ირაკლი დარცმელიძე
ბათუმის „დინამომ“, რომელიც ეროვნული ჩემპიონატის მეორე წრეს განახლებული შემადგენლობით ხვდება, წინასაჩემპიონატო სამზადისი თურქეთში განაგრძო, სადაც 6 თებერვალს გაემგზავრა.
Author Archives: ბათუმელები
„შუქურა“ უმაღლესი ლიგისთვის მომდევნო წელს იბრძოლებს
ირაკლი დარცმელიძე
ქობულეთის „შუქურა“ საწვრთნელ შეკრებაზე თურქეთში გაემგზავრა, რაც კლუბის ისტორიაში პირველი უცხოური შეკრებაა. „შუქურა“ თურქეთში 21 თებერვლამდე დარჩება და ოთხ ამხანაგურ შეხვედრას გამართავს. ქობულეთელთა მეტოქეები რუსული „ვულგარ-გაზპრომი“, „კრასნოდარი“, „რუბინი“ (სათადარიგო შემადგენლობა) და „ალანია“ იქნებიან.
<!** Image 1 align="middle" width="300" height="378" >
თვითნებურად შესახლებულებს აპრილში გამოასახლებენ
ნინო სიხარულიძე
ხელვაჩაურის 59-ე ბატალიონის ყოფილ შენობაში თვითნებურად შესახლებულ ოჯახებს ტერიტორიის დასატოვებლად ვადა აპრილის ბოლომდე მისცეს. ბატალიონის ყოფილ შენობაში სოციალურად დაუცველი და თავშესაფრის გარეშე დარჩენილი ოჯახები გასული წლის ოქტომბერში შესახლდნენ.
<!** Image 1 align="" alt="ჯანდაცვის მინისტრის მოადგილე, რამაზ ჯინჭარაძე" sub="ჯანდაცვის მინისტრის მოადგილე, რამაზ ჯინჭარაძე" width="300" height="300" >
„დემოკრატიის ინსტიტუტის“ განცხადება რვა თებერვალს მომხდარ მოვლენებზე
არასამთავრობო ორგანიზაცია „დემოკრატიის ინსტიტუტი“ მიმდინარე წლის რვა თებერვალს, თბილისში განვითარებულ მოვლენებს ეხმიანება. „დემოკრატიის ინსტიტუტი“ გმობს ყოველგვარ ცინიზმს, შურს, ანგარიშსწორებას, მითუმეტეს პოლიტიკური მოტივებით“- ნათქვამია მიმართვაში, რომელიც ორგანიზაციის ვებგვერდზეა განთავსებული.
„საქართველოს პრეზიდენტმა მაქსიმალურად უნდა უზრუნოს ქვეყნის ინტერესების დაცვა, იყოს შუამავალი, მედიატორი და არა ოპოზიციური პარტიის ლიდერი, რადგან, ის პირველ რიგში ქვეყნის მეთაურია და მერე ოპოზიციური პარტიის ლიდერი“.
ორგანიზაციის განცხადებაში ასევე ნათქვამის, რომ ქვეყნის ინტერესების დაცვაზე პასუხისმგებლობის წილი მოდის პრემიერ-მინისტრზეც:
„საქართველოს პრემიერ-მინისტრმა მაქსიმალურად უნდა იზრუნოს როგორც ქვეყნის ინტერესების დაცვაზე, ისე პოლიტიკური ოპოზიციის ღირებულებისა და პრინციპების დაცვაზე, რომელთა არსებობა იყო, არის და იქნება საქართველოს მომავლისა და განვითარების გარანტია. საქართველოს პარლამენტმა არ უნდა აუკრძალოს პრეზიდენტს პარლამენტში მისვლა და საკონსტიტუციო ვალდებულების შესრულება“.
ორგანიზაციის განცხადებით, საქართველოს შს სამინისტრომ მაქსიმალურად მოკლე დროში უნდა გამოიძიოს 2013 წლის რვა თებერვალს საქართველოს ეროვნულ ბიბლიოთეკასთან მომხდარი ფაქტები და მოახდინოს შესაბამისი, სამართლებრივი რეაგირება.
„ქართული ოცნების“ ბათუმის ორგანიზაციის წევრთა ნაწილის განცხადება
მანანა ქველიაშვილი
კოალიცია „ქართული ოცნების“ ბათუმის ორგანიზაციის წევრთა და დამფუძნებელთა ერთი ნაწილი ბათუმში დღეს დაგეგმილ პარტიის ყრილობის გადადებას ან ყრილობაზე პარტიის თავმჯდომარის არ არჩევას ითხოვს.
არჩილ ხაბაძე: „არ შეიძლება ისე გავაკეთოთ, რომ არც მწვადი დავწვათ და არც შამფური?“
ლელა დუმბაძე
ეს კითხვა, აჭარის მთავრობის თავმჯდომარემ არჩილ ხაბაძემ არასამთავრობო ორგანიზაციების წარმომადგენლებს უმაღლესი საბჭოს მიერ მიღებულ კანონზე მსჯელობისას დაუსვა. არასამთავრობო ორგანიზაციებმა არჩილ ხაბაძეს სთხოვეს არ მოეწერა ხელი კანონზე, რომელიც აჭარის უმაღლესმა საბჭომ, უსკოს წევრთა დაკომპლექტების წესის შესახებ მიიღო. მათი განცხადებით აღნიშნული კანონი რეგლამეტის უხეში დარღვევით და პოლიტიკური მოტივით იქნა მიღებული.
<!** Image 1 align="" alt="არჩილ ხაბაძის შეხვედრა არასამთავრობო ორგანიზაციებთან" sub="არჩილ ხაბაძის შეხვედრა არასამთავრობო ორგანიზაციებთან" width="360" height="360" >
„უფსკრული“ მდიდრებს და ღარიბებს შორის
ირაკლი ირემაძე, ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის მესამე კურსის სტუდენტი
სოციალური დანახარჯები – საზოგადოების სოციალური სტაბილურობის დაცვის მექანიზმი, თუ მძიმე ტვირთი ეკონომიკისათვის?
დღეს ბევრი საუბრობს სოციალური უთანასწორობის არნახულ მასშტაბებზე, მეცნიერების ერთი ნაწილი საუბრობს ამ უთანასწორობის მომავალში კიდევ უფრო ზრდის პერსპექტივებზე და მისი შედეგებიდან გამომდინარე წარმოშობილ საფრთხეებზე.
