Batumelebi | 25 ავსტრიელი მხატვრის გამოფენა ბათუმში 25 ავსტრიელი მხატვრის გამოფენა ბათუმში – Batumelebi
RU | GE  

25 ავსტრიელი მხატვრის გამოფენა ბათუმში

 

დღეს, 26 მაისს, ბათუმის ხელოვნების მუზეუმში 25 ავსტრიელი მხატვრის 50-ზე მეტი ფერწერული ნამუშევარი გამოიფინა. ავსტრიელი მხატვრები პირველად არიან საქართველოში და  მათი ნამუშევრების გამოფენაც პირველია. 

„გამოფენა გააკეთა კულტურის განვითარების ფონდმა, გია გუგუშვილის ხელმძღვანელობით და  ფინანსური მხარდაჭერა აჭარის განათლებისა და კულტურის სამინისტროსგან გვაქვს. ძალიან საინტერესო პრეცენდენტია იმის, რომ ქართველი დამთვალიერებელი გაეცნოს თანამედროვე ავსტრიულ ფერწერას“, – გვეუბნება გამოფენის ერთ-ერთი ორგანიზატორი მაია ჭყონია. მისი თქმით, გასულ წელს ავსტრიაში  ქართველი მხატვრების გამოფენა მოეწყო და დღევანდელი გამოფენა ამის საპასუხო ვიზიტია.

„იმედია, ინტერაქტივი შედგა და დამთვალიერებელი საინტერესო შთაბეჭდილებას მიიღებს. პარალელურად, მიმდინარეობს ქართველი და ავსტრიელი მხატვრების ერთობლივი პლენერი (პლენერი – სუფთა ჰაერი. აღნიშნავს ბუნებრივი განათების, ჰაერის, გარემოს გადმოცემას სურათში) და როცა დასრულდება მუშაობა, ამ ნამუშევრების გამოფენაც მოეწყობა.

გარელეა, რომელმაც 25 მხატვრის ნამუშევარი წარმოადგინა, ევროპაში რამდენიმე ცნობილ გალერეასთან და კულტურის სახლთან თანამშრომლობს.

ავტრიელი მხატვრები

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე