ბათუმელები
„ჩემი სივრცე“ – ასე ეწოდება დინა ოგანოვას პერსონალურ ფოტოგამოფენას. გამოფენაზე დასწრება თავისუფალია.
დინა ოგანოვა თავისუფალი ფოტოგრაფია. სხვადასხვა დროს მუშაობდა ფოტოჟურნალისტად ქართულ საინფორმაციო სააგენტოებსა და ჟურნალებში და გახლდათ რამდენიმე ფილმის ფოტოგრაფი. მისი ფოტოები დაბეჭდილია რამდენიმე წიგნში, მათ შორის, „ერთად ცხოვრება“, დაფინანსებული ბრიტანეთის საბჭოს მიერ (2009), ProArt ფოტოგრაფია – დაფინანსებული პროკრედიტ ბანკის მიერ (2011) და ფოტოკონკურს ,,ქოლგის“ ყველა გამოცემაში 2007 წლიდან.
კონფერენციის მიზანია ინკლუზიური ტურიზმის პოპულარიზაცია რეგიონში, ასევე სოციალური ინკლუზიისა და ეკონომიკური განვითარებისათვის გარემოს ადაპტირების კუთხით გაწეული საქმიანობების იდენტიფიცირება, საზოგადოების და ბიზნეს სექტორის გათვითცნობიერება და პასუხისმგებლობის გაზრდა.
საერთაშორისო კონფერენციაზე მოწვეულნი არიან საერთაშორისო და ადგილობრივი ექსპერტები, ევროპის არასამთავრობო ორგანიზაციათა ქსელი ENAT -ის, ასევე სახელმწიფოს ტრუქტურების წარმომადგენლები.
კონფერენცია გაიმართება სასტუმრო „დივან სუითს ბათუმი“-ის საკონფერენციო დარბაზში. საერთაშორისო კონფერენციის მხარდამჭერებია: არასამთავრობო ორგანიზაცია “პარსა”, ინკლუზიური ტურიზმის საერთაშორისო ევროპული ქსელის ENAT-ის ასოცირებული წევრი, ინკლუზიური ტურიზმის საერთაშორისო ევროპული ქსელი.
ჩაწერა მიმდინარეობს წინასწარ.
ნეიროქირურგი გოჩა ჩუტკერაშვილი მსოფლიო და ევროპის ფედერაციის ნეიროქირურგიული ასოციაციის წევრია. არის საქართველოს შრომის, ჯანმრთელობისა და სოციალური დაცვის სამინისტროს ექსპერტი-ნეიროქირურგი,
ივ. ჯავახიშვილის სახელობის თბილისის სახელმწიფო უნივერსიტეტის კლინიკური საავადმყოფოს კლინიკური ხელმძღვანელი და “წმინდა მიქაელ მთავარანგელოზის სახელობის მრავალპროფილიანი კლინიკური საავადმყოფო”-ს ქირურგი. იგი ბათუმში კონსულტაციებს საზღვაო ჰოსპიტალის მოწვევით ჩაატარებს.
მის: ბათუმი, მელიქიშვილის ქ.#102;
ტელ: (0 422) 27 25 88; facebook: Maritime Hospital JSC
სს საზღვაო ჰოსპიტალი
პრესრელიზის თანახმად, ლექციაში მიმოხილული იქნება ე.წ. საბედისწერო ქალის, როგორც მძლავრი არქეტიპული სახის ჩამოყალიბების ისტორია. რა თვისებები ახასიათებს მას და პატრიარქალურ კულტურაში ჩამალულ რა ფობიებს გამოავლენს? – ამ საკითხებს თეო ხატიაშვილი რამდენიმე ფილმის მაგალითზე განიხილავს.
ასოცირებული პროფესორი, ხელოვნებათმცოდნეობის დოქტორი, კინომცოდნე თეო ხატიაშვილი კითხულობს ლექციებს ილიას უნივერსიტეტში, არის გადაცემა „წითელი ზონას“ რედაქტორი, მისი ინტერესების სფეროა გენდერული სტერეოტიპების კვლევა კინოში.
საჯარო ლექციები ბათუმის სახელმწიფო უნივერსიტეტში ჰაინრიჰ ბიოლის ფონდის სამხრეთ კავკასიის რეგიონალური ბიუროს პროექტის ფარგლებში, ლექციების ღია ციკლის – „ვის ეშინია ფემინიზმის?“ – ფარგლებში იმართება.
პროექტის მხარდამჭერია აჭარის განათლების, კულტურისა და სპორტის სამინისტრო.
ბატონო გიორგი, გასულ წელს ზამთრისთვის საკმაოდ მოუმზადებელი აღმოჩნდა ქალაქი. წელს როგორ ემზადებით?
წელს ვემზადებით ინტენსიურად, ყველა სამსახურში – იქნება ეს სანდასუფთავება, სახანძრო თუ სამაშველო, ტექნიკის შეძენაზე დამატებითი ტენდერი გამოვაცხადეთ. სანდასუფთავებისთვის დამატებით ვყიდულობთ სპეცტექნიკას, რაც მოგვცემს საშუალებას სრულყოფილად ჩავატაროთ სამუშაოები. გარდა ამისა, საორგანიზაციო საკითხებს ვაგვარებთ, პრობლემის წარმოშობის შემთხვევაში ქაოსი რომ არ შეუქმნას – მერია და მისი დამხმარე სამსახურები გაიყოფა. უხვი ნალექის შემთხვევაში ყველა სამსახურს ეცოდინება სექტორებად დაყოფილი ქალაქის რომელ ტერიტორიაზე რას აკეთებს. ეს ხელს შეუწყობს იმას, რომ იყოს ორგანიზებული და არა ქაოტური პროცესი.
ქვაფენილიანი ქუჩები ბათუმის ცენტრში შარშან ტექნიკამ ვერ გაწმინდა, რადგან დაზიანდა ქვაფენილი და ამან დამატებითი პრობლემები გააჩინა. წელს როგორ აპირებთ ქვაფენილების გაწმენდას, ისევ ხელით მოუწევთ სანდასუფთავების თანამშრომლებს ამ ქუჩებისა და ტროტუარების გაწმენდა?
ჩვენ ილუზიონისტები არ ვართ რამე ახალი რომ მოვიფიქროთ, მერიას ჰყავს თავისი სამსახურები და ვისაც რა ევალება, იმას გააკეთებს. დამატებით ტექნიკის შეძენაზე იმიტომ გამოვაცხადეთ ტენდერი, რომ სანდასუფთავებას ექნება დამატებითი წმენდის საშუალება. თუმცა, ფილები ძალიან უხარისხოდ არის დადებული და ეს ცალკე განხილვის თემაა. გააჩნია ნალექის რაოდენობას, მაგრამ წინა წლებისგან განსხვავებით, უფრო მობილიზებულად და უფრო კარგად გავაკეთებთ საქმეს.
გასულ წელს სანდასუფთავების თანამშრომლები უკმაყოფილო იყვნენ იმის გამო, რომ მძიმე შრომის მიუხედავად (ხელით წმენდნენ ქუჩებს), როგორც თვითონ ამბობდნენ, ვერ მიიღეს დამატებითი ანაზღაურება. წელს როგორ იქნება ეს საკითხი გადაწყვეტილი?
ყველა ადამიანის შრომა შესაბამისად უნდა დაფასდეს. შეიძლება მერიის ან რომელიმე სამსახურის თანამშრომლის შრომა ისე არ დაფასდეს, როგორც საჭიროა, მაგრამ იმ ადამიანების შრომა, რომლებიც სტიქიური უბედურების დროს საქმეს აკეთებდნენ იმაზე მეტად, ვიდრე ევალებოდათ, იქნება დაფასებული.
ტექნიკური მარილის ნაკლებობა იყო შარშან. წელს რამდენი შეიძინეთ?
რამდენი ტონაა შესყიდული არ ვიცი, მაგრამ წელს მაგის პრობლემა არ იქნება. თუკი დამატებითი რესურსის შეძენა გახდება საჭირო, ბიუჯეტში ეს იქნება გათვალისწინებული. მარაგს გავაკეთებთ.
შარშან მთელი კვირა გათიშული იყო ქალაქში შუქი, რის გამოც, ფაქტობრივად პარალიზებული იყო ქალაქი. თუ გაქვთ ინფორმაცია, რას გააკეთა ამ პრობლემების მოსაგვარებელად წელს „ენერგო-პრო ჯორჯიამ“, ხომ არ აღმოჩნდება ქალაქი წელსაც მსგავს სიტუაციაში?
აჭარის მთავრობაში ჩატარდა თათბირი – ჩვენ გვქონდა შეხვედრა ენერგოკომპანიასა და „სოკარის“ წარმომადგენლებთან. იქ დაისვა კითხვები ამ საკითხებზე. სარეაბილიტაციო სამუშაოები რაც აქვთ, ანუ სუსტი წერტილები სადაც ჰქონდათ, იქ სამუშაოები მიმდინარეობს. შეიძლება მოხდეს რაღაც გაუთვლელად, მაგრამ იმ ანგარიშით, რაც ენერგოკომპანიამ ჩაგვაბარა, მდგომარეობა ნორმალურია. რას გააკეთებს ეს კომპანია კონკრეტულ პრობლემურ წერტილებში, ამის თაობაზე ორ კვირაში გვექნება ინფორმაცია.
ხელოვნების უნივერსიტეტის სამი სტუდენტს 18 ნოემბერს, ბათუმის ხელოვნების უნივერსიტეტში საკრებულოს თავმჯდომარის მოადგილემ, ირაკლი ჩავლეიშვილმა ჯილდოდ წიგნები და სერთიფიკატები გადასცა.
პროექტი, რომელშიც 40 სტუდენტი იღებდა მონაწილეობას, შვეიცარიის განვითარების სააგენტომ დააფინანსა. სტუდენტებს სოციალური სახლის პროექტი უნდა გაეკეთებინათ.
ირაკლი ჩავლეიშვილის თქმით, გამარჯვებული პროექტი ძალიან კარგი გამოვიდა და ამ პროექტის რეალიზაცია სავარაუდოდ მოხდება, თუმცა სოციალური სახლი ამ პროექტით აშენდება თუ არა, ამაზე გადაწყვეტილებას მერია მიიღებს.
ხელოვნების სასწავლო უნივერსიტეტის სტუდენტი მარიამ მაკარაძე ამბობს, რომ სტუდენტები პროექტზე დაახლოებით ორი თვე მუშაობდნენ:
„გვეხმარებოდნენ ლექტორები, მათი დიდი დამსახურებაა ის, რომ ჩვენ ამდენს მივაღწიეთ. ამ კონკურსში პირველად მივიღე მონაწილეობა მესამე კურსზე როდესაც ვიყავი, წელსაც ვღებულობ მონაწიოლეობას, უკვე მეორედ“ – ამბობს მარიამ მაკარაძე.
„ირაკლი ღარიბაშვილის მხარდამჭერთა ცენტრი“, – ეს წარწერა ორგანიზაცია „ახალი დემოკრატების“ ბეჭედს აქვს.
„…ჩვენ ვართ ახალი დემოკრატები, ეს არ არის პოლიტიკური ორგანიზაცია. ეს არის ირაკლი ღარიბაშვილის მხარდამჭერი ორგანიზაცია, რომელიც იყო ცენტრი და მოძრაობად გადაკეთდა.
მოძრაობა, რომელთა წევრებიც ბიძინა ივანიშვილს, მის გაკეთებულ საქმეებს, ირაკლი ღარიბაშვილს და მის პოლიტიკურ კურსს ვუჭერთ მხარს დავით ხიზანიშვილმა დააფუძნა. ამბობენ, რომ მიმართულება შეიცვალა ჩვენმა მთავრობამ, ასე არ არის. ჩვენ გვაქვს დასავლური კურსი“, – მიმართა უმაღლესი საბჭოს დეპუტატის, მაილო ჯაშის კუთვნილ სასტუმრო „მაილოს“ დარბაზში შეკრებილებს რამაზ ირემაძემ.
„მაილოში“ „ირაკლი ღარიბაშვილის მხარდამჭერთა ცენტრის“ წარმომადგენლებმა ბათუმიდან და რაიონებიდან, გაცნობითი ხასიათის შეხვედრა გასულ კვირას მოაწყვეს. შეხვედრას ორგანიზაციის კოორდინატორი აჭარაში, რამაზ ირემაძე უძღვებოდა. გაცნობის შემდეგ დარბაზში შეკრებილებს მან რამდენიმე პირობა მისცა:
„მინდა გითხრათ, რომ აქ დანიშვნები არ იქნება ნათესაური ნიშნით. ორგანიზაციაში მეგრელიც იქნება, გურულიც, იმერელიც, კახელიც და ყველა, ვინც ცხოვრობს აჭარაში. ჩვენ ყველაფერს გავაკეთებთ წესდების მიხედვით და ვერავინ იტყვის ეს საკითხი რამაზ ირემაძემ გადაწყვიტაო.
რამდენად ვართ დაზღვეული იმისგან, რომ აქ არ შემოგვეპარება პროვოკატორი ან მაიმუნი ადამიანი? – მე ვარ ერთი, თქვენ ხართ რამდენიმე. ჩვენ გვაქვს ბლანკი, რასაც ავსებთ და წევრიანდებით, მაგრამ ვინ არის რეკომენდატორი გარკვევით დაწერეთ, რადგან როცა მე რეკომენდაციას ვაძლევ ათ კაცს, მე მათზე პასუხისმგებელი ვარ. მოდით ნუ იქნება ხათრი და შინაურობა, ეს ძალიან ცუდად ჟღერს. ჩვენი ორგანიზაციის კარი ყველასთვის ღიაა, ყოფილი ნაციონალური მოძრაობის წევრებისთვისაც, რომლებიც გადაწყვეტილებებს არ იღებდნენ და პატიოსნად მუშაობდნენ, მე არ მაინტერესებს ხუთი წლის წინ ვინ რა იყო“.
რამაზ ირემაძე რამდენიმე თვის წინ ხელვაჩაურის მუნიციპალიტეტის საკრებულოს აპარატის უფროსის მოვალეობის შემსრულებლად მუშაობდა. ის სამსახურში ბიულეტენზე მყოფი თანამშრომლის ადგილზე დროებით აიყვანეს, მისი სამსახურში დაბრუნების შემდეგ კი რამაზ ირემაძე უმუშევარი დარჩა.
როგორც შეხვედრაზე ითქვა, „ახალი დემოკრატები-ღარიბაშვილის მხარდამჭერთა ცენტრის“ ხელმძღვანელი ხელფასს არ იღებს – „ორგანიზაციას არანაირი დაფინანსება არა აქვს“.
„ბათუმელებს“ პრემიერ-მინისტრის მხარდასაჭერად შექმნილი ორგანიზაციის საქმიანობისა და ფინანსური წყაროების შესახებ უფრო მეტი ინფორმაციის მოწოდებაზე რამაზ ირემაძემ უარი განუცხადა. მან შეხვედრა კომენტარის გარეშე დატოვა.
ორგანიზაციის წესდების მიხედვით, „საქართველოს ახალი დემოკრატები – ირაკლი ღარიბაშვილის მხარდამჭერთა ცენტრი“ წევრობაზე დაფუძნებული არასამეწარმეო ორგანიზაციაა, რომელიც საქმიანობას „მოქალაქეთა საზოგადოებრივი გაერთიანების შესახებ“ წესდების შესაბამისად წარმართავს.
„აქ ერთიანდებიან სუფთა გულის ადამიანები, რომლებსაც საქართველო უყვართ“, – განმარტავს ბათუმის ორგანიზაციის ხელმძღვანელი ეთერ ჯორთმენაძე. მან ორგანიზაციას ბათუმის ოფისის გასახსნელად საკუთარი ბინა დაუთმო.
ეთერ ჯორთმენაძის ინფორმაციით, ამ დროისთვის ბათუმის ორგანიზაცია 1000-მდე პირს აერთანებს, მთლიანად აჭარაში კი პრემიერ ირაკლი ღარიბაშვილის მხარდაჭერა დოკუმენტურად 2000-მდე პირმა დაადასტურა. დარბაზში თითქმის 60 მოქალაქე იყო შეკრებილი.
წესდების მიხედვით, ორგანიზაციაში გაწევრიანება ნებაყოფლობითია. არაოფიციალურ საუბარში „ბათუმელებს“ საჯარო მოხელეებმა უთხრეს, რომ ანკეტებს საჯარო სამსახურებში არიგებენ, რასაც ეთერ ჯორთმენაძე უარყოფს: „მსგავსი არაფერი ხდება. ერთადერთი, რაც მე თვითონ გავაკეთე, მივედი ერმაკოვთან ბათუმის მერიაში და წარვუდექი, შევთავაზე ჩვენს ორგანიზაციაში გაერთიანება“.
ხელვაჩაურის ორგანიზაციას ჯუმბერ ზოიძე ხელმძღვანელობს, მასთან მუშაობს ხელვაჩაურის გამგებლის ყოფილი მოადგილე ნოდარ თურმანიძეც.
გაცნობით შეხვედრას ქედის ორგანიზაციის ხელმძღვანელი გურამ ლომინაძეც ესწრებოდა, მაილოში შეკრებილებს სიტყვით ლომინაძემაც მიმართა. მან გამოსვლაში აქცენტი მომავალ არჩევნებზე გააკეთა: „ახლა რომ ჩატარდეს არჩევნები, როგორ გგონიათ, რამდენ პროცენტს მივიღებთ? – ოცდაათ პროცენტსაც ვერ მივიღებთ, იმიტომ რომ ალასანიასნაირი და მურმან დუმბაძისნაირი მოღალატეები ბევრია.“
ორგანიზაციაში კატეგორიულად უარყოფენ პრემიერ ირაკლი ღარიბაშვილთან კავშირს. „ჩვენ ის მოგვწონს, როგორც პოლიტიკოსი, ამიტომაც მხარს ვუჭერთ მას“, – უთხრა ორგანიზაციის დამფუძნებელმა „ბათუმელებს“.
აჭარის რეგიონული ორგანიზაციის ხელმძვანელმა რამაზ ირემაძემ „მაილოში“ შეკრებილებს უთხრა, რომ ორგანიზაციის დიდი შეხვედრა მოგვიანებით დაგეგმილია თბილისში, სპორტის სასახლეში, „რომელსაც შესაძლოა პრემიერიც დაესწროს“.
არაოფიციალური ინფორმაციით, ირაკლი ღარიბაშვილის მხარდამჭერთა ჯგუფის ჩამოყალიბების სათავეებთან დგას ყოფილი პრემიერის – ბიძინა ივანიშვილის ძმა. სწორედ ბათუმში ჩამოსულმა ადიკო ივანიშვილმა გაუზიარა 20 ოქტომბერს ბათუმის დელფინარიუმში შეკრებილ საზოგადოებას პრემიერ-მინისტრ ირაკლი ღარიბაშვილის მხარდამჭერი მოძრაობის შექმნის სურვილი.
რესტორანი „ვერონიკა“ მდებარეობს სასტუმრო „შერატონ ბათუმის“ მეოცე სართულზე. პრომო აქცია ძალაშია ყოველდღე, ნოემბრის განმავლობაში, 13:00-დან – 23:00 საათამდე. აღნიშნული აქცია არ გამოიყენება სხვა აქციებთან კომბინაციაში.
იყიდება მიწის ნაკვეთი, მახინჯაურში, საავტომობილო გზის მიმდებარედ,
ფასი : 1 მკვ. 40 დოლარი.
მობ.: 551 58 10 00
თუ თქვენ გსურთ შეიძინოთ უძრავი ქონება: ბინა, კომერციული ფართი, საკუთარი სახლი, სასტუმრო,მიწის ფართობი და ამავე დროს ფლობთ ინფორმაციას გაყიდვის, გაქირავების, დაგირავების შესახებ გთხოვთ დაგვიკავშირდეთ:
მისამართი: ქ.ბათუმი, კ.გამსახურდიას 27 (ლენინის და ტელმანის კვეთა)
ტელ.: 0 422 24 85 85;
მობ.: 577 25 25 85; 597019963; 555287129
სავანეში სტუმრობის მიზეზი საქველმოქმედო აქცია იყო სახელწოდებით „ ერთი დღე თავშესაფარში მყოფ ადამიანებთან“.
მოსწავლეებმა ხანდაზმულებს ტკბილეული აჩუქეს.
საქველმოქმედო აქციის ორგანიზარი აჭარისწყლის საჯარო სკოლის სამოქალაქო განათლების მასწავლებელი ეთერ წითელაძე იყო.
ავტობუსის დათვალიერებისას, საბაჟო დეპარტამენტის კინოლოგიური ცენტრის ძაღლების მეშვეობით, მებაჟე ოფიცრებმა აღმოაჩინეს 7 გრამი მარიხუანა. ნარკოტიკული ნივთიერება ეკუთვნოდა საქართველოს მოქალაქეს თ. ხ.-ს, რომელიც ამ ავტობუსით მგზავრობდა.
საქმე შემდგომი რეაგირებისათვის გადაეცა საქართველოს შსს აჭარის მთავარი სამმართველოს გონიოს პოლიციის განყოფილებას.
შს სამინისტროში აცხადებენ, რომ ბრალდებულის სტატუსით დაკავებული ადამიანი პირველად მოწმის სტატუსით დაკითხეს.
უწყების ცნობით, გამოძიება დაწყებულია 138-ე მუხლის, მეოთხე ნაწილის „გ“ პუნქტით, დანაშუალი ჩადენილი იმ პირის მიმართ, რომელსაც არ შესრულებია თოთხმეტი წელი, ისჯება თავისუფლების აღკვეთით ვადით თხუთმეტიდან ოც წლამდე.
ქედის მუნიციპალიტეტში არასრულწლოვანის გაუპატიურებაში ბრალდებული გუშინ დააკავეს.
თუ დილით მზე ამოვა, უკვე იცის, რომ ის დღე წარმატებული იქნება. მზიანი დღე იმას ნიშნავს, რომ შეუძლია ხელში გიტარა აიღოს და თავის “სცენაზე” გავიდეს. “სცენა” ყველგან დააქვს, ზღვისპირას უფრო ხშირად უკრავს, ამბობს რომ უცხოელები უფრო მეტად გამოხატავენ მის მიმართ სიმპათიას: “სადაც არ უნდა იყო, იქ უნდა აკეთო ის საქმე, რომელიც გიყვარს. აი, მაშინ გამოვა ის, რაც მართლა გსურს. ჩემი აზრით, მუსიკას საქართველოში ბუნდოვანი პერსპექტივა აქვს, მაგრამ მე მუსიკა პროფესიად მექცა. ჩამოვყალიბდი ქუჩის მუსიკოსად, თავს კომფორტულად ვგრძნობ ასე, მაბედნიერებს ის, რომ ქუჩაში მიმავალ ადამიანებს ჩემი მუსიკა აჩერებს, ძალიან რომ ეჩქარებოდეთ მაინც, რამდენიმე წუთს ჩერდებიან, ეს ჩემთვის არის შედეგი” – ამბობს გიორგი რულენკო.
გიორგი ბათუმში დაიბადა და გაიზარდა. ამბობს, რომ ნახევრად უკრაინელია და ნახევრად რუსი. ქართული 22 წლის ასაკში ისწავლა: “შემიძლია თამამად ვთქვა, რომ კარენოი ბათუმელი ვარ” – იცინის გიორგი, – მამა უკრაინელი მყავს, დედა რუსი, მეორე მსოფლიო ომის შემდეგ ჩემი ბებიები და ბაბუები გადმოვიდნენ ბათუმში საცხოვრებლად. სწორედ აქ გაიცნეს ჩემმა მშობლებმა ერთმანეთი, მამაჩემი რუსულ ჯარში მსახურობს და როცა ჯარი გავიდა საქართველოდან, მამასაც მოუწია წასვლა. სახლში მხოლოდ რუსულად ვლაპარაკობდით, რუსულ სკოლაში ვსწავლობდი და ერთი სიტყვაც არ ვიცოდი ქართული, მერე მუშაობა “რანდში” დავიწყე, იქ ნახევარი წელი ვმუშაობდი, არავინ იცოდა რუსული და 22 წლის ასაკში ავლაპარაკდი ქართულად, ცოტა კი მიჭირს და რაღაცეები მეშლება, მაგრამ ვცდილობ. ქართულის სწავლის სურვილი კი მქონდა, მაგრამ ვფიქრობდი რუსეთში წასვლაზე, საქართველოში პერსპექტივას ვერ ვხედავდი, მერე აქაც დავინახე პერსპექტივა და აღარ მომინდა იქ წასვლა, ახლაც აღარ მინდა” – ამბობს გიორგი.
მუსიკასთან კავშირი თავად აღმოაჩინა, მაშინ 16 წლის იყო და სკოლის ჯგუფში დრამზე უკრავდა: “სკოლაში შედგა ჩემი კონტაქტი მუსიკასთან, ჩემი ფიქრები სულ მუსიკას უკავშირდებოდა, ცოტა გვიან კი დავიწყე, მაგრამ მაინც ეს იყო ერთადერთი სფერო, სადაც თავს კომფორტულად ვგრძნობდი.
მამაჩემი მხატვარია, პეიზაჟების ხატვა უყვარს, ამით ალბათ განტვირთვას ახდენს სამხედრო სამსახურის შემდეგ. დედა მთელი ცხოვრება ბათუმის ფოსტის შენობაში მუშაობდა, ამით იმის თქმა მინდა რომ მუსიკალური ნიჭი არ გადმომყოლია მშობლებისგან, საერთოდ ჩემი მშობლები განქორწინებულები იყვნენ, მე ბებიამ გამზარდა” – გვიყვება გიორგი.
მუსიკალური ჟანრის მიგნება არ გაჭირვებია, დრამზე დაკვრისთანავე მიხვდა, რომ ამით ვერ გადმოსცემდა იმ მუსიკას რაც გულში ჰქონდა. მუსიკას წერს მაგრამ სიტუაციიდან გამომდინარე მხოლოდ ქავერებზე მუშაობს: “სხვებმა არ იციან, როგორი მუსიკა მაქვს გულში, ძალიან მომწონს ბრიტანული როკი, “პლაცებო” “რადიოჰედი”… ამ ჟანრში თავს კარგად ვგრძნობ, მსმენელსაც მოსწონს. ბევრი ფესტივალია, რომელზეც დაკვრა ოცნებად მექცა, იმედია ბედი მიმიყვანს იმ სცენებამდე” – ამბობს გიორგი.
მუსიკაში თუ თავი ადვილად იპოვა, იმავეს ვერ ვიტყვით საქმიანობაზე, ოთხი წელი მეზღვაურად მუშაობდა, არის პიარმენეჯერი, მეთევზე: “ოთხი წელი მეზღვაური ვიყავი, რთული პროფესია არ არის, მაგრამ როცა გყავს ოჯახი, გირთულდება მარტოობა. თვეობით არ შემეძლო მეუღლისგან შორს ყოფნა, ამიტომაც დავანებე თავი ამ საქმეს, ახლა ჩემი შემოსავლის ერთადერთი წყარო ქუჩის მუსიკოსობაა.”
მუსიკასთან ერთად საქმიანობათ მეორე ჰობი თევზაობაც აქცია, თევზაობა ბაბუამ ასწავლა, პატარა იყო როცა დამოიკიდებლად დაიწყო ეს საქმე: “ვერ წარმომიდგენია უკვე ჩემი თავი ამის გარეშე, მეგობართან ერთად ვთევზაობ, გვყავს ნავი, ძირითადად ნინოშვილზე. როცა ბევრი თევზია, ვყიდი კიდეც, ისე კი ამას სიყვარულის გამო ვაკეთებ, საოცარი აზარტი აქვს, სისხლში მაქვს ეს საქმე უკვე, 24 საათი შემიძლია თევზაობა.”
გიორგი შვიდი თვის წინ დაქორწინდა, მისი მეუღლე ნახევარდ რუსია, საქართველოში ხუთი წელია რაც ცხოვრობს: “იქამდე რუსეთში ცხოვრობდა, უკვე საქართველოს მოქალაქეობაც მიიღო. შვიდი თვის წინ გავიცანი სოციალურ ქსელში, გაცნობიდან ერთ კვირაში დავქორწინდით, მივხვდით, რომ ეს იყო სიყვარული, რატომ უნდა გვეცადა. შვიდი თვეა ერთად ვართ, გვყავს ძაღლი და კატა, ერთად ვუვლით.”
გიორგის რამდენიმე თვის წინ საკუთარი ჯგუფი ჰქონდა, რომელმაც ნახევარი წელი იარსება. ამბობს, რომ საქართველოში წარმატებისთვის ფული და კონტაქტებია საჭირო და რადგანაც ჯერ არც ერთი არ აქვს თავს ბედს მიანდობს: “ხარისხი თუ არ ექნება შესრულებულ მუსიკას, არაფერი გამოვა, არავინ გაჩერდება შენს წინ, ამიტომაც ბევრს ვმუშაობ. “ერედელის” ბარში, ოვერთაიმში, კორპორატიულ საღამოებზე და სადღესასწაულო დღეებში ვუკრავდი ჩემს ჯგუფთან ერთად, ჯგუფმა ნახევარი წელი იარსება, პერსპექტივას ვერ ვხედავდით და დავიშალეთ. თუ გინდა გახდე ვარსკვლავი, ფანატიკურად უნდა გსურდეს ეს. მე მაქვს ეს რწმენა, არ ვტოვებ ოცნებას, წარმოვიდგენ ხოლმე თავს ცნობილ როკ-ფესტივალებზე. ვიცი რომ ერთ დღეს ამ ფესტივალზე გამოვალ ჩემი გიტარით.”
მოსამართლე ნანა ჭიჭილეიშვილმა, 6 ნოემბერს სასამართლოში მისულ “ბათუმელების”ინტერესების დამცველს, საქართველოს ახალგაზრდა იურისტთა ასოციაციის (საია) იურისტს, ეკა ციმაკურიძეს უთხრა, რომ საქმის განხილვა 11 დეკემბრამდე გადადო. მიზეზი – მოუცლელობა.
ეს არ იყო პირველი შემთხვევა, როცა თბილისის საქალაქო სასამართლომ გადადო “ბათუმელების” მიერ შს სამინისტროს წინააღმდეგ შეტანილი სარჩელის განხილვა.
სხვადასხვა კვლევის მიხედვით, შს სამინისტრო არის ქვეყანაში ერთ-ერთ ყველაზე დახურულ უწყება; ასევე დადასტურებულია, რომ სწორედ ამ სამინისტროსგან ჟურნალისტები პრაქტიკულად ვერ იღებენ ინფორმაციას. ამის მიუხედავად, თბილისის საქალაქო სასამართლომ დღემდე მხოლოდ ის მოახერხა, რომ საქმის მოსამართლე ერთხელ გამოცვალა (თავდაპირველად მოსამართლე თამარ ონიანი იყო) და საქმის მოსმენა მრავალგზის გადადო, ამჯერად უკვე 11 დეკემბრამდე.
რამდენად საკმარისი არგუმენტია სასამართლოს მხრიდან საჯარო ინფორმაციის ვერმიღების გამო შეტანილი სარჩელის ვერგანხილვის მოტივად მოუცლელობის დასახელება, მაშინ როცა კანონი ზუსტად განსაზღვრავს ვადებს (2-5 თვეა)? საქმისადმი მსგავსი დამოკიდებულებით ხომ არ ახალისებს სასამართლო შს სამინისტროს ჩაკეტილობას? – ამ კითხვების პასუხად თბილისის საქალაქოს სასამართლოს პრეს სამსახურში შემდეგი განმარტეს:
“ნანა ჭიჭილეიშვილს ამჟამად წარმოებაში აქვს 130-ზე მეტი საქმე, დარბაზი კი კვირაში ორჯერ – ხუთშაბათს და პარასკევს. გუშინ მთავარ სხდომაზე მოსარჩელის ახსნა-განმარტებები იყო, მოპასუხე მხარის ახსნა-განმარტებისთვის დრო ამოიწურა, სხვა პროცესი იწყებოდა, ამიტომ მოუწიათ გადადება. რეალურად, ორ-სამ თვეზე ახლო პროცესებს ვერ ნიშნავენ მოსამართლეები, რადგან გადატვირთული გრაფიკი აქვთ. ეს მარტო ამ კონკრეტული მოსამართლის პრობლემა არ არის, ეს სასამართლო სისტემის პრობლემაა, საქალაქო სასამართლოს თავმჯდომარე მუდმივად ამბობს, რომ მინიმუმ 10 მოსამართლის დამატებაა საჭირო და ამას ვერც შენობა იტევს”.
“ბათუმელებმა” 2013 წლის ნოემბერში შს სამინისტროსგან შემდეგი კითხვებზე ვერ მიიღო პასუხი: რა თანხა გაიცა პრემიის სახით შს სამინისტროში 2013 წლის განმავლობაში, რას შეადგენდა მაღალი თანამდებობის პირების ყოველთვიური პრემიის ოდენობა? სამინისტროს “ბათუმელებმა” სასამართლოში სწორედ ამ საჯარო ინფორმაციის მოუწოდებლობისთვის უჩივლა. სასამართლოს მხრიდან რეაგირება 11 დეკემბრამდე გადაიდო.
პროკურატურაში განმარტავენ, რომ პატიმრის საჩივარი შეისწავლეს, თუმცა წამებისა და არაადამიანური მოპყრობის ფაქტი არ დადასტურდა, ამიტომაც გამოძიება არ დაწყებულა. პატიმარი, რომელიც ახლა სასჯელს ბათუმის №3 საპყრობილეში იხდის, შიმშილობს. მის საქმეს საქართველოს სახალხო დამცველი სწავლობს.
ბრალდებისა და სასამართლო მტკიცებულებები
ბათუმის საქალაქო სასამართლოს გამოტანილ განაჩენში წერია, რომ 2013 წლის 20 სექტემბერს, 21:55 საათზე ედნარ ძნელაძე დიდი ოდენობით ნარკოტიკული საშუალების უკანონო შეძენა-შენახვის გამო დააკავეს. მას ასევე ბრალად ედება ნარკოტიკული საშუალების საქართველოში უკანონოდ შემოტანა. ბრალდების მიხედვით, ის ინახავდა 0.215 გრამ “ჰეროინს”, რაც 2013 წლის 20 სექტემბერს სარფის საბაჟო გამშვები პუნქტის გავლით თურქეთის რესპუბლიკიდან საქართველოში უკანონოდ შემოიტანა. განაჩენის თანახმად, მხარეებმა საქმეში არსებული ყველა მტკიცებულება უდაოდ მიიჩნიეს. მოპოვებული მტკიცებულებების მიხედვით, დაკავებულს სხეულის დათვალიერებისას (ენდოსკოპიური გამოკვლევა) კუჭში აღმოაჩნდა უცხო სხეული, რის გამოც მას კუჭი ამოურეცხეს. კუჭიდან ამოიღეს ლენტით შეკრული პოლიეთილენის ერთი შეფუთვა. ექსპერტიზის დასკვა №ქ/324 თანახმად, ედნარ ძნელაძის კუჭიდან ამოღებული დაფასოებული, მოყავისფრო ფხვნილი აღმოჩნდა “ჰეროინი”. დაკავების ოქმის მიხედვით, მას სხვა რაიმე კანონსაწინააღმდეგო ნივთი არ აღმოჩენია.
ბრალდებულისა და ადვოკატის ვერსია
„მხარეები მტკიცებულებებს სადაოს არ ხდიან“, – წერია სასამართლო განაჩენში. როგორ ხსნის მოსამართლის ამ წინადადებას დაცვის მხარე? – ადვოკატი ნონა დუმბაძე განმარტავს, რომ საუბარი იყო საპროცესო შეთანხმებაზე, ამიტომაც ედნარ ძნელაძემ ბრალდება აღიარა. მერე გარიგება არ შედგა და სწორედ ამის შემდეგ დაიწყო ბრალდებულმა პოლიციელების მხრიდან წამებასა და არაადამიანურ მოპყრობაზე საუბარი.
ბრალდებული ირწმუნება, რომ კრიმინალური პოლიციის თანამშრომელმა მას პოლიციის შენობაში ყელზე ხელის მოჭერით “ჰეროინი” იძულებით გადააყლაპეს, ასახელებს კონკრეტულ სახელსა და გვარს – ვლადიმერ ხ.-ს. მოგვიანებით კი, ასევე იძულებით ბევრი წყლის სმითა და სპეციალური აბების დახმარებით დაკავებულის პირღებინების შედეგად “ჰეროინი”კუჭიდან ამოუღეს.
პროკურატურის მოპოვებული მტკიცებულებებით დგინდება (საზღვრის კვეთის დრო), რომ ედნარ ძნელაძემ სარფის საბაჟო-გამშვები პუნქტი გადაკვეთა 2013 წლის 20 სექტემბერს, 03.13 საათზე, ხოლო საქართველოში დაბრუნდა 2013 წლის 20 სექტემბერს 09:24 საათზე, ანუ დილით. დაკავების ოქმში ედნარ ძნელაძის დაკავების დროდ 21:55 საათია მითითებული.
ადვოკატ ნონა დუმბაძის მტკიცებით, მისი დაცვის ქვეშ მყოფი 2013 წლის 20 სექტემბერს საღამოს 21 საათზე პირადი საქმეების გამო ისევ სარფის საბაჟოზე დაბრუნდა. იგი სამართალდამცავებმა შეაჩერეს 21:55 საათზე და ჩაუტარეს პირადი ჩხრეკა; მას რაიმე კანონსაწინააღმდეგო ნივთი არ აღმოაჩნდა. 22:45 საათზე ძნელაძე კრიმინალური პოლიციის შენობაში მოწმის სტატუსით დაკითხეს.
ამ დაკითხვის შემდეგ მას გადაადგილების უფლება შეეზღუდა. ერთ-ერმა პოლიციელმა კისერში ხელი წაუჭირა და უცნობი ნივთიერება იძულებით გადააყლაპა. 00:10 საათზე ადვოკატის მტკიცებით, მას კუჭიდან ამოუღეს ნარკოტიკული ნივთიერება. ედნარ ძნელაძე 00:36 საათზე დააკავეს. დაკავებულს ბრალი ედებოდა განსაკუთრებით მძიმე დანაშაულის ჩადენაში, რომელიც ითვალისწინებს უვადო თავისუფლების აღკვეთას. მას პოლიციაში არ მისცეს უფლება დაკავშირებოდა ადვოკატს.
ადვოკატი ირწმუნება, რომ ედნარ ძნელაძის საზღვრის კვეთიდან დაკავებამდე ზუსტად 11 საათი გავიდა. თუ მან “ჰეროინი” გადაყლაპა და საზღვარზე ისე შემოიტანა, მაშინ ეს ნივთიერება წესით ნაწლავებში უნდა ყოფილიყო და არა კუჭში.
ედნარ ძნელაძე ციხეში ერთხელ უკვე მოინახულა აჭარის უმაღლესი საბჭოს დეპუტატმა მედეა ვასაძემ. დეპუტატის ინფორმაციით, დაკავებული პროკურატურას დაკითხვას სთხოვს. მედეა ვასაძე ამბობს, რომ დაახლოებით ორი თვის წინ ამ ფაქტის შესახებ აჭარის პროკურორს, შოთა ტყეშელაშვილს წერილობით აცნობა. დეპუტატს პროკურორისგან პასუხი ჯერ არ მიუღია. მედეა ვასაძე პროკურორისთვის წერილის გაგზავნას ისევ აპირებს. ვასაძე ტყეშელაშვილს მოსთხოვს წერილობით აცნობოს, რა რეაგირება (მოქმედება) ჩაატარეს მისი განცხადების საფუძველზე.
ერთი დეტალი
„ბათუმელების” ინფორმაციით, ადამიანი, რომელსაც დაკავებული ედნარ ძნელაძე წამებასა და არაადამიანურ მოპყრობაში ადანაშაულებს (“ჰეროინის” გადაყლაპვა), შინაგან საქმეთა სამინისტრომ სამსახურიდან 2013 წლის დეკემბერში იძულებით გაათავისუფლა. მიზეზი: ერთ-ერთ მოქალაქეს, რომელსაც სარფის საზღვარზე ნარკოტიკი გადმოჰქონდა, მან აცნობა, რომ იმ მომენტისთვის საზღვარი არ გადმოეკვეთა, რადგან საბაჟოზე თბილისიდან ჩამოსული კრიმინალური პოლიციის თანამშრომლები მუშაობდნენ.
ამ თემაზე შს სამინისტროში კომენტარს არ აკეთებენ. კომენტარისთვის უწყებამ პროკურატურაში გადაგვამისამართა.
თავად ედნარ ძნელაძე კი აქამდეც იმყოფებოდა პატიმრობაში და 2013 წლის იანვარში ამინისტიის საფუძველზე გაათავისუფლეს. ის ადრე ნარკოტიკული ნივთიერების მოხმარების გამო იხდიდა სასჯელს. უფრო ადრე კი შინაგან საქმეთა სამინისტროში მუშაობდა.
ამ დროისთვის შპს „ბათუმის წყალში“ უფროსის მოვალეობას მოადგილე ალექსანდრე მიქელაძე ასრულებს.
„ბათუმელების“ ინფორმაციით, შპს „ბათუმის წყლის“ უფროსის თანამდებობაზე ყოფილი ვიცე-მერის, ზურაბ პატარაიას კანდიდატურა განიხილებოდა, თუმცა მერიაში არც ეს ინფორმაცია დაადასტურეს.
თანამდებობიდან ასევე გაათავისუფლეს ა(ა)იპ ქ. ბათუმის კულტურის ცენტრის დირექტორი ნათია სურგულაძე, (ა)იპ ბათუმის კორპუსი დერექტორი, არმაზ ვარშალომიძე და შპს „ქ. ბათუმის ტურისტული ობიექტების მართვის სააგენტოს“ დირექტორი გელა დეკანაძე.
მერიის ინფორმაციით მათ სამსახურიდან წასვლაზე განცხადებები თავად დაწერეს
ნათია სურგულაძის ნაცვლად დაინიშნა ჯონი საბაშვილი, ზურაბ ნაკაიძე არმაზ ვარშალომიძის ნაცვლად, ხოლო გელა დეკანაძის ნაცვლად დავით მიქაძე.
ბათუმის მერიის ორგანიზაციებში მოსალოდნელი რესტრუქტურიზაციისა და რეორგანიზაციის შესახებ ინფორმაცია ბათუმის მერიაში ახალი მერის არჩევიდან რამდენიმე დღეში დაანონსეს.
დეტალურ ინფორმაციას საკადრო გადაადგილებების შესახებ „ბათუმელები“ ეტაპობრივად გამოაქვეყნებს.
შპს „ბროტჰერს”-ის ხელმძღვანელის თუგრუ თოქმანის განცხადებით, მშენებლობის დასრულების შემდეგ მინიმუმ 300 ადამიანი დასაქმდება.
კომპანია აღნიშნულ პროექტში დაახლოებით 20 მლნ დოლარის ინვესტიციას განახორციელებს. „ბათუმის საერთაშორისო საუნივერსიტეტო კლინიკის“ მშენებლობის პროცესს აჭარის ფინანსთა და ეკონომიკის მინისტრი დავით ბალაძე, აჭარის ჯანდაცვის მინისტრი ნუგზარ სურმანიძე და აჭარის განათლების, კულტურისა და სპორტის მინისტრი გიორგი თავამაიშვილი გაეცნენ. 120 პაციენტზე გათვლილ კლინიკაში სულ 70 პაციენტის ოთახი მოეწყობა.
დაკავებულს ბრალად ედება 14 წლამდე ასაკის გოგონასთან სექსუალური ძალადობა. არასრულწლოვანზე ძალადობის ფაქტი ქედის მუნიციპალიტეტში დაფიქსირდა.
შეხვედრაში სულ ხუთი გოლი გავიდა. ოთხი გოლი ბათუმმა მიიწერა და სტუმარი სამტრედია 4:1 დაამარცხა.
გოლი გაიტანეს:
გიორგი ბერიაშვილმა მე-4 წუთსა და 58-ე წუთზე
თეიმურაზ შონიამ 39-ე წუთზე
დიმიტრი ტატანაშვილმა 64-ე წუთზე
დავით ყიფიანის თასის 1/8 ფინალი, პირველი მატჩების შედეგი ასე გამოიყურება.
დინამო (ბთ) 4 – 1 სამტრედია
ჩიხურა 0 – 0 ზესტაფონი
დილა 0 – 0კოლხეთი
ზუგდიდი 0 – 2 მეტალურგი
მერანი 0 – 3 ტორპედო
სპარტაკი 3 – 0 საპოვნელა
ვიტ ჯორჯია 1 – 0 სიონი
მომდევნო მატჩი ხვალ, ქობულეთის „შუქურასა“ და თბილისის „დინამოს“ შორის გაიმართება. შეხვედრა „ჩელე არენაზე“ 14:00 საათზე დაიწყება.
სამინისტროს ოფიციალური ინფორმაციით, მსხვერპლი 14 წლამდე გოგონაა. „დაზარალებულს ექსპერტიზა ჩაუტარდება დღეს. მოწმის სახით, ამ დროისთვის ერთ-ერთი მამაკაცი იკითხება“- აცხადებენ პრესსამსახურში.
არჩევნებში სოფო ჟღენტმა თერთმეტი ხმა დააგროვა, ტარიელ ცეცხლაძემ კი რვა ხმა მიიღო. არჩევნებში სულ ექვსი კანდიდატი იყო დასახელებული. ჟურნალიტები საკრებულოს სამოქალაქო მრჩეველთა საბჭოში ორი წლის განმავლობაში ანაზღაურების გარეშე იმუშავებენ. საბჭოში, ჟურნალისტების გარდა, არასამთავრობო სექტორის და ბიზნესის სფეროს ორი წარმომადგენელიც იქნება არჩეული. ასევე, თითო წარმომადგენელი მერიის ტერიტორიული ერთეულებიდან.
არასამთავრობო სექტორიდან მრჩეველთა სამოქალაქო საბჭოში წარმომადგენლები, ონალინ გამოკითხვის შედეგად შეირჩევიან.
საბჭოს ფუნქციაა აქტიური მონაწილეობა მიიღოს თვითმმართველობის ბიუჯეტის განხილვაში და ახალი იდეების შემუშავებაში.
გადაწყვეტილება ძალაში დღეს, 17 ნოემბერს შევიდა. სტუდენტებს citypass ბარათების აღება „ლიბერთი ბანკში“ შეუძლით. ბარათების აღების შემდეგ, სტუდენტები, რომლებიც ბათუმში არსებულ აკრედიტირებულ უმაღლეს სასწავლებლებში სწავლობენ, მუნიციპალურ ავტობუსებში 15-იდან 20 თეთრიანი ტარიფით ისარგებლებენ. ზუსტ ტარიფთან დაკავშირებით გადაწყვეტილება მერიას ჯერ არ მიუღია.
ინფორმაციას რეგიონალური განვითარების სამინისტრო ავრცელებს. შენდება ქვანაყარი ბერმა, რომელიც შტორმისაგან ნაგებობის გამორეცხვას შეაჩერებს. მიმდინარე სამუშაოები, სანაპიროს შენარჩუნებას და მგზავრთა უსაფრთხოდ ტრანსპირტირებას უზრუნველყოფს.
სამუშაოებზე 100-მდე ადამიანია დასაქმებული, რომელთა უმრავლესობა ადგილობრივი მცხოვრებია.
აჭარის სანაპირო ზოლის ადლიის მონაკვეთი 2013-2014 წლების სეზონური შტორმების დროს მნიშვნელოვნად დაზარალდა. დაზიანდა ნაპირის გასწვრივ მდებარე ინფრასტრუქტურა, სასეირნო ბილიკის სავალი ნაწილი, დაინგრა ბეტონის საყრდენი კედელი. ამასთან, საფრთხე შეექმნა საავტომობილო გზას, რომელზეც, დღე-ღამეში, საშუალოდ, 6000-მდე მანქანა მოძრაობს.
ადლიის სანაპირო ზოლის გამაგრება სახელმწიფო ბიუჯეტიდან ფინანსდება. მისი ღირებულება 5 მილიონ ლარს შეადგენს და პროექტის დასრულება წლის ბოლოსთვის იგეგმება.
სქოლიოზით დაავადებულ ბავშვთა რეაბილიტაციის პროგრამების ბენეფიციარები სოციალურად დაუცველი ოჯახები არიან. ისინი, რომელთა სარეიტინგო ქულა ერთიან ბაზაში 0-დან 100 000-ია.
შეზღუდული შესაძლებლობის სტატუსის მქონე ბავშვთა სოციალური ადაპტაცია ქვეპროგრამის ფარგლებში განხორციელდება. პროგრამაში ბავშვის ჩართვა განხორციელდება მშობელთან ან ოჯახის სრულწლოვან წევრთან ერთად.
მხედველობადაქვეითებული მოქალაქეების უზრუნველყოფას ჯანდაცვის სამინისტრო თეთრი ხელჯოხებით აპირებს. პროგრამა პირველად 2015 წელს ამოქმედდება.
აღმაშფოთა იმ ფაქტმა, რომ სემინარების დაწყებისთანავე ლექტორები ნიშნებს თავიანთ ე.წ. „სკოლის ჟურნალში“ იწერდნენ. სკოლასა და უნივერსიტეტს შორის სხვაობა რაღაც კუთხით ხომ უნდა არსებობდეს“, – ამბობს ბათუმის უნივერსიტეტის სტუდენტი მარიამ ცხოიძე. ის ბათუმში თბილისის აღმოსავლეთ ევროპის სასწავლო უნივერსიტეტიდან მობილობით გადმოვიდა. „სიტუაცია რადიკალურად განსხვავებული დამხვდა. ვფიქრობ, ასეთი მარტივი საკითხები ისეთ უნივერსიტეტს, როგორიც ბსუ-ა, მოგვარებული უნდა ჰქონდეს. უხერხულია ნიშანი ლექტორის ჟურნალში ეძებო“, – ამბობს მარიამი.
მარიამის წუხილს იზიარებენ სხვა სტუდენტებიც. მარიტა დიასამიძე ამბობს, რომ მისთვისაც არაკომფორტულია დერეფნის კედლებზე საკუთარი შედეგების ძებნა: „დერეფანში ვეძებთ ცხრილსაც და ქულებსაც. ხანდახან, როცა ფურცელი, რომელზეც ქულებია, ჩამოხსნილი გვხდება და დროულად ვერ ვიგებთ ქულებს, ან კიდევ საგამოცდო შუალედებისას უნივერსიტეტში მოვრბივართ, რომ წინა გამოცდის ქულა გავიგოთ. ამას სახლიდან უნდა ვახერხებდეთ. ხუთი წელია მესმის ეს დაპირება, მაგრამ ვერა და ვერ გააკეთეს“.
უნივერსიტეტში ირწმუნებიან, რომ სულ რამდენიმე თვეში გადავლენ ელექტრონულ სისტემაზე. „ტემპუსის“ გრანტი მართვის ინტეგრირებული სისტემაზე გადასასვლელად უნივერსიტეტმა 2012 წელს მოიპოვა, გრანტის ფარგლებში არ იყო გათვალისწინებული ელექტრონული ჟურნალის ფორმირება, თუმცა, როგორც ლელა თურმანიძე, „ტემპუსის“ პროგრამის კორდინატორი ამბობს, რექტორის თხოვნით ჯგუფი ელექტრონული ჟურნალის შესაქმნელად დამატებით სამუშაოების გაწევს. „ამ პროგრამის დაწერაზე ვინც იმუშავებს, მიიღებს დამატებით პრემიას უნივერსიტეტისგან. თავის დროზე უნივერსიტეტმა გადაიხადა 30 თუ 35 ათასი ლარი, რომელიც ითვილისწინებდა ელექტრონული მართვის სისტემის შექმნას, მაგრამ ის არ იყო ჩვენს უნივერსიტეტზე მორგებული. მნიშვნელოვანია პროგრამა, რომელიც ინდივიდუალურად მოერგება უნივრესიტეტს“, – ამბობს ლელა თურმანიძე.
მართვის ელექტრონულ სისტემაზე გადაყვანისთვის საჭირო სამუშაოებს უნივერსიტეტის ტექნოლოგიური ფაკულტეტის ლექტორები და სტუდენტები ასრულებენ, ელექტრონული ჟურნალი ამ სისტემაში შემავალი ერთ-ერთი კომპონენტია. „ეს სისტემა ჟურნალსაც მოიცავს, პედაგოგისა და სტუდენტის შესახებ ინფორმაციას, ცხრილს. სტუდენტებისა და ლექტორების პირადი ბარათები უკვე მოვაწესრიგეთ, ასევე საგანმანათლებლო პროგრამებიც გამართულია სისტემაში. ვმუშაობთ ელექტრონული ჟურნალის ფორმირებაზე. ვფიქრობთ, შუალედური გამოცდების შემდეგ ჟურნალი და საერთოდ ეს სისტემა ამუშავდება“, – ამბობს ფიზიკა-მათემატიკისა და კომპიუტერულ მეცნიერებათა ფაკულტეტის დეკანი, ასოცირებული პროფესორი გულადი ფარტენაძე.
დეკანის თქმით, ამ სასწავლო წელს მხოლოდ პირველი კურსელებისთვის იქნება ხელმისაწვდომი აღნიშნული სისტემა, მომავალი სასწავლო წლიდან კი პროგრამით მეორე კურსელებიც ისარგებლებენ. „ყველაფრის ნახვა შეეძლებათ ნებისმიერი წერტილიდან სტუდენტებს, – ქულები, ცხრილი, ტესტირების შედეგები… ვფიქრობ, მომავალი წლიდან წერითი ნამუშევრების დასკანერებულ ვერსიაც იქნება ხელმისაწვდომი. მეორე სემესტრში დავამატებთ ალბათ მეორე კურსს, მესამე და მეოთხე კურსი ნამდვილად ვერ შევა ამ სისტემაში, ვერც კურსდამთავრებულების მონაცემები“, – ამბობს გულადი ფარტენაძე.
