ბათუმელები
ბათუმში მონოპიესების ფესტივალი გრძელდება. დღეს, 13 ივლისს, 21.00 საათზე, სასტუმრო „კემპინსკის“ შენობაში წარმოდგენილი იქნება რეჟისორ პაატა ციკოლიას დადგმა პოეტ ლია ლიქოკელის მონოპიესის მიხედვით – „წყლის პირას, მურყნის ჭალაში“. სპექტაკლს წარმოადგენს მსახიობი ანი ცეცხლაძე.
თუ ისტორიულ წყაროებს დავუჯერებთ, ხორუმი საბრძოლო ცეკვაა, რომელიც დასავლეთ საქართველოში, აჭარა-გურიაში სრულდებოდა. ხორუმი თითქმის ყველა სახელმწიფო ანსამბლის რეპერტუარშია. როგორც ქორეოგრაფები ამბობენ, ეს არის ერთგვარი საჯილდაო ქვა ანსამბლისთვის, ყველაზე რთულად შესასრულებელი ცეკვა, რომელშიც ყველა დეტალი გათვლილია და ყველა მოძრაობას თავისი ახსნა აქვს.
ხვალ, 10 ივლისს, 20:00 საათზე, ბათუმში ხელოვნების უნივერსიტეტში წარმოდგენილი იქნება მონოსპექტაკლი – “პუტინის დედა”.
9 და 10 ივლისს, ბათუმის ხელოვნების ცენტრში წარმოდგენილი იქნება ჟერარ პრესგურვიკის მუსიკალური სპექტაკლის პრემიერა, „რომეო და ჯულიეტა“, რომელსაც ბათუმის სახელმწიფო მუსიკალური ცენტრის ახალგაზრდული მუსიკალური თეატრი წარმოადგენს.
სტამბულში 12 ბათუმელი მხატვრის 130-მდე ნამუშევარი გამოიფინა. გამოფენა სამ ივლისს გაიხსნა და 13 ივლისამდე გაგრძელდება.
ხელვაჩაურის მუნიციპალიტეტის კულტურის ცენტრში, პოეტის და რეწვის ოსტატის ვარდო დევაძის ნამუშევრების გამოფენა მოეწყო.
3 ივლისს, ბათუმის სახელმწიფო მუსიკალურ ცენტრში საქველმოქმედო კონცერტი გაიმართება. კონცერტი – „მე ვარ თბილისი“, თბილისში სტიქიით დაზარალებულთა მხარდამჭერი საქველმოქმედო ტელემარათონის ფარგლებში ტარდება.
30 ივნისს, ბათუმში ლეგენდარული პრიმადონა, ცისანა ტატიშვილი იმღერებს.
27 ივნისს ბათუმის ზაქარია ფალიაშვილის სახელობის სამუსიკო სკოლის საკონცერტო დარბაზში ბათუმის სახელმწიფო მუსიკალური ცენტრის სიმფონიური ორკესტრის კლასიკური მუსიკის კონცერტი გაიმართება.
პეტრას ციხის რეაბილიტაციის პროექტის შესყიდვის შესახებ ინფორმაციას კულტურული მემკვიდრეობის დაცვის სააგენტო ავრცელებს. იმავე წყაროს ცნობით, პროექტი, რომლის ღირებულებაც 318 433 ლარი იქნება და მალე დაიწყება, ორეტაპიანია: „პირველ ეტაპზე განხორციელდება ციხის რეაბილიტაცია, ხოლო შემდეგ ეტაპზე ციხესიმაგრის კეთილმოწყობა, რომლის მიხედვითაც მუზეუმ-ნაკრძალში გაკეთდება მისასვლელი გზები, ბილიკები, საექსპოზიციო ნაგებობები, ბანერებისა და თვალსაჩინო მასალების განთავსების ადგილები“.
„ბათუმის ბულვარის“ ვებგვერდის ცნობით, ბათუმში ინდური ფილმისთვის ეპიზოდები გადაიღეს. მხატვრული ფილმის „რამლეილა“-ს 3 მუსიკალური კლიპის კადრების გადასაღებად 25-კაციანი გადამღები ჯგუფი ბათუმში ორი დღის განმავლობაში მუშაობდა.
ბათუმის შუქურაზე მშენებლობის ნებართვა მერიამ განმეორებით გასცა. მერიამ ეს ნებართვა, პირველისგან განსხვავებით, აჭარის კულტურული მემკვიდრეობის დაცვის სააგენტოსთან შეთანხმებით გასცა. ბათუმის მერიის არქიტექტურისა და ურბანული დაგეგმარების სამსახურის უფროსის, ირაკლი ახალაძის ინფორმაციით, შუქურასთან დამხმარე ნაგებობის მშენებლობა სააგენტომ დასაშვებად მიიჩნია.
დღეს 22 ივნისს ცნობილი ქართველი დრამატურგის, სულიკო ჟღენტის დაბადების დღეა. დრამატურგის ბიუსტი რომელიც ბათუმში, ბულვარის ცენტრალურ შესასვლელში დგას, ყვავილებით შეამკეს.