„გადავარჩინოთ ბათუმის დინამო“
ირაკლი დარცმელიძე
ბათუმში ახლადშექმნილი საინიციატივო ჯგუფის სახელწოდება თავად მეტყველებს იმ მიზანზე, რაც ამ ჯგუფის დამფუძნებლებს აქვთ. დეღს, 6 თებერვალს სწორედ მათი ინიციატივით გაიმართა შეხვედრა ბათუმელ გულშემატკივრებთან, ასევე ვეტერან ფეხბურთელებთან. საინიციატივო ჯგუფის სურვილია ძველი ტრადიციები დაუბრუნონ გუნდს, რომელიც ამჟამად ეროვნული ჩემპიონატის სატურნირო ცხრილში ბოლოსწინა ადგილზეა.
„დინამოს“ არ გააჩნია სტადიონი, არა აქვს სავარჯიშო ბაზა, ფაქტობრივად, ჩამკვდარია ბავშვთა ფეხბურთი, – ეს და მრავალი სხვა საკითხი გახდა განხილვის საგანი. ჯგუფის თავმჯდომარემ ოთარ ფედიჩკინმა პირველ რიგში კლუბში არსებულ არასწორ მენეჯმენტზე გააკეთა აქცენტი.
<!** Image 1 align="middle" width="400" height="1944" >
ბათუმის მერი შვებულებაში
ცაგო კახაბერიძე
ბათუმის მერი შვებულებაშია. ჯემალ ანანიძემ შვებულებით სარგებლობა ბათუმის საკრებულოს ყოფილი თავმჯდომარის გიორგი კირთაძის გადაყენებიდან მეორე დღესვე – 1 თებერვლიდან გადაწყვიტა. ჯემალ ანანიძე ამტკიცებს, რომ შვებულება მის შესაძლო გადაყენებას არ უკავშირდება, თუმცა ინფორმაცია იმის შესახებ, რომ საკრებულოს ახალი უმრავლესობა მერის შეცვლას გეგმავს, საკრებულოს ახალმა თავმჯდომარემ ირაკლი ჩავლეიშვილმა „ბათუმელებს“ არჩევის დღესვე, 31 იანვარს დაუდასტურა.
„…არც პირად საუბრებში და არც ტელეფონით ჩემთვის არავის უთქვამს, რომ მერის თანამდებობა უნდა დავტოვო, ამის შესახებ მეც ტელევიზიებისა და გაზეთების საშუალებით გავიგე. 31 იანვარს, მისი არჩევის დღეს მე შევხვდი ირაკლი ჩავლეიშვილს მივულოცე. მსგავსი საუბარი არ გვქონია. მასთან ერთად იყო მამული ჟღენტიც და პირიქით, მეხუმრენ კიდევაც, რატომ გახვედი შვებულებაში მერის შეცვლის საკითხს ჯერ არ განვიხილავთო.“
რაც შეეხება შვებულებში გასვლის მიზეზს ჯემალ ანანიძე ამბობს, რომ ჯანმრთელობასთან დაკავშირებული პრობლემები აქვს და ის სამედიცინო გამოკვლევის ჩატარების მიზნით მცირე დროით ქალაქიდან გასვლას გეგმავს: „გაზაფხულის ყვავილებზე მაქვს ალერგია და ამის გამო მაქვს პრობლემები“ – უთხრა ჯემალ ანანიძემ „ბათუმელებს.“ ბათუმის მერის მოვალეობას კი ჯემალ ანანიძის პირველი მოადგილე გელა დეკანაძე ასრულებს.
„შვებულებაში გასვლა მერის გადაყენებას ვერ შეაფერხებს, საკრებულოს თავმჯდომარეს შეუძლია მისი გადაყენების საკითხი საკრებულოში ასეთ შემთხვევაშიც გადაყენოს თუ მისი მუშაობა არადამაკმაყოფილებლად შეფასდება. იმ შემთხვევაში თუ საკრებულო მხარს დაუჭერს გადაწყვეტილებას, საკრებულოს შეუძლია იმ დღესვე ახალი მერიც აირჩიოს.“ – განმარტავს იურისტი გიორგი ხიმშიაშვილი.
ბათუმის საკრებულოს ახალი თავმჯდომარე მივლინებით ქალაქ სტამბოლში იმყოფება, მისი დაბრუნების შემდეგ ჯემალ ანანიძე მასთან შეხვედრას და „საორგანიზაციო საკითხებზე“ გასაუბრებას აპირებს.
გავრცელებული ინფორმაციით კი, რომელიც ირაკლი ჩავლეიშვილმა „ბათუმლებს“ 31 იანვარს საკრებულოს თავმჯდომარედ არჩევის შემდეგ დაუდასტურა, საკრებულოს ახალი უმრავლესობა ბათუმის მერის თანამდებობაზე ზურაბ პატარაიას კანდიდატურას განიხილავს.
ბათუმელი სტუდენტების ექსპერიმენტალური თეატრი პარიზში
ნინო სიხარულიძე
23 თებერვალს ბათუმის სახელმწიფო უნივერსიტეტის სტუდენტურ-ექსპერიმენტალური თეატრი, რომელიც უკვე 5 წელია არსებობს, პარიზში სტუდენტურ-თეატრალური ფესტივალის გასახსნელად მიემგზავრება.
წელს ქართველებს პირველად მიეცათ შესაძლებლობა მონაწილეობა მიეღოთ ფესტივალში. მანამდე კი, 14 თებერვალს, 19:00 საათზე, საფრანგეთში წასაღებ სპექტაკლს სტუდენტები აჩვენებენ ბათუმის დრამატულ თეატრში. ეს სპექტაკლის ბოლო საპრემიერო ჩვენება იქნება.
სპექტაკლი – „მელოტი მომღერალი ქალი“, ფრანგი დრამატურგის ეჟენ იონესკოს პიესის მიხედვით დაიდგა. „ეს არის კომედია ცუდი დასასრულით“, აღნიშნავს სპექტაკლის რეჟისორი გიორგი ჩხაიძე.
დასი სპექტაკლზე ერთ თვეს მუშაობდა. პრემიერა ხელოვნებისა და კულტურის ცენტრში გასული წლის 19 დეკემბერს შედგა. მთავარ როლებს ასრულებენ სტუდენტები: მარიამ ხიტალიშვილი, გიორგი არველაძე, ფრიდონ მოდებაძე, ნონა სურმანიძე და იაგო მორთულაძე. მხატვარი კი – მარიამ გოგოლიშვილია.
დასის მხარდამჭერები არიან: აჭარის განათლების, კულტურისა და სპორტის სამინისტრო, ბათუმის ხელოვნების უნივერსიტეტი და ბათუმის დრამატული თეატრი.
ფესტივალი საფრანგეთის დედაქალაქში 25 თებერვალს იწყება. დასი საქართველოში პირველ მარტს დაბრუნდება.
