Batumelebi

საქართველოს იუსტიციის მინისტრმა ნოტარიუსთა გამოცდა დანიშნა. ნოტარიუსთა საკვალიფიკაციო გამოცდის დანიშვნის შესახებ ბრძანებას თეა წულუკიანმა ხელი მიმდინარე წლის 2 აპრილს მოაწერა. გამოცდა 2018 წლის 3 მაისიდან 2018 წლის 17 მაისამდე პერიოდში უნდა ჩატარდეს.

ამ ბრძანების მიხედვით, ნოტარიუსთა საკვალიფიკაციო გამოცდა ტარდება ტესტირების ფორმით და მოიცავს ორ ეტაპს:

[checklist]

• ზოგადი უნარ-ჩვევები [ვერბალური და მათემატიკური ნაწილები];
•  პროფესიული ნაწილი.

[/checklist]

ნოტარიუსთა საკვალიფიკაციო გამოცდის ჩაბარების მსურველთა საბუთების მიღებისა და დადგენილ მოთხოვნებთან მათი შესაბამისობის შემოწმების მიზნით,  იუსტიციის სამინისტროს მმართველობის სფეროში მოქმედმა – საქართველოს იუსტიციის სასწავლო ცენტრმა უნდა უზრუნველყოს ნოტარიუსთა საკვალიფიკაციო საგამოცდო კომისიის სამდივნოს შექმნა და გამოცდის ჩასატარებლად აუცილებელი ორგანიზაციული ღონისძიებების განხორციელება.

ბათუმის საზღვაო ნავსადგურის  თანამშრომლები ისევ შიმშილობენ. მოშიმშილეებმა მთელი ღამე პორტის ადმინისტრაციული შენობის პირველ სართულზე, ჰოლში გაატარეს. ისინი აქციის შეწყვეტას არ აპირებენ მანამ, სანამ მათი მოთხოვნები არ დაკმაყოფილდება.

მოშიმშილეები ითხოვენ – გადადგეს “ბათუმის საზღვაო ნავსადგურის” დირექტორი, დანიარ მუხამედ რახიმი, ადმინისტრაციამ სამსახურში დააბრუნოს გათავისუფლებული 25 პენსიონერი, დასაქმებულებს გაუუმჯობესდეთ სადაზღვევო პაკეტი, პორტში დასაქმებულებმა მიიღონ ტრადიციული სააღდგომო ფულადი პრემია.

“ბათუმელების” ინფორმაციით, აქციის მონაწილეებს შეხვდა საზღვაო ნავსადგურის ხელმძღვანელი, თუმცა მათთან შეთანხმება ვერ მოახერხა.

“დღეს დილითაც იყო მოსული, მაგრამ ბიჭებმა [მოშიმშილეებმა] უთხრეს, დატოვე თანამდებობა და ვინც მოვა შენ ნაცვლად, იმას დაველაპარაკებითო,” – უთხრა “ბათუმელებს” პორტის პროფკავშირების ხელმძღვანელმა, ამირან მიქელაძემ.

გაფიცვა პორტში გუშინ, 2 აპრილს, დაიწყო დირექტორის გადადგომის მოთხოვნით. 

ამავე თემაზე: 

არსებობს სელინჯერის, ჰემინგუეის, სკოტ ფიცჯერალდის, ჯეიმს ჯოისის, ფრანცუაზა საგანისა და სხვა მწერლების საქორწინო ფოტოების კოლექციები, რომლებზეც შეგიძლიათ თქვენი საყვარელი ავტორები სულ სხვა ამპლუაში: ქორწინების დღეს ნახოთ. მართალია, ქვემოთ მოცემულ ფოტოებზე ასახული წყვილების უმრავლესობა მალევე დაშორდა, მაგრამ საინტერესო კადრების დათვალიერებისას ეს ფაქტი ხელს არ გვიშლის.

     1920 წლის გაზაფხული, ფრენსის სკოტ და ზელდა ფიცჯერალდები

3 სექტემბერი, 1921 წელი, ჰემინგუეი და მისი პირველი ცოლი, პიანისტი ჰელდა რიჩარდსონი. ფოტოზე ჰემინგუეი 22 წლისაა

1945 წლის ოქტომბერი. ჯერომ სელინჯერისა და სილვია ვალტერის ქორწილი, ფოტოზე მწერალი ფრონტის მეგობრებთან ერთადაა

         დრამატურგ არტურ მილერისა და მერლინ მონროს ქორწილი

        იაპონელი მწერალი იუკიო მისიმა და მისი მეუღლე იოკო ხირაოკა

1958 წელი, ერიხ მარია რემარკი და მსახიობი პოლეტ გოდარი, რემარკი აქ 60 წლისაა, პოლეტ გოდარი კი – 48 წლის

            ეს ფრანცუაზა საგანისა და გი შოლერის ქორწილია

1945 წლის სექტემბერი. ახალდაქორწინებული კურტ და ჯეინ ვონეგუტები, მომავალი მწერალი ომიდან ახალდაბრუნებულია და დემობილიზაციას ელის

               ივლისი,1931 წელი, ჯეიმს ჯოისი და ნორა ბარნაკლი

წყარო: EKSMO

ბათუმის მე-2 საჯარო სკოლის შენობის ფასადიდან ბათქაში ცვივა. ახვლედიანის ქუჩის მხრიდან ბათქაშის ჩამოვარდნის ამსახველი ფოტო მოქალაქემ მოგვაწოდა. სკოლის შენობა კულტურული მემკვიდრეობის ძეგლია.

