„გადავწყვიტეთ,ერთ ადამიანს დავხმარებოდით, ვინც ამას ყველაზე მეტად საჭიროებდა. მარინე ჩეჩელაშვილს, რომელსაც მე-6 რიგში აქვს ხაჭაპურის საცხობი, დამწვარი ტექნიკის სანაცვლოდ გადავეცით მაცივარი და ელექტროჩაიდანი, სულ 938 ლარის ღირებულების“ – წერს ჯგუფში „ბათომის” ერთ-ერთი დამფუძნებელი შოთა გუჯაბიძე.
ხანძარი ხოფის ბაზრობაზე 2014 წლის 7 დეკემბერს გაჩნდა. ცეცხლი ფეიერვერკების მაღაზიას გაუჩნდა და სხვა მაღაზიებზე გადავიდა. ხანძრის შედეგად სამი ადამიანი დაიღუპა, მათგან ორი ბაზრობაზე დაიწვა, ერთი კი საავადმყოფოში გადაყვანის შემდეგ გარდაიცვალა ხანძრის დროს მიღებული დაზიანებების შედეგად.
ხანძრის შედეგად დაზარალებული პირების დასახმარებლად ინიციატივა მხოლოდ ჯგუფ „ბათომს“ ჰქონდა.
