დღეს, 8 ოქტომბერს, ბათუმში, 26 მაისის ქუჩაზე ჩამოინგრა კორპუსის სადარბაზო. შემთხვევა დაახლოებით 12 საათზე მოხდა.
ადგილზე მობილიზებულია სამაშველო სამსახური. მოსახლეობა მაშველებს ეხმარება ჩამონგრეული ადგილის გაწმენდაში.
ნანგრევებში ათამდე ავტომანქანაა მოყოლილი. აქ მცხოვრებლები ამბობენ, რომ დღეს სადარბაზოს ჩამონგრევამდე ამ კორპუსში გაზი გათიშული იყო.
სასწრაფო დახმარების სამსახურმა რამდენიმე ადამიანი გადაიყვანა კლინიკაში. ჯერჯერობით არ ვრცელდება ინფორმაცია მსხვერპლის შესახებ.