Batumelebi

ბათუმში, კორპუსის ნანგრევებში, მაშველებმა დღეს დილით მეხუთე ცხედარი იპოვეს, ის მცირეწლოვანია.

ამ დრომდე ნაპოვნი გარდაცვლილებიდან ორი ბავშვია, სამი კი ზრდასრული.

ბათუმში, 26 მაისის ქუჩაზე, 6-სართულიანი სახლის სადარბაზო 8 ოქტომბერს, მოულოდნელად ჩამოინგრა. ჩამონგრევას წინ არ უძღოდა აფეთქების ხმა.

ბათუმში ჩამონგრეული კორპუსის სადარბაზოსთან მაშველები აგრძელებენ მუშაობას. ამ დროისთვის ნანგრევებიდან ცოცხლად ამოყვანილია 2 ადამიანი, ისინი კლინიკაში გადაიყვანეს.

მთავარ ფოტოზე: სამაშველო ოპერაცია ბათუმში, ჩამონგრეული კორპუსის ადგილზე. 9 ოქტომბერი, 2021. ფოტო: მანანა ქველიაშვილი/ბათუმელები.

საქართველოს პრეზიდენტი, სალომე ზურაბიშვილი ფეისბუქზე ეხმიანება 8 ოქტომბერს ბათუმში კორპუსის სადარბაზოს ჩამონგევის ფაქტს.

„ვდგავარ იმ ადამიანებისა და ოჯახების გვერდით, რომლებსაც ეს ტრაგედია შეეხოთ.

თანავუგრძნობ მათ და თანადგომას ვუცხადებ ამ უმძიმეს წუთებში.

მადლობა თითოეულ მაშველს ამ თავდადებული და დაუღალავი შრომისთვის.

ბოლო წუთამდე იმედია სიცოცხლის გადარჩენის და ამ იმედში ვერთიანდებით ყველა. ღმერთმა ისმინოს ჩვენი ვედრება“ – წერს სალომე ზურაბიშვილი ფეისბუქზე.

__________________________________

ბათუმში, 26 მაისის ქუჩაზე, 6-სართულიანი სახლის სადარბაზო 8 ოქტომბერს, მოულოდნელად ჩამოინგრა. ჩამონგრევას წინ არ უძღოდა აფეთქების ხმა.

ბათუმში ჩამონგრეული კორპუსის სადარბაზოსთან მაშველები აგრძელებენ მუშაობას. ამ დროისთვის ნანგრევებიდან ამოყვანილია 2 ადამიანი, ისინი კლინიკაში არიან გადაყვანილი. მაშველებმა ნანგრევებიდან ამოასვენეს 81 წლის ქალის ცხედარიც.

ამავე თემაზე: 

ჩამონგრეულ კორპუსში სარდაფსა და ბინას აერთიანებდნენ – რა ირკვევა საჯარო რეესტრით

See more

ბათუმში, 26 მაისის ქუჩაზე სარდაფისა და ბინის გაერთიანების რეგისტრაციის მოთხოვნით საჯარო რეესტრს მოქალაქე ზაურ ბუდატოვმა 2021 წლის 4 ოქტომბერს მიმართა. ეს ის კორპუსია, რომელიც დღეს ჩამოინგრა.

რეესტრმა სწორედ დღეს, 8 ოქტომბერს ხარვეზი დააფიქსირა და წარმოება შეაჩერა, მიზეზად  საკმარისი დოკუმენტების არარსებობა, მთავარ მიზეზად კი სარდაფის და სართულის გაერთიანების ნახაზის უქონლობა დაასახელა.

„დაინტერესებული პირის მიერ წარმოსადგენია არის ბინა N1-ის და სარდაფის გაერთიანების შიდა აზომვითი ნახაზი.“

არსებობს ვარაუდი, რომ ეს სამუშაოები კორპუსში უკვე მიმდინარეობდა.

საჯარო რეესტრის მონაცემებით, ზაურ ბუდატოვი [რეესტრში ზოგჯერ ბუდაგოვად არის მოხსენიებული, თუმცა ერთი და იგივე პირადი ნომრით ფიქსირდება], იგივე ბუდაგოვი ამ მისამართზე ფლობდა 120 კვ – მეტრ ბინას და მცირე ზომის სარდაფს.

დღეს დანგრეული კორპუსთან თვითმხილველები შემთხვევის ადგილზე ყვებოდნენ, რომ ამ მისამართზე სამშენებლო სამუშაოები ტარდებოდა და ამას აპროტესტებდნენ: „სახლი ზანზარებდა“.