ხელვაჩაურში რწმუნებულები დაითხოვეს
მანანა ქველიაშვილი
ხელვაჩაურის მუნიციპალიტეტის ჭარნალის თემში შემავალი 5 სოფლის რწმუნებულმა განცხადებები დაწერეს და სამსახურიდან წავიდნენ. ზედა ჭარნალის ყოფილი რწმუნებული ნოდარ მიქელაძე აცხადებს, რომ მას განცხადების დაწერა აიძულეს და მოსთხოვეს სამსახურიდან წასულიყო.
შპს „გზა“ და მუშების გაუცემელი ხელფასები
ლელა დუმბაძე
ახალი ავტოსადგურის მშენებლობაზე დასაქმებული მუშები ამბობენ, რომ მათ სამი თვის ხელფასი არ მიუღიათ. მშენებლობას შპს „გზა” აწარმოებს. ორგანიზაციის ხელმძღვანელი მალხაზ დუმბაძე კი „ბათუმელებთან“ საუბარში ამბობს, რომ ორი თვის დავალიანება აქვთ: „მაგრამ ეს ჩვენი მიზეზით არ არის გამოწვეული. ახალ ავტოსადგურს თურქული კომპანია „სენა ჯორჯია“ აშენებდა, შპს „გზა“ მხოლოდ შემსრულებელი კომპანია იყო, მას ჩვენი ვალი აქვს და შესრულებული სამუშაოს თანხა ამ დრომდე არ დაუფარავს. ხელფასების გაცემაც ამიტომ დაგვიანდა“.
შპს „გზას“ ხელმძღვანელის თქმით, „სენა ჯორჯიას“ დავალიანება ერთი მილიონ 870 ათასი ლარია. „როგორც ვიცი, საზედამხედველო კომპანიამ „თურქ მოლიმ“ შესაბამისი დასკვნის დადება დააგვიანა. არა მგონია, ხარისხთან დაკავშირებით რაიმე პრეტენცია იყოს. კონსულსაც დავუკავშირდი, ჩავრთე ყველა ინსტანცია და ველოდები შედეგს“.
შპს „გზა“ ერთ-ერთია იმ კომპანიებს შორის, რომლებიც ბოლო წლების განმავლობაში ყველაზე მეტ სახელმწიფო შესყიდვას იღებდნენ. მალხაზ დუმბაძე ამბობს, რომ სახელმწიფოს მხრიდან მიღებულ დაკვეთებზე ფინანსური პრობლემები არ შექმნიათ. „მერიას არ აქვს კომპანიის დავალიანება, ჯერჯერობით მხოლოდ ბაგრატიონის ქუჩაზე ვმუშაობთ, ცვლილებებია დაგეგმილი და სამუშაოები მალე განახლდება“.
აჭარის მთავრობა ეკომიგრანტების შესახებ
თაკო შოთაძე
აჭარის მთავრობის სპეციალურმა კომისიამ გუშინ სტიქიის შედეგად დაზარალებული ოჯახების შესწავლა ქობულეთის მუნიციპალიტეტშიც დაიწყო. კომისია იმ 40-მდე ეკომიგრანტი ოჯახის მდგომარეობას გაეცნობა, რომლებსაც მინიჭებული აქვთ პირველი და მეორე კატეგორია.
ეკომიგრანტებთან დაკავშირებით მთავრობის გეგმების შესახებ „ბათუმელებთან“ კომენტარი გააკეთა აჭარის ჯანდაცვისა და სოციალური უზრუნველყოფის მინისტრის მოადგილემ რამაზ ჯინჭარაძემ: ,,ქობულეთის მუნიციპალიტეტში მცხოვრები ეკომიგრანტების მდგომარეობის შესწავლა უახლოეს ვადებში დასრულდება. სახელმწიფო დაზარალებულებს დაეხმარება – მათთვის გამოიყოფა თანხა ბიუჯეტიდან ან საცხოვრებელი სახლებით იქნებიან უზრუნველყოფილნი“.
აჭარის ჯანდაცვის სამინისტროს პრეს-სამსახურის ცნობით, იგივე კომისიამ ხელვაჩაურში უკვე შეისწავლა 30 ეკომიგრანტი ოჯახის საცხოვრებელი პირობები.
კომისია, რომლის შემადგენლობაში შედიან აჭარის ჯანდაცვის სამინისტროს დევნილთა და განსახლების დეპარტამენტის, აჭარის გარემოს დაცვის გეოლოგიის სამსახურისა და მუნიციპალიტეტების წარმომადგენლები, აჭარის მთავრობას ანგარიშს 15 თებერვალს წარუდგენს.
პირველი და მეორე კატეგორიის სიაში ისე ოჯახები ხვდებიან, ვისი სახლებიც საცხოვრებლად უკვე გამოუსადეგარი, სიცოცხლისა და ჯანმრთელობისთვის სახიფათოა.
„თუ გათოვდა, შეიძლება ვერც ერთი ხე ვერ გადარჩეს”
ახალი კოლექტორის მშენებლობას, რომელიც სათავეს გრიბოედოვის ქუჩიდან იღებს და სასტუმრო „შერატონამდე“ გრძელდება, რვაასამდე ფიჭვისა და ნაძვის ნარგავი შეიძლება შეეწიროს. ნარგავების ამოღებაზე ბულვარის ადმინისტრაციას ნებართვა არ გაუცია, კეთილმოწყობის სამსახურში კი აცხადებენ, რომ „ათი ძირი ხის გამო პროექტს ვერ გააჩერებენ.“
აჭარის სახელმწიფო ანსამბლს ახალი ხელმძღვანელი ჰყავს
მანანა ქველიაშვილი
აჭარის სიმღერისა და ცეკვის სახელმწიფო ანსამბლს ახალი ხელმძღვანელი ჰყავს. ავთანდილ ჭოლაძე ამ თანამდებობაზე გუშინ გამართულ მთავრობის სხდომაზე დაამტკიცეს. მან ამირან პაიჭაძე შეცვალა.
ამირან პაიჭაძის გადადგომას ანსამბლის მსახიობთა ნაწილი ითხოვდა. ამ მოთხოვნით მსახიობები საპროტესტო აქციებს აჭარის განათლების, კულტურისა და სპორტის სამინისტროსთან მართავდნენ.
აჭარის მთავრობამ მიწისძვრით დაზარალებულთა შემსწავლელი კომისია შექმნა
აჭარის მთავრობამ მიწისძვრით დაზარალებული ოჯახების შესწავლისა და ზარალის აღრიცხვის მიზნით ახალი სამთავრობო კომისია შექმნა. კომისიას სამასამდე მიწისძვრით დაზარალებული ოჯახის სახლების შესწავლა-დასურათებისა და შესაბამისი ხარჯთაღრიცხვის მთავრობისათვის წარსადგენად 20 დღიანი ვადა დღეს გამართულ მთავრობის სხდომაზე განუსაზღვრეს.
