Batumelebi | გია სურამელაშვილი ბათუმის მუსიკალურ ცენტრში იმღერებს გია სურამელაშვილი ბათუმის მუსიკალურ ცენტრში იმღერებს – Batumelebi
RU | GE  

გია სურამელაშვილი ბათუმის მუსიკალურ ცენტრში იმღერებს

 

ბათუმის სახელმწიფო მუსიკალურ ცენტრში,  „გაზაფხულის ფესტივალის“ ფარგლებში 17 აპრილს, ქართველი მომღერლის  გია სურამელაშვილის  სოლოკონცერტი გაიმართება.  მომღერლის ჰონორარს სახელმწიფო გადაიხდის. 

 

როგორ შეარჩიეს ფესტივალში მონაწილე მომღერლები? მუსიკალური ცენტრის თანამშრომლის, აიდა აბუსერიძის განცხადებით, გია სურამელაშვილის ჩამოყვანა მსმენელის გემოვნების გათვალისწინებით გადაწყდა.

 

„ეს კონცერტი ტარდება ტრადიციული ფესტივალების ფარგლებში. ახლა გაზაფხულის ფესტივალი მოდის და ამის ფარგლებში გაიმართება რამდენიმე კონცერტი. მათ შორის გია სურამელაშვილის. მაყურებლის გემოვნებაზე მოხდა გათვლა, სხვადასხვა მსმენელია და ეს გავითვალისწინეთ“, – აცხადებს ის.  

 

რა თანხაა გამოყფილი ბიუჯეტიდან „გაზაფხულის ფესტივალისთვის“, გია სურამელაშვილის გარდა კიდევ რომელი მომღერლების კონცერტი გაიმართება და რა ჰონორარია მათთვის გათვალისწინებული? – ამის შესახებ ხელოვნებისა და მუსიკის ცენტრის წარმომადგენლებს ამ დროისთვის ინფორმაცია არ აქვთ.

 

„ჩვენ  6 ან 8 აპრილს გვექნება პრესკონფერენცია და ამ კითხვებზე პასუხს მაშინ მოგაწვდით“, – ამბობს ცენტრის  პიარ-ხელმძღვანელი სალომე ცეცხლაძე. 

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე