Tag Archives: ბიზნესი

პოლონეთის რესპუბლიკაში, ქალაქ ვროცლავში, საინვესტიციო ფორუმი „Wroclaw–Batumi“ მიმდინარე წლის 26 თებერვალს გაიმართება. აჭარის ფინანსთა და ეკონომიკის სამინისტროს ინფორმაციით, ფორუმი აჭარის მთავრობის ორგანიზებით აჭარის საინვესტიციო პოტენციალის პოპულარიზაციის პროგრამის ფარგლებში ჩატარდება: „ბიზნესფორუმზე პოლონელი ინვესტორები და სხვა დაინტერესებული პირები აჭარის რეგიონის საინვესტიციო პოტენციალს გაეცნობიან. ღონისძიების თანაორგანიზატორია პოლონეთის რესპუბლიკის ქვემო სილეეზის სავოევოდოს მარშალის ოფისი“.

 

საქართველოში მსუბუქი ავტომობილების იმპორტი, წინა წელთან შედარებით, შემცირდა, განსაკუთრებით გერმანიიდან და აშშ-დან. გერმანული და ამერიკული ავტომობილები იაპონიიდან შემოტანილმა ჩაანაცვლა. როგორც ავტომოვაჭრეები ამბობენ, ლარის კურსის ცვლილება ამ ბიზნესზე ნაკლებად აისახა, თუმცა, გაყიდვების მაჩვენებელმა იკლო. ბაზარსა და ფასებზე ნეგატიურად უფრო მარჯვენასაჭიან და 2002 წლამდე გამოშვებული ავტომობილების შემოტანაზე მოსალოდნელი შეზღუდვები აისახება. მითუმეტეს, რომ 2017 წლიდან საქართველოში ავტომობილების ტექდათვალიერებაც სავალდებულო ხდება.
 

 

 

 

 

ბათუმის რეკლამის საერთაშორისო ფესტივალი AdBlackSea, რომელიც წელს პირველად ჩატარდა, 27 სექტემბერს დასრულდა.  ფესტივალში  99 სააგენტო მონაწილეობდა 14 ქვეყნიდან. 386 ნამუშევრიდან ჟიურიმ საუკეთესოები სამ კატეგორიაში გამოავლინა: საუკეთესო ვიდეო კონტენტი და სხვა ბრენდული კონტენტი; საუკეთესო დიზაინი, პრინტი და პოსტერი; საუკეთესო იდეა. 

 

ბათუმში მესამე დღეა რეკლამის საერთაშორისო ფესტივალი მიმდინარეობს. სასტუმრო „რადისონ ბლუში“ მსოფლიოში ცნობილი რეკლამის და მარტეკინგის სპეციალისტები ამ სფეროში მომუშავე პირებისთვის მასტერ-კლასებს და სემინარებს მართავენ. ფესტივალში სამასზე მეტი ადამიანი მონაწილეობს. 

 

 ბათუმში მცირე და საშუალო მეწარმეებისათვის განკუთვნილი ბიზნეს ტრენინგებით იწყება.  ბიზნესის მხარდამჭერი მასშტაბური პროცესი, რომლის ფარგლებშიც მოქცეულია საგრანტო პროგრამებისა და სასწავლო კურსების რამდენიმე ციკლი, ბიზნესის საკონსულტაციო ცენტრების ჩამოყალიბების და ბიზნესის განვითარებაზე ორიენტირებული მასშტაბური ვებ-ინფრასტრუქტურის შექმნის საკითხები. პროექტის ორგანიზატორთა განცხადებით, პროექტის განმავლობაში ბათუმში 100-მდე სტაბილური სამუშაო ადგილის შექმნაა მოაზრებული. „ჯამში 80-მდე ბიზნეს გრანტი გაიცემა, მათ შორის  65 სტარტაპზე. ბენეფიციარები ისარგებლებენ  უფასო საკონსულტაციო მომსახურებით 1 წლის განმავლობაში“. 

 

ივნისში ბათუმში ორი ახალი კაზინო გაიხსნა, ერთიც აგვისტოში გაიხსნება. აქამდე ბათუმში რეგისტრირებული 6 კაზინო იხდიდა ბიუჯეტში გადასახადს. კიდევ 8 ახალი კაზინოს გახსნა აქვს სახელმწიფოს დავალებული სხვადასხვა კომპანიისთვის. გარდა ამისა, არის რამდენიმე კომპანია, რომლებიც საკუთარი ინიციატივით აწყობენ კაზინოს. ეს ყველაფერი იმას ნიშნავს, რომ მომდევნო 2-3 წლის განმავლობაში ბათუმში მინიმუმ 20 კაზინო იქნება. რას ნიშნავს 160-ათასიანი ბათუმისთვის კაზინოების  ქალაქად გადაქცევა და შეიცავს თუ არა კაზინოების ამ ფორმით არსებობა საფრთხეს? 

