მთავარი,სიახლეები

ნანგრევებიდან ამოასვენეს 1 ბავშვი და 2 კაცი – ამ დროისთვის დაღუპულია 4 ადამიანი

09.10.2021 • 18966
ნანგრევებიდან ამოასვენეს 1 ბავშვი და 2 კაცი – ამ დროისთვის დაღუპულია 4 ადამიანი

მაშველებმა ბათუმში სახლის ნანგრევებიდან ამოასვენეს 1 ბავშვის და 2 კაცის ცხედარი. ინფორმაციას ადასტურებენ სამაშველო სამსახურში.

რამდენიმე საათის წინ მაშველებმა ნანგრევებიდან ამოასვენეს 81 წლის ქალის ცხედარი.

ამ დროისთვის ცნობილია, რომ ბათუმში კორპუსის სადარბაზოს ჩამონგრევას 4 ადამიანი ემსხვერპლა.

ნანგრევებიდან ამოყვანილი ორი ადამიანი გადაყვანილია კლინიკაში.

მაშველები უკვე 15 საათია მუშაობენ ადგილზე. წინასწარი ინფორმაციით, ნანგრევებში სულ 3 ბავშვი იყო.

_________________________________

ბათუმში, 26 მაისის ქუჩაზე, 6-სართულიანი სახლის სადარბაზო 8 ოქტომბერს, მოულოდნელად ჩამოინგრა. ჩამონგრევას წინ არ უძღოდა აფეთქების ხმა.

ბათუმში ჩამონგრეული კორპუსის სადარბაზოსთან მაშველები აგრძელებენ მუშაობას. ამ დროისთვის ნანგრევებიდან ამოყვანილია 2 ადამიანი, ისინი კლინიკაში არიან გადაყვანილი. მაშველებმა ნანგრევებიდან ამოასვენეს 81 წლის ქალის ცხედარიც.

გადაბეჭდვის წესი