Batumelebi | უნივერსიტეტი: რეგისტრირებულია რექტორობის ოთხი კანდიდატი უნივერსიტეტი: რეგისტრირებულია რექტორობის ოთხი კანდიდატი – Batumelebi
RU | GE  

უნივერსიტეტი: რეგისტრირებულია რექტორობის ოთხი კანდიდატი

 

ხვალ, 6 მარტს, ბათუმის შოთა რუსთაველის უნივერსიტეტის რექტორის არჩევნებში მონაწილეობის მსურველთა რეგისტრაციის ვადა იწურება. უნივერსიტეტის პრესსამსახურის ცნობით, რეგისტრაციამდე ერთი დღით ადრე რექტორობის ოთხი კანდიდატია რეგისტრირებული. 

 

დღეის მონაცემებით, რექტორობის რეგისტირებული კანდიდატები არიან: რამაზ ხალვაში, მალხაზ ნაკაშიძე, ირაკლი ბარამიძე და მანუჩარ ლორია. ოთხივე მათგანი უნივერსიტეტის თანამშრომელია. 


უნივერსიტეტის რექტორის არჩევნებში მონაწილეობის მიღებას აპირებს მარინა გიორგაძე. 


საბუთების მიღება ხვალ, საღამოს 4 საათამდე გაგრძელდება, რექტორის არჩევნები კი 16 მარტს ჩატარდება. 

უნივერსიტეტის რექტორი აირჩევა აკადემიური საბჭოს სიითი შემადგენლობის უმრავლესობით, ფარული კენჭისყრით, 4 წლის ვადით. რექტორის არჩევნების ჩატარებას უზრუნველყოფს საუნივერსიტეტო საარჩევნო კომისია.


უნივერსიტეტის რექტორმა ალიოშა ბაკურიძემ აკადემიურ საბჭოს თანამდებობიდან გათავისუფლების თხოვნით 20 იანვარს მიმართა, რის შემდეგაც უნივერსიტეტში ახალი რექტორის არჩევნები დაინიშნა. 

 

ბათუმის უნივერსიტეტი
ბათუმის უნივერსიტეტი

ნეტგაზეთის მასალების სხვა გამოცემებში გადაბეჭდვის წესი
"ბათუმელები"