ირაკლი ბარამიძე, რექტორის მოადგილე სასწავლო დარგში ამბობს, რომ უნივერსიტეტი აღნიშნული საკითხის მოგვარებაზე მას შემდეგ ზრუნავს, რაც ელექტრონული გამოცდის სისტემა შეიქმნა: „ჯიპიაის“ ავტომატურად დაითვლის, სისტემა მიებმება საგამოცდო ცენტრს, რაც გაამარტივებს მუშაობას“.
ამჟამად უნივერსიტეტში ლექტორები ჩვეულებრივი ჟურნალებით მუშაობენ, ჟურნალების შემდეგ კი ქულები უწყისში შეაქვთ. უნივერსიტეტში არ უარყოფენ, რომ ეს მოძველებული სისტემა ნაკლებად კომფორტულია, მაგრამ ახალ სისტემაზე გადასვლასაც მომზადება სჭირდება. „ვნახოთ, რამდენად მარტივი იქნება გამოსაყენებლად, როგორ აუწყობენ ფეხს ჩვენი თანამშრომლები. ვფიქრობ, დაგვჭირდება ტრენინგების ჩატარება იმათთვის, ვინც გახდება ამ პროგრამის მომხმარებელი“, – ამბობს ირაკლი ბარამიძე.
„პროგრამული პაკეტის შექმნაში სტუდენტებიც გვეხმარებიან. თანხა არ სჭირდება ამ პროგრამის განხორციელებას – უნივერსიტეტის კომპიუტერულ დეპარტამენტში არის ის ადამიანური რესურსი, რომელიც საჭიროა ამ სამუშაოების ჩასატარებლად. გრანტის ფარგლებში მხოლოდ ხდება უცხოური გამოცდილების გაზიარება, ვიყავით გერმანიაში, ბელორუსსა და პოლონეთში“, – ამბობს გულადი ფარტენაძე.
„ტემპუსის“ გრანტის ფარგლებში უნივერსიტეტი კომპიუტერული მეცნიერებათა დეპარტამენტისთვის 15 ათას ევროს ღირებულების ლაბორატორიას მიიღებს, რომელიც მოემსახურება უნივერსიტეტის პერსონალის გადამზადებას სხვადასხვა ინტეგრირებული სისტემის ათვისებაში.
12 წლამდელთა შეხვედრა / ბათუმის ”ბათუმი” და თბილისის ”დინამო იბერი”
ტურნირში რვა გუნდი მონაწილეობდა სომხეთიდან, აზერბაიჯანიდან და საქართველოს ქალაქებიდან.
აჭარის ღია პირველობა აჭარის კალათბურთის ფედერაციის ორგანიზებით ჩატარდა, რომელმაც საპრიზო ადგილზე გასულ გუნდებს სამახსოვრო თასები და სიგელები გადასცა.
გამოვლენილი გამარჯვებულები
11 წლამდელთა შორის
I ბათუმის „ბათუმი“
II ოზურგეთის გუნდი
III ერევანის გუნდი
12 წლამდელთა შორის
I ერევანის გუნდი
II ბათუმის „ბათუმი“
III თბილისის „დინამო იბერი“
„ორ კატეგორიად დაიყო ჩვენი ტრენერები. პირველი კატეგორია ეს არის ტრენერი, რომელსაც შეუძლია დამოუკიდებლად ჩაატაროს ტრენინგი. ასეთი არის 54 ადამიანი. მეორე კატეგორიის არიან ტრენერები, რომლებსაც შეუძლიათ პირველი კატეგორიის ტრენერებთან ერთად წყვილში ჩაატარონ ტრენინგი. ასეთი გვყავს 19 ადამიანი. გადამზადების ჯგუფიდან მხოლოდ ოთხი ტრენერი დაიწუნეს. მათ რეკომენდაცია მიეცათ, რომ კიდევ გაიარონ გადამზადების ტრენინგები“, – ამბობს აჭარის განათლების ფონდის ბათუმის მასწავლებელთა სახლის დირექტორის მოადგილე ლალი ლომთათიძე.
ზოგადი პროფესიული უნარები, განათლების დაწყებითი საფეხური, ქართული ენა და ლიტერატურა, ისტორია, გეოგრაფია, სამოქალაქო განათლება, ინკლუზიური განათლება, ქიმია, ბიოლოგია, მათემატიკა, მუსიკა, ფრანგული, გერმანული, ინგლისური, რუსული ენები – ეს არის იმ საგნების ჩამონათვალი, რომელ საგნებშიც მასწავლებელთა სახლის ტრენერები მოქმედ მასწავლებლებს გადაამზადებენ.
„ყველა ტრენერმა ჩაატარა ტრენინგი, გარდა გერმანულისა. ამ ეტაპზე, რუსული, ინგლისური და ინკლუზიური განათლების ტრენინგები მიმდინარეობს. მასწავლებლებს არამარტო ბათუმში ვამზადებთ, ძირითადი აქცენტი გადატანილია მუნიციპალიტეტებზე. ტრენინგები ტარდება ადგილზე. მუნიციპალიტეტების ცენტრებში – ხულოს, ქედის, შუახევის, ქობულეთის საჯარო სკოლებში. ტრენერები დადიან და ტრენინგებს იქ უტარებენ“, – ამბობს ლალი ლომთათიძე.
მისივე თქმით, აპრილამდე თბილისის მასწავლებლის სახლიდან ჩამოდიოდნე ტრენერები, რომლებიც ადგილობრივ ტრენერებს ტრენინგებს სხვა პედაგოგებთან ერთად უტარებდნენ.
„თუ ვთქვათ იყო ოთხი ტრენერი მათემატიკაში გადასამზადებელი, ხოლო ჯგუფში უნდა ყოფილიყო 20 მსმენელი, ჩვენ დამატებით საჯარო სკოლის 16 პედაგოგს ვსვამდით იმ ჯგუფში“, – ამბობს ლალი ლომთათიძე.
აჭარის განათლების ფონდის ბათუმის მასწავლებელთა სახლის დირექტორის მოადგილის მიერ მოწოდებული ინფორმაციით, 2013 წლის ნოემბრიდან 2014 წლის აპრილამდე თბილისის მასწავლებელთა სახლის ტრენერების მიერ ჩატარებულ შერეულ ჯგუფებში ტრენინგებზე გადამზადდა 1413 პედაგოგი. ხოლო 2014 წლის აპრილიდან აგვისტომდე, მას შემდეგ, რაც ბათუმის მასწავლებელთა სახლის ტრენერებმა დაიწყეს ტრენინგების ჩატარება, გადამზადდა 1771 პედაგოგი.
ტრენერები ანაზღაურებას საათობრივად იღებენ. იმ შემთხვევაში თუკი ტრენინგის ჩატარება ბათუმში უწევთ, საათობრივი ანაზღაურება 20 ლარია, ხოლო თუკი მუნიციპალიტეტებში გადიან (ხულო, ქედა, შუახევი, ქობულეთი) საათობრივი ანაზღაურება იზრდება და 30 ლარს შეადგენს. რაც შეეხება ხელვაჩაურს, ამ მუნიციპალიტეტების პედაგოგებს ტრენინგების გავლა ბათუმში შეუძლიათ.
„პროფესიულ უნარებში ვატარებდი ტრენინგებს. მაისში, ივნისსა და ივლისის დასაწყისში მე და ჩემმა მეწყვილემ მირანდა გორგოშიძემ ერთად ჩავატარეთ ტრენინგები. შუახევში ოთხ ჯგუფთან ვიმუშავეთ, ქედაში სამ ჯგუფთან, ბათუმში კი ორ ჯგუფთან ვიმუშავეთ“, – ამბობს თამთა კვარაცხელია, რომელიც პროფესიული უნარების ტრენერია.
სამოქალაქო განათლების ტრენერმა თამარ გოგიშვილმა ტრენინგები ქობულეთსა და ხულოში ჩაატარა. „ქობულეთში ჩავატარე ორი მოდული, ჯამში 48 საათი, მეორე ტრენინგი ჩავატარე ხულოში, ერთი ტრენინგი ჩავატარე მარტომ, მეორე ტრენინგზე მეწყვილე მყავდა“, – ამბობს თამარ გოგიშვილი.
მასწავლებელთა გადამზადების პროგრამას აჭარის განათლების სამინისტრო აფინანსებს და მისი წლიური ბიუჯეტი ერთ მილიონზე მეტი ლარია. სწორედ ამ თანხიდან გამოიყოფა ფინანსები მასწავლებელთა გადამზადების პროგრამისთვის.
ექიმის ეთიკის კოდექსი ექიმს ავალდებულებს აღიაროს პაციენტის უფლება, მონაწილეობდეს მისთვის სამედიცინო დახმარების თაობაზე გადაწყვეტილების მიღებაში, რადგან ეთიკის კოდექსის მიხედვით, ინფორმირებული თანხმობა პაციენტთან ურთიერთობის ფუძემდებელი პრინციპია. გარდა ამისა, ექიმის ეთიკის კოდექსის თანახმად, „ექიმი პატივს სცემს პაციენტის პიროვნებას, მის კულტურულ, სულიერ და მორალურ ფასეულობებს“.
