ბათუმელები
ხულოს მუნიციპალიტეტის სოფელ დიაკონიძეებში გააქტიურებულ გეოლოგიურ პროცესებს ადგილობრივები კვლავაც „შუახევი ჰესისთვის“ საჭირო გვირაბის მშენებლობას უკავშირებენ. ამ დროისთვის, გაჩენილი ბზარების გამო, საცხოვრებელი სახლი ორმა ოჯახმა დატოვა, 14-მა ოჯახმა კი სასმელი წყალი დაკარგა. აქ ამბობენ, რომ საცხოვრებელ სახლებს ბზარები მას შემდეგ გაუჩნდა, რაც აფეთქებები დაიწყო.
საქართველოს მთავრობამ პირდაპირი მიყიდვის წესით შპს „აჭარისწყალი ჯორჯიას“ 20588 კვ/მ სახელმწიფო მიწის ნაკვეთები კერძო საკუთრებაში გადასცა. მიწის ნაკვეთები კომპანიამ შუახევისა და სხალთის ჰიდროელექტროსადგურებისთვის უნდა გამოიყენოს.
„საერთაშორისო გამჭვირვალობა – საქართველო“ აჭარის მთავრობას მოუწოდებს, დროულად დაასრულოს სოფელ ჩანხალოში გეოფიზიკური კვლევა, რომლის შედეგებზე მოსახლეობისთვის დაზიანებული საცხოვრებელი სახლების სანაცვლოდ კომპენსაციის გადახდა ან მათი განსახლებაა დამოკიდებული – ამის შესახებ განცხადება დღეს, 24 იანვარს, ნათია ზოიძემ გააკეთა, „საერთაშორისო გამჭვირვალობა – საქართველოს“ წარმომადგენელმა აჭარაში.
უკანასკნელი სამი თვეა შუახევის სოფელი ჩანჩხალო საპროტესტო რეჟიმში ცხოვრობს. მოსახლეობა სოფლიდან განსახლებასა და უსაფრთხოებას ითხოვს. ჩანჩხალოში „შუახევი ჰესისთვის“ საჭირო გვირაბი შენდება. სექტემბრიდან დღემდე სოფელში დაიბზარა სახლები, განვითარდა მეწყრული პროცესები. მოსახლეობა ამ ყველაფერს გვირაბის მშენებლობის გამო წარმოებულ აფეთქებებს უკავშირებს. კომპანია „აჭარისწყალი ჯორჯია“ ბრალდებებს უარყოფს. „შუახევი ჰესი და მის მშენებლობასთან დაკავშირებული პრობლემები ჩანჩხალოში“ – 5 დეკემბერს ამ თემაზე „საერთაშორისო გამჭვირვალობა-საქართველომ“ დისკუსია მოაწყო. ჩანჩხალოელებს ყველა პასუხისმგებელ პირთან შეხვედრის საშუალება სწორედ ამ დისკუსიაზე მიეცათ.
შუახევში, სოფელ ჩანჩხალოში, იქ, სადაც „შუახევი ჰესისთვის“ საჭირო გვირაბი შენდება, მოსახლეობა გეოფიზიკურ დასკვნას ელოდება. სწორედ დასკვნის მოლოდინის გამო შეაჩერეს საპროტესტო აქციები და ჰესის მშენებელ კომპანია „აჭარისწყალი ჯორჯიას“ გვირაბში სამუშაოების ჩატარების უფლება მისცეს. კვლევის შედეგები მოსახლეობისთვის ცნობილი ერთ კვირაში უნდა გახდეს. თუმცა ჩანჩხალოს მკვიდრთ მის სანდოობასთან დაკავშირებით უკვე კითხვები აქვთ.
დღეს, 5 დეკემბერს, სასტუმრო „რედისონში“ ანტიკორუფციული კვირეულის ფარგლებში „საერთაშორისო გამჭვირვალობა – საქართველო“ მართავს დისკუსიას თემაზე „შუახევიჰესი და მის მშენებლობასთან დაკავშირებული პრობლემები ჩანჩხალოში“.
24 ნოემბერს, შუახევის მუნიციპალიტეტის სოფელ ჩანჩხალოს მოსახლეობამ საპროტესტო აქცია განაახლა და მშენებარე გვირაბთან მისასვლელი საავტომობილო გზა გადაკეტა. ისინი ხელისუფლებისგან სოფლის გეოფიზიკურ-სესმოლოგიური მდგომარეობის ძირეულ შესწავლას ითხოვენ.
შუახევში, სოფელ ჩანჩხალოს სკოლაში ახალი სასწავლო წელი ამ დრომდე არ დაწყებულა. მშობლები ბავშვებს სკოლაში არ უშვებენ. სოფელში „შუახევი ჰესისათვის“ საჭირო გვირაბის მშენებლობა მიმდინარეობს. აფეთქების ხმა დღეში რამდენჯერმე ისმის და როგორც მოსახლეობა ამბობს ყოველი აფეთქების შემდეგ სახლებზე ახალი ბზარები ჩნდება. ბზარები არის სკოლაზეც. სოფლის მცხოვრებნი ენერგეტიკის მინისტრთან, კახი კალაძესთან შეხვედრას ითხოვენ.
ორი კვირაა შუახევში, სოფელ ჩანჩხალოში სასწავლო პროცესი ჩაშლილია. ბავშვები ჩანჩხალოდან ცხრა დღეა სკოლაში წასვლის ნაცვლად მშობლებთან ერთად აქციებს მართავენ და უსაფრთხო გარემოში ცხოვრებას ითხოვენ. სოფელი მეწყერსაშიშ ზონაშია. თუმცა ამ ფაქტს ხელი არ შეუშლია „აჭარისწყალი ჯორჯიასთვის“ დაეწყო „შუახევი ჰესისათვის“ საჭირო გვირაბის მშენებლობა სოფლის ერთ ნაწილში. ადგილობრივთა განცხადებით, მას შემდეგ, რაც გვირაბის მშენებლობისთვის აფეთქებების სერია დაიწყო, სახლები და სკოლა დაიბზარა.
დღეს შუახევის მუნიციპალიტეტის სოფელ ჩანჩხალოს მოსახლეობამ სოფელში მშენებარე გვირაბთან აქცია გამართა. მოსახლეობა სოფელში გააქტიურებულ მეწყერულ მოვლენებს ჰეასის მსენებლობას უკავშირებს.
დღეს საქართველოს ვიცე-პრემიერი, ენერგეტიკის მინისტრი კახი კალაძე და აჭარის მთავრობის თავმჯდომარე არჩილ ხაბაძე მშენებარე ,,შუახევიჰესზე“მიმდინარე სამუშაოებს გაეცნენ. სტუმრების შეფასებით სამუშაოების მიმდინარეობა ნორმალურია. ინფორმაციას ამის შესახებ, აჭარის მთავრობის პრესსამსახური ავრცელებს.
შუახევის მუნიციპალიტეტის სოფელ ზედაყანაში მცხოვრები შოთა და ზურაბ ჯაყელები ამბობენ, რომ შპს „აჭარისწყალი ჯორჯიამ“, რომელიც მდინარე აჭარისწყალზე, დაბა ხიჭაურთან ჰესს აშენებს, მათ სარგებლობაში არსებული მიწის ნაკვეთი ისე დაიკავა, რომ არც შეისყიდა და არც კომპენსაცია გადაუხადა.
სოფელ ღურტაში მცხოვრებლები ღია წერილს ავრცელებენ, ისინი თვითმართველობის არჩევნებს ბოიკოტს უცხადებენ და არასამთავრობო ორგანიზაციებს დახმარებას სთხოვენ.
სოფელ ღურტის მცხოვრებლები ბოიკოტის რეჟიმში გადადიან. ხუთი სოფელი არც თვითმმართველობის არჩევნებში აპირებს მონაწილეობის მიღებას. ისინი “შუახევი ჰესისთვის” საჭირო წყალსაცავისა და გვირაბის მშენებლობის პროცესის შეჩერებას ყველა საშუალებით აპირებენ. რატომ არ თანხმდება მოსახლეობა ხელისუფლების შეთავაზებას? _ ამ საკითხზე “ბათუმელებს” სოფელ ღურტის მცხოვრებელი, პედაგოგი ოთარ იაკობაძე ესაუბრა.
დღეს აჭარის მთავრობის და “აჭარისწყალი ჯორჯია”-ს წარმომადგენლებმა შეხვედრა გამართეს ხულოს მუნიციპალიტეტის სოფელ პაქსაძეებისა და სოფელ გელაძეების მოსახლეობასთან, რომლის დროსაც შეთანხმება იქნა მიღწეული. ინფორმაციას ამის შესახებ აჭარის მთავრობის პრესსამსახური ავრცელებს.
ხელვაჩაურში ჰესს, რომელსაც კომპანია „აჭარა ენერჯ 2007“ მდინარე ჭოროხზე აშენებს, სოფლები კირნათი, მარადიდი და აჭარისწყალი ესაზღვრება. ჰესის აშენებით დაიტბორება აღნიშნული სოფლების მდინარისპირა ტერიტორია, რომლის ნაწილი მოსახლეობის საკუთრებაშია, ან ეგრეთ წოდებული “ბაბუის მიწაა”, რომელსაც წლების განმავლობაში სარგებლობდა.
9 მარტს შუახევის მუნიციპალიტეტის სოფელ ჩანჩხალოში კავკასიის გარემოსდაცვითი არასამთავრობო ორგანიზაციების ქსელის ორგანიზებით გამართული პრესტურით ჩასულებს სოფლის ცენტრში, სკოლასთან, სოფლის მოსახლეობა დაგვხვდა. ყველას უნდა თავისი საკარმიდამო ნაკვეთი ან სახლი გადავიღოთ, რომ გვაჩვენონ, როგორ დააზარალა ისინი მეწყერმა.
ამ წუთებში ხულოს მუნიციპალიტეტის სოფელ ღურტის მოსახლეობა, ჰესის მშენებლობის წინააღმდეგ საპროტესტო აქციისთვის ემზადება.
ადგილობრივთა განცხადებით, აქცია ჰესის მშენებლობის ადგილზე გაიმართება
ხულოს მუნციპალიტეტის სოფელ ღურტაში მცხოვრები ოთარ იაკობაძის ინფორმაციით, ერთი საათის წინ მოსახლეობამ გზა გადაკეტა იმ ადგილას, სადაც კაშხლები და გვირაბი უნდა აშენდეს. მოსახლეობასა და აჭარის მთავრობის წრამომადგენლებს შორის დაპირისპრება იმით დასრულდა, რომ არჩილ ხაბაძე და მისი თანმხლები პირები სოფელში არ შეუშვეს.
მორატორიუმი-ჰიდროპროექტ
რა-ზემოქმედებას-მოახდენს
