Batumelebi | საკრებულოს წევრები ლატვიელ კოლეგებს შეხვდნენ საკრებულოს წევრები ლატვიელ კოლეგებს შეხვდნენ – Batumelebi
RU | GE  

საკრებულოს წევრები ლატვიელ კოლეგებს შეხვდნენ

 

დღეს, 14 აპრილს, ბათუმის საკრებულოში ლატვიის თვითმმართველობათა ასოციაციის აღმასრულებელ დირექტორთა ცხრაკაციან დელეგაციას უმასპინძლეს. შეხვედრას, რომელიც გაცნობითი ხასიათის იყო,  საკრებულოს თავმჯდომარის მოადგილე, კომისიებისა და ფრაქციების თავმჯდომარეები, ასევე ქალაქის მერი ესწრებოდნენ.    

 

 

 

ვიზიტის მიზანი ქართველ კოლეგებთან შეხვედრა, ასევე ჩვენი ქვეყნის მუნიციპალური სისტემის, პროგრამების ბიუჯეტირებისა და სხვა მიმდინარე პროექტების გაცნობა იყო. შეხვედრაზე ასევე ისაუბრეს ორი ქვეყნის სამომავლო კულტურულ–ეკონომიკურ და საგანმანათლებლო თანამშრომლობაზე.

 

ლატვიელი სტუმრები საქართველოში 19 აპრილამდე დარჩებიან  და ისინი ბათუმის შემდეგ  ქუთაისისა და მესტიის მუნიციპალიტეტებსაც მოინახულებენ.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"