ბათუმის ხელოვნების სასწავლო უნივერსიტეტში ახალციხის სამხატვრო სკოლის მოსწავლეთა და პედაგოგთა ნამუშევრების გამოფენა მოეწყო. აღნიშნული პროექტი აჭარის განათლების, კულტურისა და სპორტის სამინისტროს პროგრამის – „კულტურული ცხოვრების გააქტიურება და პოპულარიაზაცია“ ფარგლებში დაფინანსდა.
ცნობილი ქართველი პიანისტის, ელისო ბოლქვაძის მიერ დაარსებული ბათუმის მუსიკალური ფესტივალი BATUMI MUSICFEST, დღეს 6 ივნისს ევროპის ფესტივალების ასოციაციის (EFA) სრულუფლებიან წევრად მიიღეს.
ბათუმის ხელოვნების მუზეუმში ცნობილი ქართველი მხატვრის ნიკო ფიროსმანაშვილის 13 ნამუშევარი და 12 აფიშაა გამოფენილი. ნამუშევრები კახეთში, მირზაანის ნიკო ფოროსმანაშვილის სახლ-მუზეუმში დაცული და ფართო საზოგადოებისთვის უცნობი ტილოებია. გამოფენა კულტურული მემკვიდრეობის დაცვის ეროვნული სააგენტოს ახალი პროგრამის – „ფიროსმანის მოგზაურობა“ ფარგლებში მიმდინარეობს.
დიდ ეკრანზე ფილმის ნახვის მოყვარულებს ბათუმში კინოთეატრ აპოლოში 6 და 7 ივნისს ორი ფილმის სან ანდრეასისა და ასტრალის ნახვა შეგიძლიათ:
რა გავლენას ახდენს მუსიკა ახალგაზრდებზე, არსებობს თუ არა მუსიკა რომელსაც შეუძლია ზიანის მიყენება ბავშვისთვის? რომელი ასაკიდან უნდა მოუსმინონ მოზარდებმა როკს, ჯაზს და რატომ უნდა ვუსმინოთ ფოლკლორს. რა კრიტერიუმებით უნდა შეარჩიონ მშობლემა პატარებისთვის მუსიკა… როგორია ახალგაზრდების გემოვნება და მშობლების როლი?
ნახეთ გადაცემის ჩანაწერი, რომელიც თავისუფალ ჟურნალისტთა სახლის მოხალისეებმა მოამზადეს.
დღეს, 26 მაისს ბათუმის ხელოვნების მუზეუმის გვერდით ახალი გალერეა გაიხსნა. გალერეა წელიწადნახევრის განმავლობაში შენდებოდა. მის მშენებლობაზე სახელმწიფო ბიუჯეტიდან 300 ათას ლარზე მეტი დაიხარჯა.
დღეს, 26 მაისს, ბათუმის ხელოვნების მუზეუმში 25 ავსტრიელი მხატვრის 50-ზე მეტი ფერწერული ნამუშევარი გამოიფინა. ავსტრიელი მხატვრები პირველად არიან საქართველოში და მათი ნამუშევრების გამოფენაც პირველია.
ხვალ 24 მაისს, ბათუმში თანამედროვე ხელოვნების სივრცეში, ფესტივალის „ბათუმი-ოდესა ფოტო დღების“ ფარგლებში, კიდევ ერთი პროექტის პრეზენტაცია გაიმართება.
ბათუმში კულტურული მემკვიდრეობის ძეგლებისა და ძეგლის ნიშნის მატარებელი შენობების აღწერა-პასპორტიზაციის ჩატარების დასაფინანსებლად ბათუმის მერიამ 100 000 ლარი გამოყო. გადაწყვეტილებას სასარგებლოდ მიიჩნევენ, თუმცა ამ ამბავმა ძეგლების დამცველებში ეჭვი და შიში მაინც გააჩინა.
25 მაისს ბათუმში, ხელოვნებისა და მუსიკის ცენტრში, მსოფლიო საოპერო სცენის ვარსკვალი, ქართველი ბარიტონი, ლადო ათანელი იმღერებს. კონცერტზე წარმოდგენილი იქნება სცენები ამილკარე პონკიელის ოპერიდან „ჯოკონდა“.
2015 წლის 23 აპრილს კულტურული მემკვიდრეობის დაცვის სააგენტომ პაბლო პოკასოს ნამუშევარს „ნიკო ფიროსმანაშვილის პორტრეტი“, კულტურული მემკვიდრეობის მოძრავი ძეგლის სტატუსი მიანიჭა.
აჭარის განათლებისა და კულტურის სამინისტრომ, „აჭარაში კინოხელოვნების განვითარების ხელშეწყობის“ პროგრამის ფარგლებში გამოცხადებული მხატვრული მოკლემეტრაჟიანი და დოკუმენტური ფილმების დაფინანსების კონკურსის გამარჯვებულები გამოავლინა.
ანსამბლ „ხორუმი“-ს მიერ აჭარის განათლების სამინისტროსთვის წარდგენილი 2014 წლის ანგარიშის მიხდევით, „ხორუმს“ გასულ წელს ბიუჯეტიდან მიუღია 520 681 ლარი. ანგარიშის მიხედვით, ამ თანხით „ხორუმს“ გაუცია ხელფასები, განუახლებია 4 ცეკვა და ხუთი გასტროლი ჰქონია უცხოეთში.