აჭარის მთავრობის თავმჯდომარის არჩილ ხაბაძის განმარტებით წინა სალიკვიდაციო კომისიის მიერ მომზადებული დასკვნა მთავრობისთვის დამაკმაყოფილებელი არ აღმოჩნდა: „მაგალითად დაზარალებულისთვის შვიდი ათი ან რვა ათასი ლარის გამოყოფის შემთხვევაში კომისიამ ვერ დაასაბუთა, რომ რეალურად ეს თანხა საკმარისია მისი პირობების გასაუმჯობესებლად.“
აჭარის ტერიტორიაზე მიწისძვრით დაზარალებული ოჯახების შემსწავლელ კომისიას აჭარის ჯანმრთელობისა და სოციალური დაცვის მინიტრის მოადგილე რამაზ ჯინჯარაძე უხელმძღვანელებს.
<!** Image 1 align="middle" alt="აჭარის მთავრობის სხდომა" sub="აჭარის მთავრობის სხდომა" width="500" height="2848" >
გიორგი კირთაძის გადაყენების კვირა
გასულ ხუთშაბათს ბათუმის საკრებულოში განვითარებულმა მოვლენებმა, შაბათ დილით კი ჩემს მობილურზე გიორგი კირთაძისგან შემოსულმა შეტყობინებამ, ბევრ რამეზე დამაფიქრა და ბევრი ძველი ამბავიც გამახსენა. ვიფიქრე, რომ მე, როგორც მოქალაქეს და როგორც ჟურნალისტს, ყველაზე მეტად ის არ მინდა, ეს ამბავი ადგილების შეცვლას ჰგავდეს.
მაღალმთიან აჭარაში ექიმები დაბალი ხელფასის გამო სამსახურს ტოვებენ
ეკა ბარამიძე
ხულოსა და შუახევის საავადმყოფოებს ექიმები ტოვებენ. მათი წასვლის მიზეზად სადაზღვევო კომპანიის სახელფასო პოლიტიკა სახელდება. ექიმების ანაზღაურება დაბალია.
აჭარიდან წალკაში ჩასახლებული ეკომიგრანტები ღია ცის ქვეშ რჩებიან
ცაგო კახაბერიძე
აჭარის ჯანდაცვის სამინისტროს ლტოლვილთა და განსახლების დეპარტამენტის ხელმძღვანელის რამაზ ჯინჭარაძის ინფორმაციით, აჭარიდან წალკაში ჩასახლებული ეკომიგრანტების საცხოვრებელ სახლებთან დაკავშირებით შექმნილი პრობლემების შესასწავლად შეპირებული სამთავრობო კომისია არ შექმნილა: „მაგრამ წალკაში ჩასახლებულ ეკომიგრანტებს საცხოვრებლის პრობლემა აღარ აქვთ, ყველაფერი მოგვარდა.“
„არაფერი შეცვლილა. ყველაფერი ისევ ისეა, როგორც იყო. არც კომისია შექმნილა და არც მთავრობა გამოგვხმაურებია. კიდევ ორი ოჯახი გაასახლეს ბერძენმა მეპატრონეებმა სოფელ ავრანლოდან“ – ამბობენ წალკის მუნიციპალიტეტის სოფელ ავრანლოში ჩასახლებული ეკომიგრანტები „ბათუმელებთან“ სატელეფონო საუბარში.
მაღალმთიანი აჭარიდან ჩასახლებულ ეკომიგრანტებს გასული წლის შემოდგომის მიწურულს საცხოვრებელი სახლისა და მშობლიური მიწა-წყლის დატოვება მეორედ მოუწიათ. ამჯერად მიზეზი სტიქიური უბედურება არ გამხდარა, მათ სახლების დაცლა ბერძენმა მეპატრონეებმა აიძულეს.
2007 წელს წალკის მუნიციპალიტეტის სოფლებში ბერძნების მიერ დატოვებულ სახლებში გადასვლა ღია ცის ქვეშ დარჩენილ ეკომიგრანტებს თავად პრეზიდენტმა მიხეილ სააკაშვილმა შესთავაზა, იმ პირობით, რომ ამ სახლების საფასურს მთავრობა უახლოეს პერიოდში დაფარავდა.
ლტოლვილთა და განსახლების სამინისტროს მტკიცებით მთავრობამ სახლების საფასური მართლაც დაფარა. წალკის საკრებულოს თავმჯდომარის ინფორმაციით წალკაში 2400-მდე ეკომიგრანტი ოჯახია ჩასახლებული, სამინისტროს ბალანსზე კი მხოლოდ 571 სახლი ირიცხება.
<!** Image 1 align="middle" alt="წალკის მუნიციპალიტეტში ჩასახლებული ეკომიგრანტები" sub="წალკის მუნიციპალიტეტში ჩასახლებული ეკომიგრანტები" width="600" height="300" >
მკლავჭიდელი და პრეზიდენტი დოპინგის გამოყენებას უარყოფენ
ირაკლი დარცმელიძე
ბათუმელ მკლავჭიდელს, ახალგაზრდებს შორის ევროპის ჩემპიონს, მერაბ კაკაბაძეს, ტესტირების შედეგად სისხლში დოპინგის კვალი აღმოუჩინეს. ტიტულების ჩამორთმევა და ორწლიანი დისკვალიფიკაცია – ეს არის სასჯელი, რომელიც მას ემუქრება. აჭარის მკლავჭიდის ფედერაციის პრეზიდენტი გოჩა შავაძე და თავად სპორტსმენი აცხადებენ, რომ ადგილი აქვს გაურკვევლობას და საკუთარი სიმართლის დამტკიცებას შეეცდებიან.
<!** Image 2 align="middle" alt="მარცხნივ - მერაბ კაკაბაძე" sub="მარცხნივ - მერაბ კაკაბაძე" width="500" height="384" >
„აკრობუმი წარსულია, აქცენტს ახალ თაობაზე ვაკეთებ“
ირაკლი დარცმელიძე
ბათუმელი აკრობატი გოგონების ტრიოს – „აკრობუმის“ შარშანდელი „ნიჭიერის“ ფინალში მოხვედრის შემდეგ, გოგონებისა და მათი მწვრთნელის, მარინა სარიშვილი–კალანდაძის გზები გაიყარა. მარინა სარიშვილი ბევრს არ საუბრობს იმაზე, თუ რა გახდა საყოველთაო აღიარების შემდეგ მრავალწლიანი იდილიის დასრულების მიზეზი. დღეს ის ახალი თაობის აღზრდითაა დაკავებული, რომელთა უმრავლესობამ უკვე მოასწრო საქართველოს ჩემპიონობა და სხვადასხვა ტურნირის მოგება. მარინა სარიშვილს სპორტსკოლაში, მორიგი ვარჯიშის დაწყებამდე ვესაუბრე.