პრაქტიკაში კი ეს ყოველთვის ასე არ ხდება. მიუხედავად იმისა, რომ ექიმს კანონი ავალდებულებს ნებისმიერ სამედიცინო ჩარევაზე მიიღოს პაციენტის თანხმობა, პაციენტს მიაწოდოს (ზოგიერთი გამონაკლისის გათვალისწინებით) მისი ჯანმრთელობის მდგომარეობის შესახებ სრული ინფორმაცია, ზოგიერთი ექიმი ძალიან ღიზიანდება პაციენტის ამ მოთხოვნაზე; ან ინფორმაციას, მიუხედავად კანონმდებლობით და ეთიკური კოდექსით დაწესებული აკრძალვისა, პაციენტთან შეთანხმების გარეშე გასცემს სხვა პაციენტებთან.
ასე მოხდა ნ.ე.-ს შემთხვევაში. ნ.-ე.-მ კარდიოლოგს მიმართა კონსულტაციისთვის. სამედიცინო დაწესებულებაში მეორე დღეს იგივე სპეციალისტთან მისვლისას აღმოაჩნა, რომ ექიმმა მისი მდგომარეობის შესახებ საავადმყოფოში დასაქმებულ ნ-ს ნაცნობებს უამბო. „ძალიან უხერხული იყო. არ მინდა ვინმემ იცოდეს, რომ ავად ვარ და მკურნალობა მჭირდება. ექიმს რომ ვკითხე, რატომ უთხარით სხვებს-მეთქი, სიცილით მითხრა, რა გჭირს ისეთი, დასამალი რომ იყოსო. არ მინდა ჩემი ჯანმრთელობის შესახებ ასე გასცენ ინფორმაცია. მეტს არ მივალ იმ ექიმთან“, – ამბობს ნ.ე.
სახელმწიფო რეგულირების სააგენტოს პროფესიული რეგულირების უფროსი, პაატა ბუკია ამბობს, რომ ექიმის პროფესიულ საქმიანობასთან დაკავშირებით წელს მათთან 175 განცხადება და საჩივარია შესული – ძირითადი შენიშვნები სამედიცინო მომსახურების ხარისხს უკავშირდება. „როგორც წესი, მომსახურების ხარისხში თავისთავად იკვეთება გარკვეული ეთიკური ნორმების დარღვევის ფაქტებიც, თუმცა გადაწყვეტილება, ექიმისთვის პროფესიული პასუხისმგებლობის დაკისრების შესახებ, ეთიკური ნორმის დარღვევის საფუძველზე ჩამოყალიბებულიყოს – არ ყოფილა“, – ამბობს ის.
ექიმისთვის პროფესიული პასუხისმგებლობის დაკისრება, შეიძლება გულისხმობდეს წერილობით გაფრთხილებას, საქმიანობის შეჩერებას და გამონაკლის შემთხვევაში სერტიფიკატის გაუქმება. პაატა ბუკიას თქმით, პირველი ინსტანცია, ვისაც პაციენტმა, ექიმის მიერ ეთიკური ნორმის დარღვევის გამო უნდა მიმართოს, ის სამედიცინო დაწესებულებაა, სადაც მომსახურება გაეწია პაციენტს. სამედიცინო დაწესებულებებში, ამ საკითხს ეთიკის კომისიები განიხილავენ. იმ შემთხვევაში, თუ რეგულირების სააგენტოს ეთიკური და დეონტოლოგიური (პაციენტთან კომუნიკაციისა და მოპყრობის) საკითხების შესახებ განაცხადით მიმართავს პაციენტი, სააგენტო დეტალურად შეისწავლის საქმეს და განხილვის მასალებს ისევ დაწესებულებას გაუგზავნის.
ჯანმრთელობის ცენტრი `მედინას~ ხელმძღვანელი ჯუმბერ უნგიაძე ამბობს, რომ ექიმის მიერ ეთიკური ნორმის დარვევის გამო პაციენტები მასაც მიმართავენ. „ეს არც თუ ისე ხშირად ხდება, შეიძლება სულ რამდენიმე განცხადება შემოვიდეს წელიწადში. როგორც წესი, ეს არის ჩივილები იმის შესახებ, რომ ექიმი უხეშად ელაპარაკა, ან კარგად არ გაარკვია პაციენტი თავისი ჯანმრთელობის მდგომარეობის შესახებ და ა.შ.“ ჯუმბერ უნგიაძე ამბობს, რომ სამედიცინო დაწესებულების ინტერესებიდან გამომდინარე არავის სურს ჰყავდეს უხეში პერსონალი, სწორედ ამიტომ, ეთიკური მიზეზების გამო, წერილობითი გაფრთხილების გარდა, ერთ-ერთი კადრი სამსახურიდანაც კი ჰყავთ დათხოვილი.
ჯუმბერ უნგიაძის თქმით, გარდა ექიმების მხრიდან ეთიკური დარღვევებისა, ხშირად პაციენტიც არღვევს ნორმებს: „ბევრ უცხო ქვეყანაში ვარ ნამუშევარი და ასე არსად ხდება. როცა პაციენტს ეუბნები, რომ არ შეიძლება რეანიმაციაში შესვლა – არ ესმით, არც ის ესმით, რომ ამ კონკრეტულ დროს პაციენტის ნახვა არ შეიძლება და აქეთ გაგდებენ სინდისზე _ `როგორ, დედასაც არ შეახედებთ ერთი თვალით?~ ვეუბნებით, რომ ხილის მოტანა არ შეიძლება _ მაინც მოაქვთ, ვეუბნებით, რომ პური უფასოა, რამდენიც უნდა პაციენტს იმდენს ვაძლევთ _ მაინც სამი ბუხანკით მოდიან… დარღვევები ორივე მხრიდან არის“.
ბათუმის რესპუბლიკური საავადმყოფოს ხელმძღვანელი მალხაზ ხალვაში ამბობს, რომ ეთიკური დარღვევის გამო მას იშვიათად მიმართავენ პაციენტები. ზოგადად კი, რესპუბლიკურ საავადმყოფოსაც ჰყავს ეთიკის კომისია, რომელიც ასეთ შემთხვევებს განიხილავს. მალხაზ ხალვაშის თქმით, ეს პროცესი ხშირად თვითრეგულირებადია: „ჩვენ საკმაოდ პატარა არეალში ვცხოვრობთ, თუ ექიმი არაეთიკურად ექცევა პაციენტს, ამის შესახებ მალევე ხდება ცნობილი ძალიან ბევრი ადამიანისთვის და მას, პაციენტები, უბრალოდ, აღარ მიმართავენ. თუ პაციენტი ამის შესახებ განცხადებით მომართავს ადმინისტრაციას, მაშინ საკითხს ჩვენი ეთიკის საბჭო განიხილავს და იღებს შესაბამის გადაწყვეტილებას“.
აჭარაში პაციენტის უფლებებს მედიაციის დეპარტამენტი იცავს. ჯანდაცვის ომბუდსმენი ანზორ ბალაძე ამბობს, რომ ექიმის მიერ ეთიკური ნორმების დარღვევის გამო მისთვის ჯერ არ მიუმართავთ – „ხოლო იმ განცხადებების განხილვისას, რომლებიც ექიმების მიერ პაციენტის უფლებების დარღვევას შეეხებოდა, უმრავლეს შემთხვევაში ექიმის მხრიდან დარღვევა არ დაფიქსირდა და ადგილი ჰქონდა გაუგებრობას“. მისივე თქმით, აჭარაშიც ყოფილა რამდენიმე შემთხვევა, როცა ასეთი განცხადების საფუძველზე გარკვეულ სამედიცინო დაწესებულებებს ექიმებთან კონტრაქტი შეუწყვეტიათ.
აზერბაიჯანის დელეგაციის სამ დღიანი ვიზიტის ფარგლებში მუნიციპალიტეტის სააქტო დარბაზში საერთაშორისო კონფერენცია ჩატარდა. კონფერენციაში მონაწილეობას იღებდა დელეგატები, ქობულეთის რესურსცენტრისა და საჯარო სკოლების პედაგოგები.
კონფერენციის მიზანი ერთობლივი საგანმანათლებლო პროექტების შემუშავება იყო. აზერბაიჯანელი სტუმრები დეტალურად გაეცნენ ქართულ ზოგად საგანმანათლებლო სისტემას დასაჯარო სკოლები მოინახულეს.
კონფერენციის ბოლოს მონაწილეებს ორგანიზატორებისაგან სერთიფიკატები გადაეცათ.
DRI-ის წარმომადგენლები ერიკ მეთიუსი და ელიზაბეტ ბაუერი საქართველოში პროექტის “შეზღუდული შესაძლებლობის მქონე პირთა სხვადასხვა ჯგუფების ინკლუზიის მხარდაჭერა საქართველოში” ფარგლებში იმყოფებიდან. პროექტი ხორციელდება USAID-ის ფინანსური მხარდაჭერით.