დღეს, 25 აპრილს, ბათუმში თანამედროვე ხელოვნების სივრცეში, ახალი ბენდის – „მეოთხე სეზონის“ პრეზენტაცია გაიმართა. ჯგუფი ოთხი წევრისგან შედგება: გიორგი ჟვანია (კლავიში), ერეკლე ბაგალიშვილი (ბას-გიტარა), გიორგი გაგუა (დასარტყამი ინსტრუმენტი) და ბენდის სოლისტი გრიგოლ ტვილდიანი.
ბათუმში, წელს ორი – სელიმ ხიმშიაშვილისა და მერაბ კოსტავას სკულპტურა დაიდგმება. ქანდაკებების ესკიზებზე კონკურსი გასულ წელს სამჯერ გამოცხადდა. გარდა აღნიშნული ორი კონკურსისა, მერიას კიდევ ხუთ ნამუშევარზე ჰქონდა კონკურსი გამოცხადებული, თუმცა კომისიამ ვერც ერთ მათგანში გამარჯვებული ვერ გამოავლინა.
ბათუმში, თანამედროვე ხელოვნების საგამოფენო სივრცეში 27 აპრილს, ფილოსოფოსი და კულტურის მკვლევარი თენგო ციმნარიძე, ჰოლანდიელი მხატვრის ვინსენტ ვან გოგის ნახატის „ფეხსაცმელები“ შესახებ ლექციას წაიკითხავს.
24-26 აპრილს, თბილისში, ლისის ტბაზე Tbilisi JAM Fest 2015 გაიმართება. ფესტივალის ფარგლებში, წელს უკვე მესამედ მუსიკალური ორთაბრძოლა – WACKEN METAL BATTLE მოეწყობა, რომლის გამარჯვებულიც გერმანიაში, საერთაშორისო მეტალ-ფესტივალზე Wacken Open Air – ზე გაემგზავრება. მუსიკალურ ორთაბრძოლაში ჩაებმებიან ჯგუფები საქართველოდან, სომხეთიდან და აზერბაიჯანიდან.
ხვალ, რვა აპრილს, ბათუმის ხელოვნებისა და კულტურის ცენტრში, სამსუნის ოპერისა და ბალეტის მსახიობები კონცერტს გამართავენ.
24, 25 და 26 აპრილს, თბილისის ზღვაზე, ღია ცის ქვეშ, საერთაშორისო მუსიკალური ფესტივალი Tbilisi JAM! Fest 2015 გაიმართება. ფესტივალი ახალგაზრდებს შორის მშვიდობას და მეგობრობას ეძღვნება, ამიტომ იგი უკვე მეოთხე წელია ძალადობის საწინააღმდეგო აქციის სახესაც ატარებს და იმართება ლოზუნგის ქვეშ – ”არა ძალადობას!”
ბათუმის სახელმწიფო მუსიკალურ ცენტრში, „გაზაფხულის ფესტივალის“ ფარგლებში 17 აპრილს, ქართველი მომღერლის გია სურამელაშვილის სოლოკონცერტი გაიმართება. მომღერლის ჰონორარს სახელმწიფო გადაიხდის.
ბათუმის არქეოლოგიური მუზეუმის პირველ სართულზე, ფანჯარასთან, სამუშაო მაგიდა დგას. მაგიდაზე ფურცლები, სათვალე და ძველი დოქის ნამტვრევები ალაგია. ეს მუზეუმის მხატვრის, 80 წლის ანზორ ჯაველიძის სამუშაო მაგიდაა. იგი 48 წელია უძველეს, ძველი თუ ახალი წელთაღრიცხვით დათარიღებულ ნივთებს იხატავს და მასზეა დამოკიდებული, როგორ იქნება ნახატზე გადმოცემული უძველესი ნივთების დეტალები, როგორი სიზუსტით გაცოცხლდება ისტორია.
არამატერიალური კულტურული მემკვიდრეობის ძეგლს „ქართული ანბანის სამი უძველესი სახეობის ცოცხალ კულტურას“ ეროვნული მნიშვნელობის კატეგორია მიენიჭა. საქართველოს მთავრობამ შესაბამისი გადაწყვეტილება „კულტურული მემკვიდრეობის შესახებ“ საქართველოს კანონის მე-18 მუხლის პირველი პუნქტის შესაბამისად მიიღო.
ბათუმის ღვთისმშობლის შობის საკათედრო ტაძართან, დემეტრე თავდადებულის ქუჩაზე განთავსებული საინფორმაციო დაფა ტაძრის მესვეურთა მოთხოვნით აიღეს. მიზეზი დაფაზე დატანილი ტექსტის შინაარსი გახდა, რომელიც იუწყებოდა, რომ ტაძარი აგებული იყო ძმები ზუბალაშვილების მიერ. შენობა მართლმადიდებლურ ეკლესიას საქართველოს დამოუკიდებლობის აღდგენის შემდეგ გადაეცა.
