Batumelebi | დასაქმების სააგენტოს პროგრამებს ეკომიგრანტები გაეცნენ დასაქმების სააგენტოს პროგრამებს ეკომიგრანტები გაეცნენ – Batumelebi
RU | GE  

დასაქმების სააგენტოს პროგრამებს ეკომიგრანტები გაეცნენ

 

დღეს, აჭარის დასაქმების სააგენტომ აჭარის ჯანდაცვის სამინისტროსთან ერთად ხულოს მუნიციპალიტეტში პროფესიული გადამზადების მიზნობრივი პროგრამა ეკომიგრანტებს გააცნო.


შეხვედრას ესწრებოდნენ ხულოს გამგეობის წარმომადგენლებიც. შეხვედრის მიზანი ეკომიგრანტების პროგრამაში ჩართვა იყო. ჯანდაცვის სამინისტროს ცნობით, გადამზადბის შედეგად ეკომიგრანტები ყველაზე მოთხოვნად პროფესიებს დაეუფლებიან, რაც მათი დასაქმების შანსს კიდევ უფრო გაზრდის.


მიზნობრივი პროგრამის ფარგლებში ბენეფიციარები სამთვიანი სასწავლო პროგრამით შემდეგ სპეციალობებში გადამზადდებიან: მზარეული, კონდიტერი, სარესტორნო საქმისმწარმოებელი, სასტუმრო საქმისმწარმოებელი, შემდუღებელი, ამწის ოპერატორი და მძიმე ტექნიკის ოპერატორი. სწავლის განმავლობაში მაღალმთიანი აჭარის მაცხოვრებლები სასწავლებლის საერთო საცხოვრებლით ისარგებლებენ, ხოლო, ბათუმში და ხელვაჩაურში მცხოვრები პროგრამის მოსარგებლე ბენეფიციარებისათვის უზრუნველყოფილი იქნება ტრანსპორტი.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"