<!** Image 1 align="middle" width="400" height="1788" >
აჭარის ეკონომიკის სამინისტრო პრეზიდენტის მიერ გავრცელებულ ინფორმაციას უარყოფს
თაკო შოთაძე
აჭარის ფინანსთა და ეკონომიკის სამინისტროში დღეს გამართულ ბრიფინგზე, მინისტრი გიორგი თავართქილაძე პრეზიდენტ მიხეილ სააკაშვილის მიერ სოფელ ხუცუბანში, ფილების ქარხანაში გაკეთებულ განცხადებას გამოეხმაურა. მინისტრი ამბობს, რომ საწარმო ,,ლეგის“ ფუნქციონირება არ შეუწყვეტია:
„ის საწარმო ერთი კვირის წინ მოვინახულე და მილიონის ნაცვლად, რვა მილიონის ინვესტირება აქვთ გაკეთებული. ტელევიზიით როცა ვნახე, რომ პრეზიდენტი იმ საწარმოს დახურვაზე საუბრობდა, სადაც მე რამდენიმე დღის წინ ვიყავი, გავოგნდი. საწარმო არ გაჩერებულა, უბრალოდ ამ ეტაპისთვის ისვენებს, რადგან მას დამზადებული აქვს მილიონი ლარის პროდუქცია. ეს მხოლოდ სეზონური მოვლენაა და ზამთრის დასრულებისთანავე მუშაობას განაახლებს“.
საწარმო „ლეგ-“ში ყოფნისას მიხეილ სააკაშვილმა განაცხადა: ,,ის ინფრასტრუქტურული პროექტები, რომლებსაც ვიღაცეებმა სააკაშვილის ხუშტურები უწოდეს, ახლა შეჩერებულია. ობიექტებზე სადაც დასაქმებული იყო 7-8 ათასი ადამიანი, ახლა გაჩერდა, რაც ნიშნავს იმას, რომ უამრავი ადამიანი ლუკმა-პურის გარეშე დარჩა’’.
არასამთავრობო ორგანიზაციები უმაღლეს საბჭოზე: „ისინი ლაპარაკობენ, ჩვენ ვუსმენთ”
ლელა დუმბაძე
აჭარის უმაღლესი საბჭოს თავმჯდომარემ ავთანდილ ბერიძემ დღეს გამართულ პრესკონფერენციაზე არასამთავრობო ორგანიზაციებს უსაყვედურა. მისი განცხადებით, არასამთავრობო სექტორის წარმომადგენლებმა უმაღლეს საბჭოში დაგეგმილი შეხვედრების მიმართ ინტერესი დაკარგეს.
არასამთავრობო ორგანიზაციების წარმომადგენლების განცხადებით კი უმაღლეს საბჭოში დაგეგმილი შეხვედრები „არაეფექტურია“ და მას „მონოლოგის რეჟიმი“ აქვს.
<!** Image 1 align="" width="300" height="300" >
გიორგი კირთაძის საჩივარი არ დაკმაყოფილდა
ცაგო კახაბერიძე
ბათუმის საქალაქო სასამართლომ ბათუმის საკრებულოს ყოფილი თავმჯდომარის გიორგი კირთაძის საჩივარი საკრებულოს 2 თებერვლის ადმინისტრაციული აქტის შეჩერების თაობაზე არ დააკმაყოფილა.
კირთაძე მიიჩნევს, რომ რიგგარეშე სხდომა, რომელზეც საკრებულოს წევრებმა მისი იმპიჩმენტისა და ახალი თავმჯდომარის არჩევის გადაწყვეტილება მიიღეს, კანონმდებლობის უხეში დარღვევით ჩატარდა. „სასამართლომ გადაწყვიტა, რომ ჩვენი მოთხოვნა არ არის მთლად სამართლიანი და მე ვფიქრობ რომ ეს იყო არასწორი გადაწყვეტილებ. დღეს მოვიფიქრებთ და გადავწყვეტთ, გავაგრძელებთ თუ არა საქმეს სხვა ინსტანციაში“- განაცხადა გიორგი კირთაძემ „ბათუმელებთან“ სატელეფონო საუბრისას.
„ნაციონალურ მოძრაობას“ საკრებულოში ორი ფრაქცია ექნება
ცაგო კახაბერიძე
დღეს გამართულ ბრიფინგზე ბათუმის საკრებულოს „ნაციონალური მოძრაობის“ ფრაქციის თავმჯდომარემ ნოდარ დუმბაძემ დაადასტურა ინფორმაცია იმის შესახებ, რომ შესაძლოა „ნაციონალური მოძრაობა“ საკრებულოში ორ ფრაქციად გაიყოს, მათ შორის ერთ-ერთს საკრებულოს ყოფილი თავმჯდომარე გიორგი კირთაძე უხელმძღვანელებს.
ზაურ ფატლაძე „ნაციონალური მოძრაობის“ ფრაქციიდან გარიცხეს
ცაგო კახაბერიძე
ბათუმის საკრებულოს „ნაციონალური მოძრაობის“ ფრაქციიდან ზაურ ფატლაზე გარიცხეს. ამის მიზეზი 2 თებერვალს საკრებულოს რიგგარეშე სდომაზე დასწრება და საკრებულოს ყოფილი თავმჯდომარის გიორგი კირთაძის იმპიჩმენტის საკითხზე ხმის მიცემა გახდა. ზაურ ფატლაძემ კი განმარტა, რომ ფრაქციიდან წავლაზე მან განცხადება დღეს დილით თავად დაწერა.
<!** Image 1 align="left" alt="ნოდარ დუმბაძე " sub="ნოდარ დუმბაძე " width="200" height="2220" >
„წინა დღით შეიკრიბა „ნაციონალური მოძრაობის ფრაქცია, ჩატარდა სხდომა, სადაც მივიღეთ გადაწყვეტილება, რომ საკრებულოს სხდომაზე, სადაც გიორგი კირთაძის იმპიჩმენტის საკითხი უნდა დასმულიყო, დავრჩებოდი მხოლოდ მე და დავაფიქსირებდი ჩვენს საპროტესტო მოსაზრებას იმის შესახებ, რომ რიგგარეშე სხდომა იყო არაკანონიერი. ამის შემდეგ ვაპირებდი საკრებულოს სხდომის დატოვებას პროტესტის ნიშნად. როდესაც უკვე ჩემი სიტყვა დავამთავრე და უკან მოვბრუნდი დავინახე, რომ ჩემი უკვე ყოფილი ფრაქციის წევრი ესწრებოდა სხდომას. შემდეგ კი როდესაც მე საკრებულოს სხდომა დავტოვე, მან არ დატოვა. მისი ამ საქციელით დაირღვა ფრაქციის ქესდება.“ – ასეთი განუმარტება გააკეთა დღეს საკრებულოს „ერთიანი ნაციონალური მოძრაობის“ თავმჯდომარემ ნოდარ დუმბაძემ ფატლაძის გარიცხვასთან დაკავშირებით.
<!** Image 2 align="left" alt="ზაურ ფატლაძე" sub="ზაურ ფატლაძე" width="200" height="2848" >
ზაურ ფატლაძის განმარტებით კი ფრაქციამ მისი განმარტებების გარეშე მიიღო გადაწყვეტილება: „კარგი იყო ჩემთვის მოესმინათ, მაგრამ გადაწყვეტილება უკვე მიიღეს, მე არ ვაპროტესტებ ამას, მაგრამ ამავე დროს მინდა გაცნობოთ, რომ დღეს დილით მე დავწერე განცხადება და ფრაცია დავტოვე. ამის შესახებ ვაცნობე ფრაქციის თავმჯდომარეს, მაგრამ ვაგრძელებ მუშაობას საკრებულოში დამოუკიდებელი წევრის სტატუსით.“
„ცესკოს უფლება არ აქვს რაიმე მოგვთხოვოს“
ლელა დუმბაძე
აჭარის უმაღლესი საარჩევნო კომისიის თავმჯდომარე უმაღლესი საბჭოსგან ზეწოლაზე საუბრობს, უმაღლესი საბჭო კი, ცესკოსგან ზეწოლაზე.
უმაღლესმა საბჭომ უსკოს დაკომპექსების წესთან დაკავშირებით ახალი კანონი მიიღო. კანონი ხელისმოსაწერად აჭარის მთავრობის თავმჯდომარეს გადაეგზავნა. თუ არჩილ ხაბაძე ხელს მოაწერს, კანონით გათვალისწინებული წესის მიხედვით, ერთ კვირაში უსკოში კონკურსი უნდა გამოცხადდეს. ახალი კანონის მიხედვით, უმაღლესი საარჩევნო კომისიის წევრებს არასამთავრობო ორგანიზაციები წარადგენენ. უსკოს მოქმედების ვადა კი ხუთი წლიდან ექვს წლამდე გაზარდეს. არასამთავრობო ორგანიზაციების განცხადებით, ახალი კანონი, ნაჩქარევად და დარღვევებით არის მიღებული.
<!** Image 1 align="" width="300" height="300" >
„ბათუმი ყველაზე ნაკლებად სეისმური რეგიონია“
ბოლოს მიწისძვრა საქართველოში 24 იანვარს დაფიქსირდა, ბიძგები მხოლოდ აპარატმა დააფიქსირა და ის მოსახლეობას არ უგრძნია. სპეციალისტის განმარტებით, პროცესი 23 დეკემბერს შავ ზღვაში დაფიქსირებულ მიწისძვრას უკავშირდება და ეს შემდგომი „აფთერშოკი“ ანუ მიმყოლი ბიძგებია, რომელთა სიმძლავრეც თანდათან იკლებს. პროცესი შავ ზღვაში ჯერ კიდევ გრძელდება.
ახალი ველოტერმინალები ბათუმში
ქალაქის ქუჩებში 12 ახალი ველოტერმინალი დაიდგა.
მუნიციპალური ველოსიპედებისთვის ქალაქის სხვადასხვა ქუჩაზე 12 ველოტერმინალი დაიდგა. ახალი ტერმინალები ბენზესა და აეროპორტის დასახლებებში, გორგილაძის, ხიმშიაშვილის (იუსტიციის სახლთან) და მელიქიშვილის (6 მაისის პარკთან) ქუჩებზე გადანაწილდა. 12-ვე ტერმინალის სამონტაჟო სამუშაოები დასრულებულია და სრული დატვირთვით მოქმედებს.
დღემდე ქალაქში მხოლოდ 10 ველოტერმინალი მოქმედებდა, რომლებიც ზღვისპირა პარკის გასწვრივ იყო დამონტაჟებული.
სამომავლოდ, ქალაქის სხვადასხვა ტერიტორიაზე კიდევ 8 ტერმინალი დაიდგმება.
მომზადებულია ბათუმის მერიის პრესსამსახურის მიერ მოწოდებულ პრესრელიზზე დაყრდნობით.
2 თებერვალი ჭარბტენიანი ტერიტორიების საერთაშორისო დღეა
საერთაშორისო მნიშვნელობის ჭარბტენიანი ტერიტორიების შესახებ კონვენცია 1971 წელს ირანის ქალაქ რამსარში მიიღეს. მას შემდეგ ჭარბტენიანი ტერიტორიების საერთაშორისო დღე ყოველწლიურად აღინიშნება.
თუ არ იქნება სამართალი, ვერ იქნება მშვიდობა!
ზურაბ ცისკარაძე, ბიზნესმენი
<!** Image 1 align="left" alt="ზურაბ ცისკარაძე" sub="ზურაბ ცისკარაძე" width="300" height="512" >
კოალიცია „ქართული ოცნება“ ხელისუფლებაში სამართლიანობის აღდგენის დაპირებით მოვიდა. მან ხალხის მხარდაჭერა და პოლიტიკური დივიდენდები ამ დაპირებით მიიღო. შესაბამისად, სამართლიანობის აღდგენა მისი პოლიტიკის განმსაზღვრელი ნაწილი უნდა გახდეს.
2004 წლიდან ვიბრძვი წართმეული ქონებისა და ბიზნესის დაბრუნებისათვის. წინა ხელისუფლების დროს არ დამიტოვებია არც ერთი ორგანო, სადაც არ მიმემართოს, თუმცა უშედეგოდ. საქართველოს სახალხო დამცველის მართლმსაჯულების დეპარტამენტი სამ წელზე მეტია არაფრის მთქმელი მიმოწერით არის დაკავებული.
შპს „აირი“, რომლის დამფუძნებელი და დირექტორი ვიყავი, აზერბაიჯანიდან თხევადი გაზის იმპორტს და მის საცალო-საბითუმო რეალიზაციასა ეწეოდა. 2003 წლის 5 სექტემბერს აჭარის საგადასახადო დეპარტამენტის დროებითი მოწმობის საფუძველზე დაიწყო შპს „აირის“ კომპლექსური შემოწმება. სასამართლოს ნებართვის გარეშე შემოწმებაში მონაწილეობას იღებდნენ აჭარის საგადასახადო დეპარტამენტის ინსპექტორები და აჭარის უშიშროების სამინისტროს თამანშრომლები.