„ბათუმელებს“ კომპეტენტურმა პირმა პირად საუბარში განუცხადა ასევე, რომ მისი ინფორმაციით, კორპუსის სარდაფიდან დიდი ოდენობით მიწა ამოიღეს. მან გვითხრა ასევე, რომ კორპუსი ე.წ. სინკარული ტიპისაა და არსებობს ასევე ვარაუდი, რომ სახლის ერთ სართულს სინკარები გამოაცალეს, რამაც ნგრევა გამოიწვია.

კორპუსი ზუსტად 26 მაისის ქუჩაზე #13-ში მდებარეობდა, ერთი მხრიდან მემედ აბაშიძის ქუჩისა და მეორე მხრიდან კლდიაშვილის ქუჩების კვეთის შუაში. ამ სახლის შიდა ეზოს მხარეს შესვლა მემედ აბაშიძის ქუჩის მხრიდან შეიძლება.

საჯარო რეესტრში ასახული მონაცემებით, მოქალაქე ზაურ ბუდატოვი ცვლილების რეგისტრაციას ითხოვდა, ეს ცვლილება კი სარდაფის და ბინის გაერთიანებას გულისხმობდა. წარდგენილი დოკუმენტების დახარვეზების ერთ-ერთ მიზეზად რეესტრმა დღეს ჩაწერა:

„დაინტერესებული პირის მიერ წარმოდგენილი არ არის ბინა N1-ის და სარდაფის გაერთიანების შიდა აზომვითი ნახაზი.“

განაცხადში, წარდგენილი დოკუმენტების ჩამონათვალში წერია ისიც, რომ წარდგენილია ამხანაგობის კრების ოქმი.

რეესტრის ინფორმაციით, ბათუმში 26 მაისის #13 -ში მოთხოვნილი რეგისტრაციისთვის მოქალაქემ წარადგინა შიდა აზომვითი ნახაზი და ამხანაგობის კრების ოქმი, ასევე სართულის გეგმა.

წარმოების შეჩერების საფუძვლად რეესტრმა მიუთითა ასევე, რომ ცვლილება მხოლოდ ამხანაგობის ყველა წევრის თანხმობით შეიძლება განხორციელდეს. როგორც ჩანს, დაინტერესებულმა პირმა ვერც ამ მხრივ წარადგინა სრულყოფილი დოკუმენტი.

საბოლოოდ, როგორც რეესტრი განმარტავს: „საქმის ფაქტობრივი გარემოებებისა და კანონმდებლობის მოთხოვნათა ურთიერთშეჯერების შედეგად, მიღებულ იქნა გადაწყვეტილება სარეგისტრაციო წარმოების შეჩერების შესახებ.

ბათუმის მერიის ინფორმაციით ამ კორპუსში სამშენებლო სამუშაოების წარმოებაზე ნებართვა გაცემული არ ყოფილა.

___

მთავარი ფოტო: კორპუსი დანგრევამდე რამდენიმე წუთით ადრე

ბათუმში, 26 მაისის ქუჩაზე ჩამონგრეულ კორპუსთან მაშველები უკვე 12 საათია მუშაობენ.

„ფეისბუქზე“ მოქალაქეების ინიციატივას, მიეტანათ მაშველებისთვის წყალი და ტკბილეული, ასობით ადამიანი გამოეხმაურა. ინიციატივის ავტორის, ციალა ქათამიძის თქმით, მოკლე ხანში შეგროვდა თანხა, რომლითაც მაშველებისთვის წყალი, ტკბილეული, ხილი და სხვა საკვები შეიძინეს.

მოქალაქეების მხრიდან ეს არის ერთგვარი მადლობის ჟესტი მაშველების მიმართ, რომლებიც ნანგრევებში მოყოლილი ადამიანების გადარჩენას ცდილობენ.

მაშველებთან დღეს იმყოფებოდნენ „წითელი ჯვრის“ მოხალისეებიც.

ბათუმში ჩამონგრეული კორპუსის სადარბაზოსთან მაშველები აგრძელებენ მუშაობას. ამ დროისთვის ნანგრევებიდან ამოყვანილია 2 ადამიანი.

__________________________________

ბათუმში, 26 მაისის ქუჩაზე, 6-სართულიანი სახლის სადარბაზო 8 ოქტომბერს, მოულოდნელად ჩამოინგრა. ჩამონგრევას წინ არ უძღოდა აფეთქების ხმა.

განიხილება სახლის ჩამონგრევის რამდენიმე ვერსია. ერთი ვერსიით, ჩამოშლილი სადარბაზოს ერთ-ერთ ბინაში ტარდებოდა სარემონტო სამუშაოები, რა დროსაც მზიდი კედელი გამოაცალეს კორპუსს.

ბათუმში, ნანგრევებიდან გამოყვანილ კაცს სასწრაფო, გადაუდებელი დახმარება ექიმებმა უკვე გაუწიეს და მას კვლევები უტარდება, ნანგრევებიდან გამოყვანილი ქალის მდგომარეობა კი კრიტიკულად მძიმეა.

საუბარია 26 მაისის ქუჩაზე საცხოვრებელი კორპუსის ჩამოშლის შედეგად დაშავებულებზე.

ამ დრომდე ბათუმში სამაშველო ოპერაცია გრძელდება. შინაგან საქმეთა სამინისტროს ინფორმაციით, მაშველები დაახლოებით 15-მდე ადამიანს ეძებენ, მათ შორის, ბავშვებს.

ნანგრევებიდან გამოყვანილი 36 წლის კაცი კლინიკა „მედცენტრშია“ მოთავსებული. კლინიკის დირექტორის, დეა ქაჯაიას თქმით, დაშავებულს აღენიშნებოდა ტრავმული შოკი, სხეულის ზოგადი დაჟეჟილობა, გულ-მკერდის დახურული ტრავმა და მარცხენა კოჭის არეში ღია მოტეხილობა. „მედცენტრის“ ინფორმაციით, პაციენტს უტარდება საჭირო კვლევები.

ნანგრევებიდან ამოყვანილ ქალს კი რეფერალურ ჰოსპიტალში მკურნალობენ. მისი მდგომარეობა კრიტიკულად მძიმეა. ის რეანიმაციულ განყოფილებაშია.

ბათუმში, 26 მაისის ქუჩაზე ჩამონგრეულ სახლის სადარბაზოს ნანგრევებიდან მაშველებმა კიდევ ერთი ადამიანი ამოიყვანეს – ამჯერად კაცი.

ზვიად თავდგირიძის გადარჩენის ოპერაცია თითქმის 11 საათი გაგრძელდა.

მანამდე დაახლოებით 20:00 საათზე მაშველებმა ქალი – ინგა მეკეიძე ამოიყვანეს. ინგა თავის ორ შვილთან ერთად იყო ნანგრევებში მოქცეული. ქალი სამედიცინო დაწესებულებაში გადაიყვანეს. ის კონტაქტური არ იყო.

სამაშველო ოპერაცია ბათუმში, ჩამონგრეულ სადარბაზოსთან, უკვე თითქმის 11 საათია მიმდინარეობს.

შს მინისტრ ვახტანგ გომელაურის ინფორმაციით, ნანგრევებში დაახლოებით 10-15 ადამიანია მოყოლილი.

___

ბათუმის ცენტრში კორპუსი დღეს, 8 ოქტომბერს, დაახლოებით დილის 12 საათზე ჩამოინგრა.

ბათუმში, 26 მაისის ქუჩაზე ჩამონგრეულ სახლის სადარბაზოს ნანგრევებიდან მაშველებმა ერთი ქალი ამოიყვანეს, ის სასწრაფო დახმარების ჯგუფს საავადმყოფოში გადაჰყავს.

ბათუმში, 26 მაისის ქუჩაზე, 6-სართულიანი სახლის სადარბაზო დღეს, 8 ოქტომბერს, მოულოდნელად ჩამოინგრა. ჩამონგრევას წინ არ უძღოდა აფეთქების ხმა.

განიხილება სახლის ჩამონგრევის რამდენიმე ვერსია. ერთი ვერსიით, ჩამოშლილი სადარბაზოს ერთ-ერთ ბინაში ტარდებოდა სარემონტო სამუშაოები, რა დროსაც მზიდი კედელი გამოაცალეს კორპუსს.

ბათუმში, 26 მაისის ქუჩაზე ჩამონგრეულ სახლის სადარბაზოს ნანგრევებში მაშველებმა ნახე ქალი, რომელიც ცოცხალია, იგი კონტაქტურია.

მაშველებმა ნანგრევებისგან გაათავისუფლეს ტერიტორია, სადაც ქალია, თუმცა მისი ამოყვანა ჯერ ვერ ხერხდება. მაშველები აგრძელებენ მუშაობას.

__________________________________

ბათუმში, 26 მაისის ქუჩაზე, 6-სართულიანი სახლის სადარბაზო დღეს, 8 ოქტომბერს, მოულოდნელად ჩამოინგრა. ჩამონგრევას წინ არ უძღოდა აფეთქების ხმა.

განიხილება სახლის ჩამონგრევის რამდენიმე ვერსია. ერთი ვერსიით, ჩამოშლილი სადარბაზოს ერთ-ერთ ბინაში ტარდებოდა სარემონტო სამუშაოები, რა დროსაც მზიდი კედელი გამოაცალეს კორპუსს.

ბათუმში, 26 მაისის ქუჩაზე, ჩამონგრეული სადარბაზოს ნანგრევებში მოყოლილი კიდევ ერთი ადამიანის ხმა გაისმა.

ადგილზე მყოფი „ბათუმელების“ კორესპონდენტის თქმით, ამჯერად გაიგეს ქალის ხმა, რომელიც, მეზობლად მცხოვრები მოქალაქეების თქმით, ამ სადარბაზოში, მეოთხე სართულზე ცხოვრობდა. ქალი 2 ბავშვთან ერთად იყო სახლში, როცა სადარბაზო ჩამოინგრა.

მაშველები ასევე ეკონტაქტებიან ნანგრევებში მოყოლილ კიდევ ერთ ადამიანს.

სამაშველო ოპერაცია ბათუმში, ჩამონგრეულ სადარბაზოსთან, 6 საათია მიმდინარეობს, თუმცა ჯერჯერობით არც ერთი ადამიანი არ ამოუყვანიათ ნანგრევებიდან.

ადგილზე დაახლოებით 300 მაშველია მობილიზებული.

ამავე თემაზე: 

ბათუმში კორპუსი ჩამოინგრა – სასწრაფოდ | LIVE

See more

„დაკავებული არავინაა. გადაყვანილია რამდენიმე ადამიანი გამოკითხვაზე“ – უთხრა ბათუმში მყოფმა შს მინისტრმა ვახტანგ გომელაურმა ჟურნალისტებს. მინისტრი ბათუმში კორპუსის ჩამონგრევის ადგილზე მივიდა.

ვახტან გომელაურმა არ გამორიცხა, რომ კორპუსი შესაძლოა უკანონო მშენებლობის გავლენით დაინგრა. „240-ე მუხლის მეორე ნაწილი სწორედ მაგას ითვალისწინებს“, – განაცხადა გომელაურმა, როცა გამოძიების დაწყებაზე საუბრობდა.

სხვადასხვა ვერსიით, ჩამოშლილი სადარბაზოს ერთ-ერთ ბინაში ტარდებოდა სარემონტო სამუშაოები, რა დროსაც მზიდი კედელი გამოაცალეს კორპუსს.

სისხლის სამართლის კოდექსის თანახმად,  240-ე მუხლი ეხება „სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას“. მეორე ნაწილი ითვალისწინებს სასჯელს „შინაპატიმრობით ვადით ექვსი თვიდან 2 წლამდე ანდა თავისუფლების აღკვეთით ვადით ორიდან ხუთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ“.

მინისტრის თქმით, ამ დრომდე დაკავებული არავინაა.

ვახტანგ გომელაურის თქმით, ნანგრევებში 10-15 ადამიანია მოყოლილი, მათ შორის, სავარაუდოდ, 2 ბავშვია.

____

დღეს ბათუმში 6-სართულიანი კორპუსის ერთ სადარბაზო ჩამოიშალა. ამ დროისთვის ნაგრევებიდან არც ერთი ადამიანი არ არის გამოყვანილი. მაშველების თქმით, მათთან კონტაქტზე ორი ადამიანი გამოვიდა.

ბათუმში შს მინისტრი ვახტაგ გომელაური იმყოფება. ის 26 მაისის ქუჩაზე ჩამონგრეულ კორპუსთან მოვიდა, სადაც კომენტარი გააკეთა ჟურნალისტებთან. გომელაური ამბობს, რომ ნანგრევებში 10-15-მდე ადამიანს ეძებენ, მათგან რამდენი შეიძლება იყოს ბავშვი, გომელაური ვერ აკონკრეტებს.

შს მინისტრის თქმით, კორპუსის ჩამონგრების გამო დაკავებული არავინ არის, თუმცა გამოკითხვაზე იმყოფებიან ადამიანები.

რა გახდა კორპუსის სადარბაზოს ჩამონგრევის მიზეზი, ამ კითხვაზე დადასტურებული პასუხი ჯერჯერობით არ არსებობს. თუმცა, როგორც გომელაური ამბობს, შენობის პირველ სართულზე მიმდინარეობდა სარემონტო სამუშაოები.

მინისტრის განცხადებამდე ბათუმის მერიაში გვითხრეს, რომ 8 ადამიანს ეძებდნენ ნანგრევებში, რასაც არ ეთანხმება გომელაური. მისი თქმით, ნანგრევებში გაცილებით მეტი ადამიანია მოყოლილი, გამოკითხული ახლობლების ინფორმაციაზე დაყრდნობით.

ამ წუთებში ისევ მიმდინარეობს სამაშველო ოპერაცია, თუმცა ჯერჯერობით არც ერთი ადამიანი არ არის ამოყვანილი ნანგრევებიდან.

მინისტრის თქმით, ადგილზე დაახლოებით 200 მაშველია მობილიზებული.

_____________________

ამავე თემაზე:

ბათუმში კორპუსი ჩამოინგრა – სასწრაფოდ | LIVE

See more

 

ბათუმში, 26 მაისის ქუჩაზე, ჩამონგრეულ სადარბაზოსთან სამაშველო სამუშაოები გრძელდება.

მაშველებს ნანგრევებიდან ეკონტაქტება ახალგაზრდა კაცი, რომელსაც ზვიადი ჰქვია.

მან მაშველებს უთხრა, რომ ფეხი სტკივა. ახალგაზრდა კაცთან კონტაქტი დილიდან არ გაწყვეტილა.

ნანგრევებში მოყოლილ ახალგაზრდას მაშველები და მოქალაქეები შეძახილებით ამხნევებენ.

_____________

დღეს, დაახლოებით 12 საათზე, ბათუმში 6-სართულიანი კორპუსის სადარბაზო ჩამოინგრა. ბათუმის მერიის ინფორმაციით, დაახლოებით 7-8 ადამიანია მოყოლილი ნანგრევებში. პირველადი ინფორმაციით, ნანგრევებში მოყვნენ ბავშვებიც.

ნახეთ „ბათუმელების“ პირდაპირი ჩართვა შემთხვევის ადგილიდან: 

„ვიბრძვით თითოეული ადამიანის სიცოცხლის და ჯანმრთელობის გადასარჩენად,“ – აცხადებს აჭარის მთავრობის თავმჯდომარე, თორნიკე რიჟვაძე. იგი განცხადებას ფეისბუქზე აქვეყნებს.

„ბათუმში კორპუსის ჩამონგრევის ფაქტთან დაკავშირებით აქტიურად მიმდინარეობს სამაშველო ოპერაცია, ჩართულია ცენტრალური და ადგილობრივი ხელისუფლების ყველა შესაბამისი სამსახური.

მას შემდეგ, რაც დასრულდება სამაშველო ოპერაცია, დეტალურად დადგინდება ამ შემზარავი ფაქტის გამომწვევი მიზეზები,“ – წერს რიჟვაძე.

__________________

დღეს, დაახლოებით 12 საათზე, ბათუმში 6-სართულიანი კორპუსის სადარბაზო ჩამოინგრა. ბათუმის მერიის ინფორმაციით, დაახლოებით 7-8 ადამიანია მოყოლილი ნანგრევებში. პირველადი ინფორმაციით, ნანგრევებში მოყვნენ ბავშვებიც.

ამავე თემაზე: 

ბათუმში ღარიბაშვილი და გომელაური ჩამოდიან

See more

მოქალაქე, რომელიც ჩამოშლილ სადარბაზოში მცხოვრები ერთ-ერთი ოჯახის ახლობლად გაეცნო მედიას, ამბობს, რომ ჩამოშლილი სადარბაზოს მეოთხე სართულზე, სახლში იმყოფებოდნენ დედა თავის ორ შვილთან ერთად და მისი მაზლი. ქალი ჩამონგრეულ კორპუსთან იმყოფება.

„ერთი შვილი ბაღში მიიყვანა და დაბრუნდა. ტელეფონი გამორთულია და ვერ ვეკონტაქტებით“, – თქვა ქალმა.

ერთ-ერთი ოჯახის ახლობლის ინფორმაციით კი, ჩამონგრეულ ბინაში არის 86 წლის ქალი.

დღეს, დაახლოებით 12 საათზე, ბათუმში 6-სართულიანი კორპუსის ერთ-ერთი სადარბაზო ჩამოიშალა.

ბათუმის მერიის ინფორმაციით, დაახლოებით 7-8 ადამიანია მოყოლილი ნანგრევებში.

ბათუმის მერის მოვალეობის შემსრულებელი ლელა სურმანიძე „ბათუმელებთან“ საუბარში ამბობს, რომ 26 მაისის ქუჩაზე ჩამონგრეული კორპუსის ნანგრევებში დაახლოებით 8 ადამიანს ეძებენ.

„ჩვენი სერვისცენტრის მენეჯერი და ამხანაგობის თავმჯდომარე ვის ოჯახებსაც დაეკონტაქტნენ, დაახლოებით 7-8 ადამიანი შეიძლება იყოს ნანგრვებში. ერთი მწოლიარე ქალია, რომელიც შესაძლოა იყო სახლში. ბავშვების ნაწილი სკოლაშია, ნაწილი ადამიანების სამსახურში. ასე, რომ 8 ადამიანია სავარაუდოდ ნანგრევებში,“- ამბობს ლელა სურმანიძე.

მისი თქმით, საცხოვრებელი კორპუსის პირველ სართულზე არავინ ცხოვრობდა. მე-6-7 სართულზე კი მხოლოდ ერთი ოჯახი ცხოვრობს, „აქედან გამომდინარე, 12 ოჯახია ჩამონგრეული.“

დღეს, 8 ოქრომბერს, ბათუმში საცხოვრებელი კორპუსის სადარბაზო ჩამოინგრა. მერიის ინფორმაციით, ჩამონგრეულია 12 საცხოვრებელი ბინა. 14:28 საათისთვის ნანგრევებიდან არც ერთი ადამიანი არ ჰყავთ ამოყვანილი.  ნგრევა დაახლოებით დღის 12:00 საათზე მოხდა.

_____________________

ამავე თემაზე:

ბათუმში ჩამონგრეული კორპუსი – ფოტორეპორტაჟი

See more

საქართველოს პრემიერ-მინისტრის, ირაკლი ღარიბაშვილის განცხადებით, შინაგან საქმეთა მინისტრი ბათუმში უკვე გამოემგზავრა და დღის განმავლობაში თავადაც გეგმავს ბათუმში ჩამოსვლას.

ღარიბაშვილის თქმით, მომხდარის მიზეზების დასადგენად დაწყებულია გამოძიება:

„ბათუმში მომხდარ ფაქტთან დაკავშირებით ადგილზე მობილიზებულია ყველა შესაბამისი სამსახური, როგორც შინაგან საქმეთა სამინისტროს დანაყოფები, ასევე ადგილობრივი ხელისუფლება და მერიის სამსახურები. აქტიურად მიმდინარეობს სამაშველო ღონისძიებები დაშავებულების ნანგრევებიდან უმოკლეს დროში ამოყვანის მიზნით.

ყველა დაშავებულს და დაზარალებულს სახელმწიფო გაუწევს შესაბამის დახმარებას. შინაგან საქმეთა სამინისტრომ უკვე დაიწყო გამოძიება, რომელიც მომხდარის მიზეზებს აუცილებლად დაადგენს.

ბათუმში უკვე გაემგზავრა შინაგან საქმეთა მინისტრი და პირადად მე დღესვე გავემგზავრები და ადგილზე გავეცნობი ვითარებას,“ – ამბობს ირაკლი ღარიბაშვილი.

---

დღეს ბათუმში, მემედ აბაშიძისა და 26 მაისის ქუჩების კვეთაში, დაახლოებით 12 საათზე, 6-სართულიანი კორპუსის ერთი სადარბაზო ჩამოიშალა.

ამ დროისთვის მაშველები მუშაობენ, თუმცა აჭარის ჯანდაცვის სამინისტროს ინფორმაციით, ნანგრევებიდან ჯერ არავინ ამოუყვანიათ.

ბათუმის მერის მოვალეობის შემსრულებლის, ლელა სურმანიძის ინფორმაციით, დღეს ბათუმში ჩამონგრეული სადარბაზოს პირველი სართულის ერთ ბინაში არავინ ცხოვრობდა [დაკეტილი იყო]. მეორე ბინაში კი სილამაზის სალონი იყო მოწყობილი.

მერის მოვალეობის შემსრულებლის ინფორმაციით, ამ სადარბაზოში, დანარჩენ 5 სართულზე, დაახლოებით 15 ოჯახი ცხოვრობდა.

ბათუმის მერის მოვალეობის შემსრულებლის, ლელა სურმანიძის ინფორმაციით, დღეს ბათუმში ჩამონგრეული სადარბაზოს პირველი სართულის ერთ ბინაში არავინ ცხოვრობდა [დაკეტილი იყო]. მეორე ბინაში კი სილამაზის სალონი იყო მოწყობილი.

მერის მოვალეობის შემსრულებლის ინფორმაციით, ამ სადარბაზოში, დანარჩენ 5 სართულზე, დაახლოებით 15 ოჯახი ცხოვრობდა. ლელა სურმანიძის თქმით, ამ სახლზე სამშენებლო სამუშაოების წარმოებაზე – დაშენება, სარემონტო სამუშაოები – ნებართვა გაცემული არ ყოფილა.

____

დღეს ბათუმში, მემედ აბაშიძისა და 26 მაისის ქუჩების კვეთაში, დაახლოებით 12 საათზე, 6-სართულიანი კორპუსის ერთი სადარბაზო ჩამოიშალა.

ამ დროისთვის მაშველები მუშაობენ, თუმცა აჭარის ჯანდაცვის სამინისტროს ინფორმაციით, ნანგრევებიდან ჯერ არავინ ამოუყვანიათ.

დღეს, 8 ოქტომბერს, დაახლოებით 12:00 საათზე, ბათუმში 26 მაისის ქუჩაზე, საცხოვრებელი კორპუსის ერთი სადარბაზო ჩამოიგრა. ნანგრევებში ადამიანები არიან მოყოლილი. ადგილზე იმყოფებიან სამაშველო და სასწრაფო დახმარების ჯგუფები და მიმდინარეობს სამაშველო სამუშაოები. მთავარ ფოტოზე აღბეჭდილია ადამიანი, რომლის ოჯახის წევრები, სავარაუდოდ, სახლში იმყოფებოდნენ, როცა კორპუსი ჩამოინგრა.

____________________________

მთავარი ფოტოზე: ნანგრეებზე ასახულია ადამიანი, რომლის ოჯახის წევრები სავარაუდოდ სახლში იმყოფებოდნენ, როცა კორპუსი ჩამოინგრა.

დღეს, 8 ოქტომბერს, ბათუმში, 26 მაისის ქუჩაზე, კორპუსის სადარბაზო ჩამოინგრა. შემთხვევა დაახლოებით 12 საათზე მოხდა. შსს ავრცელებს ინფორმაციას, რომ მეხანძრე-მაშველებთან ერთად ადგილზე უკვე მობილიზებულია სპეციალური ტექნიკა, მათ შორის ავტოკიბე.

მათივე ინფორმაციით დამატებით ასევე მობილიზებული არიან შინაგან საქმეთა სამინისტროს განსაკუთრებულ დავალებათა დეპარტამენტის და საექსპერტო-კრიმინალისტიკური დეპარტამენტის თანამშრომლები. მიმდინარეობს ასევე აჭარის მეზობელი რეგიონებიდან დამატებითი ცოცხალი ძალის მობილიზება.

შსს-ს ინფორმაციით ადგილზე მისვლისთანავე, მეხანძრე-მაშველებმა ჩამონგრეული სადარბაზოს მეზობელი ბინებიდან, ასევე, ნანგრევებში მოყოლილი ავტომობილებიდან მოსახლეობის ევაკუაცია განახორციელეს.

სადარბაზოს ადგილას ამ დროისთვის მხოლოდ ნანგრევებია. ადგილზე მობილიზებულია სამაშველო სამსახური. მოსახლეობა მაშველებს ეხმარება ჩამონგრეული ადგილის გაწმენდაში.

სასწრაფო დახმარების სამსახურმა რამდენიმე ადამიანი გადაიყვანა. ჯერჯერობით არ ვრცელდება ინფორმაცია მსხვერპლის შესახებ.

ბათუმში, 26 მაისის ქუჩაზე, სადაც დღეს, 7 ოქტომბერს 6-სართულიანი სახლის სადარბაზო ჩამოინგრა, ნანგრევების ქვეშ ადამიანები არიან მოყოლილი.

ადგილზე მყოფმა მაშველებმა რამდენიმე ადამიანის ხმა გაიგონეს. ნანგრევებიდან გაიგონეს ადამიანის ხმა  – „შემიძლია სუნთქვა“.

ერთ-ერთი მაშველი გავიდა კონტაქტზე ნანგრევებს შორის მოყოლილ პირთან. მაშველის კითხვაზე – „გესმის თუ არა ჩემი ხმა“ – კაცმა უპასუხა, რომ ესმის.

შემთხვევის ადგილზე მობილიზებულია პოლიცია, სამაშველო და სასწრაფო სამედიცინო დახმარების სამსახურები.

 

დღეს, 8 ოქტომბერს, ბათუმში, 26 მაისის ქუჩაზე ჩამოინგრა კორპუსის სადარბაზო. შემთხვევა დაახლოებით 12 საათზე მოხდა.

ადგილზე მობილიზებულია სამაშველო სამსახური. მოსახლეობა მაშველებს ეხმარება ჩამონგრეული ადგილის გაწმენდაში.

ნანგრევებში ათამდე ავტომანქანაა მოყოლილი. აქ მცხოვრებლები ამბობენ, რომ დღეს სადარბაზოს ჩამონგრევამდე ამ კორპუსში გაზი  გათიშული იყო.

სასწრაფო დახმარების სამსახურმა რამდენიმე ადამიანი გადაიყვანა კლინიკაში. ჯერჯერობით არ ვრცელდება ინფორმაცია მსხვერპლის შესახებ.

 

 

 

 

 

 

 

 

 

 

დღეს, 8 ოქტომბერს, ბათუმში, 26 მაისის ქუჩაზე ჩამოინგრა ჩამოინგრა კორპუსის სადარბაზო. შემთხვევა დაახლოებით 12 საათზე მოხდა.

სადარბაზოს ადგილას ამ დროისთვის მხოლოდ ნანგრევებია. ადგილზე მობილიზებულია სამაშველო სამსახური. მოსახლეობა მაშველებს ეხმარება ჩამონგრეული ადგილის გაწმენდაში.

ნანგრევებში ათამდე მანქანაა მოყოლილი.

ცოტა ხნის წინ ერთ-ერთი ნანგრევებს შორის მოყოლილი მანქანიდან 6-7 წლის ბავშვი გამოიყვანეს. იგი ცოცხალია.

ჯერ-ჯერობით არ ვრცელდება ინფორმაცია მსხვერპლის შესახებ.

ნახეთ „ბათუმელების“ პირდაპირი ჩართვა შემთხვევის ადგილიდან:

ბათუმში, 26 მაისის ქუჩაზე, კორპუსი ჩამოინგრა.

ადგილზეა სპეციალური ტექნიკა. მსხვერპლის შესახებ ინფორმაცია ჯერჯერობით არ ვრცელდება.

„ბათუმელები“ დეტალებს აზუსტებს.

ნახეთ პირდაპირი ჩართვა შემთხვევის ადგილიდან.

8 ოქტომბრის მონაცემებით, აჭარაში კორონავირუსის 105 ახალი შემთხვევა დადასტურდა.

რეგიონში 365 პირს მკურნალობენ კოვიდზე კლინიკებში, მათგან 25 ხელოვნური სუნთქვის აპარატზეა.

ამ დროისათვის აჭარაში კოვიდსასტუმროში იმყოფება 185 ადამიანი.

8 ოქტომბრის მონაცემებით, საქართველოში კოვიდის 2661 ახალი შემთხვევაა, 30 ადამიანი გარდაიცვალა კოვიდით გასულ დღე-ღამეში.

8 ოქტომბრის მონაცემებით, საქართველოში დადასტურდა კოვიდის 2661 ახალი შემთხვევა. ჩატარდა 36 840 ტესტი კორონავირუსზე.

გასულ 24 საათში 30 პაციენტი გარდაიცვალა კოვიდით.

ამ ეტაპზე ქვეყანაში კოვიდით ინფიცირების 21 847 მიმდინარე აქტიური შემთხვევაა, მათგან 4 201 ადამიანი მკურნალობს საავადმყოფოში. 16 986 პირი ვირუსის მკურნალობის კურსს გადის საცხოვრებელ ბინაზე.

7 ოქტომბრის მდგომარეობით, დადებითობის დღიური მაჩვენებელი არის 7.22%, ბოლო 14 დღის მანძილზე – 5.70% ხოლო 7 დღის მანძილზე – 6.16%.

ბათუმის სამშობიარო სახლში დღეს, 7 ოქტომბერს, 17 ორსული ქალი მკურნალობს კორონავირუსზე. სამშობიარო სახლის დირექტორის ნუგზარ პაპავას თქმით, ორსულების ჯანმრთელობის მდგომარეობა დამაკმაყოფილებელია.

„ბოლო პაციენტი დღეს, 7 ოქტომბერს შემოვიდა. ისეთი სიხშირით აღარ შემოდიან, როგორც ადრე. დღეში 1-2 პაციენტი შემოდის, ადრე 40 შემოდიოდა“ – ამბობს ნუგზარ პაპავა.

მისი თქმით, არცერთი ორსული, რომელიც ამჟამად კორონავირუსით მათ კლინიკაშია, არ არის აცრილი.

„არცერთი ქალი აცრილი არ იყო ვინც აქამდე შემოვიდა და არც ეს ორსულები არიან აცრილი. ბევრი გინეკოლოგი და პირადი ექიმი უარს ეუბნება აცრაზე ორსულებს.

ექიმმა მითხრა, „არ აიცრა, საშიშია, არ ვიცით რა იქნებაო“ – ეუბნებიან  და ამათაც ეშინიათ, როგორ მიიღონ გადაწყვეტილება. როგორც ჩანს, არ აქვთ ორსულებს სათანადო ინფორმაცია, ყველა მოდის აუცრელი“ – ამბობს ნუგზარ პაპავა.

კორონავირუსისგან 16-მდე ორსული ქალი გარდაიცვალა საქართველოში. არცერთი მათგანი არ იყო აცრილი.  NCDC-ის დირექტორის ამირან გამყრელიძის თქმით, ორსულობისას აუცილებელია კორონავირუსის საწინააღმდეგო ვაქცინის გაკეთება, ისევე როგორც გრიპის შემთხვევაში.

საქართველოში ორსულების ვაქცინაცია დასაშვებია „ფაიზერით“.