ბათუმელები
საპატრულო პოლიციის თანამშრომლებმა ბათუმში 22 წლის მამაკაცი დააკავეს. მას წვრილმანი ხულიგნობა და პოლიციელებისთვის სიტყვიერი შეურაცხყოფა ედება ბრალად. საპატრულო პოლიციის თანამშრომელმა მოსამართლეს უთხრა, რომ მამაკაცმა პოლიციელებს შეაგინა და მათ კანონიერ მოთხოვნას არ დაემორჩილა.
სემეკი „ენერგო-პრო ჯორჯიას“ მომხმარებლებისთვის ელექტროენერგიის შესასყიდი ზღვრული ტარიფის კორექტირებაზე 23 ივლისს იმსჯელებს. „ენერგო-პრო ჯორჯიამ“ ტარიფის გადახედვა მიმდინარე წლის აპრილში მოითხოვა. ტარიფების კორექტირების თაობაზე კომისიას აპრილში კიდევ სამმა კომპანიამ მიმართა: “ჯიფაუერმა”, „საქართველოს საერთაშორისო ენერგეტიკულმა კორპორაციამ“ და „მტკვარი ენერგეტიკამ“. სამივეს სარეალიზაციო ზღვრული ტარიფი სემეკმა დღეს გაუზარდა. მათგან ერთ-ერთი – „ჯიფაუერი“ კი „ენერგო-პრო ჯორჯიას“ საკუთრებაა.
ხვალ, 23 ივლისს, 12 საათზე, ქალაქ ბათუმის N15 საბავშვო ბაღში გაიმართება ღონისძიება – „უსაფრთხოება იწყება ბაღიდან“, სადაც საბავშვო ბაღის აღსაზრდელებისა და თანამშრომლების მონაწილეობით ჩატარდება მიწისძვრის სიმულაციური თამაში. ღონისძიებას სადემონსტრაციო ხასიათი ექნება და მასში სკოლამდელ განათლებაში ჩართული და გადაწყვეტილების მიმღები 30-მდე ადამიანი მიიღებს მონაწილეობას.
შესაბამისი გადაწყვეტილება დღეს, 22 ივლისს, უმაღლესი საბჭოს ბიუროს სხდომაზე მიიღეს. უმაღლესი საბჭოს ინფორმაციით კენჭისყრაში მონაწილეობა არ მიიღო ფრაქცია „ნაციონალური მოძრაობა – მაჟორიტარების“ თავმჯდომარემ ირაკლი ბარამიძემ. უმაღლესი საბჭოს თავმჯდომარის ავთანდილ ბერიძის განცხადებით, საბჭო გადაწყვეტილებას დღეიდან 14 დღის ვადაში, რიგგარეშე სესიაზე მიიღებს.
აჭარის მთავრობის თავმჯდომარემ აჭარის უმაღლესი საარჩევნო კომისიის [უსკო] წევრობის კანდიდატთა 6-კაციანი სია უმაღლეს საბჭოს დღეს, 22 ივლისს გადაუგზავნა. მათგან კომისიის სამ ახალ წევრს უმაღლესი საბჭო ფარული კენჭისყრით აირჩევს. არჩილ ხაბაძემ 6 კანდიდატი საკონკურსო კომისიის მიერ წარდგენილ 9 კანდიდატს შორის შეარჩია.
ტურისტულ სეზონთან დაკავშირებული ფესტივალი „ჰით ბათუმი 2015“ ოფიციალურად 6 ივლისს, პროექტის პრეზენტაციითა და ფოლკლორული ფესტივალით გაიხსნა. ფესტივალში მონაწილე კერძო და იურიდიულ პირებთან ხელშეკრულებას „ბათუმის კულტურის ცენტრი“ აფორმებს. მერიის ბიუჯეტიდან „ჰით ბათუმისთვის“ 3 400 000 ლარია გამოყოფილი. როგორ გადანაწილდა ეს თანხა და რას მიიღებს საზოგადოება? – „ბათუმელები“ „ჰით ბათუმის“ ფინანსურ მონიტორინგს გთავაზობთ.
