბ აბაშიძემ თავი შეიკავა და ოთხი დეპუტატი იყო ბატონი ჯემალის გარიცხვის მომხრე”, – უთხრა „ბათუმელებს“ სვეტლანა კუდბამ.

ჯემალ ფუტკარაძის თქმით, სვეტლანა კუდბა და ”ქართული ოცნების” ფრაქცია ერთმანეთს მალე გაემიჯნება – ”სვეტლანა კუდბა დღესაც წავიდა ფრაქციის გადაწყვეტილების საწინააღმდეგოდ და კიდევ ერთხელ დაადასტურა, რომ მას ფრაქციისგან განსხვავებული პოზიცია აქვს. მე დარწმუნებული ვარ, რომ არც თუ ისე დიდი დრო დასჭირდება ფრაქციასაც და ქალბატონ სვეტლანასაც, რომ ისინი ერთმანეთს გაემიჯნონ”. 

სარემონტო სამუშაოების შესასრულებლად ქედის მუნიციპალიტეტის გამგეობამ გამარტივებული ელექტრონული ტენდერი 75 000 ლარზე 27 თებერვალს გამოაცხადა, განაცხადის შეტანის ვადა გუშინ, 6 მარტს ამოიწურა.

ტენდერში მონაწილეობა ოთხმა კომპანიამ – „ანრი 2010“-მა, „წარაქვმა“, „ვიგორამ“, „ალიგატორი 1“-მა და ინდ. მეწარმე დემურ ტარიელაძე მიიღო. მიმწოდებლებიდან ყველაზე დაბალ თანხად,  56,890.00 ლარად, შპს „ალიგატორი 1“ სთავაზობს მუნიციპალიტეტს შენობის გარემონტებას.

სარემონტო სამუშაოების წარმოებისთვის რომელ კომპანიას გაუფორმებს ხელშეკრულებას ქედის მუნიციპალიტეტის გამგეობა, მომავალ კვირას გახდება ცნობილი. შესყიდვების სამსახურის უფროსის გივი დევაძის თქმით, აღნიშნულ საკითხზე კომისია ორშაბათიდან იმსჯელებს. 

აჭარის ფინანსთა და ეკონომიკის მინისტრის მოადგილის იონა წითელაძის თქმით,  გამარჯვებულ პროექტს სპეციალურად შექმნილი საპროექტო კომისია გამოავლენს, რის შემდეგაც სამინისტრო პროექტის მშენებლობაზე გამოაცხადებს ტენდერს. მისივე განმარტებით სტადიონის მშენებლობა ბათუმში სავარაუდოდ მაისში-ივნისში დაიწყება.

საპროექტო კონკურსში 11 კომპანია მონაწილეობს.

ბათუმის ახალი კლინიკა აღჭურვილია უახლესი აპარატურით, რომელიც საშუალებას იძლევა, მივიღოთ თანამედროვე გაიდლაინებსა და პროტოკოლებზე დამზადებული სერვისი” – ამბობს კლინიკის ხელმძღვანელი ნატო ხონელიძე.

კლინიკა ”ინვიტრო” უკვე 18 წელია რაც მუშაობს. კლინიკა ინ ვიტრო ევროპის ემბრიოლოგთა და რეპროდუქტოლოგთა საზოგადოების წევრი კლინიკაა.

”კლინიკა ინვიტროში ხდება ქალთა და მამაკაცთა უშვილობის მკურნალობა, ორსულობის მონიტორინგი, გინეკოლოგიურ დაავადებათა სკრინინგი და მკურნალობა, ტრანსვაგინალურად საკვერცხის კისტის ასპირაცია. დიაგნოსტიკური სერვისები, ლაბორატორიული გამოკვლევები და სხვა.

საქართველოს პრემიერ-მინისტრმა ირაკლი ღარიბაშვილმა ეს შენობები გუშინ, ბათუმში, ბიზნესფორუმზე ვიზიტის შემდეგ დაათვალიერა.

მუსლიმური თემის ლიდერების თქმით, ეს მათთვის ყველაზე ძვირფასი საჩუქარია, რადგან ახალი შენობები  ბათუმის „ორთა ჯამეში” ლოცვის პირობების შესაქმნელად ძირითადი საშუალებაა. 

საუბარია მედრესესა და დასავლეთ საქართველოს სამუფთო რეზიდენციის შენობაზე, რომელთ მუსლიმი თემისთვის გადაცემის გადაწყვეტილება, საქართველოს მთავრობამ, მიმდინარე წლის დასაწყისში, ბათუმის „ორთა ჯამეში” დამატებითი ფართის გამოსათავისუფლებლად მიიღო.

პრემიერმა მუფთებთან საუბრისას აღნიშნა, რომ ეს ხელისუფლების ვალდებულებაა, თუმცა წლების განმავლობაში დაგროვილი პრობლემების გადაწყვეტას დრო სჭირდება – “ეს ხელისუფლების ვალდებულებაა და თქვენ სამადლობელო არ გაქვთ ჩემთვის. პირიქით დიდი მადლობა თქვენ, რომ ამდენ ხანს მოითმინეთ. მე ვიცი რომ პრობლემები ჯერ კიდევ არის და ამ პრობლემებს ჩვენ ეტაპობრივად მოვაგვარებთ, გადავლახავთ სიძნელეებს. იმ პრობლემებს, რაც წლების განმავლობაში დაგროვდა, რა თქმა უნდა, ერთ დღეში ვერ მოვაგვარებდით. ამას სჭირდებოდა დრო, თანმიმდევრული გადაწყვეტა. დღეს დადგა ის დრო, რომ ეს პრობლემა ნაწილობრივ მოვაგვარეთ და მე დარწმუნებული ვარ რომ კიდევ უფრო მეტ საქმეს გავაკეთებთ ერთად” – აღნიშნა მან.

პრემიერ-მინისტრის პრესსამსახურის ცნობით, ირაკლი ღარიბაშვილმა აჭარის მთავრობის მეთაურს, არჩილ ხაბაძეს მედრესესა და სამუფთო რეზიდენციას შორის განთავსებული 1000 კვადრატული მეტრი მიწის ნაკვეთის შესყიდვაზე მუშაობაც დაავალა.

გუშინდელი ვიზიტის ფარგლებში, პრემიერ მინისტრი ბათუმისა და ლაზეთის მიტროპოლიტ, მეუფე დიმიტრისაც შეხვდა.

მსვლელობის იდეა “ქალთა მოძრაობას” ეკუთვნის:  

“ჩვენ ვართ საქართველოს მოსახლეობის 53%, მაგრამ პარლამენტში 12%-ით ვართ წარმოდგენილი. 59 გამგებლიდან მხოლოდ ორია ქალი. ქვეყნის არც ერთი მერი და არც ერთი გუბერნატორი ქალი არ არის. დღეს საქართველოში ქალის ხმა არ ისმის. 25 წელია ქვეყანამ აღიდგინა დამოუკიდებლობა, მაგრამ ქალთა პოლიტიკური მონაწილეობის კუთხით პროგრესისთვის არ მიგვიღწევია. ჩვენი უფლებები უწინდებურად ირღვევა. 2014 წლის ქალთა მკვლელობებმა გვიჩვენა, რომ საქართველოში ჩვენი სიცოცხლის უფლებაც კი არ არის დაცული.
დღეს ქართულ პოლიტიკას აკლია ქალების ხედვა, გამოცდილება და უნარები. პოლიტიკის სფეროში ქალების სიმბოლური, მცირე რაოდენობა, არ გვაძლევს საშუალებას სრულად გამოვავლინოთ და გამოვიყენოთ ჩვენი პოტენციალი. საზოგადოების და კაცობრიობის განვითარების პროცესში ჩვენი უნიკალური წვლილი დაკნინებული ან სრულიად დაკარგულია. ქალები იმ საკითხების გადაწყვეტაშიც კი ვერ მონაწილეობენ, რომელიც უშუალოდ და მხოლოდ მათ ეხებათ. პარლამენტი არ უზრუნველყოფს ქალების წარმომადგენლობას და შესაბამისად არ იცავს მათ ინტერესებს. საქართველოში არ გვაქვს წარმომადგენლობითი დემოკრატია. ჩვენ, ქალები, უგულებელყოფილნი ვართ პოლიტიკურ ცხოვრებაში და ამას აღარ შევეგუებით” – ნათქვამია, ქალთა გაერთიანების მიერ გავრცელებულ განცხადებაში.