მე-2 საჯარო სკოლის დირექტორი, მარიზა აბაშიძე განმარტავს, რომ შენობიდან ზედაპირული ბათქაში ცვივა და ის გამვლელებს  საფრთხეს არ უქმნის. „როგორც იცით, ეს შენობა ძეგლია და მისი რემონტი შეუძლებელია. განათლების სამინისტრო გეგმავს რეაბილიტაციას, მაგრამ კონკრეტული ინფორმაცია არ მაქვს,“ – ამბობს ის.

საიდან აქვს სკოლის დირექტორს ინფორმაცია, რომ შენობიდან ჩამოცვენილი ბათქაში საფრთხეს არ ქმნის – „ვხედავთ, რა ტიპის მასა ვარდება. ამან არ შეიძლება ვინმე დააზიანოს“, – გვითხრა მარიზა აბაშიძემ.

აჭარის განათლების, კულტურისა და სპორტის სამინისტრო კულტურული მემკვიდრეობის სააგენტოსთან ერთად გეგმავს მე-2 საჯარო სკოლის რეაბილიტაცია-რესტავრაციას, თუმცა სარეაბილიტაციო პროექტის შესყიდვაზეც კი ჯერ ტენდერი გამოცხადებული არ არის. სამინისტროს პრესსამსახურში განმარტავენ, რომ ეს ხანგრძლივი პროცესია და ისტორიული სკოლის შენობის რეაბილიტაცია, სავარაუდოდ, მომავალ წელს განხორციელდება.

არის თუ არა ბიუჯეტში გამოყოფილი თანხა ისტორიული სკოლის შენობის რეაბილიტაციისთვის? – აჭარის განათლების სამინისტროს პრესსამსახურში გვითხრეს, რომ ეს საკითხი სარეაბილიტაციო პროექტის შემუშავების შემდეგ გადაწყდება: „არაა გამორიცხული, რომ ახალი კანონმდებლობის შესაბამისად ამ შენობის რეაბილიტაციისთვის თანხა ბათუმის მერიამ დახარჯოს.“

„უსაფრთხო ოთახებში ლეიბი მოთავსებულია პირდაპირ იატაკზე. ოთახებში ცხელა, არ იღება ფანჯრები და, შესაბამისად, არ ხდება ბუნებრივი ვენტილაცია. ღია საპირფარეშო ხვდება ოთახებში დამონტაჟებული სათვალთვალო კამერის ხედვის არეალში…“ – აღნიშნულია სახალხო დამცველის სპეციალურ ანგარიშში, რომელიც ბათუმის ციხეში არსებულ მდგომარეობას აღწერს. სახალხო დამცველის წარმომადგენლებს სასჯელაღსრულების მე-3 დაწესებულებაში, ანუ ბათუმის ციხეში ვიზიტი გასული წლის თებერვალში, ასევე 2016 წლის მაისში ჰქონდათ.

ე.წ. უსაფრთხო ოთახი არ არის ერთადერთი ადგილი, სადაც პატიმრებს უთვალთვალებენ. სახალხო დამცველის ანგარიშში წერია, რომ სამარტოო საკანშიც „სანიტარული კვანძი ელექტრონული მეთვალყურეობის ქვეშაა.“

„პატიმართა მიმართ არასათანადო მოპყრობის საფრთხე“ – ეს სახალხო დამცველის დასკვნაა. ომბუდსმენი მიიჩნევს, რომ საფრთხე მაღალია, რადგან „პატიმრების უმეტესობის განმარტებით, თანამშრომლებსა და პატიმრებს შორის დაძაბული და კონფლიქტური ურთიერთობა, რაც არასათანადო მოპყრობის რისკს ზრდის.“

ანგარიშში საუბარია ბათუმის ციხეში ჩატარებულ სარემონტო სამუშაოებზეც:

„მიუხედავად დაწესებულებაში ჩატარებული სარემონტო სამუშაოებისა, დღემდე პრობლემურია საცხოვრებელ საკნებში არასაკმარისი ბუნებრივი განათება და ვენტილაცია; საკნებში ჭურჭლის შესანახი კარადების, თაროებისა და საკიდების არარსებობა; მოსაცდელ საკნებში ბუნებრივი და ხელოვნური ვენტილაციის არარსებობა;  საკნებში არსებული ბეტონის (ცივი) იატაკი; პირველ სართულზე არსებული სინესტე…