ყველა ადამიანი ოცნებობს ჰქონდეს საკუთარი სახლი. მათგან უმეტესობას ურჩევნია მისი სახლი იყოს ქალაქის ცენტრალურ უბანში, რომელსაც ექნება კარგი ხედები და საჭიროების შემთხვევაში შეძლებს მისი კომერციული მიზნებით გამოყენებას.
2015 წლის 11 მარტს, ბათუმის ბულვარის შესასვლელში მდებარე, „ბათუმი თაუერად” რეგისტრირებული და ტექნოლოგიურ უნივერსიტეტად გამოცხადებული შენობა ელექტრონულ აუქციონზე 25 მილიონ 4 ათას 626 დოლარად შპს “ბათუმი თაუერმა” შეიძინა… მოგვიანებით კომპანიაში განაცხადეს, რომ ვინაიდან შენობა 5-ვარსკვლავიანი სასტუმროსთვის გამოუსადეგარი იყო, სასტუმროსთვის ახალი შენობა მის გვერდით აშენდებოდა.
მერიის შინმოვლის პროგრამა, რომლის ფარგლებშიც საწოლს მიჯაჭვულ 90 ბენეფიციარს ემსახურებიან, ექვსი თვის დაგვიანებით დაიწყო, რისი მიზეზიც გამოცხადებული ტენდერის ორჯერ ჩაშლა იყო. ტენდერების ჩაშლის შედეგად სატენდერო თანხა 170 ათასი ლარიდან 57 ათასამდე შემცირდა. რატომ ჩაიშალა ტენდერები და რა სტანდარტით მუშაობს მერიის შინმოვლის პროგრამა?
კვების დაწესებულების გამოკითხვის თანახმად, უკვე წლებია ბაზარზე პირველობას არ თმობს აჭარული ხაჭაპური. ეს კერძი უპოპულარულესია ტურისტებს შორის. მის მიმართ მიზიდულობა იმდენად მაღალია, რომ დიეტაზე მყოფი ადამიანებიც კი არღვევენ რუდუნებით დაცულ დიეტას და ერთხელ მაინც მიირთმევენ მაღალკალორიულ აჭარულ ხაჭაპურს. პატარა ზომის აჭარული ხაჭაპური მინიმუმ 6 ლარი ღირს, ტიტანიკი კი – 18-20 ლარი.
ჰეპატიტის მსოფლიო დღესთან დაკავშირებით საქართველოს ჯანდაცვის სამინისტრო საქართველოს 9 რეგიონში, მათ შორის აჭარაში აცხადებს მოსახლეობის ნებაყოფლობით უფასო სკრინინგის ორკვირეულს. ორკვირეული დაიწყება 27 ივლისს და გაგრძელდება ათი სამუშაო დღის განმავლობაში.
24 ივლისს, პარასკევს, 18:00 საათზე ბათუმში „თანამედროვე ხელოვნების სივრცე“ წარმოგიდგენთ ლადო დარახველიძის გამოფენას – „Transformers St. Petersburg“ როშელ ჰეიმერთან ერთად. „Transformers St. Petersburg “ პირველი ჩვენება 2014 წელს, სანკტ-პეტერბურგში განხორციელდა „მანიფესტა 10“-ის ფარგლებში და მიეძღვნა სანკტ-პეტერბურგში დახოცილ ემიგრამტებს. მკვლელობების უმრავლესობა 2002 წელს ნეოფაშისტური დაჯგუფებების მიერ დაიწყო და დღემდე გრძელდება.
გონიო-აფსაროსის მუზეუმ-ნაკრძალში გეომეტრიული მოტივებით შესრულებული მოზაიკა აღმოაჩინეს. მოზაიკა ფიქსირდება საკმაოდ დიდ ტერიტორიაზე, რომაული პერიოდის, კერძოდ პირველი საუკუნის მეორე ნახევრის აბანოს ცენტრალურ მონაკვეთში. გათხრებზე, რომლის შედეგადაც იქნა მოზაიკა აღმოჩენილი, ბათუმელი და პოლონელი არქეოლოგები ერთდროულად მუშაობდნენ.
2016 წელს ბათუმში საერთაშორისო კონფერენცია (მინისტერიალი) − „გარემო ევროპისათვის“ (EFE 2016) ჩატარებასთან დაკავშირებით, საქართველოს პრემიერ-მინისტრის განკარგულებით უწყებათაშორისი საკოორდინაციო ჯგუფი შეიქმნა. ღონისძიებაში 1000-მდე დელეგატი მიიღებს მონაწილეობას.
აჭარის მთავრობის ხელმძღვანელს ერთპიროვნულად შეუძლია ინვესტორს აპატიოს ჯარიმა, რომელიც ხელშეკრულების დარღვევისთვის დაეკისრა. ცხადია ასევე შეუძლია არ აპატიოს. დოკუმენტების შესწავლით ცხადი ხდება, რომ ყველაზე დიდი თანხა – ჯამში 2 მილიონ 910 000 ლარი არჩილ ხაბაძემ შპს „ჟასმინს“ აპატია.
„ქართველ მუსლიმთა ერთობა“ , მუსლიმი მოსწავლეებისთვის განკუთვნილი პანსიონატის თანამშრომლები და მშობლები დისკრიმინაციული ქმედების აღმოფხვრასა და მორალური ზიანის ანაზღაურებას ითხოვს. მოპასუხე მხარე შინაგან საქმეთა სამინისტრო და ქობულეთში მცხოვრები სამი ფიზიკური პირია. ქართველი მუსლიმანები შს სამინისტროს დისკრიმინაციის შემწყნარებლობაში ადანაშაულებენ. მუსლიმები სახელმწიფოს საკუთრების, განათლების უფლების დაცვის მიზნით საკუთარი ვალდებულებების შესრულებას სთხოვენ. საქმე ეხება ქობულეთში მუსლიმი მოსწავლეებისთვის განკუთვნილ პანსიონზე ღორის თავის მიჭედებისა და პანსიონატის გახსნისთვის ხელშეშლის ფაქტებს,რომელიც უკვე 10 თვეზე მეტ ხანს გრძელდება. საქმეს ბათუმის საქალაქო სასამართლო განიხილავს.
ავტონომიური რესპუბლიკის უმაღლესი საბჭოს წევრის პროფესიულ საქმიანობასთან დაკავშირებით მისთვის განდობილი ინფორმაცია ამიერიდან პროფესიულ საიდუმლოებად ცხადდება. საქართველოს კანონში – „სიტყვისა და გამოხატვის თავისუფლების შესახებ“ – შეტანილი შესაბამისი ცვლილება ძალაში 2015 წლის 20 ივლისიდან შევიდა.
აჭარის განათლების, კულტურისა და სპორტის სამინისტრო აჭარის მუნიციპალიტეტების 5 სკოლას სასკოლო ლაბორატორიის აღჭურვილობას გადასცემს. ქიმიის, ფიზიკისა და ბიოლოგია-ანატომიისა და საერთო დანიშნულების ლაბორატორიების აღჭურვილობის შეძენაზე სამინისტრომ გამარტივებული ელექტრონული ტენდერი გამოაცხადა.
აჭარის საზოგადოებრივი ჯანდაცვის ცენტრი, კოღოების და სხვა ინფექციის გადამტანი მწერების წინააღმდეგ, სპეციალურ ღონისძიებებს იწყებს.
ბათუმის ქუჩებში კედლებს წელსაც „არტსტუდია Dotcomma“ მოხატავს. ფესტივალის ბიუჯეტი 29 ათასი ლარია. მხატვარი გელა წულაძე „ბათუმელებთან“ ამბობს, რომ „ბათუმი სტრით არტის“ იდეა მას ეკუთვნის. ფესტივალი ბათუმში მეორე წელია ხორციელდება. გელა წულაძის კომპანია „არტსტუდია Dotcomma“ ბათუმში მეორე საგამოფენო პროექტს – „აბრეშუმის გზასაც“ ახორციელებს, რომლის ბიუჯეტი 49 756 ლარია. როგორ მოიპოვა პროექტების განხორციელებაზე ექსკლუზიური უფლება მხატვარმა და ექვემდებარება თუ არა შემოქმედებითი პროექტები ტენდერებს? – ამ თემაზე „ბათუმელები“ თავად გელა წულაძეს ესაუბრა.
მუსლიმანურმა სამყარომ რამაზან ბაირამის დღესასწაული წელს 17 ივლისს აღნიშნა. ბათუმის მეჩეთში ლოცვის დასრულების შემდეგ აჭარის მთავრობის თავმჯდომარემ და მუფთმა ბეგლარ ქამაშიძემ ჟურნალისტებთან ახალი მეჩეთის მშენებლობაზე ისაუბრეს. მუფთის თქმით, ბაირამ დღეს მრევლი ღია ცის ქვეშ იმიტომ ასრულებს ლოცვას, რომ ამ დღეს ყველა მორწმუნე მიდის მეჩეთში სალოცავად და მეჩეთი ხალხს ვერ იტევს: „მეჩეთის მშენებლობაზე უარი არ გვითქვამს, ვთქვით, რომ თუ საჭიროება მოითხოვს უნდა გაფართოვდეს მეჩეთი, გარემონტდეს, მოგვეცეს საშუალება, რომ ვილოცოთ, მთავარია, ქუჩაში არ დადგეს ხალხი, მაგრამ თუ კიდევ ერთხელ არ დაეტევა მლოცველები მეჩეთში, სახელმწიფო გვიდგას გვერდში და შეიმუშავებს იმას, რაც სჭირდება მუსლიმ თემს. ამ დღეს უმრავლესობა მოდის მეჩეთში, ზოგიერთი სხვა დღეებში არ ლოცულობს, მაგრამ ბაირამ დღეს ყველა მოდის სალოცავად. ამიტომ, უფრო მეტია მლოცველი დღეს. როცა ჩატარდება რესტავრაცია და გაფართოვდება მეჩეთი, გამოლაგდება ის ტერიტორია, სადაც არის რესტორნები და მაღაზიები და თუ კიდევ არ დაეტევიან მლოცველები, სახელმწიფო არის მათ გვერდით და თუ საჭირო იქნება, მეჩეთსაც ავაშენებთ და მედრესესაც“. დასავლეთ საქართველოს მუფთის ამ განცხადებას „ქართველ მუსლიმთა კავშირის“ ხელმძღვანელი ტარიელ ნაკაიძე აფასებს, როგორც უტიფრობას. „ბათუმელების“ კითხვებს ტარიელ ნაკაიძემ უპასუხა.
დღეს, 20 ივლისს ბათუმის მერიის ზედამხედველობის სამსახურმა გარე მოვაჭრეებს ოფიციალური გაფრთხილება და 2 დღიანი ვადა მისცა.
თუ თქვენ გიყვართ ხატვა, “პრესკაფე” აცხადებს კონკურსს პროექტის ფარგლებში “ჩემი გარემო ჩემი სიამაყეა”. გამარჯვებულების ესკიზებით მოიხატება ბათუმის ქუჩებში არსებული ნაგვის ურნები, რომლებიც შემდგომში ქალაქის სხვადასხვა უბნებში განთავსდება.
„ადამიანის შესაძლებლობები ამოუწურავია“ – ასე იწყებს საუბარს ჩვენი რესპონდენტი არჩილ ვაშაყმაძე, რომელიც 25 წელია უსინათლოა, თუმცა ამბობს, რომ შეუძლია სმენითა და ინტუიციით დაინახოს სამყარო.
ამ წუთებში შუახევის მუნიციპალიტეტის სოფელ ჩანჩხალოში საპროტესტო აქცია მიმდინარეობს. სოფლის მაცხოვრებლებმა ბათუმი-ახალციხის საავტომობილი გზა გადაკეტეს. ისინი კომპენსაციას და სოფელში სასმელი წყლის აღდგენას მოითხოვენ.
დღეს 20 ივლისს, ბათუმის 6 მაისის პარკის ტბაში, სტუდენტებმა ფეხმოტეხილი იხვი შეამჩნიეს.
დღეს 20 ივლისს, ბათუმში სასტუმრო „რედისონში“ დემოკრატიის სკოლების (NIMD) პროგრამის წარდგენა გაიმართა. პროექტს ნიდერლანდების ინსტიტუტი უკვე მეოთხე წელია ახორციელებს საქართველოში, ეს არის საგანმანათლებლო ტრენინგ-პროგრამა იმ ადამიანებსითვის, ვისაც აინტერესებს დემოკრატიული ღირებულებები და დემოკრატიული პოლიტიკის განვითარება.
27 ივლისს ბათუმის სახელმწიფო მუსიკალურ ცენტრში „მუსიკის საერთაშორისო საზაფხულო აკადემია“ გაიხსნება. გახსნის ცერემონიალის შემდეგ კლასიკური მუსიკის საზეიმო კონცერტი დაიწყება, რომელშიც მონაწილეობას საერთაშორისო კონკურსების ლაურეატი შორენა ცინცაბაძე, ბათუმის სახლმწიფო მუსიკალური ცენტრის სიმფონიური ორკესტრი დავით მუქერიას დირიჟორობით და მოწვეული სტუმარი საერთაშორისო კონკურსების ლაურიატი, პროფესორი ანდრეი პისარევი მიიღებენ მონაწილეობას. კონცერტზე დასწრება თავისუფალია.
პროფესიიდან გამომდინარე, ხშირად მიწევს თურქეთში მცხოვრებ ჩვენებურებთან ურთიერთობა და შესაბამისად მათ მიერ შექმნილი ბევრი საინტერესო ისტორია გამიგონია თუ წამიკითხავს. თუმცა, ერთი თქმულება, რომელსაც ახლახან წავაწყდი, განსაკუთრებით მომეწონა. მან თავი საოცარი აქტუალობით დამამახსოვრა.
ბათუმის მერია, მიზნობრივი პროგრამის ფარგლებში 300 სტუდენტს დაასაქმებს.
პროექტ „ჰით-ბათუმის“ ფარგლებში ბათუმის ბულვარში, კლუბ Take Fave-ის მიმდებარე ტერიტორიაზე, ღია ცის ქვეშ, ფოტოპროექტ – „ქოლგა თბილისის ფოტო 2015“-ის ფოტოგამოფენა გაიხსნა.
საქართველოში ორსულთა მეთვალყურეობა და მშობიარობა რამდენიმე წელია, რაც “დედათა და ბავშვთა ჯანმრთელობის” სახელმწიფო პროგრამით ფინანსდება. პროგრამის ფარგლებში, მთელი ორსულობის განმავლობაში, სახელმწიფო ორსულს ექიმთან ოთხ ვიზიტს და ვიზიტის ფარგლებში 15-მდე გამოკვლევას უფინანსებს. ხშირად ორსულებისთვის ვიზიტების ეს რაოდენობა საკმარისი არ არის, რის გამოც ორსულებს დამატებით, სულ მცირე, რამდენიმე ასეული ლარის ხარჯის გაწევა უწევთ.
გუშინ, 18 ივლისს, ხელვაჩაურში ქორწინების სახლ “დავითთან” მყოფ 5 ადამიანს ავტომანქანა დაეჯახა.
ბათუმში ანგისაზე ქვეითად მოსიარულე ახალგაზრდა მამაკაცს ავტომობილი დაეჯახა. როგორც სასწრაფო სამედიცინო დახმარების ცენტრში გვითხრეს, მამაკაცი რესპუბლიკურ საავადმყოფოში გარდაცვლილი გადაიყვანეს.
ბათუმში, თანამედროვე ხელოვნების ცენტრში, სამი ქართველი მხარტვრის Dr. Love, ზურა არაბიძის, თეზი გაბუნიას და გელა წულაძის ნამუშევრების გამოფენა მიმდინარეობს. გამოფენა გუშინ, 18 ივლისს გაიხსნა.
საკნკურსო კომისიამ აჭარის მთავრობის თავმჯდომარეს აჭარის უმაღლესი საარჩევნო კომისიის [უსკო] წევრობის მსურველთა 9-კაციანი სია უკვე გადაუგზავნა. არჩილ ხაბაძე აქედან 6 კანდიდატს შეარჩევს და უმაღლეს საბჭოს გადაუგზავნის. ამ 6-დან კი კომისიის სამ ახალ წევრს უმაღლესი საბჭო ფარული კენჭისყრით აირჩევს.