ყვავილებით მოვაჭრეები ყვავილების  გამოფენა-გაყიდვას  მოაწყობენ. ინფორმაცია ამის შესახებ სოციალურ ქსელში,  ქალაქ ბათუმის მერის, გიორგი ერმაკოვის ფეისბუქის გვერდზეა გამოქვეყნებული. 

მინისტრმა ბათუმში გამართულ ბიზნესფორუმზე ჟურნალისტებთან საუბრისას აღნიშნა, რომ ის არ ფლობს ზუსტ ინფორმაციას ბათუმის ნავთობტერმინალის დაყადაღების შესახებ –  “ვიცი, გავრცელდა ეს ინფორმაცია, დავავალე ჩემს მოადგილეს ნათია მიქელაძეს, ის ალბათ ერკვევა ახლა სიტუაციაში და ვნახავთ, შევხვდებით ხელმძღვანელობასაც და გავიგებთ” – თქვა მან.

ინფორმაცია ბათუმის ნავთობტერმინალის დაყადაღების შესახებ გუშინ, ipress.ge-მ გაავრცელა – ”ბათუმის ნავთობტერმინალი უცხოური კომპანიის მოთხოვნით დაყადაღებულია, – ამის შესახებ “აიპრესისთვის” ექსკლუზიურად გახდა ცნობილი”.

მინისტრებმა ისაუბრეს დოლარის კურსის მატების თემაზეც და აღნიშნეს, რომ დოლარის კურსმა მოიმატა არა მარტო ქართულ ლართან, არამედ თურქულ ლირასა და აზერბაიჯანულ მანათთან მიმართებაშიც.

საქართველოს ეკონომიკისა და მდგრადი განვითარების მინისტრის გიორგი კვირიკაშვილის თქმით, სწორედ ამ ფონზე განსაკუთრებული მნიშვნელობა ენიჭება საინვესტიციო და სავაჭრო ურთიერთობების ლიბერალიზაციას:

„პირდაპირი წამალი ამ დევალვაციის წინააღმდეგ არის ის, რომ გაიზარდოს საინვესტიციო და სავაჭრო აქტივობა. სწორედ ის ქვეყნები, რომელთაც აქვთ ლიბერალური სავაჭრო რეჟიმები, ყველაზე კარგად უმკლავდებიან სავალუტო კრიზისებს. ამიტომ ჩვენი ერთადერთი გზა, ამ სავალუტო რყევის პირობებში, ჩვენ სამ ქვეყანას შორის სავაჭრო და საინვესტიციო ურთიერთობების კიდევ უფრო გამყარებაა” – თქვა მან.

თურქეთის ეკონომიკის მინისტრის ნიჰათ ზეიბექჩის თქმით ბოლო რამდენიმე წლის განმავლობაში თურქეთ-საქართველოს შორის სავაჭრო მაჩვენებელი 15%-ით გაიზარდა და მალე ეს მაჩვენებელი კიდევ ამდენივეთი გაიზრდება.

აზერბაიჯანის ეკონომიკის მინისტრის შაჰინ მუსტაფაევმა აღნიშნა, რომ ეს პროცესები გარკვეულწილად აისახება სამივე ქვეყნის ეკონომიკურ მდგომარეობასა და თანამშრომლობაზე, მაგრამ ფართომასშტაბიანი პროექტების იმპლემენტაციაზე ქვეყნებს პრობლემები არ შეექმნებათ – “ჩვენ არ შეგვექმნება პრობლემები ისეთი მოცულობითი პროექტების განხორციელებაში, როგორიც “ბაქო-თბილისის ყარსი” და სხვაა. ისინი განხორციელდება ისე, როგორც დაგეგმილია.

„ჩვენი მთავრობების მხრიდან არ შეწყდება მცირე და საშუალო ბიზნესის მხარდაჭერა. პირიქით, ჩვენ ველოდებით ზრდას ეკონომიკის სხვადასხვა სექტორში, იქნება ეს ტურიზმი, ვაჭრობა თუ სხვა. აზერბაიჯანის, თურქეთისა და საქართველოს ეკონომიკები მსოფლიო ეკონომიკის შემადგენელი ნაწილია და რაღაც სახით ხდება მათზე ზეგავლენა ზოგადი ტენდენციით. ჩვენ ძალისხმევას არ დავიშურებთ ნეგატიური ზეგავლენის მაქსიმალური ნეიტრალიზაციისთვის” – განაცხადა აზერბაიჯანის ეკონომიკის მინისტრმა.

პრემიერ-მინისტრი დღეს ბათუმ-ლაზეთის ეპარქიის მიტროპოლიტს, მეუფე დიმიტრისა და სრულიად საქართველოს მუსლიმთა სამმართველოს წარმომადგენლებს შეხვდა.  

შეხვედრა მეუფე დიმიტრისთან სამეუფეო რეზიდენციაში ამ წუთებშიც მიმდინარეობს. 

მანამდე კი ირაკლი ღარიბაშვილმა ბათუმში ის შენობები დაათვალიერა, რომლებიც აჭარის მუსლიმ თემს უნდა გადაეცეს.  ირაკლი ღარიბაშვილმა დღეს აჭარის მთავრობის მეთაურს მედრესესა და სამუფთო რეზიდენციას შორის განთავსებული 1000 კვადრატული მეტრი მიწის ნაკვეთის შესყიდვაზე მუშაობაც დაავალა.

მსჯავრდებულის განმარტებით, 2015 წლის 18 თებერვალს სასჯელაღსრულების დეპარტამენტის N8 დაწესებულების სამართლებრივი რეჟიმის ინსპექტორებმა და უსაფრთხოების ოფიცრებმა ჩაიყვანეს ადმინისტრაციული კორპუსის საკარანტინო განყოფილებაში, სადაც გააშიშვლეს და გაჩხრიკეს, შემდეგ შეიყვანეს დეესკალაციის ოთახში, სადაც კვლავ შეამოწმეს, რის შემდეგაც მიაყენეს სიტყვიერი და ფიზიკური შეურაცხყოფა. მსჯავრდებულის მტკიცებით, სასჯელაღსრულების დეპარტამენტის N8 დაწესებულების თანამშრომელებმა მას მხრის სარტყლის წინა ზედაპირზე ანთებული სიგარეტით მიაყენეს ფიზიკური დაზიანება და თან დასცინოდნენ.

საქართველოს სახალხო დამცველის რწმუნებულების მიერ მსჯავრდებულის N8 დაწესებულებაში მონახულებისას ო. გ–ს ორივე მხრის სარტყლის წინა ზედაპირებზე ოვალური ფორმის დაზიანების კვალი აღენიშნებოდა.

საქართველოს სახალხო დამცველი მიიჩნევს, რომ პროკურატურამ დაუყოვნებლივ უნდა დაიწყოს და აწარმოოს გამოძიება ო.გ.-ს მიმართ განხორციელებულ არასათანადო მოპყრობის სავარაუდო ფაქტზე; დროულად ჩატარდეს სასამართლო-სამედიცინო ექსპერტიზა მსჯავრდებულის სხეულზე არსებული დაზიანებების ხარისხის, ხასიათის, ხანდაზმულობის, წარმოშობისა და განვითარების მექანიზმის დასადგენად; და ასევე, დროულად მოხდეს მითითებული ფაქტის ამსახველი ვიდეო-ჩანაწერების ამოღება. 

2014 წელს საქართველოში 2 644 გიორგი და 3 346 მარიამი დაბადა. 

ბიჭის სახელებს შორის, გიორგის გარდა, ახალშობილებს ყველაზე ხშირად ნიკოლოზს (2329), ანდრიას (1912), გაბრიელს (1720), ლუკას (1566), საბას (1303), დავითს (1224) და ალექსანდრეს (1145) არქმევენ. ასევე პოპულარული სახელებია: მათე, დემეტრე, სანდრო, ილია, დაჩი, ლაზარე, იოანე, ნიკა, ირაკლი, გეგა, თომა, ცოტნე, თორნიკე, ერეკლე, ბექა, ზურა და ლაშა. 

ახალშობილ გოგოებს მარიამის გარდა ყველაზე ხშირად ბარბარეს (2240), ელენეს (1966), ანასტასიას (1831), ნინოს (1124) და ნიას (993) არქმევენ. ასევე პოპულარული სახელებია: ლიზი, ნინი, თამარი, სალომე, ნატალი, ანამარია, თეკლა, ნუცა, ანი, სესილი, ლილე, მართა, ანანო, ლიკა, ქეთევანი, ეკატერინე, გვანცა და ნიტა. 

2014 წელს საქართველოში სულ 60 736 ახალშობილი დაიბადა, მათგან 52 პროცენტი – ბიჭი და 48 პროცენტი – გოგო. ყველაზე მეტი, 15 454 ახალშობილი თბილისში  დაიბადა, მეორე ადგილზეა ბათუმი – 2 695 ახალშობილი, ქუთაისი – 2 541, გორი – 2 049 და რუსთავი – 2 029 ახალშობილი. 

“ორჯერ დამიკავშირდნენ სამინისტროდან, მითხრეს, რომ განცხადება უნდა დავწეროთ, თანხა აღარ იქნება გადასახდელი და მისცემენ ბინადრობის ნებართვას“ – აღნიშნა ირაკლი ძნელაძემ „ბათუმელებთან“. 

დღეის მონაცემებით, რექტორობის რეგისტირებული კანდიდატები არიან: რამაზ ხალვაში, მალხაზ ნაკაშიძე, ირაკლი ბარამიძე და მანუჩარ ლორია. ოთხივე მათგანი უნივერსიტეტის თანამშრომელია. 

უნივერსიტეტის რექტორის არჩევნებში მონაწილეობის მიღებას აპირებს მარინა გიორგაძე. 

საბუთების მიღება ხვალ, საღამოს 4 საათამდე გაგრძელდება, რექტორის არჩევნები კი 16 მარტს ჩატარდება. 

უნივერსიტეტის რექტორი აირჩევა აკადემიური საბჭოს სიითი შემადგენლობის უმრავლესობით, ფარული კენჭისყრით, 4 წლის ვადით. რექტორის არჩევნების ჩატარებას უზრუნველყოფს საუნივერსიტეტო საარჩევნო კომისია.

უნივერსიტეტის რექტორმა ალიოშა ბაკურიძემ აკადემიურ საბჭოს თანამდებობიდან გათავისუფლების თხოვნით 20 იანვარს მიმართა, რის შემდეგაც უნივერსიტეტში ახალი რექტორის არჩევნები დაინიშნა. 

კომპიუტერული მოწყობილობებისა და აქსესუარების შესყიდვაზე, ქვეყნის მასშტაბით, ორგანიზაციებმა, რომლებიც ბიუჯეტიდან ფინანსდებიან, წელს 150-ზე მეტი ტენდერი გამოაცხადეს. შესყიდვის სატენდერო თანხამ, შესყიდვის სავარაუდო ღირებულებამ კი ჯამში 2 894 854 ლარი შეადგინა. ამ ტენდერებიდან ზოგი დასრულდა, მიმდინარეობს ხელშეკრულების გაფორმება ან ჯერ არ დასრულებულა.

იმავე [1 იანვრიდან 4 მარტის ჩათვლით] პერიოდში კომპიუტერული მოწყობილობებისა და აქსესუარების შესყიდვაზე გამოცხადებული 50 ტენდერი კი [სატენდერო თანხა – 780 838 ლარი] –  არ შედგა.

საქართველოს მთავრობის ადმინისტრაციამ სკანერების; მყარი დისკების, გარე ვინჩესტერების, მეხსიერების ბარათებისა და დისკების შესაძენად 19 თებერვალს 23 140-ლარიანი ტენდერი გამოაცხადა. ტენდერი 25 თებერვალს დასრულდა. ადმინისტრაცია ტენდერში მონაწილე ერთადერთ კომპანიასთან შპს „ალტა“-სთან ხელშეკრულებას უახლოეს დღეებში გააფორმებს. შესყიდვის ღირებულება სატენდერო თანხის იდენტურია, ანუ შესასყიდი ტექნიკა და აქსესუარები [სკანერი 11 ცალი, მყარი დისკი – 2, გარე ვინჩესტერი – 20, მეხსიერების ბარათი – 10, Digital Versatile Disc (DVD) დისკი – 1000 და Compact Disc (CD) დისკი – 2000 ცალი] „ალტამ“ მთავრობას 23 140 ლარად შესთავაზა.

სახელმწიფო დაწესებულებებმა 100-მდე ტენდერი გამოაცხადა ავეჯის, ხოლო 81 ტენდერი ავეჯის აქსესუარების შეძენაზე, საერთო სატენდერო თანხით – 4 221 661 ლარი.

ავეჯისა და ავეჯის აქსესუარებზე გამოცხადებული არშემდგარი ტენდერების სავარაუდო ღირებულებამ კი ჯამში 466 109 ლარი შეადგინა.

მაგალითად, საქართველოს მთავრობის ადმინისტრაციული შენობისათვის საოფისე ავეჯის შესყიდვაზე, ტენდერი მთავრობის ადმინისტრაციამ 27 თებერვალს გამოაცხადა. ავეჯის [საკონფერენციო/შეხვედრებისა და სამუშაო მაგიდები, პრინტერის მაგიდა, მაგიდა მინის ფასადით, კარადები, სამზარეულო] შესყიდვის სავარაუდო [სატენდერო] ღირებულება კი 53 935  ლარით განისაზღვრა.

ადმინისტრაცია ხელშეკრულებას, როგორც დოკუმენტებიდან ჩანს, შპს „ევროსტილი – XXI“-სთან გააფორმებს. ამ კომპანიამ ტენდერით შესასყიდი ავეჯი მთავრობას 22 219 ლარად შესთავაზა.

ავტოსატრანსპორტო საშუალებებს რაც შეეხება, 1 იანვრიდან დღემდე გამოცხადებული ტენდერების [მიმდინარე და დასრულებულიც] სატენდერო თანხამ 7 938 390 ლარი შეადგინა. 25-ჯერ არ შედგა ავტომობილების შესყიდვაზე გამოცხადებული ტენდერი [საერთო თანხა 1 070 200 ლარი].

ყველაზე ძვირადღირებული ტენდერი – 30 პიკაპის შესყიდვაზე  – საქართველოს შინაგან საქმეთა სამინისტროს მომსახურების სააგენტომ 9 თებერვალს გამოაცხადა. სატენდერო ღირებულება 1 450 086 ლარია. წინადადებების მიღება 2 მარტს დასრულდა, თუმცა სააგენტოს გამარჯვებულის შესახებ ინფორმაცია ჯერ არ გაუვრცელებია. დოკუმენტების მიხედვით, 30 პიკაპს შპს „ტოიოტა ცენტრი თეგეტა“ 1 244 789 ლარად სთავაზობს სააგენტოს, ხოლო „ტოიოტა ცენტრი თბილისი“ – 1 241 286 ლარად.