საგადასახადოს ინსპექტორი ა. კახიძე თავის ჩვენებაში წერს: „აღვნიშნავ, რომ ჩემთან ერთად შემოწმებაში მონაწილეობას ღებულობდნენ აჭარის უშიშროების სამინინისტროს წარმომადგენლები და ყველა ციფრი, რომელიც ფიქსირდებოდა, მათ მიერ კონტროლზე იყო აყვანილი“. შემოწმების შედეგად საურავებისა და ჯარიმების სახით, გადასახდელად 666 878 ლარი დაგვარიცხეს. ეს დავალიანება გამოიწვია იმან, რომ შემმოწმებელმა საბითუმო ფასად გაყიდული გაზი საცალოდ რეალიზებულად ჩაგვითვალა, რადგანაც მყიდველებზე არ გვქონდა გამოწერილი ანაგრიშ-ფაქტურები და ვერც გამოვწერდით, რადგანაც 2002-2003 წლებში აჭარაში რეგისტრირებული გადამხდელები აქციზური საქონლის ანგარიშ-ფაქტურებს ვერ იღებდნენ.
ამ ფაქტის დადასტურება მხოლოდ ახალი ხელისუფლების პირობებში გახდა შესაძლებელი. 2012 წლის 10 დეკემბერს, საქართველოს ფინანსთა სამინისტროს შემოსავლების სამსახურიდან მივიღე წერილი, სადაც შავით თეთრზე წერია, რომ 2002 წელს აჭარაში რეგისტრირებულ გადამხდელებზე დღგ-ს ანგარიშ-ფაქტურა გაცემულია ერთი ცალი, ხოლო 2003 წელს – არც ერთი.
ეს ფაქტი კარგად იყო ცნობილი აჭარის საგადასახადო დეპარტამენტის მაშინდელი ხელმძღვანელის, ჯუმბერ გოგიტიძისთვის, მაგრამ შემოწმების აქტი მან მაინც გადასცა აჭარის პროკურატურას. მისი პირდაპირი მოვალეობა იყო ანგარიშ-ფაქტურებით ჩვენი მომარაგება. თუმცა რადგანაც ის უკანონოდ, შეთავსებით ს.ს. „აჭარგაზის“ მმართველიც იყო, კონკურენტის ჩაძირვის უმოკლესის გზა აირჩია. სამართალი ურმით დადისო და იმედი მაქვს, აჭარის პროკურატურის ახალი შემადგენლობა, რომელსაც განცხადებით მივმართე, ამ „ურემს“ სწრაფად შეაჩერებს სამართლიანობის კარიბჭესთან.
ვთვლი, რომ სამართლიანობის აღდგენის აუცილებელი პირობაა დამნაშავეების გამოვლენა და მათი პასუხისმგებლობის საკითხის დაყენება. ასევე რეპრესირებულთა უფლებებისა აღდგენა. თუ ახალი ხელისუფლება დამნაშავეებს დაუსჯელად დატოვებს, ის ვერ მოიპოვებს ხალხის ნდობას და მის თვალში უსუსტეს და უპრინციპო ხელისუფლებად დარჩება. უნდა დადგეს დრო, როდესაც ყოველ მომდევნო ხელისუფალს ეცოდინება, რომ ნებისმიერი სერიოზული გადაცდომისთვის უმკაცრესად აგებს პასუხს მართლმსაჯულების წინაშე.
სამართლიანობის აღდგენასთან ერთად არა ნაკლებ მტკივნეულ საკითხად მიმაჩნია, ახალი ხელისუფლების მიერ საჯარო სამსახურებში კადრების დასაქმების პოლიტიკა. გამარჯვებულ კოალიციაში შემავალი პარტიები თავისი აქტივისა და ნათესავ-მეგობრების დასაქმებით არიან დაკავებული. მათ მინდა შევახსენო, რომ პოლიტიკურ ორგანიზაციებში საქართველოს მოსახლეობის მხოლოდ 5% გაერთიანებული და დარწმუნებით ვამბობ, რომ ისინი არ წარმოადგენენ ჩვენი საზოგადოების საუკეთესო ნაწილს. ასეთ პოლიტიკას სხვა არაფერი ჰქვია, თუ არა – „ნადავლის გადანაწილება“.
ქართული პოლიტიკა აუცილებლად საჭიროებს ახალ სახეებს, არა ათას პარტია გამოცვლილი ე.წ. „პარტიული აქტივის“ სახით, არამედ თუნდაც ისეთ პიროვნებებს, ვინც წარმატებული იყო და არის კერძო სტრუქტურებში. საქმის მკეთებელი ხალხი უნდა დასაქმდეს და არა მხოლოდ პარტიული აქტივი. ხელისუფლების უმთავრეს მოვალეობად კი მიმაჩნია, მაქსიმალურად შეუწყოს ხელი, დასაქმების ყველა მსურველთათვის თანაბარი პირობების შექმნას.
ბულვარში ფიჭვის ხეებს თხრიან
ლელა დუმბაძე
ბათუმის ბულვარში ფიჭვნარი ნადგურდება. ახალი კოლექტორის მშენებლობას, რომელიც სათავეს გრიბოედოვის ქუჩიდან იღებს და სასტუმრო „შერატონამდე“ გრძელდება, რვაასამდე ფიჭვისა და ნაძვის ნარგავი შეიძლება შეეწიროს. ნარგავების ამოღებაზე ბულვარის ადმინისტრაციას ნებართვა არ გაუცია, კეთილმოწყობის სამსახურში კი აცხადებენ, რომ „ათი ძირი ხის გამო, მილიონიან პროექტს ვერ გააჩერებენ“
<!** Image 1 align="" width="360" height="360" >
ბათუმში ახალი რეფერალური კლინიკა გაიხსნა
<!** Image 1 align="left" alt="ახალი კლინიკა" sub="ახალი კლინიკა" width="300" height="576" >
სს „ჩემი ოჯახის კლინიკა“ ჰოსპიტალური სექტორის განვითარების პროექტის ფარგლებში დღეს ბათუმში, ბაგრატიონის #125 ნომერში ახალ საავადმყოფო გაიხსნა.
„ალდაგის ბისიაის“ შვილობილი კომპანიის მიერ გახსნილი საავადმყოფო, როგორც კლინიკის მესაკუთრეები აცხადებენ, შეესაბამება საერთაშორისო სტანდარტებს, აღჭურვილია უახლესი აპარატურით და გათვლილია 110 საწოლზე.
კომპანიის მიერ გავრცელებული პრესრელიზის მიხედვით, „საავადმყოფო დაკომპლექტებულია 350-ზე მეტი კვალიფიციური მედპერსონალით, მოსახლეობას ადგილზე შეუძლია ნებისმიერი სახის ჰოსპიტალური, ამბულატორიული და პრეჰოსპიტალური სერვისების მიღება. ამ პროექტის ფარგლებში ბათუმის რეფერალური საავადმყოფოს შესაქმნელად 18 მლნ. ლარზე მეტი ინვესტიცია განხორციელდება“.
