Batumelebi | ქედის საკრებულოს გადწყვეტილება აუქციონში მონაწილეობასა და მწვანე ნარგავების მოვლასთან დაკავშირებით ქედის საკრებულოს გადწყვეტილება აუქციონში მონაწილეობასა და მწვანე ნარგავების მოვლასთან დაკავშირებით – Batumelebi
RU | GE  

ქედის საკრებულოს გადწყვეტილება აუქციონში მონაწილეობასა და მწვანე ნარგავების მოვლასთან დაკავშირებით

 

 

დღეს, 11 ივნისს, ქედის მუნიციპალიტეტის საკრებულომ რიგგარეშე სხდომა გამართა. სხდომაზე დეპუტატებმა დღის წესრიგით გათვალისწინებულ ორ საკითხზე: მუნიციპალიტეტის ტერიტორიაზე მწვანე ნარგავების მოვლის დადგენილების პროექტსა და საჯარო აუქციონში მონაწილეობის ფასის განსაზღვრასთან დაკავშირებით იმსჯელეს.

 

ქედის საკრებულოს რიგგარეშე სხდომა | 11 ივნისი 2015

 

13 ხმით მიიღო  საკრებულომ დადგენილების პროექტი, რომლის მიხედვითაც მუნიციპალიტეტის ტერიტორიაზე არსებული მწვანე ნარგავების მოვლა-პატრონობა გამგეობას დაევალა.


საკითხს მხარი ოპოზიციურმა პარტიებმა არ დაუჭირეს, სხდომის მიმდინარეობისას განაცხადეს, რომ ვალდებულებები, რასაც დადგენილება ითვალისწინებს რეალურად ვერ შესრულდება.


„წარმოდგენილი დადგენილებით აუცილებელია ცალკე სამსახური შეიქმნას და პარკებისა თუ  მწვანე ნარგავების მოვლა მან განახორციელოს, ვფიქრობ უკეთესი იყო ამ ტიპის სამუშაოები ტენდერში გამარჯვებულ კომპანიას განეხორციელებინა, როგორც დღემდე იყო“ – განაცხადა საკრებულოს წევრმა ნაციონალური მოძრაობის პარტიიდან ვაჟა ბოლქვაძემ.


დღის წესრიგით გათვალისწინებულ მეორე საკითხს კი, დამსწრე 18 წევრიდან ყველამ მხარი დაუჭირა და საჯარო აუქციონში მონაწილეობის ფასი 50 ლარით განისაზღვრა.


„ნებისმიერი ტიპის საჯარო აუქციონში მონაწილეობა შეუძლია ნებისმიერ მოქალაქეს ვინც 50 ლარს გადაიხდის, რაც შეეხება პარკებისა და მწვანე ნარგავების მოვლა-პატრონობას, ამის ვალდებულება დღემდე არცერთ სამსახურს არ ჰქონდა, გარემოს დაცვის სამინისტროსგან მივიღეთ რეკომენდაცია, რომ დადგენილება მიგვეღო“ – თქვა საკრებულოს თავმჯდომარემ  ამირან ცინცაძემ.

 

 



ნეტგაზეთის მასალების სხვა გამოცემებში გადაბეჭდვის წესი
ეკა ბრამიძე