დეესკალაციის ოთახებში არსებული არადამაკმაყოფილებელი სანიტარულ-ჰიგიენური მდგომარეობა; საშხაპე ოთახში გათბობის, ხელოვნური ვენტილაციისა და ტანისამოსის საკიდების არარსებობა; წყლის გრაფიკით მიწოდების საკითხი; უსაფრთხო და სამარტოო საკნებში მყოფი პატიმრების ტანისამოსით და პირადი ჰიგიენის ნივთებით მომარაგების პრობლემა; აღნიშნულ საკნებში ფანჯრების გაღების შეუძლებლობა,“ – აღნიშნულია ანგარიშში.

ბათუმის ციხეში განსაკუთრებული რისკის თავისუფლების აღკვეთის დაწესებულებაა. სახალხო დამცველი კრიტიკულად აფასებს მსჯავრდებულების ჩართულობის დონეს სარეაბილიტაციო პროგრამებში.

„N3 დაწესებულებაში მყოფი მსჯავრდებულების ჩართულობა სარეაბილიტაციო პროგრამებში ძალიან დაბალია. სპეციალური პრევენციული ჯგუფის შეფასებით,
პატიმრებს არ აქვთ შესაძლებლობა დაკავდნენ რაიმე ღირებული, მათთვის საინტერესო საქმით. ამგვარი მდგომარეობა დაწესებულებაში ქმნის არაჯანსაღ, სტრესულ გარემოს,
რაც უარყოფითად აისახება პატიმრებსა და თანამშრომლებს შორის არსებულ ურთიერთობაზე, ასევე წესრიგისა და უსაფრთხოების დაცვის უზრუნველყოფაზე,“ – წერია ანგარიშში.

კიდევ ერთი პრობლემა, რაზეც ანგარიშშია საუბარი, პატიმრების სატელეფონო საუბრებია – პატიმრებს არ შეუძლიათ ნებისმიერ დროს დაუკავშირდნენ სახალხო დამცველს ან გენერალურ ისნპექციას. დარღვეულია კონფიდენციალობის პრინციპიც:

„N3 დაწესებულების დებულების თანახმად, მსჯავრდებულები ვალდებულები არიან, დაწესებულების დირექტორს წინასწარ მიაწოდონ ის სატელეფონო ნომრები, სადაც
დარეკვას აპირებენ. ამ ნომრების გარდა პატიმარი ვერ შეძლებს სხვა ნომრებზე დარეკვას დირექტორისთვის განმეორებითი წერილობითი მიმართვის გარეშე. აღნიშნულის გამო პატიმრებს უჭირთ სახალხო დამცველის ოფისთან, გენერალურ ინსპექციასთან და სხვა უწყებებთან დაკავშირება, რადგან აღნიშნული წესი ამ ნომრებზეც ვრცელდება.

დაწესებულებაში სატელეფონო ზარის განხორციელება შესაძლებელია საცხოვრებელ კორპუსებში არსებული ტელეფონის აპარატებით, რომლებიც განთავსებულია დაწესებულების თანამშრომელთა სამორიგეო ოთახში. დარეკვის დროს საუბარს ყოველთვის ესწრება მორიგე თანამშრომელი, რაც გამორიცხავს საუბრის კონფიდენციალურობას.“

შემოსავლების სამსახურის განმარტებით, პირი, რომლის ოჯახის შემოსავალი 40 ათასიდან – 100 ათასამდე ლარია, ავტომობილზე იხდის ქონების გადასახადს – ამ ავტომობილის საბაზრო ფასის 0,05-დან 0,2%-ის ფარგლებში;  ხოლო პირი, რომლის ოჯახის შემოსავალი აჭარბებს 100 ათას ლარს, ავტომობილზე იხდის ქონების გადასახადს ავტომობილის საბაზრო ღირებულების 0,8-1%-ის ფარგლებში.

შემოსავლების სამსახურში აცხადებენ, რომ ქონების გადასახადი ადგილობრივი გადასახადია და ოდენობას მუნიციპალიტეტები დაადგენენ. ანუ შესაძლოა ავტომობილზე ქონების გადასახადი, მაგალითად, ბათუმში სხვა იყოს, ოზურგეთში ან თელავში – სხვა.

შემოსავლების სამსახურში ასევე აცხადებენ, რომ ავტომობილზე ქონების გადასახადი ახალია და მიმდინარე წლის ოქტომბრამდე შესაძლოა რაიმე მეთოდოლოგია, დეტალები, შესაბამისი დეკლარაციის ფორმები შეიცვალოს და დაიხვეწოს. ფიზიკური პირისთვის ქონებრივი დეკლარაციის წარდგენის ბოლო ვადად ყოველი წლის პირველი ნოემბერია განსაზღვრული.

ამავე თემაზე:

https://netgazeti.ge/news/160175/

მკვლელობის საქმის განხილვაზე მოსამართლე ლევან გელოვანს რამდენიმე პირის სასამართლოდან გაძევება მოუწია.

საუბარია გასული წლის 4 ნოემბერს ჩაქვში მომხდარ მკვლელობაზე. შემთხვევის შედეგად 50 წლის კაცი – ანზორ კონცელიძე დაიღუპა.

გარდაცვლილის ახლობლები ყვებიან, რომ მკვლელობა მუცელში ქვის მრავალჯერ ჩარტყმით მოხდა და ამას რამდენიმე თვითმხილველი ჰყავს.

„ჩემი ძმა მანქანით მოდიოდა სახლისკენ. გზაში შეამჩნია, რომ მეზობლის ბიჭები შეკრებილიყვნენ და ჩხუბობდნენ, მანქანა გააჩერა და მივიდა… მივიდა და ასეთი ამბავი მოხდა… თავისით მოვიდა სახლში, არ უნდოდა პოლიციისთვის ეთქვა. მეორე დილით გაუსაძლისი ტკივილი ჰქონდა და სააავადმყოფოში გადავიყვანეთ. საღამოს ჩვენი ძმა ცოცხალი აღარ იყო,“ – ამბობს დაღუპულის და, ლია კონცელიძე.

ამ შემთხვევიდან რამდენიმე დღის შემდეგ ჩაქვში ზაზა ზოიძემ სავარაუდოდ თავი მოიკლა. ის ერთ-ერთი იყო მათ შორის, ვინც მკვლელობაში ბრალდებულის – სიმონ ავალიანის წინააღმდეგ მისცა ჩვენება.

დაღუპულის ახლობლების თქმით, ზაზა ზოიძეს ბრალდებული და მისი ახლობლები ჩვენების შეცვლას აიძულებდნენ.

დღევანდელ პროცესზე სასამართლოს ერთ-ერთი მოწმის – ზორბეგ კონცელიძის ჩვენება უნდა მოესმინა, მაგრამ ვიდრე მოწმე სასამართლო დარბაზში შემოვიდოდა, ბრალდებულის ადვოკატმა, პაატა შავაძემ თქვა, რომ ამ ჩვენებას დაცვის მხარე უდავოდ მიიჩნევს.

„მიგვაჩნია, რომ მისი ჩვენება არ არის ბრალდებულისთვის ზიანის მომტანი,“ – დასძინა ადვოკატმა.

ასეთ შემთხვევაში სასამართლო მოწმის ჩვენებას აღარ ისმენს.

პროკურორმა დავით კირჩხელმა მოსამართლეს უთხრა, რომ სხვა მოწმე მას დღევანდელ პროცესზე არ დაუბარებია. საქმის გადადებას სასამართლო დარბაზში ხმაური მოჰყვა. დაღუპულის ახლობლებმა სასამართლო პროცესის გაჭიანურებაში დაადანაშაულეს.

საზოგადოებრივი ტუალეტების  მდგომარეობა  ქვეყნის კულტურული და ეკონომიკური განვითარების ერთ-ერთი საინტერესო მაჩვენებელია. იაპონელი ფოტოგრაფი, ჰიდეფუმი ნაკამურა იაპონიის სხვადასხვა ქალაქში ბევრს მოგზაურობს და საზოგადოებრივი ტუალეტების ფოტოკოლექციას აგროვებს.

ინსტაგრამზე საკუთარი გვერდიც აქვს ფოტოგრაფს: toilets a go go , რომელზეც მოგზაურობისას გადაღებული იაპონური საზოგადოებრივი ტუალეტების ფოტოებს აქვეყნებს პერიოდულად.

წყარო: CNN

ამავე თემაზე:

საქართველოს სახალხო დამცველის, ნინო ლომჯარიას 2017 წლის საპარლამენტო ანგარიშში ადამიანის უფლებათა და თავისუფლებათა დაცვის მდგომარეობის შესახებ, აღნიშნულია, რომ ჯანდაცვის სამინისტროსთან არსებული პროფესიული განვითარების საბჭოში ჭიანურდება მოქალაქეთა განცხადებების შესწავლა.

საბჭოს, რომელსაც საქართველოს ჯანდაცვის მინისტრი ხელმძღვანელობს,  მოქალაქეები სამედიცინო პერსონალის საქმიანობასთან დაკავშირებულ განცხადება-საჩივრებით მიმართავენ.

„მოქალაქეებს ასევე არ აქვთ საშუალება, მონაწილეობა მიიღონ განცხადების განხილვა/შესწავლის პროცესში, არც საბჭოს სხდომაზე იბარებენ, თუმცა გადაწყვეტილების მიღებისას მხარეებს აქვთ დასწრების უფლება.

