მახუნცეთში სასტუმრო აშენდება


 

ქედის მუნიციპალიტეტში, სოფელ ქვედა მახუნცეთში მდებარე 847,80 კვ.მ შენობა-ნაგებობა და მასზე მიმაგრებული 1045 კვ.მ არასასოფლო-სამეურენო დანიშნულების მიწის ნაკვეთი 20 450 დოლარად გაიყიდა. აჭარის ფინანსთა და ეკონომიკის სამინისტროს მიერ გამოცხადებულ პირობიან აუქციონში უკრაინის მოქალაქემ  გაიმარჯვა.

 

აუქციონში გამარჯვებული ინვესტორი ხელშეკრულების თანახმად  ვალდებულია სოფელ ქვედა მახუნცეთში 80 000 დოლარის ინვესტიცია განახორციელოს, ხელშეკრულების გაფორმებიდან 12 თვის განმავლობაში კი არანაკლებ 10-ნომრიანი სასტუმრო ააშენოს და 24 თვის განმავლობაში აამოქმედოს კიდეც.

 

 ამავდროულად ხელშეკრულება ინვესტორს ავალდებულებს სასტუმროს გახსნიდან 1 თვის შემდეგ ხუთი წლის განმავლობაში მინიმუმ 5 მოქალაქე დაასაქმოს.

 

ნეტგაზეთის მასალების სხვა გამოცემებში გადაბეჭდვის წესი
ეკა ბარამიძე