 

დღეს 9 ივნისს სასტუმრო „რედისონში“  მე-11 საერთაშორისო ფორუმი გაიხსნა. კონფერენცია ყოველწლიურია და მსოფლიოს სხვადასხვა ქვეყანაში ტარდება.

 

სურსათის ეროვნული სააგენტო აფრთხილებს ბიზნესოპერატორებს, რომ 2015 წლის 1 ივნისს აღიარებაზე განაცხადების მიღების ვადა იწურება. აღიარებას ექვემდებარება ბიზნესოპერატორი, რომლის საქმიანობაც დაკავშირებულია ცხოველური წარმოშობის სურსათის წარმოებასთან ან/და გადამუშავებასთან. აღიარებისთვის ბიზნესოპერატორმა უნდა მიმართოს სოფლის მეურნეობის სამინისტროს სურსათის ეროვნულ სააგენტოს. 

 

დღეს ბათუმში კომპანია „ჯეოსელმა“ განახლებული ოფისი გახსნა, იმავე მისამართზე. როგორც კომპანიის პრესსამსახურში განაცხადეს, აქ მომხმარებელს დღეიდან დახვდებიან უფრო კომპეტენტური ოპერატორები, ვიდრე დღემდე. სიახლეა  ისიც, რომ თუ მომხმარებელს სურს, მაგალითად, შეუძლია „ადგილზე გამოსცადოს  ახალი მობილური ტელეფონები, შეარჩიოს აქსესუარები და დეტალურად გაეცნოს ხელსაყრელ შეთავაზებებს“.

 

 

საქართველო-თურქეთი-აზერბაიჯანის ბიზნეს ფორუმი, საქართველოს პრემიერ მინისტრმა, ირაკლი ღარიბაშვილმა მისასალმებელი სიტყვით გახსნა. 

 

ამ წუთებში ბათუმში, სასტუმრო შერატონში, საქართველო-თურქეთი-აზერბაიჯანის ერთობლივი ბიზნესფორუმისთვის ემზადებიან. 

 

ალტერნატიული აუდიტის ჩატარების უფლების მქონე პირებს ალტერნატიული საგადასახადო შემოწმების უფლება შეუწყდათ. საქართველოს ფინანსთა მინისტრმა შესაბამის ბრძანებას ხელი 28 იანვარს მოაწერა. ქვეყნის რეგიონებში ათობით აუდიტორული კომპანია ალტერნატიულ აუდიტს ვეღარ ჩაატარებს. ბევრი მათგანი, რომლებიც ძირითადად ალტერნატიულ აუდიტზე იყო მიბმული, სავარაუდოდ, ფუნქციონირებას შეწყვეტს. 

 

საქართველოს მთავრობის 15 იანვრის განკარგულებით, „ეკონომიკის გრძელვადიანი  რესურსით უზრუნველყოფის ხელშეწყობის მექანიზმისათვის“, 2015 წელს, საქართველოს ფინანსთა სამინისტრომ, საქართველოს სახელით უნდა გამოუშვას 2 და 5 წლის დაფარვის ვადის მქონე სახელმწიფო ფასიანი ქაღალდები (სახაზინო ობლიგაციები), არაუმეტეს 200 მილიონი ლარის მოცულობით.

 

აჭარის მთავრობის ინფორმაციით, ბათუმში  ახალი მრავალფუნქციური საცხოვრებელი კომპლექსის მშენებლობას ჩაეყარა საძირკველი, რომლისთვისაც  14  მილიონი დოლარის ინვესტიცია განსახორციელდება.  მშენებლობის საძირკველში აჭარის მთავრობის თავმჯდომარემ არჩილ ხაბაძემ მშენებელ კომპანია შ.პ.ს. DS GROUP – ის მფლობელ სერგეი დავიდოვთან ერთად  ხელი მოაწერა სერტიფიკატს, რომელიც სიმბოლურად საძირკველში კაფსულით  ჩააგდეს.

აჭარის ფინანსთა და ეკონომიკის სამინისტრო ლევან ვარშალომიძის განკარგულების საფუძველზე მომზადებული იმ ხელშეკრულებების კანონიერებას სწავლობს, რის საფუძველზეც აჭარის მთავრობის თავმჯდომარემ სახელმწიფო ქონება 1 ლარად გაყიდა. ამ საკითხზე „ბათუმელებთან“ განმარტებას აჭარის ფინანსთა და ეკონომიკის ახალი მინისტრი გიორგი თავართქილაძე და ამავე სამინისტროს იურიდიული დეპარტამენტის უფროსი გელა ცინცაძე აკეთებენ.

<!** Image 1 align="" alt="სასტუმრო საქართველო" width="300" height="300" >