Batumelebi | ინკლუზიური ტურიზმის საერთაშორისო კონფერენცია ბათუმში ინკლუზიური ტურიზმის საერთაშორისო კონფერენცია ბათუმში – Batumelebi
RU | GE  

ინკლუზიური ტურიზმის საერთაშორისო კონფერენცია ბათუმში

 

21 ნოემბერს აჭარის ტურიზმისა და კურორტების დეპარტამენტის ორგანიზებით ბათუმში ჩატარდება II საერთაშორისო კონფერენცია თემაზე: „ინკლუზიური ტურიზმი ეკონომიკური განვითარებისა და სოციალური პასუხისმგებლობისათვის“.

 

კონფერენციის მიზანია ინკლუზიური ტურიზმის პოპულარიზაცია რეგიონში, ასევე სოციალური ინკლუზიისა და ეკონომიკური განვითარებისათვის გარემოს ადაპტირების კუთხით გაწეული საქმიანობების იდენტიფიცირება, საზოგადოების და ბიზნეს სექტორის გათვითცნობიერება და პასუხისმგებლობის გაზრდა.

 

საერთაშორისო კონფერენციაზე მოწვეულნი არიან საერთაშორისო და ადგილობრივი ექსპერტები, ევროპის არასამთავრობო ორგანიზაციათა ქსელი ENAT -ის, ასევე სახელმწიფოს ტრუქტურების წარმომადგენლები.

 

კონფერენცია  გაიმართება სასტუმრო „დივან სუითს ბათუმი“-ის საკონფერენციო დარბაზში. საერთაშორისო კონფერენციის მხარდამჭერებია: არასამთავრობო ორგანიზაცია “პარსა”, ინკლუზიური ტურიზმის საერთაშორისო ევროპული ქსელის  ENAT-ის  ასოცირებული წევრი, ინკლუზიური ტურიზმის საერთაშორისო ევროპული ქსელი.  

ნეტგაზეთის მასალების სხვა გამოცემებში გადაბეჭდვის წესი
"ბათუმელები" , ანონსი