საჯარო დაწესებულებებსა და სახელმწიფო საწარმოებს 1 იანვრიდან დღემდე პერიოდში სატრანსპორტო საშუალებებისა და მათი ძრავებისათვის ნაწილებისა და აქსესუარების შესაძენად 115 ტენდერი აქვთ გამოცხადებული [დასრულებული და მიმდინარე]. ამ ტენდერების საერთო თანხა კი, 10 047 977 ლარია.

ამ კატეგორიის შესყიდვებში არ შედგა 33 ტენდერი, საერთო სატენდერო თანხით – 2 395 162 ლარი. 

სამინისტროს ინფორმაციით, 2015 წლის 6 მარტს სალიბაურის N2 საჯარო სკოლაში, აჭარის  ჯანმრთელობისა და სოციალური დაცვის სამინისტროსა და აჭარის  განათლების, კულტურისა და სპორტის სამინისტროს შორის ხელი მოეწერება ურთიერთთანამშრომლობის მემორანდუმს, რომელიც ითვალისწინებს აჭარის საზოგადოებრივი ჯანდაცვის ცენტრის ერთ-ერთი ღონისძიების, „ავადობის აქტიური გამოვლენა სამიზნე ჯგუფში“, განხორციელებაში ხელშეწყობას.

მემორანდუმის ფარგლებში ზოგადასაგანმანათლებლო დაწესებულებების პირველი-მერვე კლასის მოსწავლეთა სამედიცინო – პროფილაქტიკურ შემოწმებას აჭარაში „სს საზღვაო ჰოსპიტალი“ განახორციელებს. მოსწავლეებს ჩაუტარდებათ პედიატრის, ოკულისტის, ენდოკრინოლოგის, ორთოპედის კონსულტაციები.

აჭარის ავტონომიური რესპუბლიკის განათლების, კულტურისა და სპორტის სამინისტრო იღებს ვალდებულებას მისი ტერიტორიული ორგანოების (რესურსცენტრები) მეშვეობით ხელი შეუწყოს ღონისძიების შეუფერხებელ მიმდინარეობასა და ორგანიზება გაუწიოს სკოლის მოსწავლეთა მობილიზაციას.

აჭარის განათლების სამინისტროს ინფორმაციით, კონკურსში მონაწილეობის მიღება შეუძლიათ აჭარის ავტონომიური რესპუბლიკის ადმინისტრაციულ ტერიტორიაზე არსებული საჯარო და კერძო სკოლების მოსწავლეებს ორ კატეგორიად: I კატეგორია – VII, VIII, IX კლასის მოსწავლეები, II კატეგორია – X, XI, XII კლასის მოსწავლეები.

კონკურსი ჩატარდება ორ ტურად – შესარჩევი და ფინალური ტური. ლიტერატურული მარათონის შესარჩევი ტური ჩატარდება ელექტრონული ფორმით. ხოლო ფინალური ტური ჩატარდება ერთმანეთის პირისპირ ინტელექტუალური შეჯიბრის ფორმით.

ფინალურ ტურში მონაწილეობის მისაღებად, საჭიროა:

ა) მონაწილემ შესარჩევ ტურში დააგროვოს კომისიის მიერ განსაზღვრული ქულების რაოდენობა. (თუ რამდენიმე მონაწილემ კომისიის მიერ განსაზღვრული მინიმალური ქულების ერთნაირი რაოდენობა დააგროვა, ჩაითვლებიან ფინალურ ტურში მონაწილეებად).

ბ) ფინალში მონაწილე კონკურსანტმა უნდა დაადასტუროს მის მიერ რეგისტრაციის დროს მითითებული მონაცემების სისწორე პირადობის ან დაბადების მოწმობის წარდგენის საშუალებით.

კონკურსში მონაწილეობის მსურველთა რეგისტრაცია გაგრძელდება 2015 წლის 20 მარტის ჩათვლით. კონკურსის მიზანია ინტელექტუალური შეჯიბრის საშუალებით მოსწავლეებში მხატვრული ლიტერატურის კითხვის პოპულარიზაციის ხელშეწყობა.