Batumelebi | ღონისძიებები წითელას მასობრივი გავრცელების პრევენციის მიზნით ღონისძიებები წითელას მასობრივი გავრცელების პრევენციის მიზნით – Batumelebi
RU | GE  

ღონისძიებები წითელას მასობრივი გავრცელების პრევენციის მიზნით


აჭარის საზოგადოებრივი ჯანდაცვის ცენტრის ინფორმაციით, წითელას  მასიური გავრცელების პრევენციის მიზნით, მიმდინარე წლის ბოლომდე, წითელას კომპონენტის შემცველი ვაქცინით, არაგეგმიური იმუნოპროფილაქტიკა ჩატარდება.

 

 
აიცრებიან :

წითელას კომპონენტის შემცველი ვაქცინით არასრულად აცრილი ან აუცრელი 2001–2009 წლებში დაბადებული ბავშვები, იმუნიზაციის სტატუსის გათვალისწინებით;


წითელას კომპონენტის შემცველი ვაქცინის 1 დოზით  –  1985–2000 წლებში დაბადებული პირები აცრის სტატუსის მიუხედავად (გარდა 2013–2014 წლებში აცრილი პირებისა);

 

წითელას კომპონენტის შემცველი ვაქცინის 1 დოზით  –  სამედიცინო პერსონალი;

 

წითელას კომპონენტის შემცველი ვაქცინის 1 დოზით  –  საქართველოს თავდაცვის სამინისტროსა და საქართველოს შინაგან საქმეთა სამინისტროს ორგანიზებული კონტინგენტი.

 

წითელას სავარაუდო შემთხვევის გამოვლენისას მოხდება ორგანიზებული კონტაქტების ვაქცინაცია (საცხოვრებელი და სასწავლო/სამუშაო დაწესებულების კონტაქტები), მიუხედავად აცრის სტატუსისა;

 

მოხდება ჩატარებული აცრების დარეგისტრირება და ვაქცინირებული პირებისთვის აცრის ჩატარების დამადასტურებელი ცნობის გაცემა;

 

ასევე  ჩატარდება სხვა კონტიგენტის წითელას კომპონენტის შემცველი ვაქცინის 1 დოზით ვაქცინაცია, რომელსაც არსებული ეპიდსიტუაციის ანალიზის საფუძველზე, განსაზღვრავს ცენტრი სამინისტროსთან შეთანხმებით.

 
ნეტგაზეთის მასალების სხვა გამოცემებში გადაბეჭდვის წესი
" ბათუმელები"