Batumelebi | საკრებულოს სამოქალაქო მრჩეველთა საბჭოში ჟურნალისტები აირჩიეს საკრებულოს სამოქალაქო მრჩეველთა საბჭოში ჟურნალისტები აირჩიეს – Batumelebi
RU | GE  

საკრებულოს სამოქალაქო მრჩეველთა საბჭოში ჟურნალისტები აირჩიეს

 

დღეს 17 ნოემბერს, „დემოკრატიული ჩართულობის ცენტრში“, ბათუმის საკრებულოს სამოქალაქო მრჩეველთა საბჭოს ორი ახალი წევრი აირჩიეს.  მრჩეველთა საბჭოში მედიის წარმომადგენლები ჟურნალისტები, სოფო ჟღენტი და ტარიელ ცეცხლაძე იქნებიან. 

არჩევნებში სოფო ჟღენტმა თერთმეტი ხმა დააგროვა, ტარიელ ცეცხლაძემ კი რვა ხმა მიიღო. არჩევნებში სულ ექვსი კანდიდატი იყო დასახელებული. ჟურნალიტები საკრებულოს სამოქალაქო მრჩეველთა საბჭოში ორი წლის განმავლობაში ანაზღაურების გარეშე იმუშავებენ.  საბჭოში,  ჟურნალისტების გარდა, არასამთავრობო სექტორის და ბიზნესის სფეროს ორი წარმომადგენელიც იქნება არჩეული. ასევე, თითო წარმომადგენელი მერიის ტერიტორიული ერთეულებიდან.

არასამთავრობო სექტორიდან მრჩეველთა სამოქალაქო საბჭოში წარმომადგენლები, ონალინ გამოკითხვის შედეგად შეირჩევიან.

საბჭოს ფუნქციაა აქტიური მონაწილეობა მიიღოს  თვითმმართველობის ბიუჯეტის განხილვაში და ახალი იდეების შემუშავებაში.

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე