Batumelebi | ქედის ადმინისტრაციული შენობის გარემონტებაზე ტენდერში ოთხი კომპანია მონაწილეობს ქედის ადმინისტრაციული შენობის გარემონტებაზე ტენდერში ოთხი კომპანია მონაწილეობს – Batumelebi
RU | GE  

ქედის ადმინისტრაციული შენობის გარემონტებაზე ტენდერში ოთხი კომპანია მონაწილეობს

 

ქედის მუნიციპალიტეტში თვითმართველი ორგანოს ადმინისტრაციულ შენობას გაარემონტებენ.

 

ადმინისტრაციული შენობა
ადმინისტრაციული შენობა

სარემონტო სამუშაოების შესასრულებლად ქედის მუნიციპალიტეტის გამგეობამ გამარტივებული ელექტრონული ტენდერი 75 000 ლარზე 27 თებერვალს გამოაცხადა, განაცხადის შეტანის ვადა გუშინ, 6 მარტს ამოიწურა.

 

ტენდერში მონაწილეობა ოთხმა კომპანიამ – „ანრი 2010“-მა, „წარაქვმა“, „ვიგორამ“, „ალიგატორი 1“-მა და ინდ. მეწარმე დემურ ტარიელაძე მიიღო. მიმწოდებლებიდან ყველაზე დაბალ თანხად,  56,890.00 ლარად, შპს „ალიგატორი 1“ სთავაზობს მუნიციპალიტეტს შენობის გარემონტებას.

 

სარემონტო სამუშაოების წარმოებისთვის რომელ კომპანიას გაუფორმებს ხელშეკრულებას ქედის მუნიციპალიტეტის გამგეობა, მომავალ კვირას გახდება ცნობილი. შესყიდვების სამსახურის უფროსის გივი დევაძის თქმით, აღნიშნულ საკითხზე კომისია ორშაბათიდან იმსჯელებს. 

ნეტგაზეთის მასალების სხვა გამოცემებში გადაბეჭდვის წესი
ეკა ბარამიძე