მთავარი,სიახლეები

ნანგრევებიდან ქალის ხმა გაიგონეს – სამაშველო ოპერაცია გრძელდება

08.10.2021 • 2882
ნანგრევებიდან ქალის ხმა გაიგონეს – სამაშველო ოპერაცია გრძელდება

ბათუმში, 26 მაისის ქუჩაზე, ჩამონგრეული სადარბაზოს ნანგრევებში მოყოლილი კიდევ ერთი ადამიანის ხმა გაისმა.

ადგილზე მყოფი „ბათუმელების“ კორესპონდენტის თქმით, ამჯერად გაიგეს ქალის ხმა, რომელიც, მეზობლად მცხოვრები მოქალაქეების თქმით, ამ სადარბაზოში, მეოთხე სართულზე ცხოვრობდა. ქალი 2 ბავშვთან ერთად იყო სახლში, როცა სადარბაზო ჩამოინგრა.

მაშველები ასევე ეკონტაქტებიან ნანგრევებში მოყოლილ კიდევ ერთ ადამიანს.

სამაშველო ოპერაცია ბათუმში, ჩამონგრეულ სადარბაზოსთან, 6 საათია მიმდინარეობს, თუმცა ჯერჯერობით არც ერთი ადამიანი არ ამოუყვანიათ ნანგრევებიდან.

ადგილზე დაახლოებით 300 მაშველია მობილიზებული.

ამავე თემაზე: 

დაახლოებით 10-15 ადამიანს ვეძებთ ნანგრევებში – გომელაური

გადაბეჭდვის წესი


ასევე: