30 მარტიდან პირველი აპრილის ჩათვლით, საბაჟო გამშვებ პუნქტებში: „წითელი ხიდი“ და „სარფი“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, აზერბაიჯანის მოქალაქეების: ე.მ-სა და ვ.ვ-ს კუთვნილი ბარგის და ფიზიკური დათვალიერებისას, არადეკლარირებული ოქროს საიუველირო ნაკეთობები აღმოაჩინეს. ნაკეთობათა საერთო წონა 232.67 გრამია.
საქონლის საერთო საბაჟო ღირებულებამ კი, საერთო ჯამში 14 502 ლარი შეადგინა.
საქართველოს საგადასახადო კოდექსის 289-ე მუხლის მე-10 ნაწილის შესაბამისად, სამართალდამრღვევ მოქალაქეებს, სანქციის სახით, ფულადი ჯარიმა, ჯამში, 14 502 ლარის ოდენობით შეეფარდათ.