საავადმყოფოს გახსნის ცერემონიალში მონაწილეობა აჭარის მთავრობის წარმომადგენლებმაც მიიღეს.
მირზას ჩვენი დახმარება სჭირდება
ეთერ თურაძე
0901500513 – ეს მირზას ანგარიშის ნომერია. მირზა ერთი ჩვეულებრივი ბიჭია, ბათუმში ცხოვრობს. ცოტა ხნის წინ, ოქტომბერში, ექიმებმა დაადგინეს, რომ მას ძვლის ტვინის გადანერგვა სჭირდება. დიაგნოზი თბილისში დაუსვეს. ინფორმაცია მშობლებისთვის შოკის მომგვრელი იყო და გაუჭირდათ ამის დაჯერება. ბიჭი სასწრაფოდ სტამბულში წაიყვანეს.
თურქი ექიმების დიაგნოზიც იგივე აღმოჩნდა.
თურქეთში მირზას მშობლებს უთხრეს, რომ ოპერაციას, დონორის ჩათვლით, 300 ათასი ევრო სჭირდება. მირზა მშობლებთან ერთად ისევ საქართველოში დაბრუნდა.
თბილისში მათ განუმარტეს, რომ იტალიის შესაბამის კლინიკასთან ხელშეკრულება აქვთ გაფორმებული და იქ უფრო იაფად შეიძლება ოპერაციის გაკეთება. მირზას ოპერაციისთვის იტალიაში, დონორის ჩათვლით, 150 ათასი ევროა საჭირო.
ჯანდაცვის სამინისტრომ მირზასთვის 20 ათასი დოლარი გამოყო. მათ სხვებიც დაეხმარნენ. მირზას დედა ამბობს, რომ ახლა 30 ათას დოლარამდე აქვთ მირზას ანგარიშზე. აპირებენ გაყიდონ ბინაც, სადაც ახლა ცხოვრობენ და ჯამში შეიძლება 60 ათასი დოლარი გამოუვიდეთ.
მაგრამ ეს ძალიან ცოტაა იმასთან შედარებით, რაც 11 წლის ბიჭის გადარჩენას სჭირდება.
მირზას დედამ გასულ ორშაბათს დამირეკა. ითხოვა, როგორმე მივაწვდინო მისი ხმა საზოგადოებას.
მგონი ღირს ეს ნომერი – 0901500513 – თქვენც იცოდეთ. თუ მაგთის, ბილიანის ან ჯეოსელი-ლაილაის ტელეფონებიდან ამ ნომერზე ზარს გაუშვებთ, 1 ლარი მირზას ანგარიშზე ჩაირიცხება. აქვე ვწერ მირზას დედის ტელეფონის ნომერსაც – ვისაც 1 ლარზე მეტით შეგიძლიათ შეეწიოთ, მას დაუკავშირდით ტელეფონზე – 593 42 70 55;
მგონი, სხვისი გასაჭირის გაზიარებას, სოლიდარობას, საქართველოში ნელ-ნელა ვსწავლობთ. სალიდარულობის მაგალითია ის, რაც დიტო ცინცაძესთან დაკავშირებით მოხდა. ჩემმა კოლეგამ, მერაბ მეტრეველმა, დიტოს დახმარების თხოვნით საზოგადოებას „მაესტროს“ ეთერით ახალ წლამდე მიმართა. დიტოს 150 ათასი ევრო სჭირდებოდა. თანხის ნაწილი შეგროვდა და დიტო ახლა გერმანიაშია. დიტოს ანგარიშზე თანხა მიხეილ სააკაშვილმაც გაიღო. სოლიდური თანხა შესწირა ბიძინა ივანიშვილის ფონდმაც.
მეუბნებიან, რომ დიტოს შემთხვევა არ შეიძლება განვიხილო, როგორც საზოგადოების სოლიდარობის მაჩვენებელი, რადგან მას ბევრი გავლენიანი თუ არა ცნობილი მეგობარი ჰყავს – მისი მხარდაჭერის კამპანიაში ბევრმა ჟურნალისტმა მიიღო მონაწილეობა. მოამზადეს კლიპი, რომელიც სოციალური ქსელით გავრცელდა, ანუ საზოგადოების ემოციებზე იმოქმედეს და მხოლოდ ამიტომ გაიღვიძა საზოგადოებაში სოლიდარობამ. მირზას ოჯახი კი ამ შესაძლებლობას მოკლებულია.
მაგრამ იმას თუ გავიხსენებთ, რომ „საქართველოს ვარსკვლავის“ ფინალურ კონკურსზე 175 ათასზე მეტი სმს შევიდა, რომელიც ასევე 1 ლარი ღირდა, სულაც არ მგონია წარმოუდგენელი, რომ საზოგადოება მისთვის უცნობი მირზას მიმართაც არ დარჩეს გულგრილი. მართალია, გზავნილი „საქართველოს ვარსკვლავში“ პირადი სიამოვნებისთვის გაღებული თანხა იყო, რომელიც ადამიანებმა ამ შოუსგან მიიღეს, მაგრამ 11 წლის ბიჭის გადარჩენაში მონაწილეობა, მგონი ნებისმიერ შოუზე უფრო მეტად სასიამოვნო იქნება.
მირზას ჩვენი სოლიდარობა სჭირდება – 0901500513
ბათუმის მერობის გამოცხადებული კანდიდატი
დღეს, 31 იანვარს, გიორგი კირთაძის გადაყენების შემდეგ, ბათუმი საკრებულოს თამჯდომარე ირაკლი ჩავლეიშვილი გახდა. მისი თქმით, მალე დადგება ბათუმის მოქმედი მერის, ჯემალ ანანიძის გადაყენების საკითხი და მის ადგილს სავარაუდოდ საქართველოს პარლამენტის წევრის, მურმან დუმბაძის ბიუროს ხელმძღვანელი, ზურაბ პატარაია დაიკავებს. გთავაზობთ ბლიც-ინტერვიუს მერობის კანდიდატთან.
ბათუმი ახალი მერის მოლოდინში
<!** Image 1 align="left" alt="ირაკლი ჩავლეიშვილი " sub="ირაკლი ჩავლეიშვილი" width="400" height="501" >
საკრებულო ბათუმის მერის, ჯემალ ანანიძის გადაყენებაზე იმსჯელებს – ეს ინფორმაცია „ბათუმელებთან“ საკრებულოს ახალმა თავმჯდომარემ, ირაკლი ჩავლეიშვილმა დაადასტურა. მისი თქმით „ახალ ხელმძღვანელობას ახალი ხედვები და პრიორტეტები აქვს ქალაქის ახლებურად სამართავად“, რომლის განსახორციელებასაც საკრებულო ახალ მერთან ერთად გააგრძელებს.