Batumelebi | საკადრო გადაადგილება ბათუმის მერიის ორგანიზაციებში საკადრო გადაადგილება ბათუმის მერიის ორგანიზაციებში – Batumelebi
RU | GE  

საკადრო გადაადგილება ბათუმის მერიის ორგანიზაციებში

 

ბათუმის მერიის ოთხი ორგანიზაციის ხელმძღვანელი გაათავისუფლეს. მათ შორის არის შპს „ბათუმის წყლის“ უფროსი ჯანი ვარშალომიძე. ბათუმის მერიაში აცხადებენ, რომ ლევან ვარშალომიძის ნათესავი, ჯანი ვარშალომიძე არ გაუთავისუფლებიათ და თანამდებობა საკუთარი განცხადების საფუძველზე დატოვა.

 

ამ დროისთვის შპს „ბათუმის წყალში“ უფროსის მოვალეობას მოადგილე ალექსანდრე მიქელაძე ასრულებს.

 

ბათუმის მერია
ბათუმის მერია

„ბათუმელების“ ინფორმაციით, შპს „ბათუმის წყლის“ უფროსის თანამდებობაზე ყოფილი ვიცე-მერის, ზურაბ პატარაიას კანდიდატურა განიხილებოდა, თუმცა მერიაში არც ეს ინფორმაცია დაადასტურეს.

 

თანამდებობიდან ასევე გაათავისუფლეს ა(ა)იპ ქ. ბათუმის კულტურის ცენტრის დირექტორი ნათია სურგულაძე, (ა)იპ ბათუმის კორპუსი დერექტორი, არმაზ ვარშალომიძე და შპს „ქ. ბათუმის ტურისტული ობიექტების მართვის სააგენტოს“ დირექტორი  გელა დეკანაძე.

მერიის ინფორმაციით მათ სამსახურიდან წასვლაზე განცხადებები თავად დაწერეს

 

ნათია სურგულაძის ნაცვლად  დაინიშნა ჯონი საბაშვილი, ზურაბ ნაკაიძე არმაზ ვარშალომიძის ნაცვლად, ხოლო გელა დეკანაძის ნაცვლად დავით მიქაძე.


ბათუმის მერიის ორგანიზაციებში მოსალოდნელი რესტრუქტურიზაციისა და რეორგანიზაციის შესახებ ინფორმაცია ბათუმის მერიაში ახალი მერის არჩევიდან რამდენიმე დღეში დაანონსეს.

 

დეტალურ ინფორმაციას საკადრო გადაადგილებების შესახებ „ბათუმელები“ ეტაპობრივად გამოაქვეყნებს.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"