ქედის ყოფილი გამგებელი „სანდასუფთავების“ დირექტორად დაინიშნა


ქედის ყოფილი გამგებელი, დავით დუმბაძე, ბათუმის მერიის შპს „სანდასუფთავების“ დირექტორად დაინიშნა. ამის შესახებ ინფორმაცია „ბათუმელებს“ დავით დუმბაძემ თავად დაუდასტურა.

ეს თანამდებობა დავით ასამბაძემ თვითმმართველობის არჩევნების შემდეგ დატოვა. ის ბათუმის ახალი მერის, ლაშა კომახიძის გუნდში ვერ მოხვდა.

დავით დუმბაძე კი ქედის გამგებლის თანამდებობაზე უფლებამოსილების ვადის ამოწურვის შემდეგ „ქართული ოცნების“ სიაში აღარ ჩაწერეს, ამიტომაც არჩევნების შემდეგ ისიც, როგორც სხვა გამგებლები, შეთავაზებას ისევ მმართველი გუნდისგან ელოდებოდა.

ნეტგაზეთის მასალების სხვა გამოცემებში გადაბეჭდვის წესი
ავტორი