აუცილებელია საბჭომ გონივრულ ვადაში შეატყობინოს განმცხადებელს სხდომის ადგილისა და დროის შესახებ და უზრუნველყოს კანონმდებლობით პაციენტებისათვის გარანტირებული უფლებების რეალიზაცია. ეს ხელს შეუწყობს არა მარტო მხარეთა უფლებების დაცვას ადმინისტრაციული წარმოებისას, არამედ უფრო დასაბუთებული გადაწყვეტილებების გამოტანასაც, ვინაიდან ასეთ შემთხვევაში ადმინისტრაციულ ორგანოს შეეძლება უკეთ გამოიკვლიოს საქმესთან დაკავშირებული გარემოებები,“ – აღნიშნულია საქართველოს სახალხო დამცველის ანგარიშში.

სახალხო დამცველის აპარატმა 646 განცხადება შეისწავლა, რომლებიც შეეხებოდა გაწეული სამედიცინო მომსახურების ხარისხსა და ჯანმრთელობის უფლებით სარგებლობის სავარაუდო შეზღუდვის ფაქტებს და მათ მიერ პროფესიული განვითარების საბჭოში წარდგენილი განცხადებების განხილვას.

„ჩვენს ხელთ არსებული მონაცემები მიუთითებს, რომ პრობლემად კვლავ რჩება პაციენტების ინფორმირება მათი უფლებების, ხოლო სამედიცინო პერსონალისა – მათი მოვალეობების შესახებ.

განმცხადებლები ხშირ შემთხვევაში მიუთითებენ სამედიცინო პერსონალის დაბალ პროფესიულ კვალიფიკაციაზე და პასუხისმგებლობაზე. საკმაოდ მაღალია იმ ექიმთა რიცხვი, რომლებსაც სხვადასხვა ვადით შეუჩერდათ სახელმწიფო სერტიფიკატის მოქმედება ან პროფესიული პასუხისმგებლობის სხვა ზომები დაეკისრათ.“ – აღნიშნულია ანგარიშში.

საქართველოს სახალხო დამცველი სამედიცინო საქმიანობის სახელმწიფო რეგულირების სააგენტოს  რეკომენდაციას აძლევს, შეიმუშაოს საქმისწარმოების პროცედურის განმსაზღვრელი ნორმები, რომლითაც განისაზღვრება მოქალაქეთა განცხადება/საჩივრების შესწავლის და პროფესიული საბჭოსათვის მათი განსახილველად მიწოდების გონივრული ვადები, ასევე,  დაინტერესებული მხარეებისათვის შეიმუშაოს პროფესიული განვითარების საბჭოს დაგეგმილი სხდომის შესახებ ინფორმაციის წინასწარ შეტყობინების წესი.

ამავე თემაზე: თემურ გაბაიძის დაღუპვიდან 14 თვე გავიდა, საბჭოს კი ექიმების პასუხისმგებლობაზე არ უმსჯელია 

ცოტა ხნის წინ ბათუმის პორტის თანამშრომლების გაფიცვასთან დაკავშირებით განცხადება გააკეთა “ბათუმის საზღვაო ნავსადგურის” დირექტორმა, დანიარ მუხამედ რახიმმა.

“ვაცხადებ, რომ ბრძანება ადმინისტრაციის შემცირების შესახებ არ გაცემულა. ეს განიხილებოდა, როგორც მოდელი და სამუშაო განხილვა. მაგრამ განსაზღვრული პირების მიერ ეს გამოიყენება პორტში დესტაბილიზაციისთვის. როგორც ჩანს, ყველას არ მოსწონს პორტის მშვიდი და თავდაჯერებული მუშაობა,” – ამბობს ის.

დანიარ მუხამედ რახიმის განცხადებით, პორტის მუშაობა არ შეჩერებულა, “თუმცა ახლა ტვირთის დატვირთვა-დაცლის სამუშაოები არ მიმდინარეობს, რადგან ამ მომენტისთვის გემები არ არის. გემის შემოსვლა, გრაფიკის მიხედვით, დღეს უფრო მოგვიანებით იგეგმება, დღის განმავლობაში”.

კითხვაზე, თუ როგორ ხედავს სიტუაციის განმუხტვის გზებს, “ბათუმის საზღვაო ნავსადგურის” დირექტორი პასუხობს, რომ პორტში აქამდეც იყო თანამშრომლებთან  შეხვედრების განრიგი დანიშნული, სადაც უნდა განეხილათ ყველა ის ზომა, რომლებსაც ადმინისტრაცია იღებს. თუმცა, მისივე თქმით, შეხვედრები პროფკავშირის თანდასწრებითა და მონაწილეობით ჩაიშალა:

“მათ ერთ-ერთ წარმომადგენელს, პორტის თანამშრომელ ბატონ სურმანიძეს, არაერთხელ ჩაუშლია ეს შეხვედრები და დიალოგი ვერ შედგა გასული კვირის განმავლობაში. ამასთან დაკავშირებით, კომპანიის მმართველის განცხადებით და ნავთობტერმინალის გენერალური დირექტორის მეთაურობით, შეიქმნა სპეციალური კომისია კოლექტივში სოციალური სტაბილურობის შენარჩუნებისთვის. ამ მომენტისთვის ერთ-ერთი პირი გვიშლის დიალოგს კოლექტივთან, ჩვენი არაერთი შეთავაზება შეთანხმების ჯგუფისა და კომისიის შექმნის შესახებ იგნორირებულია. ადმინისტრაცია მოუწოდებს მათ მედიაციისკენ, რადგან დავის საგანი, როგორც ასეთი, იურიდიულად ამ მომენტისთვის არ არსებობს. მაგრამ ადმინისტრაცია ყოველთვის მუშაობდა ღიად და ხსნის ყველა თავის ნაბიჯს, მათ შორის, განიხილავს იმ გეგმებს, რომლებიც ჯერ კიდევ განხილვის ფაზაშია. მაგრამ ისეთი მნიშვნელოვანი გადაწყვეტილებების მიღებამდე, როგორიცაა თანამშრომლების შემცირება და მათი აუტსორსინგში გადაყვანა, მოხდება მხოლოდ პროფკავშირებთან კონსულტაციის შემდეგ,” – ამბობს დანიარ მუხამედ რახიმი. [აუტსორსინგი – ორგანიზაციათა შორისი შეთანხმება ცალკეული ბიზნესპროცესების შესრულებაზე, რომლის მეშვეობით მაღლდება ეფექტურობა და/ან მცირდება დანახარჯები. თანამედროვე ბიზნესში აუტსორსინგით შეიძლება გადაეცეს როგორც დამხმარე (მაგალითად, ხელფასის გაანგარიშება, ინფორმაციული სისტემების გამართვა და სხვ.), ისე ზოგიერთი ძირითადი ბიზნესპროცესები (მაგალითად, ახალი პროდუქტების დამუშავება). 

დღეს ჟურნალისტებს ბათუმის საზღვაო პორტის გენერალურმა დირექტორმა უთხრა, რომ სამუშაო ჯგუფი უკვე შექმნილია, ბათუმის ნავთობტერმინალის დირექტორის მეთაურობით და  ისინი ითხოვენ, კოლექტივის სახელით მაქსიმუმ 20-ადამიანიანი საინიციატივო ჯგუფის შექმნას.

“ადმინისტრაციამ ჩაატარა სამუშაოები აუტსორსინგის ბაზრის შესწავლის მიზნით. ბაზარზე დავარდნილია მოთხოვნა, მაგრამ ანგარიშები ამის შესახებ პროფკავშირებისთვის წარდგენილი იქნება მხოლოდ მას შემდეგ, როცა მოხდება წინადადების ფორმირება ან/და განხილვა …

მთელი კოლექტივის შრომის ანაზღაურების ფონდის შენარჩუნების მიზნით, გაძლიერებულად მუშაობს სამუშაო ჯგუფი ოპერაციული ხარჯების შემცირებასა და კაპიტალდაბანდებებზე. ჩვენი, ადმინისტრაციის მიზანია, შევინარჩუნოთ ის მყარი კოლექტივი, რომელიც ათეულობით წლებია შენარჩუნებულია”, – ამბობს პორტის დირექტორი.

ბათუმში, დემეტრე თავდადებულისა და გორგილაძის ქუჩების კვეთაში, ხანძარი გაჩნდა. სახანძრო სამსახურის ინფორმაციით, ხანძრის შედეგად ქსოვილების მაღაზიას მიადგა ზიანი, დაიწვა „ქსოვილების ნაწილი“.

მაღაზიის მესაკუთრე ლალი ანთია ამბობს, რომ მან ნახევარი საათით დაკეტა მაღაზია და გავიდა, დაბრუნებულს კი მაღაზიაში კვამლი დახვდა. ხანძრის შედეგად არავინ დაშავებულა.

საქართველოს ეკონომიკისა და მდგრადი განვითარების სამინისტრო „დაგეგმილი რეფორმების შესახებ საზოგადოების ინფორმირებისთვის“ 440 ათასი ლარის დახარჯვას ტენდერის გარეშე, გამარტივებული შესყიდვით გეგმავს.

სხვადასხვა მომსახურების გამარტივებულ შესყიდვაზე თანხმობისთვის სამინისტრომ უკვე მიმართა შესყიდვების სააგენტოს, თუმცა სააგენტო ითხოვს სამინისტრომ დააკონკრეტოს და განმარტოს: „რამ გამოიწვია ღონისძიების შეზღუდულ ვადაში ჩატარების აუცილებლობა; რატომ ვერ იქნებოდა შესყიდვები წინასწარ დაგეგმილი; ასევე, ელექტრონული ტენდერის მეშვეობით შესყიდვა რატომ გამოიწვევს ამ ღონისძიებების არსებითი შეფერხებით ჩატარებას, ჩაშლას ან/და მისი უწყვეტად ჩატარების ხელშეშლას“.

რის შესახებ აპირებს საზოგადოების ინფორმირებას სამინისტრო:

[checklist]

• „სამინისტროს მიმდინარე წლისათვის აქვს დაგეგმილი მნიშვნელოვანი რეფორმების გატარება და ახალი საკანონმდებლო ინიციატივების წარდგენა/დამტკიცება [სავალდებულო ტექნიკური ინსპექტირება, დაგროვებითი საპენსიო რეფორმა, კაპიტალის ბაზრის განვითარება, საჯარო და კერძო თანამშრომლობის კანონი, გაზისა და ელექტროენერგეტიკის ახალი კანონი, ენერგოეფექტურობის 3-წლიანი სამოქმედო გეგმა, სივრცითი მოწყობა და სამშენებლო კოდექსი, აირზე მომუშავე მანქანების შესახებ დადგენილება];
• „Check In Georgia“-ს ფარგლებში დაგეგმილი აქტივობების შესახებ მნიშვნელოვანია მოსახლეობისა და ბიზნესსექტორის ინფორმირება, როგორც რეგიონებში ასევე, დედაქალში, რათა კერძო სექტორმა მოახერხოს მაქსიმალურად მომზადება პროექტისგან გამოწვეული გაზრდილი ტურისტული ნაკადების მისაღებად;
• წელსვე, დაგეგმილია მნიშვნელოვანი ენერეგტიკული პროექტების განხორციელების დაწყება, მათ შორის მსხვილი ჰესებისა და ელექტროგადამცემი ინფრასტრუქტურის მშენებლობა, თბოსადგურისა და გაზსაცავის მშენებლობის დაწყება;
• ენგურჰესი ქვეყნის პირველი ინდუსტრიული ძეგლია, სადაც დაგეგმილია, ტურისტული ცენტრის, სამუზეუმო-საინფორმაციო სივრცისა და ვიზიტორთათვის ენგურზე გადასახედი პლატფორმების მოეწყობა, რისთვისაც მიმდინარეობს საპროექტო სამუშაოების განხორციელება. აღნიშნულიდან გამომდინარე მნიშველოვანია ენგურჰესის, როგორც ახალი ტურისტული მიმართულების, პოპულარიზაცია და ამისათვის კომპლექსური მარკეტინგული კამპანიის განხორციელება;
• სამინისტრო და სამინისტროს დაქვემდებარებული სტრუქტურები აქტიურად არიან ჩართულები საქართველოს დამოუკიდებლობის 100 წლისთავთან დაკავშირებით დაგეგმილ ღონისძიებებში. 26 მაისს უწყებები, როგროც დედაქალაქში, ასევე რეგიონებში – სპეციალური ინსტალაციების, შემეცნებითი, გასართობი და საინფორმაციო სივრცეებისა და საზეიმო ღონისძიებების მოწყობას გეგმავენ. მნიშვნელოვანია დაგეგმილი აქტივობების შესახებ საზოგადოების წინასწარი ინფორმირება, ვიდეორგოლებისა და სხვადასხვა საინფორმაციო აქტივობის დაგეგმვა. ასევე, 26 მაისამდე პრერიოდში პრემარკეტინგული კამპანიის წარმოება“.

[/checklist]

ეს არის ამონარიდი, სამინისტროს მიერ შესყიდვების გვერდზე ატვირთული განაცხადიდან. ამავე განაცხადის მიხედვით, სამინისტრო თვლის, რომ „ზემოთხსენებული რეფორმებისა და საკანომდებლო ინიციატივების წარმატებით განხოციელებისათვის მნიშვნელოვანია, როგორც სამიზნე ჯგუფებისათვის, ასევე საზოგადოების ფართო მასებისათვის ინფორმაციის მიწოდება… ინფორმაციის მიწოდება აუცილებელია მოხდეს ყველა შესაძლო საკომუნიკაციო არხით“.

სამინისტროში აცხადებენ, რომ „დასახელებული რეფორმების, ინიაციატივებისა და პროექტების ამოქმედება/განხორციელების ვადები რამდენჯერმე შეიცვალა. ამასთან, რიგ შემთხვევებში, განხილვისა და მსჯელობის პროცესში, ცვლილებები შევიდა მათ შინაარსებშიც. ამ დროისათვის მათი განხორციელება უკვე დაწყებულია და ინფორმაციის მიწოდება მოქალაქეებისთვის უნდა მოხდეს მაქსიმალურად სწრაფად… სამინისტრო გეგმავს, კომპლექსური მარკეტინგული/სარეკლამო კამპანიების წარმოებას, პრეზენტაციების გამართვას და ზოგადად სხვადასხვა სახის საპრომოციო/საინფორმაციო აქტივობის განხორციელებას“.

„დროის გასვლასთან ერთად – ამა თუ იმ პროცესის მიმართ, მოქალაქეებს ექმნებათ საბოლოოდ ჩამოყალიბებული განწყობები და ასეთ დროს საზოგადოებისთვის ინფორმაციის მიწოდება უკვე დაგვიანებული და არაეფქტურია“, – აცხადებს სამინისტრო.

თუმცა, ყველა ეს არგუმენტი საკმარისი არ აღმოჩნდა შესყიდვების სააგენტოსთვის, რომელიც გამარტივებულ შესყიდვაზე თანხმობის მისაცემად სამინისტროსგან დამატებით განმარტებებს ელის. შესაბამისად, ეკონომიკის სამინისტროს კიდევ ერთხელ მოუწევს დაასაბუთოს, რატომ უნდა 440 ათასი ლარის დახარჯვა ტენდერის გარეშე.

82 წლის ალექსანდრა ტერუნი, რომელიც 20 მარტს ბინიდან გამოასახლეს, სასამართლოს გადაწყვეტილებას ელოდება. გამოსახლების შემდეგ მოხუცი კლინიკაში მოხვდა. მას ექიმებმა თავის ტვინის შერყევის დიაგნოზი დაუსვეს. ალექსანდრას თქმით, მას სახლის მესაკუთრემ გამოსახლების შემდეგ კიდევ ერთხელ სცემა. მხარე ამ ფაქტს უარყოფს.

ალექსანდრა ტერუნი რესპუბლიკური საავადმყოფოდან უკვე გაწერეს. მისი მინდობილი პირი, ჟუჟუნა ჯიჯავაძე ამბობს, რომ მოხუცმა მერიისგან შეთავაზებულ მოხუცთა თავშესაფარზე უარი თქვა და ახლობელთან რჩება. ალექსანდრა სასამართლოს გადაწყვეტილებას ელოდება, როგორც სამოქალაქო დავის, ისე სისხლის სამართლის კუთხით დაწყებულ საქმეებზე. მოხუცი მიიჩნევს, რომ მას ბინა თაღლითურად ჩამოართვეს.

„ალექსანდრას საქმეს სწავლობს სახალხო დამცველი, ასევე რამდენიმე არასამთავრობო ორგანიზაცია გვთავაზობს დახმარებას. ალექსანდრა ელოდება სასამართლოს გადაწყვეტილებას როგორც ცემის და ფიზიკური ძალადობის ფაქტზე, ასევე სამოქალაქო კუთხით. ჩვენ შეტანილი გვაქვს სარჩელი ბათუმის საქალაქო სასამართლოში. ვიცით, რომ საქმე მოსამართლე ინდირა მაშანეიშვილმა უნდა განიხილოს, მაგრამ პროცესი ჯერ ჩანიშნული არ არის,“ – გვითხრა ჟუჟუნა ჯიჯავაძემ.

ალექსანდრა ტერუნი 1983 წლიდან საიათნოვას 4-ში ცხოვრობდა. ბინა მას შემდეგ დაკარგა, როცა მისმა შვილიშვილმა კერძო მევახშისგან სესხი [როგორც ალექსანდრა აცხადებს, 600 დოლარი] აიღო და ბინა იპოთეკით დატვირთა. ალექსანდრა ამბობს, რომ მას ამ სესხის შესახებ არაფერი უთხრეს, თორემ თავად გადაიხდიდა ვალს. სწორედ ამ სასესხო ხელშეკრულების საფუძველზე გაყიდა ბინა თანხის მსესხებელმა. საბოლოოდ რამდენჯერმე გადაყიდული ბინა ალექსანდრას კარის მეზობელმა – გიორგი გეგუჩაძემ იყიდა. იგი სპეცრაზმის თანამშრომელია.

ალექსანდრას თქმით, მისი შვილიშვილი მძიმედ ავადაა და უკრაინაში იმყოფება. ალექსანდრას გასული წლის 25 დეკემბერს ბინის კარი აჭედილი დახვდა და მას შემდეგ ქუჩაშია.

ალექსანდრა ტერუნი 18 მარტს  ამწეთი შევიდა საიათნოვას 4-ში მდებარე სახლის აივანზე, აივნიდან კი – ბინაში.

ალექსანდრა ტერუნი ადრეც ამბობდა, რომ მას ბინის ამჟამინდელმა მესაკუთრეებმა, და-ძმა გეგუჩაძეებმა სცემეს. სავარაუდო ცემის მეორე ფაქტზე გამოძიება 20 მარტს დაიწყო. ალექსანდრა ტერუნზე ფიზიკური ძალადობის პირველ შემთხვევას უკვე განიხილავს ბათუმის საქალაქო სასამართლო, სადაც ბრალდებული სოფიო გეგუჩაძეა – ბინის კანონიერი მესაკუთრის და.

„ბათუმელებთან“ საუბრის დროს, სოფიო გეგუჩაძე გამორიცხავს ფიზიკურ ძალადობას მოხუცზე.